تكفووووون متزوجه او غيررره دشي شوفي الضيم اللي شفته واحكمي .

[احلى سماء]

شوفي هذا عيب الشفتات مافي نظام حياه
انا زوجي جذي شفتات ساعه قاعد بالنهار وساعه قاعد بالليل

 

[cute manar]

مو شفتات حياتي
هي شخصية وطبائع رياييل

 

[bnt-alri7]

الله يعيييييييييييييييينج

كملي كملي حبيبتي


احناااااا متاااابعيييييييييييييييييييينج

 

[جنون الحلوه]

رد : تكفووووون متزوجه او غيررره دشي شوفي الضيم اللي شفته واحكمي .

والله كسرتي خااااااااااطري صدقيني حموااتج يغااااااااااااااااااارون منج اكييييييييييييد وانتي كملي مالج شغل اهتمي بنفسج وبمكياجج
وتراا لي مته ماتقولين لمج او ابووج قووليلهم هم مايصير ترااا مايدروون الله يووفقج ياااااااااااااااااااااااااااااااااااااااااااااااااارب

 

[الهـوى الغايـب]

فدييييتج يا قلبي والله حاسه فيج ...
سالفتج تشبه سالفتي بس فيها أختلاف أني تطلقت قبل لا يتطور الموضوع ..وأنا مثلك للحين بالعده ..

الله يكتب لج اللي فيه الخيييير والصااالح يارب ...
أكثري من الدعاء والأستغفار و أرقي نفسك وان شاء الله ربي بيصلح حالك ياااارب ..

..

 

[هيبة ملك]

خيرة لج ياقلبي

وعسى الله يعوضج باللي يعرف قدرج

هذا مو كفو زواج

 

[ليتني مـآ كبرت]

الله يعوضج بأحسن منه ~

 

[شقرديـه عالطل]

صج انه خلصت االسالفه وتطلقتي وافتكيتي بس السبب منج لانج سكتيله من الاول ورديتيله والشغله الثانيه الحسنه الوحيده اللي سواها فيج انه يقذف بره عارف نفسه

 

[السهل الممتنع]

رحنا قعدنا في بيت اهله وطبعا اهو كله طالع ومخليني في بيت اهله وانا قاعده ع النت وكانت مره حماي العروس اللي معاي
حاامل وقاعده معاي وكانت تسولف لي عن علاقتها بزوجها قبل الزواااج وتمدحه حييل وتقول انه جااب لها شبكه وصادف العيد
وجااب لها عيديه وقعدت معااه وانها تكلمه وانهاا ثاني يوم من العرس الصبح طالعه اهي ويااه يتريقون بره وتعشوا بره من ثاني يوم
واناا زوجي بس خاامر وناايم وع لااعت جبدي منه ..المهم واهله مسافرين صار يوم الجمعه وطلع لدووامه جاان يقولي الله اليوم
جمعه قلت ليش قالي عشان تروحين لاهلج وافتك منج انا انصدمت ابحلق عيوني واخزه قلت حمدلله والشكرر وطلع راح لدوامه
طبعا هالحجي الساعه 6 الصبح ويرد الساعه 2 ولما رجع من الدووام راح بيت اهله وانا كنت بشقتى اخذ ملابس وشغلات واتصل
علي قالي وينج رحتى لاهلج قلت لا شكلي بريح شوي مراح اتغدا عند اهلي احس انى تعبانه جااني الشقه واناا منسدحه بفراشي جا
صوبي طبعا احنى اسبوع عند اهله ما نام معاي في بيت اهله وحتى لما جا الشقه بس جذي لمني واوهو يمي بس بعرف في رجال توه
متزووج ما يشتاق زوجته انا زوجي غريب لماا صار العصر قمت وبدلت وكشخت قلت بروح لاهلي قالي اوكي روحي ونايم ما كلف ع
عمره يوديني المهم رحت وانا طالعه من البيت صار لي حااادث اتصلت ع زوجي ما يرد علي واتصل مايرد يمكن خمس مرات جان يقولي
الرجال عطينى رقم معزبج انا اكلمه احس انه فهم ان زوجي معفن ليش ما ادري جاان اتصل ع اهله قلت خلوو احد يجيني او السايق
لما يجي المحقق جاان تقولي اخته اوكي وطاااف محد جااني الا زوجي يرد ع الرجال يعنى تخيلوا انا اتصل ما رد علي شااف رقم غريب رد
وجاا مكان الحاادث حتى ما قالي حمدلله ع سلاامتج تدرون شنو قالي ؟؟ قالي قعدتيني من عز نومتي اماانه بنات هذا انسان طبيعي
والمصيبه باب سيارتي متهشم ويقول حق الرجال امش ماكو شي طقه بسيطه انا مت قهرر .. ولما رجعت البيت قالي اناا بصلح السياره
وامشي انا اوديج لااهلج قلت له رقم غريب ترد وانا ما ترد علي يقولي انا مو قاصد وقطنى عند اهلي ومشا وما كلف ع عمره يقول لابوي حمدلله ع
سلامت بنتك عمي او شي لا صج انه ردي وقطنى وثاني يوم اتصلت عليه اقوله تعال يقولي انا طالع مع ربعي السينماا قلت اوكي ثالث يوم قالي
انا عندي ناس بالديواانيه قلت اوكي ولما صار بالليل اتصلت عليه واكلمه بموضوع الحمل وجذي جاان يعصب ويتنرفز يقولي شكو تروحين
تفحصين انا مابي اعيال ومثل ما قلت لكم اهو لما يناام معاي يقذف برا بعرف في انساان طبيعي مايبي اعيال ؟؟؟؟ ورابع يوم قلت يالله تعال
اخذني الا خواته جاييين من السفر ورايح ماخذ اخته لشقتي يقولها شوفي شقتهاا وصخه طبعا انا 4 اياام مو بالشقه وقبلها كنت نايمه في بيت
اهله لانهم مساافرين والله والله والله يابنات ان شقتى مو وصخه بس اهو تكرمون لما يستخدم الحمااام وصاخته اعزكم الله وراه وان الفراش حوسه
والزبايل كلها كلينكسسس وتكرمون نعاله محذفين بالاارض وملابسه محذفين بالارض اماا الشقه انا متاكده انهاا نظيفه قبل اطلع وطبعا حماتي الكبيرة
مرررريضه فيها هوووس نظافه يعنى تلمس كل شي بطرف اصبعها وتطالع الغبرره تصدقون انهاا تجيب كلينكس معطره وتنظف علب العطورات عن الغبره
كل يوم وتمسح الجاام بطرف اصبعهاا المهم اتصل علي زوجي قلت متى تجي قالي راح اجيج بالليل متاخر هذا رابع يووم قلت شنو بالليل متاخر انا مو نايمه
وقاعده من الصبح جااان يصرخ علي نعم نعم تملين شرروطج يا رفله يا وصخه شقتج وصخه انتى ماتعرفين السنع اناا قلت شنو شنو ؟؟؟ اوووكي يعنى السالفه
جذي والا شوي مرسل لي مسج شوفي يا بنت الناس انتى وصخه وشقتج وصخه وانا علمت امي واختى عن رفالتج وقالوا قطها عند اهلها لين تتعلم السنع والنظافه
اناا هني انفجررت ورحت اانادي ابوي وامي قلت تعالوا شووفوا المسسسج وشافوه ابوي انجن لانه يعرفني عدل قالي امشي اللحين الشقه بشوفها بعيني
وخذيت امي وابوي ووديتهم شقتى امي انجنت وابوي انصدم يقولي والله ما ينقال عنها وصخه لو 1 % والوصاخه كلها وصاخته وزقايره قلت شفتوا قالي اي
وهني ابوي قالي شيلي اغراضج وامشي معاي طبعا زوجي ما صلح السياره وع حطت ايدي سافطهاا ولاا مصلحها الردي ولاا شي بس شااطر يتطيب ع
حساب الاواادم المهم اتصل عليه ابوي قاله شفيك ع البنت قال انا ابي اقرصها شووي قاله ابوي خير انشااء الله تخيلووا لما خطبنى قاله ابوي انا معطيك اغلى
بناتي ويمر يووومين الا امي تتصل عليه يعنى تبي تصلح تخيلووا قعد يقول لامي كلام غريب علي ويقولها انى مقصره وانى ما ادري عنه وانى ما اسوي له ولا
احط له ولا شي انا انجنت من جذبه وقلت لامي شنوو هذا والله جذب بجذب امي درت انه يجذب قالت خليه يولي بعد جم يوم الا الااخ مرسل لي مسج دينى هههههه
موتني ضحك جان ارد عليه قلت ليه سويت جذي ؟؟ جان يقولي بس لانج ماتعرفين السنع قلت اوكي دامني ماعرف السنع لااترسل لي شي وبالليل اخته
الصغيره تكلمني تخيلووا قايل لخوااته انى قلت لاترسل لي شي وقايل لهم كل سوالفي وكل شي يدور بيناا وشنو البس وشنو احط ووين اروح ووين انعزم
سكت وطفيت جهازي وكنت حيل متضاايقه .. مر ثلاث اساابيع الا ابوي قالي بابا باخذج عمره شرايج قلت اوووكي ببلغ زوجي قالي اوكي
ارسلت له مسج بروح عمره ما رد علي .. الاا اخته تتصل علي قلت لها اناا ارسلت لاخوج مسج بروح عمره مارد علي كلميه اوكي قالت زين
جاان ارسل له مسج ثاني قلت شفيك انا زوجته وبسافر ماقدر اسافر الا بامررك موافق والا لاا ؟؟ جان تتصل اخته تقولي يقولج بتروحين روحي انا شكو.
قلت اوكي اشوي الا اهو مرسل لي مسج يقولي انا شكو فيج روحي وين ماتبين انتى مو زوجتى وعن قريب توصلج ورقتج ..جان اضحك قلت ليش ؟
عشاان الشقه وصخه ؟؟ ترا ع فكرة امي وابوي راحوا الشقه وشافوها مافيها شي من الوصااخه .. قلت ع فكرة انا مو ناسيه كلاامك لي اول عرسنا
لما تقولي انا كارهج مو قادر اطل بوجهج جاان يقولي انتى بايديج تخليني احبج او اكرهج قلت الله يهديك ومع الااياام راح يبين منو الظالم ومنو المظلوم فينا
وقلت له تبيني اجيب لك شي من مكه ؟ جان يقولي مابي منج شي قلت اوكي راحتك .. جان يقولي تعالي اخذي باقي اغراضج .
رديت قلت له قلت كلها خلااقين وتفداااك تبرع فيهم بس تكفى في ساعه فلنتينو تعز علي .. جان يرد يقولي باجر ارسلهم مع السايق قلت له الله يهديك
وترا ماله داعي انت رجال كبر عقلك .. رد علي يقولي انا رجال غصبن عنج ولو انى مو رجال امي واختى ما قالوا لي ودها عند اهلها تتعلم السنع
قلت شوف حبيبي اللي تبيه راح يصير لا تعصب اوكي .. رد علي قالي انتى طالق والله انج طالق وقسم بالله انج طالق انا عايفج ولا تتعبين روحج معاي.
رديت عليه قلت لا حول ولا قوة الا بالله ورحت ارسلت لاخته مسج قلت حسبي الله ونعم الوكيل انا عديتج اخت كبيره واخرتها تكبرين راس اخوج علي
يعنى لو انج قايله المره كانت ماسكه بيتنا واحنى مسافرين والشقه مافيها شي روح رجع زوجتك طبعا زوجي مطيع جدا لاخته جاان ما طلقني ..
شووي الا طليقي مرسل لي مسج يقولي ياوقحه اختى مالها شغل وهذا قراري ولاتتعرضين لاختى بشي لا اكرهج عيشتج .. رديت عليه قلت بليز
لا ترسل شي انا مو ع ذمتك اللحين .. جان يرد وانتى فكينا من شرررج .. طفيت جهاازي ورحت لامي وابوي وقلت لهم جذي وجذي السالفه
اهلي انصدمووا يقولون ماكو سبب مقنع للطلاق شكو يطلقج انتى ماسويتى شي .... قعدت ابجي قلت المصيبه انى ما سويت شي ووقمت خريت
الااكوو والماكوو وقلت لامي وابوي كل شي وشلون يعاملنى ابوي خرت دمعته يقولي لعنبوووج اناا حي وهذا يسوي فيج شنو ع شنوو صابررره .. وثاني
يوم يتصل عليه ابوي قاله شنو السبب ليش طلقتها ويقوم يصارخ بوجه ابوي يقوله انا بنتك عايفهاا ومن اول يوم تزوجتها وانا اتصيد عليها الزلات قال حبيبي
عايفها ماتبيها تجيبها عندي انا اكلمك ع اللي مسويه فيها انت رجال ؟؟ ترا الرجال ما يسوي جذي ويقوم يصارخ اي انا رجال انا رجال هسسستر قاله ابوي انت
ماتستحي والشرهه مو عليك اناا مالي كلاام معاك اانا كلاامي مو ابوك واخوانك اناا زوجتك عشان ابوك ومن هالكلاام وسد التلفون بوجهه ... هالحجي كان
الساعه 1 ونص بالليل الا الساعه 4 الفجر مرسل لابوي مسج يقوله شووووف الحشمه مو لك وانت مالك حشمه ولا قدر عندي والصلبي احسن منك يارجال
وخرا عليك وع بنتك امااانه هذا انسااان عاقل ؟؟؟؟؟؟؟؟؟؟؟؟؟؟ طبعا ابوووي انصدم يطالع المسج شنو هالحجي راح ابوي ونادا اخواني واتصل ع
عمامي يقولهم شوفوا هذا شنو يقووولي ؟؟؟؟ الكل انصدم واختى لما كلمت اخته الا لسانها شطووله ومطلعيني انا غلطاانه وانى عوووبه ومركبينى سوالف وانى
اهااوش خدمهم مالت عليهم وع خدمهم وانا والله حتى ماعمري طلبت قلااص الماي من خدمهم وتخيلوا مسافرين ومخلين الخدامه تراقبني شنو اسوي وين اروح وين
اجي وانى انا كله مقابلتهم ومادري عن زوجي وتخيلوا اهم يتصلون علي يقولون تعالي وياخذني زوجي كل يوم يودينى ويقطنى عندهم عشاان اهو يسهر مع ربعه
انا اقعد معاهم وسوالف مطلعين عنى انا انصدمت .. اخوي اتصل ع طليقي يقوووله شوف اختى طلقتها عادي اختى باجر يجيها نصيبها وتتزوج بس
تقوول لابوي الصلبي احسن من والله ما اخليييك وبعدهااا بيووومين الا الاخ مرسل لي مسج يقولي ( تبقين غاليه يا ام فلان ) وقمت
غيرت خطي وانتظر العده تخلص ..

شرايكم بنات
تكفووون ابي دعواتكم لي وتدعوون ع كل من ظلمني ..

 

[الهـوى الغايـب]

حسبي الله ع الظالم الله فوقهم وياخذ حقوقنا منهم ... والله لا يضيق خلقج ولا شي

والله واللي اسمه الله انه بيعوضج سبحانه ع كل اللي شفتيه

والشاطر مايوقف الوقت ويصيح عليه ... الشاطر اللي يمشي ويسبق الوقت ..

انسى افتحي صفحه جديده وبعد العده اللي هي ثلاث قروء بتنسين كل شي سبحانه له حكمه في العده ...
بس ترى الورقه مهمه لازم يرسلها لج ....لا تسكتين ويقول هذه مهمله الموضوع وماتبي تتطلق وبعدين يعلقج

واحسن شي تسوينه انج تروحين مكه وتخسلين نفسج بزمزم والله يتقبل منا ومنك ياااارب ويعوض صبرنا خير ويجبر كسرنا يا رب
ولا تسينا من الدعاء .. الله يوفقج ..

..

 

[الهـوى الغايـب]

هذا كلام م.بدوره في احد المواضيع اللي تخص الطلاق ..

والله بنات انا ادري انه فيكم قهر واحباط من نفسكم ومن المجتمع حولكم




وادري مرات تقول والعياذ بالله ليش انا يصير فيني جذي والعويه العوبة مرتاحه بحياتها

ومرات يمكن تقولين هل قراري بالانفصال كان صح



ومليون فكره تخطر ببالج وادري انج مرات تحتاجين انج تفضفضين وتسولفين بس عمركم ما سألتو ليش الريال ينسى بسرعه طلاقه اسرع من المره ؟؟




تتدرون ليش لان الريال خلاص احتر شهر شهرين ثلاث بس بعدين خلااااص ينسى ويعــــــــــــــــــــــــــــــــيش حياته حتة عياله مرات ينساهم لانه اهو يتقبل الامر مايفكر ليش انا سويت جذي ليش انا ماسويت جذي مايتكلم او يفتح طاري السالفه خلاص طلق بعد شهر اتسكر الموضوع عنده ونقطه على السطر وعاااش حياته





لكن احنا نقعد نسولف ونعيد السالفه مليون مره ونبي ننسى اخاف بس ننسى (( انا اول وحده مرات اسولف بهالموضوع )) بس صار لي فتره طويله صاكه الموضوع ماا اسولف مع اي احد عنه واذا احد فجه اقووول وييييييييييييييييييه شخباري او اقول الله معاه شدراني عنه

وتصدقون اني نسيت وحتى والله العظيم شكل طليقي نسيته واذا تذكرت موقف بيني وبين نفسي مااييب طاريه حق احد وسبب تذكري يكون اني اللحين وضع محايد فلما افكر بلي كان يسوي لي اتتشف واقتنع انه قراري كان عقلاني وسليم ميه بالميه






خواتي الحياة ما وقفت على طلاقنا .... تطلقنا طيب بنات اشرف الخلق عليه الصلاة والسلام تطلقوو ... بنات الصحابة رضى الله عنهم تطلقوو ورب العالمين رزقهم و ابدلهم بازواج احسن واخير منهم .. حفصة بنت عمر بن الخظاب رضى الله عنهما لما تطلقت منو خذت هاا ؟؟ وزينب بنت جحش رضي الله عنها لما كرهت بس كرهت انها من شرفاء قريش تزوجت من ربيب للسول عليه الصلاة والسلام اقل منها شان لو تلاحظون سبب الطلاق كان بس نفورها من زوجها مو للعيب ديني او فساد اخلاقي لأ بس كرهت نسبه هل رب العالمين عاقبها او الرسول عليه الصلاة والسلام ادانها او اهلهاا قالو لها لا تطلقين ...؟ وبالنهايه عندكم معلومه ان زواجها هو الزواج الاول والوحيد الذي عقده الله سبحانه وتعالى من السماء السابعه ..



اللي بوصل له الطلاق مو الحكم بالاعدام علينا لا بالعكس اهي تجربه لازم ولابد نتعلم منها وماراح نتعلم اذا قعدنا نتحلطم ونلطم ونبجي على اطمام المرحوم







لا تخلين رجل فاسد غير سوي يكرهج بالحياة او يخليج تفقدين الثقه برب العالمين لا بالعكس رب العالمين يحبج لان نجاج منه ماتدرين شنو كانت عواقب انج تواصلين حياتج معاه




حبيبتي اختي عيشي حياتج خلااااص انسى ماقدرتي تناسي وصدقيني راح تنسين سكري موضوعه وقولي منو هالحقير (سوري ) بس منو هالانسان اللي قاعده اضيع وقتي وكلامي وتفكيري عليه .. انتي طليبتي الطلاق هذا كان قرارج انتهينا ونقطه ع السطر



واللي تطلقت غدر من زوجها بالعكس تحمد ربها انها نجاها من انسان خاين مايخاف الله ويلعب ببنات الناس




حمدوو ربكم خواتي لان زال عنكم ورفع عنكم النقمه والغثى اللي اخذ من عمركم جم سنه



طولت عليكم ادري بس حبييت اوسولف معاكم شوي :gathering:

 

[afesa]

والله كسرتي خاطري وانشالله يعوضك اللي احسن منه ..انتي فعلا مظلومه واهو ما عليه حسافه ..الله فكك منه ومن عمايله ..لا تضيقين خلقك وحاولي تنسين اللي طاف كله وانسي هالفتره وشيليها من حياتك ..عيشي حياتك ولا يهمك والله يخليلك اهلك ..
طلبي من ربك انه يمسح على قلبك وينسيك ...وانشالله فتره وتعدي ..الله يعينك ويصبرك ويرزقك باللي يسواه

 

[شقرديـه عالطل]

الحمد الله على كل حال
وحمدي ربج انه مارزقج بيبي منه
وبصراحه طلاقج يعتبر بشاره مع هالاوادم
ووع

 

[Spanish Princess]

احس بغصه

الله يعوضج منه بمليون مره

وخل نشووف منو بيفيده باجر

 

[blue diamond]

ان جانه جذي ففراقه عيد ابصراحه
والله يعوضج خير ان شاء الله

 

[3so0ola]

بلاااا عين بلا حجي فااااضي
السالفة وااااااضحة
اهو ماتكن عشان جذي لايعة جبده منج
وهم ارد واقوووول
اللي ما تتزوج حبيبها تتزوج حبيب غيرهاااا
هالكلام قاعدة اشوووفه 90٪
دااااايم يشكون البنات من أزواجهم أهمالهم وجفاهم وانه مالهم خلق زوجاتهم
ليييييييييش ؟؟
لانه تلقين مغصوووب علييييج
وفي بباله وحدة
أنا ما أعمم لكن الأغلب
والله يكوووون بعووونج
وعيشي حياااتج ولا تتحسفين
ريااال بداله ريااال شنو يعني ما توقف الدنيا عليييه
حمدالله عندج اهل وكاملة والكامل الله

 

[شوكلاطه]

رد : تكفووووون متزوجه او غيررره دشي شوفي الضيم اللي شفته واحكمي .

الله يعوضج بالي يستاهلج

حيبتي انتي غلطانه من البدايه شكو خواته ؟ من البدايه لامج هذا ماتادب تمادى وخواته لقوج لعبه

حسبي الله ونعم الوكيل وشكلهم ناسين ان الدنيا دواره

مصيرهم يندمون ووهو بكبره يندم انتي عيشي حياااتج وماعليج

 

[LA TROO7]

حبيبتي

عفيه عليج متحملته من اول يوووم وهو يقول انا ماطيقج

اللي مثله المفرووض تسووين حفله على طلاقج منه

وتكدي ان الله بيرزقج بشيخ شيخه وهالقذر الخامل مايستاهل دمعه من عينج

 

[** باربي **]

يا بعد عمري يا حياتي والله عورتي قلبي

انا اعرف ضيم الرياييل عدل وخاصه لي جذبوا وحطوا الغلط فيج ويقولون اشياء خياليه واعذار تافهه
مثل ما تحطلي ما نضفت مني مسكت الباب فيها جراثيم تقولين الاخ الحين مقطع النظافه ما جنه معفن قبل الزواج ولا تدري عن داره ام ولا اخت غير الخدامه اذا تكرمت وحطتله اعتبار ولا وفوق هذا يمكن يعز هالخدامه اكثر من مرته الي شايلته وقايمه فيه باللي تقدر عليه وتحاول تكسب رضاه وصار امه واخته حرييصين على بيئته الصحيه وينهم قبل!!

شوفي اول شي ريلج ما يتحسف عليه لانه ما فيه شي يعوض شي ..ريال :
قليل احترام
وصخ
تنبل
بخيل
السانه زفر
حاقد عليج وكارهج
مو محترمج

يشين فيج جدام اهله
هاملج
همجي
دفش
يدخل اهله ويطلع حياتكم ومشاكلم عندهم
يتكلم بزوجته
ما عنده حشيمه
جذاااب
منافق
ايده اطويله عساها الكسر قولي آمين
مستهتر
ما محترم اهلج
سهير
غبي
نومه وحياته مقلوبه ومعفنه




كل هذا يمكن يهون عند انه


خاين وراعي بنات وخرابيط وخيانات
يعني كل شي من هاذول الوحده مرات تهد ريلها عشانه ومرات تستحمل
واهوا جامع كل شي ..ولا الخيانه معاهم
الخيانه هاذي بروحها مشكله وسبب طلاق ووايد حريم وبيوت وما يتسامح عليه
ولو انه ريلها زين بكل النقاط الي ذكرتها سخي وطيب ورومانسي وذرب ويقعد معاها ومحترمها ويقولها احبج بس خاين ما تقعد عليه


عند المرة لو ريلها كل يوم يطقها بنعال ولا انه يخونها ..الا سالفه المرة !!
وهذا الوصخ فيه كل شي وصخ مثله
وعساه ما يتوفق ولا يتهنى هالنذل وربي يكسرة بدنيته مثل ما كسرج وانتي عررروس واهله هاذول ناس خمه واانا اتعظت اقول لاخت ريلي شي يلعن ام الخباثه بس احنا على ويهنا تخيلي مرة ايام الملجه صار بينه وبني خلاف وقعدت ابجي ما اسكت ابداره منقهره ومجروحه ويحاول يسكتني خاف حسني هسترت بجي قام نادها اهيا تحت بالنفاس يعني تكلمني وانا عالويهه عبالي لمن تقولي انتي مثل اختي من قلبها ويا حبيبتي قولي الي بقلبج انا اكلمه من قلبها وقعدت اقولها السالفه تدرين شسوت ...!!
بدال لا تصير عون صارت فرعون طبعن عرفت بعدين قايلتله زوجتك تقول خل يحط اباله انا مرة اطلع وادش وادش وما عندي انه ريلي يطلع ويدخل وانا قاعده واسكت له عن كل شي مو انا المرة الي تقعد ببيت ريل!!!؟؟@@
متخيلين @@ لو انا صج قايله جذي همن ما تقولين المفروض تصحلين وانج قلتي فتحي قلبج وانا مثل اختج وتجذبين بس عشان الصلح بينا تقوليله والله اهيا قاعد تمدح فيك وتحبك بس زعلانه من شغله
هالدور تقوليله حجي جذذذذببب وتنقلينه وجان زين صج عشان ما انقهر جذي!!
صدقيني عمرهم اهل الريل ما يصيرون اهلج وعلى قلبج الا ما ندر وبال اي وحده تحش بريلها عندهم مهما كانوا حلييويين يقلب ويهم الحقيقي

وانتي يا قلبي الله بيعوضج باللي احسن منه انا ادري البنات بيقولون ليش ما قلتي حق هلج من اول مرة حاسه بشعورج انج توج عروس وما تبين المشاكل وتكبر وتوصل لامج واهلج وينغثون وجذي وانج بتلمين بيتج بس هذا حشرة مو كفو وولله وشيقزر العمر وياه
الله خاشلج قرة عين ونصيبج بالدنيا الي احسن من طوايفه وطوايف هله انتي تحمدي ربج وااايد انج احسن من غيرج تطلقوا اهلهم كرهووهم عيشتهم ولا ما يعاملونهم عدل ويزيدون همهم هم انتي الحمدالله ابوج ضافج ومغرج بحنانه وقاعد يعوضج وما لامج وعايراج مثل غيرج ويقطون عليهم حجي ويشكون فيهم ..انه عندج عزوه وضهر هذا اهم شي
وواي بعد عمري ابووج عور قلبي لمن قلتيلي بجى وقال هذا وانا عااايش كسرتي قلبي عليه متحسر على بنته صار تسوى فيها جذي الله لا يحلله ويسب ابوج شكله ابووج طيب حييل ومسيجين الله يخليه لج
وانتي عيشي حياتج ورزي عمرج بالدنيا لا تخلين زباله حاشاج يكسرج والي خلقه خلق غيره واهم شي مافي عيال فرصتج اكبر بالزواج ولو تعودتي عليه باجر لي جربتي غيرة بتقولين وييع ليش ما هديتي ذاك من زمان
وماضاقت الا فرجت وحوبتج راح توصلج وتشوفين ..ادعي عليه وعلى كل من ضلمج بكل صلاه هذا حاله حال الشباب الخمه الي ما فيهم رجوله ماخذين الزواج استهتار ولعب ومصخره عبالهم بنات االاوادم لعب ولي صار خلوا الغلط كله عليها واهي ملاك واهوا درام زباله
ويققول كارهج عيل ليش ماخذج ؟؟مغصوب ولا شنو ؟؟ كافي ساكته على خياسه وبنات وصاخه بعد على شينه قواة عينه الوصخ ؟؟
ولا مسحور يعني ؟؟او عين ؟؟ ما اضن هذا راعي خرابيط ومصخره ومو مال زواج وبنت ناس هذا مال بنات شوراع مثل مستوااه
بس الي يقهر وتقولينه انه ليش تزوجتني وتزوجت دامك مو قد الشي !!ولا اهيا تجربه ومغامرة ووضع زواج حبيت اتعيشه وما عجبك وبتقول باااي حسبي الله حسبي الله على كل من يسوى ببنت الناس جذي على اتفهه الاسباب لانه وايد اعرف بنات نفس سالفتج
الي ساكته وماكله ضيم لانه ما تبي ترد بيت اهلها يأذونها تالي لي تطلقت والي ميته قهر بس خايفه من شماته الناس وحجيهم والي والي
اهم شي انج لا انتي اول وحده تطلق ولا اخر وحده واخذيها نصيحه مني بأذونج انه اهم و الزم ما عليج صحتج انسي
صدقيني لا ريل ينفع ولا عيال لي انقهرتي وصار فيج شي ولا مرض من الحرة محد بيتألم وبيتقطط بالمستشفيات غيرج لو اهو ريلج زين ما ينفعج غير صحتج ومعاشج هاذول اهم شي تالي الريال الأرف
عيشي حياتج وتفرغي لربج وكثري استغفار وقرايه البقرة وشوفي شلون بتهل عليج السعاده والزوج الصالح الي يقدرج ويحترمج وراح يندم صدقييني بيعض اصااابع الندم عليج
اللهم آمين
بس قولي اذا صار شي بعد وسالفه المسج متى توة ولا من زمان..!

ادري انفعلت وااايد بس جد انقهرت علييج ومن هالرياييل الي يسون ببنات الناس جذي عبالهم طوفه ولا لعبه ..!!

 

[حب وحزن]

غلطانة من الاول ليش تخشين على اهلج حرام عليج بغيتي تذبحين عمرج مع هالزباله حشاكم

حسبي الله عليه وعلى اهله يا عل حوبتج ماتتعداهم قولي امين