تييكم وساوس بايخة تخص عيالكم....تعالو شاركوني

[ورد وردي]

السلام عليكم

بنات انا اعاني من شغلة ما شوف رفيجاتي نفسي والله هالشي معذبني وبشوف منو نفسي وشنو نسوي والي ماتقدر تساعدني تدعي لي بقيامها وصلاتها تدعي لورد وردي والله يستجيب يارب


بنات انا كلة اتخيل اشياء ماتطري علا بال احد مثال عشان تفهمون انا اخاف ولدي يروح مع ابوه مكان عمره 4 سنوات حتى حضانتة انا اوديه واذا خليت ابوه يوديه مارتاح لما ادق اسأل قطيته اتخيل استغفر الله يدعمون تخيلو حتى رحلات الحضانة اتخيل اشياء تضيق الخلق
اخاف حتا لما يدقون علي الحضانة مع ان ممكن يكون شي عادي


عفيه انتو مثلي؟


رفيجاتي حاطين حق عيالهم باص او سايق وانا حاطة الدنيا فوق راسي ما شاء الله عليهم مايدقون حتا عالسايق عندهم اكيد وصلو ان شااء الله

بس انا مينونة


شسوي يابنات منو كانت مثلي ونجحت تغير نفسها


وجزاكم الله خير

 

[G!RLooNa]

شوفي انا مو ام بس امي و ابوي مثلج و العن منج بعد

انا الحين عمري ٢١ و لي الحين المحاتات ماكلتهم يكسرون خاطري من كثر محاتاتهم ساعات احس انهم يخنقوني لو اقولج اصلا شسوون بعمرهم ماراح تصدقيني!!

تلاحقي على عمرج والله مو زين المحاتات المرضيه جذي تقصر العمر اذا ما افتكيتي منها الحين منتي مفتكه منها طول عمرج :/

 

[الأميرة جوري]

المحتاه علي اليهال عادي بس بطريقه مو طبيعيه موزين انا احاتى اذاماقدرت اروح ابوهم خذاهم لطبيب اتصل عليه واذيه....بس نفس طريقتج موزينه شوفي اقتنعي اذا الله كاتب له شيء لاسمح الله والله لو بحضج ماراح تسوين شيء....انا اذكرقصه قالها الشيخ محمد العوضي ان وحده كانت دوووووووووم تخاف علي ولدها ودوووم حاسه انه بيموت بحادث وفعلا مات بحادث والسبب فاولت عليه الرسول قال صلي الله عليه وسلم:تفاءلوا بالخير تجدوه ..انا قاعده اطمنج ما اخوفج توكلي الله بكل شيءواستودعيه الله كل مايطلع انا اسوي جذيه ...والله يحفظه لج وتشوفينه معرس يارب

 

[ورد وردي]

مشكورين بنات عالرد

الاميرة الجوري والله ضيقتي خلقي انا مو متشائمة هذا وسواس او خوف مرضي

 

[احلى الاسامي]

والله العظيم نفس الحاله الحين بنتي تبي تدخل سنه اولى ابتدائي بجري طبعا واحاتيهامن الحين شلون تتأقلم ومنو يؤديها ويجيبها خائفه من السواقين والله بعيني على نفسي استغفر الله*

 

[noo7a]

انا نوعيتي جذي
وايد اوسوس و احاتي
هالشغله كلش مو زينه وايد متعبتني
مرات من التفكير احس خلاااص مخي تعب

 

[غنوة ستايل]

انا قبل اوسوس
بس الحين لا الحمد الله .. متوكله على الله وتاركه كل شي ع الله

 

[ريماا]

ولله انا احااتى اذا فى سبب يخلينى احاتيهم يعنى اذا عندى خدامة جديدة اخااف حيييل من نفسيتها انها تكوون مريضة نفسيا وتاذينة
اخااف اذا كانت معصبة لوو قديمة ولو شنوو ماخلى عيالى عندها
اما بالمدرسة ولله يمكن اهو المكان الوحيد لللى ماحااتية واحس حييل بامان فيه باذن لله
صج مراات افكر باموور تخوف عاامة يعنى اخاف اذا كان حوالى واختفى لاسمح لله او نازل المطبخ اخااف واوسوس لان مكان خطر عااطفل
بختصار مثل ماقتلج اخااف اذا فعلا فى سبب لكن اقعد واسرح انة بيصير شى هذا وسوااس اشوي تعوذى من الشيطان وستودعيهم ربج

 

[ام ناصر 2009]

انا نوعيتي جذي اوسوس وأحاتي
هالشغله كلش مو زينه وايد متعبتني
مرات من التفكير احس خلاااص تعبت
انزين بنات شنو العلااج انا حيل احاتي ولدي حييل ودوم اوسوس انه يصير فيه شي
تلاقيني كل يوم اقرا عليه وأحصنه واستودعه
ربي يحفظهم ويبعدهم عن كل شر يارب

 

[opera]

اخاف على عيالي بس مو جذي

انتي فيج وسواس و الوسواس من الشيطان .. ويتراوالي هذا وحيدج ماعندج غيره

لا تفاولين على عيالج بشي مو زين ترا اللي يصير لنا اهو نتاج افكارنا


انا اخاف على ودلي واحاتيه مثلا اذا طرشته عند يدته تحت .. احاتي اخاف طلع برا السكه ولا بالحوش فادق اطمن انه نزل عندها

اخاف اذا خليت الخدامه توديه الحمام مثلا .. اخاف تسويله شي

اخاف اذا قام يحووس عندي بالمطبخ


يعني خووف طبيعي

بس والله بيطلع مع ابوووووووووه حبيبي درب السلامه روووح اطلع خليني شوي اقعد بروحي اشوف شغلي او اسوي شي حق نفسي ..


الحل انج تتعوذين من ابليس و دايما فكري بشي زين له و خليه يطلع يستانس

 

[ورد وردي]

مشكورين بنات جزاكم الله خير ريحتوني

ريما صح كلامج انتي خوفج حلو دليل الحرص ان ممكن اذا الخدامة يديدة او معصبة ما تأمنينهم عندها

اوبرا صح كلامج والله ....................... بنات يعني سالفة ان ممكن يصير حادث سالفة مو منطقية صح؟؟؟؟؟؟؟؟ تخيلو انا ريلي يقول عني اني اشكرة ماعرف اسوق ومع هذا يخليني اودي ولدي الحضانة

اقوله شلون تأمن وحتى مايدق يقول ها وصلتو ؟؟؟؟؟؟؟ يقول عادي ليش اوسوس


يارب افرجها علي ادعولي بنات

وانا اشوف الحل اني ادوس على قلبي واعاند نفسي واخليه يوديه ليما اتأقلم شرايكم؟؟؟؟؟؟؟؟؟؟

 

[@ام يوسف@]

تعوذي من ابليس واتكلي على رب العالمين

 

[cramela]

انا ما اامن احد علي عيالي صعب حيييييييييييل واكذب الكل واموووووووووووت اذا خليتهم مع ابوهم ابيه تحت انظري والود ودي محد يجيسهم ولا احد يشوفهم انا العن منج بس الظروف اجبرتني بس مو قادره اتخلص من هالسالفه عادي لا تحاتين انا مثلج

 

[جذابه بنت ذيابه]

حبيبتي كلنا جذي انا العن منج والله لدرجة الهلوسه والله العظيم .. الحمدلله صار لي اسبوعين كل اقرا عليه
واحصنه واذا راح مع ابوه او نزل لحمولتي اقوله استودعك الله في ولدي فاحفظه لي من اعين الانس وانفس الجن
وادعيه واجد .. واتاكل على الله

 

[ورد وردي]

انا لما اقارن نفسي مع الوسط الي انا فيه احس اني غير عن الناس حتا اهم يقولون لي جذي مجنونة

 

[jawaa]

طبيعي أنا مرات لما اطل من دريشه ولدي بيدي اقول يمه لو يفلت مني اسم الله عليه شبيصير فيني لما افقد حسه بس استغفر واقول الله الحافظ يحفظه لي ذكري الله ولاتحاتين بس هم لاتهملين خلج محافظه بس مو موسوسه

 

[مسك81]

والله ياقلبي انا نفس حالتج وهذا الشي وايد متعبني

 

[ورد وردي]

بعد بنات عفيه ابي تجارب اكثر

 

[كويتيه مذهله 87]

مو كثري حبيبتي
انا لدرجه كنت حامل يااني ضغط من كثر المحاتاه والنفسيه وكل مارحت مراجعتي يرتفع ضغطططططططي بالعلااالي طول فتره حماالي بالمستشفي علشان ضغطي واذا ماتحرك اب بطني اظل اكل اكل لمن يتحرك يالله ارتاح وان ماتحرك اروح اسوي سونار
وقلت متي اولد وارتاح من الوسواااس ولمن ولدته ماتغير شي كلا احاتيه لدرجه والله مرات ما انام كل دقيقه اطل عليه احاتي كنبل علي وييه واشوف يتنفس ولا لأ
واذا بسبحه امسكه حيييييييييييل وقلت حق ريلي اشترلي اسفنجه كبيره لان كلا افكر اكيد بطيح مني ويزلق

وولدي الحين 6 شهور وهمن احاتي بكل شي والحين بعد اذا وكلته احاتي يغص كلا اهرس الاكل عدل مدل واطل بكل لقمه اذا مهروسه عدل

ما ادري اذا انا مريضه او طبيعي


انا كل اسبوعين اروح حق شيخ يقرا علي وعليه وللاسف ماكو فايده الوسواس بياكل قلبي

 

[ورد وردي]

الله يعينا يارب ويعطينا الحرص بعقل وبدون وسواس

الله يفرج علي وعلى كل وحدة مثل حالتي ونكون طبيعين بمشاعرنا وتفكيرنا يارب



يلله بنات ترا لما اقرا الردود استفيد وتستفيدون