تكفون مشكله زوجيه وابي حل

[Elesha]

نصيحة : لآ تطلقيين .. آهم شي زوجج يحبج ويدلعج شالفايده تاخذين لج انسان يمكن يحول حياتج جحيم ..

وكل شي بيتطور .. بئذن الله .. بس والله دامه انسان يحبج تمسكي فيه بأضافرج ولا تبيعينه ..

 

[ام سعودي باشا]

الله يرزقج الذرية ودائما رددي الدعاء ربي لاتذرني فردا وانت خير الوارثين مع الصدقة والاستغفار انت وياة والله مايخيب دعائكم

 

[كويتيه كلاس]

حبيبتي .. الله الله الله يصبرج والله العظيم إني حاسه فيج و الله حتى آنا قعدت ثلالث سنين ما حملت و النتايج طلعت إن فيه ضعف حركة حيوانات شديد .. انصدمت .. بس شوفي شلون عرفت الحل ..

داومت على قراءة سورة مريم القرآنيه ,,,
و الله فيها من العجائب ما تدمع العين .. و تريح القلب .. و تطمن النفس بالفرج
خصوصا للي ما رزقهم ربي الذريه ... و آنا منهم ..
تعالوا تأملوا معاي الآيات العظيمه ...

بسم الله الرحمن الرحيم
(( كهيعص (1) ذكر رحمة ربك عبده زكريا (2) إذ نادى ربه نداء خفيا (3) قال ربي إني وهن العظم مني و اشتعل الرأس شيبا و لم أكن بدعائك ربي شقيا (4) و إني خفت الموالي من ورائي و كانت امرأتي عاقرا فهب لي من لدنك وليا (5) يرثني و يرث من آل يعقوب و اجعله ربي رضيا (6) ))

يا الله .. النبي زكريا .. ينادي ربه متخفيا عن الناس ما يبي أحد يشوفه
من البشر يبي يكون صادق في دعواه (( إذ نادى ربه نداء خفيا ))
رجل طاعن في السن كبيييير في العمر شااااب راسه يدعو ربه أن يرزقه بالإبن
(( قال ربي إني وهن العظم مني و اشتعل الرأس شيبا ))
و كان يناجي ربه .. يا ربي سبحانك إنك تستجيب دعوة عبادك الصالحين و أنا منهم
(( و لم أكن بدعائك ربي شقيا ))

تأملوا هالآيتين ..

(( و إني خفت الموالي من ورائي و كانت امرأتي عاقرا فهب لي من لدنك وليا (5) يرثني و يرث من آل يعقوب و اجعله ربي رضيا (6) ))كان النبي زكريا خايف من ضياع علمه إللي ربي أنعمه عليه و كان يبي
ربي يرزقه بالولد الصالح حتى يرث علمه و يرث النبوه و العمل الصالح لأن الأنبياء
لا يورثون المال فأموالهم بعد وفاتهم صدقه عنهم ...

تخيلوا كل هذا ... رجل طاعن في السن ... زوجته عاقر لا تنجب أبدا ومع هذا يدعوا الله أن يرزقه بالابن الصالح !!!!

يا الله .. شوفوا ربي شرد عليه ...

(( يا زكريا إنا نبشرك بغلام اسمه يحيى لم نجعل له من قبل سميا ))

يااااا الله .. و الله لو تجيبون مليون دكتور مختص بالعقم ما عطاكم و لو 1% تأكيد إن رجل كبير زوجته عاقر يجيهم ابن !!

سبحاااااااااااااانه بشره بالغلام الصالح إللي مسمى من قبل لا ينولد سماه سبحانه بيحيى...

(( قال ربي أنى يكون لي غلام و كانت امرأتي عاقرا و قد بلغت من الكبر عتيا ))

يا الله .. استغرب .. استعجب .. يا ربي كيف ترزقني بالغلام و امرأتي ما تنجب و أنا الشيب شب في راسي ..؟؟ سبحااان الله .. إنزين توه قبل شوي كان يدعو .. و لما استجاب له ربي استغرب ليش ؟؟؟ عشان نعرف عظمة قدرة ربي القادر على كل شي .. كان النبي فاقد الأمل بالإنجاب و لكنه ما فقد الأمل بربي ... كان يدعو لأن الله لا يحب اليائسين و القانطين من رحمته .. مع إن كانت كل الظروف ضده .. لكنه دعى الله بإخلاص ..

((قال كذلك قال ربك هو علي هين .. و قد خلقتك من قبل و لم تك شيئا ))

سبحانه .. قاله هالشي هين علي .. و تذكر شلون خلقتك و إنت ما كنت موجود بهالدنيا بقدرتي ..

سبحانه إللي رزق النبي زكريا الكبييير في العمر و زوجته العاقر بيحيى ...
أليس بقادر على أن يرزقنا نحن المتزوجات بابن ...؟؟؟

سبحاااااااااااااااااااانه ....
و شوفوا قصة السيده مريم بنت عمران في نفس سورة مريم ...

(( و اذكر في الكتاب مريم إذ انتبذت من أهلها مكانا شرقيا (16) فاتخذت من دونهم حجابا فأرسلنا إليها روحنا فتمثل لها بشرا سويا (17) قالت إني أعوذ بالرحمن منك إن كنت تقيا (18) قال إنما أنا رسول ربك لأهب لك غلاما زكيا (19) قالت أنى يكون لي غلام و لم يمسسني بشر و لم أك بغيا (20) قال كذلك قال ربك هو علي هين و لنجعله آية للناس و رحمة منا و كان أمرا مقضيا (21) ))

في معزل عن الناس كانت مريم بنت عمران تتعبد لله
فجاءها الملك جبريل على شكل بشر .. فخافت إنه يبي يراودها عن نفسها
فتعوذت منه و قالتله ((إن كنت تقيا)) أي إن كنت صالح و تخاف ربي ابتعد عني
فرد عليها جبريل بعدما شاف خوفها ((قال إنما أنا رسول ربك لأهب لك غلاما زكيا ))
استغربت ..؟؟؟ غلام ...؟؟ كيف يكون لي غلام و أنا ما مسكني ولا لمسني رجل
و ما كنت بإنسانه فاسقه ...؟؟ ((قالت أنى يكون لي غلام و لم يمسسني بشر
و لم أك بغيا ))
شوفوا شرد عليها جبريل عليه السلام ..
((قال كذلك قال ربك هو علي هين و لنجعله آية للناس و رحمة منا و كان أمرا مقضيا ))قال هذا أمر مكتوووووب من زمااااان من ربي قضاااا هالأمر من زمان و هو أمر بسيط و هين ...
يا سبحااان الله .. إمرأه تحمل بدون رجل !!!!
سبحانه إللي قادر يرزق امرأه بابن بلا رجل ولا حيوانات منويه تخصب البويضه
أليس بقادر على إنه يرزقنا إحنا المتزوجات بالابن...؟؟؟؟

و لما حملت مريم بعيسى عليه السلام و كانت ناذره إنها ما تكلم أحد
من قومها لما يشوفوا الطفل معاها .. فلما استغربوا و استنكروا و اتهموها بشرفها
و هي كانت ناذره عدم البوح بشي لأنها حتى لو تكلمت محد راح يصدقها ..
نطق عيسى من مهده ....
(( فأشارت إليه قالوا كيف نكلم من كان بالمهد صبيا (29) قال إني عبد الله آتاني
الكتاب و جعلني نبيا (30) ))يا سبحاااان الله.. طفل بالمهد .. ينطق ...؟؟؟؟؟ ويدافع عن أمه .....؟؟؟؟

سبحانه إللي أنطق الرضيع من مهده أليس بقادر على إنه يرزقنا إحنا المتزوجات بالابن؟؟؟

((( يااااا الله ... يا رحمن .. ياارحيم ... يا رب العرش العظيييم ..
يا فعالا لما تريد ... ياااا قااااادر .. يا رب العرش المجيد ...
يا من رزقت زكريا بيحيى ... يا من خلقت عيسى بلا أب ...
يا من أنطقت عيسى بمهده ... يااااااااا الله ارزقنا الذرية الصالحه ...
اللهم لا تذرنا فرادا و أنت خير الوارثين ... ))))

اللهم آمييييييييييييين ....

 

[الست اصيله]

الله يرزقج ويرزق كل وحده محرومه

 

[Q8NanY]

شوفى اختى
انا شفت حالتين مثلك و المره مسكينه تصبر بس الريال مايصبر ولا تزعلين لوماعيبه كان مادلعك
ولو فيك العيب كان من امس متزوج عليك
لاتضيعين عمرك ترى السنه والسنتين تفرق عند البنت
شوفى وحده من اهلنا مثلك ماحملت اول كم سنه قامو عليها اهل ريلها و كلهم قالو له تزوج عليها
واهى مسكينه كانت تقنع نفسها انه اهيا المعيوبه وراضيه
بعدين يوم فحصوا طلع اهو الى ماييب عييل مافيه حيوانات منويه
المهم صبرت عليه 20 سنه بعدها لقوا مستشفى بامريكا تسوى عمليه وتستخرج الحيوانات المنويه
وفعلا سافرت معاه وحاولوا والحمدالله حملت ويابت بنت
بعدها حاولو وماكو فايده تدرين الحمل الطبيعى مو مثل التلقيح واهيا كبرت
قام اهددها بتزوج عليها اقول لها انا ابى ولد !!!!!!!!!!!!!!
صبرت عليه اكثر من 20 سنه شيعت احلى عمرخا وشبابها تنطره واهوا اول مالقى علاج
قام اهددها وقولها انا احبك بس لا تحرمينى اكون اب !!!!
كل ما اذكر قصتها يتقطع قلبى
بس الحمدالله ماتزوج عليها لان اصلا بامريكا قالو مانقدر نستخرج اكثر من جذى

ووحده من رفيجاتى متزوجه من 13 سنه وللحين ماعندها عيال صابره تقول انا احبه
طيب انت تحبينه ماتبين ذريه
حتى لو تتطلق ترى المره الكبيره مو مثل الصغيره
صدقين اختى الحب يروح
كلمى امك وابوك وشاوريهم محد يحبك كثرهم وشوفى رايهم
وهم سالى عن العلاج بامريكا اخذى تحاليله و طرشيها بالفاكس عشان تبرين ذمتك
والله يعيينك

 

[مليت من الغربة]

في دكتور ممتاز اسمه زيد الكيلاني مستشفى فرح الاردن
80%من حالات العقم في الاردن هو عالجها ممتاز
روحي عنده.....ان شاء الله مشكلتش لهل حل

 

[<<لمار>>]

حبيبتى اذا الريال شاريج لاتبيعينة وانتى ماتدرين يمكن تاخذين غيرة ويكون سليم بس الله مايكتبلج العيال اويمكن تييبين العغيال ويطلع روحج ويبهذلج عليج بالصبر والدعاء وان الله مع الصابرين واذاعلى التبى ماهى مشكلة خل ترضعة اختج اواختة وراح يحل لكم وفيها اجر ماتدرين يمكن لما ترحمون هالفقير الله يرحمكم ويرزقكم

 

[ريان الكويت]

ترى وايد ناس الحين قاعد تمر بنفس الحالة انا اعرف واحد كان عقيم وبعد 18 سنه زواج الله رزقه بتوائم بنت وولد وبعد قال لزوجته نفس الكلام واهي صبرت والله عوضها وعلى نضرات الناس الناس ماتخلص بس الله يرزقج تلاقينهم بيتكلمون بشي ثاني والله الرزاق وصدقيني كله خيرة واختبار من ربج والله يزرقج انشالله

 

[قطوه وجذابه]

دام انه ريلـج ينحط ع الجرح يبـرى لا تطلقيـن وادعي الله

وكثري الاستغفــــــــــــــــــار بنية ان الله يوفقج ويرزقج بعيـال

والله نصيحه كثري الاستغفـار والصلاة على النبي ..

في وحده اعرفـها من كثـر ماتستفـر وتدعي الله

امورها تيسرت والحمدلله انها اذا صار الشي اللي ببالها

تروح تصلي ركعتين شكر لله .. يعني فرحتها ماتنسيها تشكر رب العالمين

 

[LoOoLy]

اختي الحبيبة انا دزيتلج رسالة على الخاص

 

[بناتي حبيباتي]

عشان تتغلبين على مشاعر الامومه ليش ما تبنين طفل او طفله وتصبين فيها كل مشاعرج وحنانج اتجاه هذا المولود اليتيم

 

[المدينه]

الله يرزقكم انشالله انا اقول حرام تخسرينه اذا اهو شايلج بعيونه واذا فكرتي تتطلقين يمكن الزوج الثاتي راح يعذبج وماراح ترتاحين معاه وراح تحسين بالفرق الكبير

 

[سنيكرز]

تدرين انا اعرف وحدة نفس سالفتج بالضبط وقعدت اهياا عذراء لمدة 7 سنوات وكان ريلهاا مطيرهاا من الدلع ومو مخلي عليهاا قاصر بس ملت اشتاقت حق اليهال وعلي قولتج تشوف اللي اصغر منهاا عيلو واهيا للحين وطبعا العيب من ريلهاا تطلقت وتزوجت واحد ثاني وعلي طول احملت ومستانسة والله رزقهاا واهيا مثلج كانت مشتلقة حيل علي الامومة.
فأنا اقولج انفصلي عنة والله كريم.

 

[Q8ia_100%]

احتسبي الاجر وتمي عند ريلج
باجر ولدج بيتزوج ويلهى مع مرته وما تشوفينه الا وقت الزواره

خلج مع ريلج وارضي بقضاء الله وقدره
وطلبي ربج انه يشافيه ويرزقكم الذريه الصالحه عاجلا
ترى الدعاء سحر
وربج اذا استجاب يخلي اللي ما يصير يصير


الله يطعمج اعيال كثر ما تبين يارب

 

[Q8ia_100%]

ونصيحه لا اتربين اعيال غيرج
يعني لا اتبنين باجر الياهل يتعب نفسيا اذا عرف الصج وانتي ابتتعبين وما راح اتحملين اذا احد قاله من اليهال انت مو ولدها
الواحد يالله بالغصب يتحمل اعياله ساعات عليهم حركات افكر اقول لانه ولدي على قلبي مثل العسل بس اذا مو منج صدقيني ما راح اتحملين
بس اذا تقدرين كفلي ايتام كثر ما تقدرين بهاللجان

 

[Om eL-3a9aGeeL]

ترى ما تضمنين عقب الطلاق بييج ريل نفسه

وحتى لو خذيتي واحد زين بتمين تحبين ريلج الحين !!

عشان جذي شيلي فكرة الطلاق من راسج ..

:

وهم لا تيأسون من العلاااج !

وترى حل مشكلتكم مو بالعلاج حل مشكلتكم بيد رب العالمين

ما سمعتي عن فضل الاستغفار ؟
الاسغفار موضوعه طويل عرض الافضل دوريه بقوقل .. بس دايما دايما دايما استغفري

وما سمعتي عن فضل الدعاء ؟
ما تدرين انه لا يرد القضاء إلا الدعاء
خلج لحووحة بالدعاء انه الله يشفي ريلج ويرزقج بالذرية ! .. وكل يوم حاولي تقيمين الليل

وهم ما سمعتي عن فضل سورة البقرة ؟
اقريها كل يوم ولا تقولين طويلة ترى بسرعة راح تتعودين عليها

سوي اللي قلته وبيوم وليلة بتقولج السستر .. مبروك حامل

:

وهم حبيبتي حطي مشكلة ريلج بقسم تأخر الانجاب يمكن تلقين عندهم حل بالنسبة حق العلاج ..

والله يرزقج انشالله ويتمم عليكم

 

[ms_royality]

منو قال الطلاق بيحل مشكلتج .. ادعي ربج ليل و نهار و ربج يغير من حال لي حال ... بعدين الطب تطور روحوا دوروا العلاج .. اسعوا و توكلوا على الله ... و تأكدي ان مافي شي بعيد عن الله .. الله يرزقكم انشاءالله

 

[أروى]

أختي

قولي له تروحون لندن على حساب الدولة للعلاج

ولد خالي كانت حالته جذي وتزوج ثنتين وطلقهم

تزوج الثالثة وراح معاها لندن قبل 4 سنين وسبحانه يحيي العظام وهي رميم

الحين عنده 4 أطفال بقدرة قادر

الله سبحانه قادر على كل شي

لاتصدقون الأطباء

الأمل بالله

وألزموا الأستغفار

وعلى فكرة

تقولين مدلعج؟

قولي الحمد لله

واعتبري نفسج ليلحين ماتزوجتي

ويبقى في حالتج الحكم هو الإستخارة

صلي إستخارة

مرة

ومرتين

وثلاث

وتوكلي على الله

 

[جوري الكويت]

اعرف وحده تصير حق رفيجتي ,, صبرت على الريال 18 سنه ,, مافيه عيال

بعدها راح تزوج مطلقه ,, عندها عيال ,, و مدلع عيالها ,, و معتبرهم عياله ,, و شافوا دلع عنده ما شافوه عند ابوهم الصجي

انا ما اقول خليه ,, بس انتي بروحج تقدرين تقررين ,, ترى 4 سنين مو وايد من العلاج ,,

حاولواو ادعي ربج و خصوصا ان الطب تطور ,, بس اذا منتي قادره تقررين ,, استخيري ربج

و كلنا بنديلج و قلبنا معاج

 

[( مي )]

اقولكم سالفة ؟؟
والله توه زوجي يسولف لي عن رفيجه يقول راح مع زوجته لندن وسوولهم تلقيح ما ادري شنو واحملت زوجته ابتوأم بس واحد مات بعد الولادة والثاني ضال بس مسكين تعبان شوي ،، رجع الكويت راح للدكاترة عشان يسوون له نفس الطريقة عشان تحمل زوجته وايوبون اخو او اخت لولدهم اللي عاش قالوله مستحييييييييييييييييييييييييل
ردوا لندن سووا نفس العلاج اللي سووه اول مرة واحملت زوجته ماشالله تبارك الرحمن
والحين عندهم 2

يعني شوفوا لندن وانشالله تبشرينا بحملج بفضل الله اول شي وفضلهم​