الله يعوضج خير
بس اسمحيلي اختي سالفتج ماتدش المخ
قلت انا بنت مزيونة واهبل ومادري شنو وبالعرس
طالعه واو والناس يدزولج بوسات وان العروس الثانية عادية واقرب للجكر
وزوجج مزيون ويهبل بس شكل وانتي ماشاءالله فلته من جميع النواحي
وامج وابوج مدلعيينج وانتي خبيرة مكياج وطباخة ودلوعه ومدرسة وعندي سيارة ونظيفة يعني بتاع كلو بس ناقص تقولين ضوتي حلو !هه كله ماعلينا منه بس حبيت اذكرج بالنقاط علشان اناقشج
قالج مايبيج ومايتحملج ومع ذلك سافرتي شهر العسل !وكله نايم !يمكن اهو يوم يقوم انتي تنامين ليش انتي اربع وعشرين ساعه صاحية ؟
ماعلينا
انا خبيرة مكياج وامكيج خواتة ومادري شنو وانتي توج متزوجة ولا تعرفينهم وتذمينهم ومع ذلك عايشة بشقة بعيد عنهم!وتمكيجينهم وعلى طول قلتي زوجي قالي موحلو كحلج يمكن انتي تحطين اوفر واهو مايحبة او انتي تحبين الناعم واهو يحب الاوفر وبجيتي مادري شسالفتج ولما عيد ميلادج وعيد ميلاده شبحان صارو بهل الخمس شهور؟وانتي سويتيلة حفله وكل شيء ولما عيد ميلادج قومتية من النوم وتقولين له وم يلا عيد ميلادي هههاي الرياييل جذي مايحبون هل السوالف ولا على بالج بيلج كيكه صج سخيفة
ولا قارتني بنت اخته فيج اهو متزوجج صارله خمس شهور ولا تعرفينه ولاشي وليش عطاها وانا ما اقصر بحقة صج مليغة يمكن اخوانه كلهم عطوها واهو استحى وحسستيني مية دينار الف
وعن سفر اهله غريبة شلون رحتوا بيت اهله ولهم مسافرين واخوة ومرتة موجودين بس علشان تيبين سالفة العروس حماتج وان زوجها يحبها ويموت عليها وانا مالت علي مايبلي نفسها ! صج متخلفة
وقلتي اهله يتدخلون بحياتج الي انتي اساسا مدخلتهم لما دقيتي على اخته الكبيرة يعني انتي السبب والحين يايه تتشكين!وانتي دلوعة الماما البابا وماقلتي لهم شي وكله تتشكين لامه وخواتة
وكل حموانج يمدحونج ههه يعني تقصذين حمواتج يغارون منج ويكرهونج !
وسالفة تقولين له ياحيوان وكلام قليل الادب ولما يطقج تنصدمين ! ترا حدج مليقة تقلين ادبج على الريال
وماتبينه يعصب
وسوالفج وايد وكلها متناقضة وماتدخل المخ ولا اخير شيء تبيقين غالية يا ما فلان ههههه يعني بنات اهو يحبني بس عين ولما ابتدعت عنه صار يموت فيني ويدزلي مسجات هههههاي
لي عودة بعد الفطور والله يشفيج
حبيبتى ام وهم قال الرسول صلى الله عليه وسلم ( من كان يؤمن بالله واليوم الااخر فليقل خير او يصمت )
وانتى ما قلتى خير ولاا سكتي ... وع فكرة راح ارد عليج انا ما قلت عن العروس الثانيه اقرب للجكر والا انتى شنو نظامج
تفسرين الشي من نظرتج الخاصه ؟؟ وبعدين انا ما قلت عن نفسي فلته من جميع النواحي اناا ذكرت مميزاتي وماذكرت عيوب زوجي
انا قلت اهو مزيون شكل بس الامور الثانيه لا وع الفكره عمر الجمال ما كان للرجال يعنى في حريم واجد ازواجهم سحووت ويموتون
فيهم ولاا ازيدج من الشعر بيت ما تحلف الا براسه بس تدرين ليش ؟؟؟ لانه رجال بمعنى الكلمه احتوى المره من جميع النواحي وبما
انج قلتى بتااع كلووو ترا صج انا بتاع كلووو هههههه حتى صوتي يجيب العافيه اسالي لووف جوجو وهي تحلف لج بعد هههههههه
بعدين شنو كله نااايم واذا قعد انا اقوووم هههههههههه اهووو نظاامه يحب يناام اطول فتره ممكنه وحتى لو قعد يغط راسه عشاان ينام اكثر
فعلا انا سااكنه بشقه بعيده عنهم بس اقسم بالله العظيم انى كل يوم اجيهم لاان الاخ يخلينى عندهم عشاان يشبع فرارره مع ربعه وقعده
مع ربعه جنه امس متعرف ع ربعه وفعلا اناا دائما امكيجهم لدرجه ان اخته احياناا تتصل علي تقولي تعالي مبجر ترا عندي عرس وابيج
تحطين لي ميك اب وسالفه يتكلم ع المكياااج اهو مو تخصصه هالشي الاوفرو الا الناعم بس اهووو حااب يعلق لا اكثررر وانا ما احب
رجال يعلق بامور الحريم وسالفه عيد الميلااد اهو كان عيد ميلااده بشهر عرسناا اخر يوم من شهر عرسنا وانا كاان عيد ميلادي بعده
بثلاث شهووور والشي هذا صدفه يعنى بليززز لاا تخورينهاا وبعدين اش فيها لو جااب كيكه بينقص من رصيده شي ؟؟؟ وبعدين ليش
اهو يحب الناس تذكره ومايحب يذكر الناااس وبعدين انا بسالج سؤؤال؟؟؟؟؟؟؟ انتى متزوجه والا لاا قاطه فيسج جذي عشاان اذا انتى
متزوووجه اعرف اشلووون اتكلم معاااج .. وبعدين لما جبت طاري مره اخوووه يا عمري حبيت اووضح لج ان زوجي عكس اخووه
بكل شي يعنى بخيل مو نفس اخووووه وانا ما احب الرجال البخيل
وبعدين اناا قلت يتدخلووون اوكي لما اانا ادخلهم مو مفروض
يتدخلووون من وراي ؟؟؟؟ ويروحووون يسالون زوجي عن اشياء عني واهو بينى وبينج كاان يقولي اختى سالتنى عن هالشي وكاان يسالنى
انا مشتكيه عندها والاا لا واناا حزتها اكون مسالفه سالفه عاديه ترووح تقول حق زوجي انت ليش مسوي جذي وهني مو من حقهاا اذا
انا مطووفه ماله داعي اهي تتدخل وااناا لما كنت ما اقول لامي وابوي مو عشاان شي كنت بجرب نفسي اقدر اكمل معاه والا لا ولما شفت روحي
ما اقدر اكمل معااه وانى اقدر استغني عنه بلغتهم بكل شي لان زوااجي منه ما زاادني شي وطلااقي منه مراح ينقص مني شي ..
وبعدين لما اقوله حيوان وقليل ادب هذي رده فعل طبيعيه يعنى شخص يطقج شنو راح تقولين له بعد عمري مثلا ههههههه صراحه
حسستينى انج مثاليه ههههه وبعدين وين التناااقض بسوالفي اناا طرحت مشكلتى مو عشاان تحلينها لي يا فيلسوفه زماانج اناا حليت مشكلتى
وخلااص اخترت الاافضل لي وله بعد لاانه يمكن تكون مسئوليه الزوااج شي كبير عليه وبعدين انا بحياتي ماذكرت انه يموووت فيني
والا ان بينى وبينه كاان لو شوي ود بالعكسس وبليززز لاتفسرين الشي ع هووواج بس انا احس انه انساااان مريض شكووو يسب
عمه ابووو زوجته هذا انساان صااحي يسب ابووو زوجته ليش ما علقتى ع هالشي ؟؟؟؟؟؟ انتى صرراحه باين انج من شااكلته
وانج من نفس هالنموووونه نااس صج صج مرضى ...
