تهاوشت مع مرت أخوي قام أبوي وطردها

[جلكسيه اس 3]

انتي صح و تصرف ابوج صح
معقوله سنتين و مو راضيه تتغير
معناته اهيا جذي و بتم جذي

 

[om al ghaleen]

مرت آخوج تقهر صراحه وزين صار فيها جذيه
علشان سوالف يهآل تفرق بين آخوان

اكرره هالنوعيه بين الناس حتى لو كانت أختي
تحط عقلها بعقل ياهل
اصلا الياهل يزعل منيه وبنفس الثانيه يرضى
ويتم عتب الكبار سنين وسنين
صج عقول صغيره هالناس "

ماعليج حبيبتي لاتحسسين نفسج انج ماعرفتي تردين
ترا اسلوبج معاها كان راقي راقي ويدل ع اخلاقج الحلوه "

 

[lolayasmeen]

الله يهدي النفوس

 

[قطوووة]

شكل ابوج ماطردها من فراغ اكيد ملوعه جبده

من عمرنا اليهال يتهاوشون عادي بس الكبار مانتدخل الا لما نفاججهم مو نزيد الهواش

 

[ام _خلودي]

حياتي تدرين منو الغلطان بالموضوع اخوووج الا ماعرف يسنع مرته كان المفروض لمارحت تشتكي عليج جان قالها عمته وتكسر راسه وانت اذا سكتي مو معناته انج ضعيفه شخصيه بالعكس هذا يدل علي قوه شخصيتج وشلون قدرتي تتحكمين بااعصابج لان هالموقف لوصارلج برا البيت ومع ناس مافيه صله قرابه بينج وبينهم اكيد راح يكون تصرفج غير بس لان اخوج كاسر ظهرج وماتبين تخربين بيته وتصرف ابوج عدل خليهم ينقرصون شووي مع انه العووي طوول عمره عووي وووسعي صدري حياتي يما بتشووفين بهالدنيا اشكال غريبه عجيبه

 

[روانتي 12]

وعليكم سلام ورحمة الله وبركاته..,

انا اقول دامها اهيا راعية مشاكل زين ابوج سو فيها هالسواة عشان حتى انتو تفتكوون منهاا

 

[المرتاحة]

خل تولي دفعة مردي

صراحه مرت اخوج قليلة ادب وزين سوا فيها ابوج لا تحشم ولا تحترم

 

[هذاك أول]

شوفي انا بقوولك الآشكااال هاذي ماينفع معهم الا كذا هي شكلها تسمع مشاكل الحموات وان مرت الاخو تفرض شخصيتها ومن هالكلام وصدقت نفسها ماتدري وش تتهاوش عليه مريضه صدقيني مريضضه والي سواه ابوك عين العقل واحسن شي برررا افضل كلمه للناس قليلة الحيا الي ودهم بس يفرقون شمل العايله ويخربون البيوت المتهنيه ماعليك منها طاااااف خليها تولي ومصيرها ترجع لكم وتعتذر منكم واحد وااحد طنشي

 

[العين الكحيله]

زيـن يسوي فيهــآ

 

[Melazlaza]

قلبي عورني عليج وايد حساسة وماتبين تجرحين احد طيبتج تطغى عليج
ابوج ما تكلم الا لان عارف طبعج ويدري تنج محترة و ماتردين بس تخشين بقلبج فما هان عليه تظل الحرة بقلبج

الموقف انتهى بس اذا حسيتي مرة ثانية ان في احد تمادى معاج ردي بأدب ردود تسكت مثل هالموقف جان قلتي الحشيمة مو لج الحشيمة لاخوي وعطيتيه نظرة تخليه يستحي
ترى عطيتج حل بس انا نفسج ماعرف ترد فعادي وايد مثلج لا تتضايقين

 

[مــــزون]

حبيبتي عندي سؤال ( لان عندنا نفس النموذج ) وكل مره اسأل نفسي وما الاقي جواب

اخوج شنو كانت ردة فعله لما سوت جذي ؟؟
واذا الجواب سكت .. ليش سكت ؟؟


اما ابوج بوسيه على راسه لانه حكيم
زين سوا فيها
لان هذي عمرها ماراح تريحكم

بس انتي لا تتضايقين انتي ما خذيتي حقج لانج ما تنزلين لي مستواها
فلا تحترين لانها انكشت من بيتكم وهذا اهم شي
والفال حق اللي في بالي يارب عاجلا غير اجل

أخوي كان طول الوقت ساكت ماقال إلا كلمة وحدة قالها هدي لاتصارخين
وسكت لأنه شايف إن اهي الغلطانة أهانتني في بيتنا وآنا ساكته
وأخوي أول ما طلع من بيتنا وداها بيت أبوها وقال لأبوها علمها ترى اغلطت على أهلي
وكل أسبوع زواره لازم تسوي مشكلة
في البداية أبوها وقف معاها لكن أخوي قاله كلمة سكته
قاله عادي أنا ألحين في بيتكم أصارح على ولدك وأقوله يلا اذلف
سكت أبوها وعقلها وردها بيتها
والحمدلله أبوي برد جبدي اليوم قال لأخوي مرتك إذا بتدخل بيتنا تتأسف من مزون وجدام الكل
والله يعينكم على الي عندكم


ومشكورين خواتي كل الي ردوا بردتوا جبدي بردودكم الله يبرد قلوبكم يارب
فديتكم أحبكم والله خففتوا عني

 

[الحــــياة]

والله هي غلطت عليج وتصرفهآآ ماتستحي صرآآحه؟

بس ابوج كان ماتدخل وترفع عن سوالف الحريم وخذيتي حقج بنفسج..بس اخوج هو بدآآاها

بس ابوج مبين مايرضآآ عليج الله يخليه لج يآآرب ياحلو فزعة الابووو بس..

بس شرهتي على اخووج شلون يتدخل الجهال يتهاوشون ويردون عادي!!

 

[بنت عطا]

خل تولي زين سويتوا فيها مومتربيه

 

[حلاتي بذوقي]

انا اشوف انتي سويتي الشي الصح لانج مارديتي عليها وحقرتيها
وعلشان جذي اهي عصبت اكثر لانها من النوع اللي تحب الهواش
وهالنوع ماينفع معاهم الا الطناش وانتي باين عليج ماتحبين الهواش وماتبين اهلج يتفرقون بس اهي ماهمها
وابوج يمكن صح ويمكن خطا اهو لانه انفعل ومااقدر يصبر علشان جذي طردها وماقعد يسب فيها
بس لو اهو قاعد معاها اهي وريلها وتفاهم معاهم كان احسن
باين عليكم عايله هاديه وماتحب المشاكل بس مرت اخوج العكس
والله يهدي النفوس يارب

 

[ڕۆۆحــي ڣــڍااگ]

الله يهدي النفووس خيتو

 

[*الغاليه*]

تصرررفج جداااا سليم واذا دل يدل على ترربيتج لانج ماراددتيها ونزلتي لمستواها

وللاسف بهالزمن اغلب النااس عبالهم طوالت اللساان وقلت الادب اهي الصح

وابووج تصررفه صحيح ومبين منبطه جبده منها ومو اول مره تغثه لان لو اول مره مو معقوله يطردها

عااادي اختي عندنا وعندج خير هذي وحده الله يهديها ويردها لعقلهاا حاطه دوبها ودوب اخت زوجها لين انطردت من البيت
وتعالي اسمعي الحجي والسوالف وتنقل الكلاام ,,,,بسسس طاااف

واحسسسن اسلوب لمثل هالاشكااال الحقراان والتطنيش وتخلين اللي اكبر منج يتصررف علشان ماطيح براسج

واهم شي بالموضوع اخوج لاتقطعين فيه اسألي ودقي واعزميه مهما كان هذا لحمج ودمج

وبتقولين انج متضاايقه علشان ماتعرفين تردين بعصبيه ونرفزه نصيحه خليج جذي
لاتحاااولين تغيرين من روحج لانج لو عصبتي وسبيتي وتنرفزتي محد بينغث غيرج بتقعدين تلومين بروج لييش ولييش

خلي قلبج نظيييف ولا تكرهين احد ....باااجر كل وااحد بينام بقبره ويتحااسب على كل شي سواه

والله يكفيج شررها وشرر اشكالها ,,,​

 

[pinkoosha]

زييييييييييين يسوي فيهااااا,, يزااهااا واقل من يزاااهاااا
هالناس ما يبيلهم الا جذي مو كفو احترام,,, اخوج لو يدري انها مو غلطانه جان ما سكت يوم انطردت
واذا انتي مضايقه انج ما تقدرين تاخذين حقج, رب العالمين بياخذه وكا الوالد ما قصر خذا حقج و بزود,, الله يخليه لكم ويطول بعمره يارب

 

[هجووورة]

الله يخليلج ابوج
وطول عمر الحريم ناقصات عقل ودين
اذا مالقوا شي يتخانقون عليه حطوا اليهال سبه
زين سوى ابوج خليها واشكالها يعرفون ان الله حق
واخوج مبين انه خروفان واعنده شخصيه

 

[(حكاية قلب )]

حبيت موقف ابوج صراحة
زين الي سواه فيها
=)

 

[ريـمـآأن..}]

مو معقولة في ناس جذي ما تستحي..

يعني لا حشمت أخوج اللي هو زوجها ولا حتى حشمت راعي البيت اللي أهو أبوج..
هذي الظاهر مغصوبة تزوركم و مالقت إلا إنها تسوي سالفة عشان ما تضطر تزوركم مرة ثانية..
وإنتي لا تتضايقين ولا شي..لو إنها سنعة جان حشمت أبوج على الأقل,, مو قاعدة في بيته و تصارخ على بنته..

هزلت والله..​

معاها