تكفون مشكله زوجيه وابي حل

[Tangled]

(يحيي العظام وهي رميم ) يعني بين ليلة وضحاها يمكن الله يرزقج ما تدرين اذا زين ومريحج بس اذا هالموضوع بيسوي مشاكل لا تلعوزين نفسج ولا ولد الناس معاج والله يعينج ويفرج همج وهم كل مهمومة ويرزقج ويرزق كل محرومة وبعدين الحين سبحان الله العلاجات تطورت مو نفس قبل

 

[*ام حمني*]

ربي يعينج ويصبرج
بالنسبه لرأيي المرأه صبوره لكن ما تدرين بالمستقبل ترى شي عادي يتعالج ويصح بعد عمر ويتزوج الرجل بطبيعته أناااني لأنج مع استمرار الحياة بتتعلقين فيه واايد الرجل سهل عليه يكسر بزوجته ويجرحها مهما كان مدى حبه فكري بعقلج ما يربط الزوجين مع بعضهم الا الأبناء أنا أقول فكري بنفسج والي من حقج تعيشين في الحياة من أجله صلي ادعي ربج واستخيري وشوفي الخيره وين
وبالنسبه حق قرارج النهائي اذا قررتي بالطلاق صارحيه بكل حنيه وحب وتعاليله باسلوب مقنع من غير تجريح صدقيني راح يتقبل
الله يكتبلج الي فيه الخير يااارب

 

[مريم بنت الكويت]

اختي عيالج باجر ما ينفعونج وشنو تسوى تضيعين ريال طيب علشان يهال صحيح ان اليهال حلوين لكن بس بالبدايه تالي يطلعون عاله علي والله يا ما بنات قالوا تطلقنا من انسان رائع بس لان ما يخلف وتالي طحنا بريال شرس وهم خلفنا لكن ما عشنا سعادتنا مثل ما عشناها مع الاول والحين انحرمنا منها الامر لج اختي وفكري بعقلج انا ادري لو ريلج جان تزوج من زمان بس المره دائما رقيقه وقلبها طيب

 

[عمشه المنتفشه]

والله ماعندج سالفه دام ريلج زين خلج معاه شضمنج اذا يالج عيال بيكونون بارين فيج وصالحين وغير جذي شدراج اذا تزوجتي ريلج الثاني

يكون يعاني نفس المشكله شتسوين ؟؟ تطلبين الطلاق مره ثانيه ؟؟؟ ماظن بتسوينها لان بتستحين وبتقولين خلاص هذا نصيبي ويمكن

الريل الثاني على عيبه يكون مو زين معاج


وافرضي تزوجتي وريلج سليم تضمنين انه مايشرب ؟ مايطق؟ مايخون ؟ مايكلم جدامج ويخون بفراشج ؟؟


او انه بيكون سليم وتييبين عيال لا سمح الله مشوهين ولا ناقصين ؟؟ ساعتها بتقولين لو صابره على ذاك احسلي


وصدقيني خلي عنج الطب والانابيب وخليج بالشي المضمون اللي هو سورة البقره كامله والصدقه والاستغفار وقيام الليل سويهم

بنية الحمال وبثقه كبيييره انج بتحملين واقص ايدي من عرجها اذا ماحملتي حتى لو قالولج ماله امل مستحححححيل وانسي

ثقي بالله انج اذا سويتي هالاربع اشياء بتحملين غصبت عليهم

الذريه بيد رب العالمين لابيد الدكاتره ولا بيد الطب صدقيني يا حياتي خلج مع ربج بس هو اللي بيرزقج

وماتدرين يمكن الله يحبج عشان جذي بلاج بأكثر شي تحبينه وزاد بلوتج بريل تحبينه وزين معاج وهذا كله اختبار الله حطج فيه

صيري قد هالاختبار وانجحي فيه وبتشوفين الله شلون بيكافأج

 

[غزلان]

هاذا الي الله كاتب لج
ارضلى بقضاء الله وقدرج لا تقنطين
ببساطه
اصبري ان الله مع الصابرين

 

[شــــــــــــــوقــــه]

لا حبيبتي لا تتطلقين حرام عليج

انا اقولج اخوي و زوجته صارلهم 6 سنين ماكو عيال

و سوو تحاليل طلع بس اخوي الحيوانات المنويه عنده ضعيفه

و سوو عملية طفل انبوب 3 مرات اول مره ما صار ثاني مره بعد ما صار ثالث مره حملت و طرحت

بعدين اخذ ابر تقوي الحيوانات المنويه و حملت الحمدلله و يابت بنت مثل القمر بس حنانه

ترى الله يحب الصابرين

صبري ولا تستعيلين عسى ان تكرهوا شيئا و هو خير لكم

 

[مشكلتي احبه]

مليت من الغربه يعطيج العافيه حبيبتي

 

[مشكلتي احبه]

Q8NanY والله كلامج خوفني حيل لانه هالشي انا احاتيه اذا كبرت وصار ما فيني عيال يطلع علاج حق زوجي الدنيا كل يوم تتطور يمكن حبه بندول ويشفي مو بعيده يطلقني او يتزوج علي يقولي ابي اعيال شسوي بالوقت هذا وانا اسمع زوجي يقول انا ابي اعيال انتي كبرتي ما فيج عيال بس ما طلقج باخذ عليج والله اموت

 

[مشكلتي احبه]

LoOoLy اختي رديت عليج بالخاص

 

[حمام شاقني فنه]

اختي رجلها اول شهر من زواجهاا سوى تحليل فقالوله انت مافيك عيال


زعل وتضايق وعقب 3اشهر اختي حملت


حبيبتي هذي اموربيد الله


لازم تقومين الليل تطلبين ربج ان يرزقج بالذريه الصالحه


كل يويم قومي الليل واقري البقرة


والله يرزقج بالذريه الصالحه

 

[مشكلتي احبه]

ام حمني كلامج معقول انا من حقي اعيش واصير ام
بس والله ابيهم من زوجي مابي من غيره مشكلتي احبه وهو مجنني بطيبته وما اتكلم عن العيال جدامه اخاف احرجه عشان جذي انا مقموته وشايله بقلبي اول مره اتكلم

 

[عاشقة تراب ديرتي]

ياقلبي
حاسه فيج بس قولي هذا قدري وفكري واهو نفسجج مية على كلمة بابا؟
وحطي نفسج مكانه وانتي فيج العيب شحالج راح يصير




حياتي قال الله تعالى(وبشر الصابرين ) الله يجعلج من الصابرين يارب
ورزقج بهاليوم الفضيل
والتزمي بالاستغفاررر

مليوووووووووووون % عدل كلامها
وصدقيني يمكن العيال هم ويمكن ولاواحد يبر فيج مدام اهو يحبج ولامقصر فيج صبري والله بعوضج خير
وعسى ربي يعطيج الصبر

 

[عاشقة تراب ديرتي]

والله ماعندج سالفه دام ريلج زين خلج معاه شضمنج اذا يالج عيال بيكونون بارين فيج وصالحين وغير جذي شدراج اذا تزوجتي ريلج الثاني

يكون يعاني نفس المشكله شتسوين ؟؟ تطلبين الطلاق مره ثانيه ؟؟؟ ماظن بتسوينها لان بتستحين وبتقولين خلاص هذا نصيبي ويمكن

الريل الثاني على عيبه يكون مو زين معاج


وافرضي تزوجتي وريلج سليم تضمنين انه مايشرب ؟ مايطق؟ مايخون ؟ مايكلم جدامج ويخون بفراشج ؟؟


او انه بيكون سليم وتييبين عيال لا سمح الله مشوهين ولا ناقصين ؟؟ ساعتها بتقولين لو صابره على ذاك احسلي


وصدقيني خلي عنج الطب والانابيب وخليج بالشي المضمون اللي هو سورة البقره كامله والصدقه والاستغفار وقيام الليل سويهم

بنية الحمال وبثقه كبيييره انج بتحملين واقص ايدي من عرجها اذا ماحملتي حتى لو قالولج ماله امل مستحححححيل وانسي

ثقي بالله انج اذا سويتي هالاربع اشياء بتحملين غصبت عليهم

الذريه بيد رب العالمين لابيد الدكاتره ولا بيد الطب صدقيني يا حياتي خلج مع ربج بس هو اللي بيرزقج

وماتدرين يمكن الله يحبج عشان جذي بلاج بأكثر شي تحبينه وزاد بلوتج بريل تحبينه وزين معاج وهذا كله اختبار الله حطج فيه

صيري قد هالاختبار وانجحي فيه وبتشوفين الله شلون بيكافأج

:rerrerek:
وتفكرين بعد 20 سنه انه يطلع علاج له وانتي ماتقدرين تحملين والله الواحد موضامن نفسه ولاعمره ليش تفكرين بالشي الشين ليش ماتتفائلين؟؟؟

 

[**بنوتة توته**]

بنت عمتي 11 سنه ماجابت عيال ...........ماقعدت ديره مادورت فيها علاج ومايأست مع ان العيب موفيها لكن سبحان الله ربي الحين رزقها بنت .......فاانتي حاوالي ولا تأيسين ترى موكل الي يقولونه الدكاتره صح

 

[ام فوااز]

الله يعيينج حبيبتي بس هالقرار التي اللي لازم تتخذينه عن قناعه وتفكرين اكثر من مره بروحج
وعليج بالدعاء ثم الدعارء ثم الدعاءوالله مايقصر يارب يرزقج بالذرية الصالحة

 

[~..MiMiNi..~]

عورتي قلبي و صج انه ماعندي خبره ابهالسوالف بس ماحبيت اطلع بدون لا أرد عليج و أدعيلج ..

يارب بحق محمد و آل بيته ترزقها بالياهل اللي يفرح قلبها ..

ادعي مثل ما قالوا البنات و ان شاء الله يارب ياااارب اتحملين و تولدين و تيبين توم بنوته وصبي .. بس لا تيأسين و تفااااااائلي أهم شي إنج تتفائلين .. خلي تفكيرج ايجابي و اسعي .. و الله كريم

 

[جوري 2007]

عندي لج علاج مضموووووووووووووووووووووون اذا تبين زوجج وبيبي سويه واذا ماتبين كيفج ، قومي قبل صلاة الفجر بساعة وصلي وادعي واقري سورة البقرة بنيه الحمل ولزمي الاستغفار على طوووووووووووول ، واذا تبين سر يسرع الموضوع سوي كل هالاشياء + تصدقي بشي عزيز عليج شبكة دبله ساعة بس يكون عزييييييز حيل ( قولي بينج وبين نفسج ان هالشي مواغلى من اني اكون ام ومااخسر زوجي) قال تعالى ( لن تنالوا البر حتى تنفقوا مما تحبون) لاتتكيسلين طبقي هالعلاج 3 اشهر بس اذا ماحملتي سوي اللي تبين ( ترى انا واثقة من هالشي 100%) لاتفاتحين ريلج بموضوع الانفصال الا عقب 3 اشهر حبيبتي ، اذا قدرتي تقنعينه ان يطبق معاج هالعلاج يمكن بتحملين باقل من شهررررررررررررررررر :eh_s(8):، الله يرزقج واذا حملتي ادعيلييييييييييي:dddds::ggdw:

 

[غزالة وكلي غزل]

عندي مقوله وايد اعتز فيها ::rerrerek:


لاتندم على من حبيته وخلاك ..

ولكن اندم على من حبيته وخليته...!:lkmnkl::lkmnkl:


حبيبتي ادري انه شعور الامومه وااايد وايد حلو
وان الجنه تحت اقدام الامهات:eh_s(2):
بس ياقلبي لاتنسين: ان الله مع الصابرين

وهذا ابتلاء من عند الله يبي يشوفج هل راح تستغفرين لله؟

شوفي استغفري وتصدقتي وعمري وانت بالعمره مع زوجج ادعي انه ربج يبلغج بالذريه الصالحه منه التشافيه والمتعافيه

وخلكم مع بعض وصبر جميل والله المستعان

دام انج لقيتي الزوج الصالح اللي عرف قيمتج وقدرج خلاص انسي الدنيا انسي كل شي ولاتنسين ربج بالدعاء ان الله يحب العبد اللحوح بالدعاء

ادعي واكثري من الاستغفار وخلج ورا الدكاتره الناجحين واهتموا بلاكل اللي يزيد الخصوبه والانجاب عند الرجال

واكلوا عسل انه فيه شفاء من كل داء

وربي يبشرج بالذريه الصالحه


بس لاتكونين انتي والدنيا عليه..!

اخذي فيه اجر انج تصبرين معاه واذا احد قالج ليش ماتييبين اعيال قوليهم مايهمني الاعيال لان لاحقين على الاعيال

ولا تبينين لاحد انه في مشكلة في الانجاب وربي يوفقج انتي وزوجج ويرزقج بالزريه الصالحه وان شاء الله يكونون توأم




وامانه لاتنسين الدعاء لي بالزواج والذريه الصالحه..

 

[بنت الارسنال]

لا تخلينة حرام عازج ورازج ويحبج خلج معاه وانشاءلله الله كريم ويارب يرزقكم

 

[.. مـــلاكـ ..]

ترا الطب تطور
روحي معاه خل يعالج
حتى لو بره الديرة
وصدقيني كل شي يبيله صبر
صبري والله كريم
وانتي تضمنين لين تتطلقين اييلج نصيب زين ؟؟
فكري بمنطق اختي وريلج دام يبيج وشاريج
كوني معاه خل يعالج والله يرزقج بالذرية الصالحة وكل محروم امين