تهاوشت مع مرت أخوي قام أبوي وطردها

[روائع الجوري]

حرام عليكم بنات هذي وحدة متزوجه وساكنه مع حمولة وكلنا نعرف طبع الحمولة اسفه حبيبتي صاحبة الموضوع يمكن مرت اخوج مسكينه ومتضايقه وتبي تسكن بروحها وانتو ماتبون فتعمدة تسوي مشاكل عشان تسكن بروحها انا طفارتي البنت تحط دوبها دوب مرة اخوها انا اخوي الكبير احب عندي من كل الدنيا ويوم يتزوج انشالله بحطه يوم بكره فوق راسي وتذكري ياصاحبة الموضوع انه مرت اخوج انطردت بسببج يعني الحين اهي قاعده تدعي عليج واذا كنتي ظلمتيها واحد بلميه دعائها مستجاب هذى غير ان كل جماعتكم بيدرون انج سبب طردها لانها اكيد بتمشي وتتشكى منج ويمكن الناس تاخذ فكره انج نسره وخرابة بيوت سوري ما اقصدج انا اتكلم بشكل عام انها اكيد بتسب فيج ويمكن هذا يوقف نصيبج لا سمح الله حبيبتي كل شي الى مرة اخوج حرام تنقصين عليها حياتها انا متأكده اهي ماتكرهج مني والطريج اكيد فية اشياء بينكم من اول وتقبلي وجهة نظري بدون زعل انتي عرضتي الموضوع تبين الصراحة ماتبين مجاملة مستحيل ابدا اكون سبب في طرد انسان انتي حتى خليتي شكلها جدام زوجها زفت جان طنشتيها المرة شايلة عليج وايد باين لما طقتج انها متروسه منج الله يسامحج ويسامحها ويصلح بينكم يارب ويجعل بينكم ربي مودة ورحمه وخوف من الله

 

[كادى الحب]

اللة يهدى النفوس

 

[تذكر خافقي رمحك]

الله يعينج اخوج شكلها نسرررررة حدها
والاحسسن انكم تتقون شرها وتخلونها تسكن بعيد عنكم

 

[مــــزون]

حرام عليكم بنات هذي وحدة متزوجه وساكنه مع حمولة وكلنا نعرف طبع الحمولة اسفه حبيبتي صاحبة الموضوع يمكن مرت اخوج مسكينه ومتضايقه وتبي تسكن بروحها وانتو ماتبون فتعمدة تسوي مشاكل عشان تسكن بروحها انا طفارتي البنت تحط دوبها دوب مرة اخوها انا اخوي الكبير احب عندي من كل الدنيا ويوم يتزوج انشالله بحطه يوم بكره فوق راسي وتذكري ياصاحبة الموضوع انه مرت اخوج انطردت بسببج يعني الحين اهي قاعده تدعي عليج واذا كنتي ظلمتيها واحد بلميه دعائها مستجاب هذى غير ان كل جماعتكم بيدرون انج سبب طردها لانها اكيد بتمشي وتتشكى منج ويمكن الناس تاخذ فكره انج نسره وخرابة بيوت سوري ما اقصدج انا اتكلم بشكل عام انها اكيد بتسب فيج ويمكن هذا يوقف نصيبج لا سمح الله حبيبتي كل شي الى مرة اخوج حرام تنقصين عليها حياتها انا متأكده اهي ماتكرهج مني والطريج اكيد فية اشياء بينكم من اول وتقبلي وجهة نظري بدون زعل انتي عرضتي الموضوع تبين الصراحة ماتبين مجاملة مستحيل ابدا اكون سبب في طرد انسان انتي حتى خليتي شكلها جدام زوجها زفت جان طنشتيها المرة شايلة عليج وايد باين لما طقتج انها متروسه منج الله يسامحج ويسامحها ويصلح بينكم يارب ويجعل بينكم ربي مودة ورحمه وخوف من الله

حبيبتي كلامج كله موصحيح وميزانج أعوج اسمحيلي
الموقف واضح ومبين منو المخطي ومنو الي على حق
وعلى فكره مرت أخوي من أول زواجها طالعة شقة والي صار كان بالزوارة اهي مو ساكنة عندنا
وحتى إذا كانت ساكنة عندنا الي سوته عيب وقلة حيا وبنات العوايل المحترمة مايسوون سواتها
تتخانق معاي على سالفة يهال وتغلط علي وتدزني وتقولي ذلفي ونفسيتج خايسة وولي وتقولين أنا غلطانة وممكن أكون ظالمتها
أمرج غريب والله شكلج انتي قاعدة بـ بيت حمولتج ومضايقينج
أنا مرت أخوي الصغير اهي الي قاعدة عندنا وتعالي شوفينا آنا معاها مثل الخوات طلعاتنا وروحاتنا ورداتنا ومشاويري كلها معاها
عمرها ما شكت منا وعمر أهلي ما تدخلوا بحياتها
وعمر أحد من الناس شكا منا الحمدلله احنا ناس مبتعدين عن المشاكل
وأبوي طردها لأنها زودتها والمفروض هالشي كان يصير من زمان
أول ما تزوجت تهاوشت مع ريل أختي بعدها أختي وراها مرت أخوي الصغير بعدها أختي الصغيرة تالي مع بنات عمتي وبالأخير لفت علي آنا
معقولة كلنا غلط واهي الصح؟!
واهي ما انطردت بسببي اهي انطردت بسبب وقاحتها وطولة لسانها وعدم حشمتها لأحد
وإذا اهي بتدعي علي فالدعوة راح ترجع عليها
وكان على بتوقف نصيبي فما تقدر كل شي مكتوب ومقدر
وإذا على جماعتنا بعرفون إني سبب طردها على قولتج فراح يتشمتون فيها لأنه اهي متهاوشة مع بنات عمتي كلهم وما تكلمهم
وبنات خالي ما تواطنهم لأنهم ملتزمات ومتغطيات من فوق لتحت
واهي وحدة ما تحب الناس متهاوشة مع الكل وتتكلم على أهلها
شترجين منها هذي؟!

 

[bal8es]

ماتشوف شر قلعتها

درب الي يودي ماييب خل تولي

والله انا حاسه فيج مرت اخوي اخيس من مرت اخوج قطيعه قلت ادب ولسان طويل وعدم احترام

ومره تهاوشنا ومدت ايدها علي تخيللي واثر الطقه ظل مطبع برقبتي وريته ابوي وراح زفها حسافه ما طردها وفكنا من شرها

وكاهي كل يومين والثالث صاكه هوشه قطيعه

الحمدالله ابوج فككم من شرها والله احسن لكم ارتاحو في بيتكم بعيد عن المشاكل ودوخة الراس ودام اهيا ماتبي تحترم نفسها محد يحترمها
<< عصبـــــــــــــــت لني عايشه المووقف

 

[Unusual]

صدق الي قال البيت بيت ابونا ويجوا الغرب وياكلووووونا ..
يعني انا مااعرف الناس شلون وصلت لهالدناءة في بيتي وترفعين صوتك علي ..
عموما الله يعينكم عليها .. بس حاولوا تهدوا اللعب معاها اذا مو عشانها عشان خاطر اخوووكم ..
مو يقولوا عشان عين تكرم مدينة .. خووووفي بكره تلعب براااسه ..
وهالااشكال ماينفع معاها الا الرسميات ..

 

[ألدلآل]

إي والله ابووووووووووووج زين يسوي فيهأ

و انتي غلطانه جان رديتي عليها :~(

 

[غرق بالماي]

والله تستاهل الحين على هاليهال تسوي جذي عادي واذا هاوشتي ولدها عمته وتهاوشه وييييييييع

انا مااحب الحريم اللي جذي

 

[ƒⱥ6ǿØǿღ]

زين يسوي ابووج معاه حق شنو كل مرة تهاوش وتسكتون لا مما يصير لازم توقفونها عن حدها

 

[مــــزون]

ماتشوف شر قلعتها

درب الي يودي ماييب خل تولي

والله انا حاسه فيج مرت اخوي اخيس من مرت اخوج قطيعه قلت ادب ولسان طويل وعدم احترام

ومره تهاوشنا ومدت ايدها علي تخيللي واثر الطقه ظل مطبع برقبتي وريته ابوي وراح زفها حسافه ما طردها وفكنا من شرها

وكاهي كل يومين والثالث صاكه هوشه قطيعه

الحمدالله ابوج فككم من شرها والله احسن لكم ارتاحو في بيتكم بعيد عن المشاكل ودوخة الراس ودام اهيا ماتبي تحترم نفسها محد يحترمها
<< عصبـــــــــــــــت لني عايشه المووقف

والله مادري حريم الإخوان ليش مايتسنعون يعني ناس يعاملونهم بطيب المفروض مايطلع منهم إلا الطيب
آنا وايد أسمع ناس تعاني من حريم إخوانها مادري ليش مرت الأخو ماتصير مثل الأخت تحبج وتخاف عليج وتحترمج
وإذا مايبون يحبونا لايحبون بس خليهم يحترمون عالأقل
وبصراحة حر قلبي لما ذكرتي مرت أخوج مدت إيدها عليج حسبي الله عليها لهالدرحة معدومة ذوق وأخلاق
الله يعينكم عليها ولاتضايقين حبيبتي ربج موجود ومايرضى بالظلم ياخذ حقج إن شاء الله

وفديت قلوبكم كل الي ردوا ماقصرتوا عسى الدنيا ماتقصر عليكم بخير يارب​

 

[حالة حنان]

قلعتها ابوج طردها اكيد شاف وسمع اشقالت اكيد تعدة حدودها
وبعدين الولد ولدهم ولد ابوه شايل اسمه وهذي عمته يسوون فيه اللي يبونه اهله وبكيفهم مالها حق اتهاوش
ولا منين جابته من الشارع صج ناقصة عقل هبله موصاحيه
السموحه انا معاج ضدها

 

[mo0onya]

والله قهرتيني عليج يا روحي انتي ترى الي مثلج ما يعيشون ودايما حقهم مأكول وضايع ..
انا عكسج لو سوت لي جذي والله اقوم امردغها وادوس ببطنها ! >> انفعلت معاج .. هههههه

بس جد حبيبتي لازم تغيرين طبعج .. عشان تعيشين هلمره ابوج موجود ترا مو كل مره موجود يدافع عنج !

 

[رواضي قطر]

الله يهديكم

 

[girl k.s.a]

هههههههههههه ياحليله ابوج وربي يعجبني
مو مثل بعض الابهات يايصير بصفها او يسكت
اذا هي من سنين وهي كذا ع قولتج تستاهل ماجاها وجزاها واقل من جزاها

 

[مشتاقة الى الله]

عقبال حرمة اخوي وهي تنطرد
لا احترام ولا حشيمة
الله يهديها ويفكنا شرها يارب

 

[خل وملح]

بصــراحه زين يسوي ابوج فيها ،،
دام اخوج سكت ولا عرف يعلمها حدود التفاهم وهذيلا جهال واذا ماعلمتيهم واهم صغار علي الصح والغلط بيتمادون واهي الله يهديها ماعندها تفاهم واضح عليها .. وانتي من نفسج قلتي ان صار لها سنين واهي تدوس وتهاوش فيكم خليها تعرف ان الدنيا موواقفه عليها هذي عوبه وشايفه نفسها ،،،،،،،،،

آفــ آفــ ماحب هنوعيه

 

[نووووونا]

اذا السالفه بالضبط جذيه

زين سوى ابوج فى ناس ما ينفع فيهم الاحترام على قولة المصاروه ناس تخاف ما تختشيش لووول

 

[غداً القاك]

ابوك ماقصر ماشاء الله

 

[عاشقة هواك]

صج في ناس ما تستحي

 

[ميس المشاعر]

حبيبتي هذي الظاهر طاحت ميانه معاها وااايد
والمفروض قدركم من قدر اخوكم
وانتي كلامج ما في شي شالقدرة ما تبيج تكلمين ولدها كليش طينتها موووصج
الله يهديها بس