تكفون مشكله زوجيه وابي حل

[عسولة بدوية]

اصبري على زوجك وتحملية مدامج مرتاحة وادعي ربج يرزقج وكثري من الاستغفار

 

[مشكلتي احبه]

والله فكرت هالكلام يااخت نوف والي مصبرني اني اخاف اذا تطلقت ما القي احد يتجزوجني مثل ماقلتي والغريبه ان مارحنا لمكه من تزوجت انا لازم اروح مادري احس اني تفالت يمكن عشان انا خاشه بقلبي ماعندي احد اقوله امي ماتكلمني بالموضوع واذا تكلمت تحرشني علي زوجي واول مره اكلم احد بالموضوع

 

[دلوعه زوجها]

الله يرزقج انتي وريلج وتيبين احلا تؤام ياااااااااااااارب
ياعمري لاتيئسين من رحمه ربج الله كريم بس انتي كثري من الدعاء ترا والله الدعاء يغير القدر سبحان الله !!
خلج واثقه انه الله كريم وبيعطيج الضنا اللي يفرح قلبج ياعمري واذا ريلج زين معاج ومدلعج ويحبج وتحبينه طلعي الافكار هاذي من بالج ولاتفكرين بالطلاق حرام تخربين بيتج بأيدج انتي ضامنه اذا تزوجتي واحد ثاني يكون زين معاج نفس ريلج الحين ؟؟
كثري من الدعاء ياعمري وجربي تروحين حق دكتوره ماجده اليتامي انتي وزوجج وان شاء الله الله يرزقكم بالذريه الصالحه ويرزقني معاكم ويرزقك كل محرومه امين يارب العالمين
كثر ماتقدرين حاولي بالعلاج وان شاء الله ييب نتيجه معاكم وهذا رقم واحد يسوي حجامه وفيه ناس نفس حاله ريلج راحوله وبإذن الله شفاهم ويابوا عيال 23911951 اسمه محمد البناي وهذا رقم عسل العويد 1800100 دقي عليهم وسألي علي امجد وقوليله حاله زوجج ويدزونلج العسل للبيت وان شاء الله يكون فيه الشفاء ياااارب.

 

[دلعني]

حبيبتي اقري قسم تأخر الحمل ...

يمكن اتحصلين وحده نفس حالتج وتعالجو ...

اقرى هالموضوع يمكن يفيدج

http://q8yat.net/showthread.php?t=293913

بس انا بقولج شي ...لا سمح الله تطلقتي ...تضمنين ان بيتقدملج احد؟؟

اذا العزوبيه وما تزوجت من قبل مو محصلتلها ريل فما بالج بالمطلقه؟؟

اتصدقين الحين حتى الريال المطلق والا اللي بياخذ ثانيه اتلاقينه ياخذ عازبه ...

يعني البنات اكثروا بالبيوت

الله يوفقج =)

 

[*&* المميزهـ *&*]

نا اقول اصبري وروحو عالجو اذا زوجج طيب ويخاف الله خليج معاه انتي شداج انج لسمح الله اذا تطلقتي بلاقين زوج مث زوجج


ادعي ربج والله مايردج

وعاااااااااالجووووووو

ولا سوو طفل انابيب

والله يوفقج يارب


ادعيلي غفيه
محتاااجه الدعوه انه الله يسخر لي زوجي

 

[مشكلتي احبه]

تسلمون خواتي علي الكلام الطيب عيميه ولا مره خطر في بالي ان احد من اهلي يرضعه عشان يحللي بس وين وشلون اتبنا طفل بالكويت وين اماكنهم

 

[مشكلتي احبه]

دلوعه زوجها ماقصرتي وانشالله ادق عليهم انا سجلت الارقام الحجامه تنفع بالامور هذي انا ماعندي خبره

 

[ام الوردة]

اصبري بعد جم سنة حرام الريال ماله ذنب ..
ادعي الله وخليه يدعي ابعدوا عن الذنوب ..

ترى صعبه تخلين فقلبه جرررررررررررررح طول عمره ضميرج يانبج بعدين

لو انا اقول اذا ماجوني عيال منك مابي من غيرك .. مع اني متهاوشه مع زوجي وزعلانه شهر ونص .. بس مادري احس صعبه

 

[مشكلتي احبه]

اختي هنادي انا سويت طفل انبوب 7 مرات واكيد عندج فكره عن طريقه العلاج تعب واذيه علي انا واهو بس بالاخر ياخذون منه حيوانتا منويه ولا مو بالابر ولا عمليه بالقذف باليد يعني لا تعب ولا هم يحزنون التعب علي الابر الي في بطني من كثرها مكانها معلم علي بطني يارب التعب يحتسبلي اجر يارب

 

[sweet barbi]

الله يعينج مشكلتج صعبه حبيبتى ومادرى شقول بس انشالله البنات يفيدونج حبيبتى وكلش كلش استخيرى

 

[ام الوردة]

يمدحون الأردن بنت عمي يابت 4 كل مرة تروح وتحمل واتييب ماشاء الله

حتى اخر بطن توام ..

والعيب بزوجها مو فيها ..

اذا الله قدرني اجيبلج وين تعالج بس تكفين زوجج لاتخليه حرام فوق اللي فيه انتي تتخلين عنه ..

 

[يارونه]

مدام وصلتي للمرحله هاذي استخيري وكثر تعاطفي معك نفس الشئ متعاطفه ويا زوجك اهو ما له ذنب في مرضه الله يرزقكم ولله يكون في عونك وعليكي بدعاءاعرف فيه مستشفى عندنا في الرياض ممتازاكيد بتقولين لي لندن افضل اكيدافضل بس ما تدرين الخير وين تسببي لا تروحين لهم ممكن تراسلينهم مستشفى الحرس الوطني وحدة العقم وفيه طبيب متخصص في الحالات المعقده لقبه البقنه والله يرزقك ولا تيئسين من رحمة الله وادعي اخر الليل ودائم قولي ياربي يا ربي ولا مارح يردك ثقي با الله وتعلقي فيه واستخيري في كل شي والله يرزقني وياك بذريه الصالحه امين

 

[cute cat]

دام ريلج خوش رياااال ظلي معااه

شلي يثبت لج اانح لمن تتزوجين غيره راح اتيبون عيال ؟

يمكن اذا تزوجتي غيره تطلع حوبت ريلج و جيناتج ما تتفق ويا جينات ريلج و ما اتيبون عيال و يمكن اتيبين منه عيال بس الله يبلي عيالح بالعقم ؟

و ريلج دامه مو مقصر معاج ظلي معاه وين بتخصلين ريل مثله ؟ ترا ياما حريم متزوجين و رياييلهم موكلينهم خراا !!

و بعدين انا اعرف وحده ريلهاا ما اييب عيال 5 سنين جان ايبون نحل اب بيتهم و صار ريلها كل يوم ياكل من العسل مال النحل و يقرا و يدعون ومافي احد ما زاروه وكا الله رزقهم عياال

انتو روحو الحج روحو العمراا زورو السيده نفسيه بمصر و اهل البيت اب اللي بسوريا و واللي بايران ادعو شخسرانين ؟

سوو صدقات جذي يبو حصاله و كل اسبوع قطو فيها فلوس و يمعوا الفلوس و عقب شهر اخذو الفلوس و ودوها حق دار ايتام او ساهموا فيها حق مرضى السرطان او ناس فقاراا او لجنه خيريه او اي احد

صلوو صلاتكم بوقتهاا و ادعو يومياا دشي سايتات و دوري ادعيه مفيده والكل استفاد منهاا

اقري صوره البقره كامله كل يوم لمده شهرين او اربعين يوم و سوره البقره الكل يتحجى عن فوايدها

وامتنى انج تتقربين من ربج اول شي و يصير ايمانج قوي فيه وانه راح يعطيج ياهل بيوم من الايام بعدين تتعالجون بالادويه

استغفري ربج كل يوم وادعيه كل يوم و تصدقي كل ما تشوفين فقير او عامل نظافه لو على الاقل بخمسين فلس المهم تصدقي ويا كثرهم الهنود اللي ينظفون بالشوارع !!

وامتنى اني فدتج

 

[مشكلتي احبه]

ام الورود ادري صعبه مو هذا الي ذابحني ومشكلتي اني احبه لو ما حبه جان قلتها من زمان ولا همني شعوره واحساسه بس ياام الورود تخيلي اختي الصغيره صارت ام من اول ليله حملت والله العضيم احسدها الله يبارك لها ويرزقها بخيره بس يمكن اهي قريبه مني في البيت لنا اشوفه واشوف ولدها يتقطع قلبي

 

[++The DuchesS++]

الله يرزقج الذريه الصالحه ويشفي زوجج ان شاء الله

 

[فرااااولة]

حبيبتي لا تيأسين
ان الله مع الصابرين
وتذكري قصة النبي زكريا من بعد سنين طويلة وبمعنى اخر لما وصلوا الى مرحلة مستحيل ينجب اطفال..قال:رب إني وهن العظم مني واشتعل الرأس شيبا ولم أكن بدعائك رب شقيا..
الى ان قال:
فهب لي من لدنك وليا يرثني ويرث من ال يعقوب..الى اخر الاية
والله استجاب له واعطاه النبي يحيى
واعطيج مثال ثاني
وحدة من اهلنا ما كانت تحمل..وقالولها ريلج ما فيه امل حتى واحد بالامية وهي مافيها شي
وقالها مثل ماقل ريلج لج..بس صبرت وتحملت والله رزقها بعد11سنة صبر
هذا بعد ما زوجها عالج6شهور بس
تخيلي كانوا يقولون ما في امل كلششششششش
حبيبيتي لا تيأسين وادعي ربج
كرري هالاية:رب لا تذرني فردا وانت خير الوارثين(سورة الانبياء اية89)

وهالاية:فقلت استغفروا ربكم انه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم أنهارا(سورة نوح الاية 10 وبعدها)عشان تتاكدين من تشكيل الحروف وتقرينها صح راجعي السور
وثقي ان الله ماراح يخيب ظنج
ادعيه وتوسلي فيه..صدقيني هو احن عليج حتى من امج
نزلي دموعج بنص الليل ورفعي ايدج وقولي يا رحمن يارحيم يارزاق

 

[مشكلتي احبه]

كيت كات كلامج عين العقل وانا بجرب العسل وهم ابي اسعه ما راح اياس بس اختي ام الورود الاردن ممكن تجيبيلي اسم العياده واسم الدكتور ماعليج امر لان شكثر ناس مدحولي الاردن وانشالله انسوي اوراقنا للاردن امانه لاتنسين الاسم والسعوديه اول مره اسمع عنها لها موقع ايميل وناس مدحولي محطه الحقيقه الشيخ الي فيها يقولون عنده ايميل منو تعرف ايميله

 

[ام _خلودي]

واااى خنتى حيلى عورتى قلبي
بس هم ريلج معور قلبي مسكين
يحبج ومدلعج صج انه اليهال زينه الحياه
بس هم الريل الزين حسافه عليه شدراج اذا
انفصلتى الله لايقوله ويكتبلكم الذريه الصالحه
من هالريل الزين راح يتقدملج واحد مثله
وحزتهاا راح اتقرنين بينهم
عموما انا عندى وحده من رفيجتى تمت 6 سنين واهيا
تتعالج المشكله كانت الحيوانات المنويه وايد ضعيفه
وماظل مكان ماراحوووا له تدرين من جم يوم قاعده
اسوالف ويااى رفيجتى جان تقولى فلانه حامل راحت
الهندى والله تمم لهمم واااى شنو استانست
ان شاء الله الله يفرح قلبج مثل مافرح قلبهااا
انتى صبرى واحتسبي الاجر وان شاء الله
الله يرزقج الذريه الصالحه من هالريل الصالح

 

[مشكلتي احبه]

تسلمين يا اخت فراوله علي الكلام الي يدخل القلب والله يكثر من امثالج انا مشكلتي اني ابي اعيال وانا صغيره استغفرالله والله ماني قادره اقولها يارب لا تحاسبني علي الي في بالي يارب والله لايضوقج الاحساس الي جربته لا انتي ولا غيرج امين

 

[مس يو]

الله يرزقكم الذريه الصالحة التي تسعدكم وتهنيكم
مافي شي بعيد على رب العباد
ادعي ربج روحي بيت الله وتوسلي بالدعاء وتضلعوا من ماي زمزم بنية الذريه الصالحة
وصح مثل ما قالوا الخوات شيضمنج بعد ما تتطلقين منه انج راح تتزوجين ويمكن اللي بتاخذيه يكون انسان سئ
او ما يرزقكم الله بالضنا وانتي ما تدرين بالغيب يمكن هذا ابتلاء من الله ليرى صبركم وزوجك لم يختر المرض بيديه
الحمدلله على كل حال مالج الا رب رحيم تدعينه بأوقات الاستجابه واماكن الاستجابه وان شاء الله يرزقكم
والله اعرف ناس محرومين من العيال بالعشر وبالعشرين سنه بعدين الله رزقكم
الله يفك كربتكم ولا تنسين قصة سيدنا زكريا عليه السلام