تييكم وساوس بايخة تخص عيالكم....تعالو شاركوني

[غرامي زمانك]

كنت متوقعه ان بس انا اللي فيني هالحاله لكن بقولج شنو صار معاي من كثر الوسواس : شكثر كنت احاتي ولدي واخاف عليه حتى من النمله وشكثر أتخيل اشياء تصير فيه مثلا اخاف اذا طلع مع ابوه احد يخطفه وابوه ماينتبهه او يطيح او يضيع ,, لكن امي نبهتني قالتلي شوفي الحريم يتركون عيالهم ومتوكلين على الله وماصار في عيالهم شي وانتي من كثر ماتتفاولين على ولدج دايما يصير فيه شي ,, وقالتلي ان انا اجيب هالاشياء حق ولدي واخر شي قالتلي قولي دعاء استودعتك الله الذي لاتضيع ودائعه ومحد احسن من ربج يحفظه لج ,, وفعلا من بعدها توكلت على الله وصرت اقول هالدعاء دايما والحمدلله ليما شوي شوي راحت مني هالافكار

 

[ام علي الصراف]

السلام عليكم
والله انا عندي بنيتي وحيدتي عمرها الحين سنتين اسم الله عليها ووايد اخاف عليها واوسوس بس ما ائمن لاحد الا ابوها لانه اهو بعد مثلي واكثر ومن الحين احاتي شلون اذا راحت الروضة وحتى طلعاتي محدودة واذا بطلع بس علشان اونسها واهي اسم الله عليها تسوي شغلات خطرة لدرجة صار لها فترة اي شي تخليه باذنها او بخشمها ولازم تجرب كل شي بلسانها ومو قادرة عليها عنودية وعصبية من جذي من اقدر ائمن عليها عند اي احد بس ساعات اطفر واتعب بس بعدين احمد ربي واسأله يحفظها لي ويهدي سرها قولوا امين ويحفظ عيالنا يارب.

 

[q8 knosha]

والله انا نفسج مرات يطلع مع ابوه و مره حماتي خذته اهوا وخدامته مع عيالها والله اقعد افكر وحاتي همم جذي يدعمون الله لايقولها

ومرات وانا بلبيت تاخذه الخدامه بتنزله تحت اقعد اوسوس لاتطيح من الدري اهيا معاه سمله عليه

وهم بلحمام تكرمون هم افكر واقعد اقول لاتزلق فيه لما تغسله واايد اوسوس

 

[Um Waleed]

مرحبا اختي

انتي نفس حالتي ..

الصور اللي تجي على بالج هذا اسمه وسواس قهري يعني الموضوع نفسي بالدرجه الأولى

حاولي تبعدين هالصور عن بالج .. تدرين اني دايم تجي على بالي صور فضيعه زوجي يصير فيه

حادث لا سمح الله .. اتطلق .. ولدي يصير فيه شي .. اتخيل الموقف بتفاصيله واقعد ابجي وفجاه

اسكت واتذكر انها كلها هواجيس وابعدها عن بالي وهذا جزء من العلاج .. طبعا في ناس ياخذون ادويه

ويراجعون اخصائي نفسي اذا الحاله قويه لكن انا متوكله على الله واهم شي انا واعيه ان اللي يصير معاي

سببها اضطراب قهري واللي اتخيله اوهام .. حاولي تبحثين بالنت عن انواع الوسواس القهري تراه مو بس نوع

واحد اللي هو النظافه .. لا في كذا نوع