تييكم وساوس بايخة تخص عيالكم....تعالو شاركوني

[ورد وردي]

رفع

لا اله الا الله

 

[مألوفة]

انا كله احاتيه من الخدامة كله يتراولي انها اطقه او تخرعه لين ينام وانا ولدي صغير ما يتحجى فاقول يمكن اطقه يمكن تخرعه كله موسوسة

وحتى لا راحت المطبخ كله يتراوالي بيحترق من الدهن حتى قمت احلم فيه احلام مو زينه اتخرع والله افز من النوم والمه حيل وابجي الحمد لله والشكر بس الله يحفظ الياهل والله كريم

 

[ورد وردي]

الله يعينا

رفع

 

[أميرة طفولتي]

الله يعينا على هالوساوس

والله لو مو العازه مايبت خدامه جان انا الي اجابله بس منو يمسكه وقت دوامي
الحمدلله خدامتي زينه ماشاءالله
بس هم الواحد يخاااااااااف دايما اتييني افكار تخرع استغفر الله العظيم
اخاف يتل الاوتي ويطيح عليه اخاف يدش المطبخ بدرايته ويروح صوب الجوله
ودااااااااااايما اخاف يطيح مني وانا نازله من الدري
من كثر ما اخاف من هالسالفه احس صج فاولت عليه

ريلي كان يبي يطلع وشايل ولدي معاه
وانعكفت ريله وبغى يطيح منه بس الله ستر ومسكه عدل

من عقب السالفه قمت استغفر وااايد كل مايتني فكره
ودااايما اردد اللهم اني استودعتك طفلي يا من لاتضيع ودائعه

 

[جوزائيه مغروره]

استغفر الله

نفس الشي انا بعد

ومرات احلم بهالسوالف كثر ما احاتي وافكر

 

[ترف بابا]

انا حيل اوسوس بعد

لان الله يصلحه يحب يتعبث ويحورف

رايح السطح هذاك اليوم ومتعبث بمحول الكهربا ااااااااااااااااااااا والله يعينا يارب !

 

[ورد وردي]

الله يصلح الحال يادب

 

[PuPa^^SWeeT]

انا نفسج والله احاتيهم بالحضانة


وهمن اذا طلعو ويا ريلي اول كنت اموت من الخوف


الحين عادي اقووله اخذهم ابي بريك

 

[ورد وردي]

سبحان الله صج امهات والمحاتات شي اساسي في الام .......... لكن المفروض يكون بشكل منطقي لان بالنهاية كل شي مكتوب

الله يسهل الامور يارب

مشكوريييييييييين عالردود

 

[لينوفر]

اختي ورد وردي اكيد هذا اول طفل لج

لان انا كنت احاتي اكثر منج لدرجه اني ماقمت اطلع من البيت حتى اهلي مابي اروح لهم

بس مقابلته وابجي خصوصا اذا مرض او اذا قاعد يرجع بس ابجب معاه

لين صار فيني قالون وجرثومه بالمعدة كله من النفسية والكل يضحك علي يقولون بس عشانه اول واحد وفعلا حملت وجبت الثاني والحمدلله تغيرت نفسيتي حيييييييييييييييييييييييييل

والثاني ماكنت احاتيه نفس الاول لاني عرفت على قولتهم لانه اول واحد

والحين الامور طبيعية يروح مع خواله او عمانه او ابوه ولاداق ولااسال

والله يفرج عليج

 

[ورد وردي]

مشكورة حبيبتي لينوفر عالرد الحلو وجزاج الله خير الله يريح بالج دايم ان شاء الله

 

[والله مادري]

انا مثلج ويمكن اكثر مو قادره بس افكر والله مو متنهيه بحياتي والله من الخوف والحين مو قادره اسجلها بالروضه صراحه خااايفه عليها اتخيل احد يطقها من اليهال ولا يصير فيها شي استغفر الله بس والحين البيبي الجديد زاد الوسواس عندي اذا تنفس بسرعه مت خوف واذا مانام اخاف اقول فيه شي واذا نام ساعتين متواصلين اروح اقعده خايفه اااااخ بس وكل موعد عند الطبيب اخاااااااااف الله كريم الله يحفظ عيالنا يارب من كل شر يارب

 

[بقاياالليل]

انا مثلج ويمكن اكثر مو قادره بس افكر والله مو متنهيه بحياتي والله من الخوف والحين مو قادره اسجلها بالروضه صراحه خااايفه عليها اتخيل احد يطقها من اليهال ولا يصير فيها شي استغفر الله بس والحين البيبي الجديد زاد الوسواس عندي اذا تنفس بسرعه مت خوف واذا مانام اخاف اقول فيه شي واذا نام ساعتين متواصلين اروح اقعده خايفه اااااخ بس وكل موعد عند الطبيب اخاااااااااف الله كريم الله يحفظ عيالنا يارب من كل شر يارب

حبيبتي والله مادري الله يحفظ لك اطفالك وتشوفيهم يكبرون قدام عينك وتفرحين فيهم وانتي بخير يارب

انا للان ماتز وجت وصعبه اتفلسف بس ودي اقولك هاذي كبها وساوس ياقلبي من ابليس لاتحرمي اطفالك من ان يعيشو اعمارهم وحياتهم من سبب خوفك عليهم انتي الي ببتتعبين وشيء طبيعي الاطفال يلعبون ويطيحون ويتعورن ويطاققون مع اصحابهم وعيال العائيله
انتي كدا تخلي الي حولك واقرب الناس يتضايقون ويمكن مايفكرون يمسكون عيالك ابد
بكره ان شاءالله لاكبرو بتكون شخصيتهم من الداخل حيل ضعيفه

لاتزعلي مني ياليت تقري كتب بهالخصوص او تراجعي مختص
الله يخلي اطفالك لك يارب ويرزقني :yaaaaaarb:


ويااااااحريم لاتنسوون تحصنون اطفالكم دايم وتستودعوهم الله

 

[krkosha]

انا نفسج واخس بعد

طول الوقت عندي اخاف ينزل عند حمولتي وطول ما اهوه تحت حاطه ايدي على قلبي اخاف يطلع السكه صاير يركض عند باب الحوش
واخاف السواق يشيلونه ويلعبون معاه مع انهم بشر والله ادري ومحد احسن من احد بس كله تطري علي سوالف العماله وشيسون باليهال

الحين وصلت لي مرحله ماعندي علاقات اجتماعيه نهاييا لارفيجات ولا طلعات مع اهلي واذا بطلع مع ريلي اخذ ولدي معاي والله قلبي يعورني عليه اخاف عليه واااايد بشكل موطبيعي

وفوق كل هذا امس كنت بالافنيو اتسوق واقفه بالكيو بزارا شوي ويوصل دوري ,, سمعت ياهل يبجي والله بغيت اموت قطيت كل الاغراض اللي بايدي ورديت البيت

كل ما اسمع ياهل يبجي اتخيل ان ولدي فيه شي ((

 

[مألوفة]

تصدقين انا من ورى موضوعج هذا وبكثر ما اوسوس وديت خدامتي المكتب

خفت منها وما ابي خدامه بعد لاني حلمت 3 ايام ورى بعض بولدي اتخرع ومن اوقوم من النوم فازة المه حيل وابجي ورابعه يوم جان احلم بخدامتي ايدها مقصوصة فخفت ووديتها المكتب

 

[ورد وردي]

اي حبيبتي دام حلمانة فيها زين سويتي وترا قلب الام يحس انا اذا طلعت وخليت ولدي نايم او شي احس جبل قاعد على قلبي بنفجر لما ارد البيت مع ان نايم ماراح يأذيها وتطقة بس اقول يمكن تييها وشه براسها الله يكافينا الشر ويحفظنا عشان جذي اخذة معاي .........

الله يعينا يارب ويحفظ عيالنا

بس انا اشوف هالشي صح الحرص من الخدم تخيلي مرة خدامة منحاشة ومخلية 2 يهال شافوهم ناس بالسكة طالعين والحمدلله ربج ستر ............ لان الي ربج حافظة ان شاء الله مايضرة شي عشان جذي لازم ما نوسوس ونتوكل على الله بس بدون اهمال

 

[eman84]

الله يحفظ اعيالنا من كل مكروووه يارب

وان شاء الله ماكو الا العافيه انا اخاف علي بنتي وااااايد و ماخليها تطلع الا معاي احس لازم تكون جدام عيني و ما اثق كله اقول يمكن يغفلون عنها واهيا توها صغيرونه سنتين ونص

والحين بدخلها حضانه و احاتي بس بقوي قلبي و الله خير الحافظين

 

[SARA*]

حبيبتي كنت صغيره وسامعه جارتنه كله تكول الطفل في ملائكه تحرسه وانا الحين عندي بناتي اخاف بس مو هالكثر والحمد لله ماعندي خدامه بس اكثر شي اخاف واحرص التحرش الجنسي لان بنات وبعدهن صغار بس من الحين بدات اعلمهن العيب والحرام

 

[ورد وردي]

صح حبيبتي سارة وبخصوص التحرش الجنسي ما تنلامين احس البنت حتا الخدامة الي تغسلها لازم تكون ثقة لا تسوي فيها شي الله يحفظنا ويحفظ عيالنا

المخاوف الطبيعية شي مطلوب وطبيعي بس المخاوف السخيفة والخيالات اهي الس لازم نتخلص منها

 

[thahb_q8]

ماله شغل اذا ياهل واحد انا بناتي واااااااايد اخاف عليهم .. حتى رحلات المدارس مااوافق عليها واذا وافقت بعد تفكير الف مره واقعد ايدي على قلبي وكل شوي اطل على تلفوني اتخيل ان السايق مال الباص دايخ.. ماننلام صايرة عندنا حرب شوارع اللهم ياكافي مو اوادم حتى اختي مارضى يروحون معاها الا نادرا لانها وايد تلهى بالبي بي لما تسوق لوووووووو شنو ماخليهم ادري اني غلط بس ماقدر اغير اللي فيني