تقرين كتب ؟؟ تعالي قولي راايج ...

[رفرف]

مشاركة: تقرين كتب ؟؟ تعالي قولي راايج ...

شفيكم بنات عريتو هذا موضوع الكتب مو الروايات افتر راسي ...

بس على طاري الروايات شريت دافنشي كود وناطرة أتفرغ شوية علشان اقراها ..

نرجع حق محور حديثنا ...


اخر كتاب قريته كتاب فوزية الدريع (الرجل الحيوان) خخخخ عنوانه يبرد القلب بس من داخل حلوووو تتكلم عن شخصية الرياييل وافضل اسلوب للتعامل مع كل شخصية ...
لا تطوفونه خاصة المتزوجات انا ليلحين ماكملته كله بس وايد حلو

 

[مووونيك]

مشاركة: تقرين كتب ؟؟ تعالي قولي راايج ...

رفرف.... كتب وروايات نفس الشي... كلهم كتب خخخخخخخخخخخخخخخخ

تفاااخييييو.... اقريها قبل الفلم احلى... عشان بعدين اتقارنين بينهم

 

[تفاخيه مبطوطه]

مشاركة: تقرين كتب ؟؟ تعالي قولي راايج ...

يا رفرف مو بس كتب ورواياااات !! مالاحظتي حتى الأفلام دخلو بالموضوع هههههههههه

يلا كله واحد مو كل هالمواضيع راعيتهم وحده !!!!!!!!!!

إقري دافنشي كود وعطينا رايج

بس إستعيلي قبل شهر 5 لأنه راح ينزل الفلم

وبدعت فوزيه درييييييييع! العنوان وايد جريء زين ماعصبو الرياييل هههههههههه

مونيييييك

تصدقين رفيجتي تقول إنها نزلت وبتطلبها

تعالي رفرف ! من وين شريتيها؟ وبالعربي ولا بالإنجليزي !!

لأنه رفيجتي تقول توها تنزل المترجمه!!!!!!!!

 

[مووونيك]

مشاركة: تقرين كتب ؟؟ تعالي قولي راايج ...

ي صح تفاخيووو المترجمة توهااا تنزل.... وفي روايات بعد مترجمة توها نازلة لنفس الكاتب

 

[تفاخيه مبطوطه]

مشاركة: تقرين كتب ؟؟ تعالي قولي راايج ...

وانتو ماشاء الله عليكم قارينها بالإنجليزي؟

لا مثقفااااااااات ماشاااااااااااء الله

 

[coffee]

مشاركة: تقرين كتب ؟؟ تعالي قولي راايج ...

اهلين تفاخيه مشكوره على الموضوع
اول اجاوب على اسالتج:

1- احب الكتب المتعلقة بالعلاقات الاجتماعيه والنفسية والطبية والعلمية والكتب النسائية واي كتاب مفيد بعيدا عن الرعب .

2- اركز على نوع الكتاب ما احب انحاز لكاتب معين لكن من الناس اللي حبيت كتاباتها barbara de angelis

3- ما اقرا الكتاب اكثر من مره! بس ارجع له اذا بغيت شي معين لكن ما اقراه من اول ويديد

4- كتاب men r from mars women r from venus- john gray ممل ومتحيز للرجال ولكن ما يمنع انه يحوي معلومات حلوه.. وكتاب ثاني خذا ضجه على الفاضي بالزور خلصته the 7 habits of highly effective people

الكتب اللي ضروري تقرونهم خاصة المتزوجات لانها تفيد واسلوب الكاتبه يعجبني حيييل:
- secrets about men every woman should know
- secrets about life every woman should know

هم في كتب حلوه مثل:
- ذكرياتي مع عباس العقاد
- علم الفراسة والتشخيص
- سلطانات منسيات (جاري القراءه فيه بس شكله فعلا قيم)


والكتب اللي ناطريني اقراهم كتب عن لغة الجسد والرفلكسولوجيا
و how to talk to any one و six thinking hats و first impressions و digital fortress

اما الروايات فانا كاتبه عن غازي القصيبي وانصحكم بقراءة "هما"

مونيك عاد توني مبلشه بآنجلز برايج اوقف وابدي ديفنشي كود؟ لان آنجلز الجزء الاول

 

[الأميرة]

مشاركة: تقرين كتب ؟؟ تعالي قولي راايج ...

احب اقرأ كتب دينيةو علم نفس وجغرافيا عن الكواكب والمجموعة الشمسية

احب كتاب اسمه " انصت يحبك الناس" لمحمد النغيمش اليوم خلصت قرايته وعجبني هالكتاب وااااااايد

انصحكم تقرونه

 

[نفيشه]

مشاركة: تقرين كتب ؟؟ تعالي قولي راايج ...

خوش موضوع يونس

من الروايات اللي قريتها غير خرابيط عبير والغاز نوسه وتختخ قريت لفيكتور هيوقو:
احدب نوتردام
لمن تقرع الاجراس
بين مدينتين
البؤساء
كان ابوي يشتريهم لي عاد مجلدات شكبرهم وانا ورفرف نتهاوش عليهم
واه اسلاماه اتينن اموت عليها تتكلم عن قصة قطز بس اسلوبها روعه

والكتب اللي قريتها
الشعراء الصعاليك هذا عاد كله سوالف عنهم بس تونس يعني شي ممتع

وحق فوزية الدريع:
اللمس
الرجل الحيوان
الطعام والجنس
برود النساء

عائض القرني
لاتحزن اينن صج صج اينن
اسعد امراة بالعالم حلو بس توقعته احلى من لا تحزن

طبعا الرجال من المريخ والنساء من الزهرة الجزئين رووووعه وفي كتاب يعتبر الجزء الثالث لهم اسمه الرجال والنساء والعلاقات بينهما هم حلو

لاتهتم بصغائر الامور بالحياة الزوجيه هم حلو

طبعا كتب الحمل والولاده كلهم صامتهم صممممممممممممممممممممممممممم

الف ليلة وليلة باجزاءه بس كنت اقراه تحت رقابة امي وكليلة ودمنه نفس الشي مادري ليش عاد؟؟؟

قريت قصة تايتانيك بالطيارة ونسيتها مادري وين عقب

اذا ذكرت شي ثاني برجع لكم بس خوش موضوع الصراحة

 

[مووونيك]

مشاركة: تقرين كتب ؟؟ تعالي قولي راايج ...

مونيك عاد توني مبلشه بآنجلز برايج اوقف وابدي ديفنشي كود؟ لان آنجلز الجزء الاول

هلااا حبيبتي كوفي
لا هاذي مو الجزء الاول.... كل رواية منفصلة عن الثانية... بس نفس البطل بالروايتين اهو نفسه روبرت لانجدون
ابدي بدافنشي كود لانها احلى بوااااجد مافي مقارنة!

نفيشة
عاد انا من زماااان ودي اقرا الف ليلة وليلة.... يقولون الاصلية اشوي خارج منطقة التغطية عشان جذي يمكن امج كانت اتراقبج خخخخخخخخخخخخخخخخخخ

 

[رفرف]

مشاركة: تقرين كتب ؟؟ تعالي قولي راايج ...

تفوخ قصدج دافنشي كود ؟؟
مترجمة اللي عندي .. شاريتها من ذات السلاسل ..
وليلحين مافضيت اقراها ..

 

[saroona279]

مشاركة: تقرين كتب ؟؟ تعالي قولي راايج ...

عن الروايات
انا قارية روميو وجولييت مالت شكسبير ............حلوة ومشهورة وايد
بس اذا تبون أحلى روايات مرت علي! اقروا روايات التراث الاغريقي......
وايد حلوين.....
يونسون وكلهم خيال وحكم..........

 

[مووونيك]

مشاركة: تقرين كتب ؟؟ تعالي قولي راايج ...

اقروا روايات التراث الاغريقي

واااااااااااي سارونه طلع من خشمي التراث الاغريقي خخخخخخخخخخخخ
ماخذه هالكورس مادة عنهم... وعن الالياذة واوديسي... احس راسي بينبط منهم! خخخخخخخخ

تفاخية انا قريتيها بالانجليزي لان شريتها بالصيف اللي فاتت قبل لاتنزل المترجمة

 

[عالي مستواها]

مشاركة: تقرين كتب ؟؟ تعالي قولي راايج ...

الله يجزاج خير إختي تفاخية على الموضوع .. مادري إذا أنا رادة عليه من قبل أو لا .. بس حبيت أضيف أسماء مجموعة من الكتب قريتها وعجبتني

أنا عمومًا أحب أقرا كتب الأدب اللي تتكلم عن الشعر والشعراء واحوالهم .. وهم أحب الكتب اللي تتكلم عن شخصيات عربية قديمة مثل الصحابة والخلفاء ..
لكن ما أحدد نفسي في مجال معين أحب أنوع بين الكتب اللي أقراها

من أجمل الكتب اللي قريتها

المستطرف في كل فن مستظرف .. الكتاب هذا ممتع حيل شدني وهو عبارة عن أبواب مختلفة مثل باب عن القضاة وباب عن الحمقى ... إلخ ، وفي كل باب يتكلم عن قصص وحكايا تمس هذا الباب حلو الكتاب يعني مادته بسيطة ومافيها جمود .. بس حبيت أنوه إلى انه أغلب القصص اللي فيه تفتقر للمصادقية وخاصة اللي تتكلم عن الخلفاء والجواري وكيف كانت حياتهم شرب و نساء
لكن الكتاب يستحق القراءة

الروح لابن قيم الجوزية .. كتاب أكثر من رائع تعلمت منه أشياء كثيرة عن الروح والموت والبعث والأحلام يفسر ظواهر كثيرة صراحة فادني حيل وأنصح فيه بشدة .. وأنصح بكل مؤلفات ابن قيم الجوزي وهو غني عن التعريف طبعًا

وحي القلم للرافعي كتاب مشهور عبارة عن مجموعة مقالات للرافعي مجموعة في كتاب واحد


بنات منو قرأ كتاب " كيف تكون محاورًا جيدًا " أو كتاب " العادات السبع " لستيفن كوفي ؟

 

[BaNooTa Q8TeYa]

مشاركة: تقرين كتب ؟؟ تعالي قولي راايج ...

انا ما اقرا كتب
بس احب اقرا قصص

 

[تفاخيه مبطوطه]

مشاركة: تقرين كتب ؟؟ تعالي قولي راايج ...

coffee ... مشاركتج وايد قيمه مشكووره

الأميرة ... أنصحج بكتاب إسمه للكون إله .. ومشكوره على النصيحه

نفيشه ... إضافاتج وايد قيمه .. إنتي سويتي مكس قصص + كتب مره وحده ثااانكس

رفرف ... خلاص الفلم ونزل عاد بشوف الفلم ومالي خلق أقرى الروايه أحس مادري ليش ماتنفهم

saroona279 ... اتوقع كوين تستانس تقرا الروايات الإغريقيه اللي قلتي عنها إهي تحب التاريخ بس انا ماظنتتتي.. ومشكوره

عالي مستواها ... انا تقريباً كل كتب إبن القيم عندي .. قريت بعضهم بس الروح لما الحين ماوصلت له .. شوقتيني وااااايد

bnt alq8 ... ممكن تكتبين عن الروايات والقصص اللي قريتيها في هالموضوع

تقرين روايات؟؟ تعالي قولي رايج ..

 

[الأميرة]

مشاركة: تقرين كتب ؟؟ تعالي قولي راايج ...

مشكورة

ان شاء الله اقراه

 

[شاهة]

بنات من قرت كتاب الخيميائي لباولو كويلو ؟

ورجااااااااااااااءا فيدوني عن كتاب العادات السبع يستاهل كل الضجة الي علية ؟؟؟

تفاخية شخبارج اممممممممم شكلها للحين ما ردتمن العمرة ناطرينج تفاخية

 

[Harmony]

و الله انا احب الكتب و قريت وايد حتى روايات اقري بس الكتاب اللى صج حبيته The 7 Habits of Highly Effective People و Men Are from Mars, Women Are from Venus و French Women Don't Get Fat و الرواية اللى كانت غريبة و عجبتني Otherlands و غيرهم وايد بس هذول اللى حسيتهم مميزين

 

[كاكاوة سايحة]

أنا نوعية الكتب إلي أحب أقراها أكثر شي في مجال الself help - relationship قريت الرجال من المريخ النساء من الزهرة ... قريت لماذا يكذب الرجال و تبكي النساء و بعد حق نفس المؤلفين لماذا لا يستطيع الرجال قراءة الخرائط و لا تستطيع النساء الصمت. قريت كتاب النساء لا يسمعن ما لا يقوله الرجال..كتاب كيف تجذب الناس كالمغناطيس كتاب updating ...أحب الكتب إلي تشرح الاختلافات بين الرجل و المرأة و ما هقيت لهالدرجة الاختلافات توصل بينهم بعد ما قريت هالكتب و كلما أقرا الجزء إلي يتكلم عن المرأة أحسه 90% صح إذا مو أكثر ... و اكتشفت إن الحريم و الرياييل باختلاف الشعوب هذا أهمه نفس الشي اللهم بعض الاختلافات إلى تصنعها الثقافة من ديانة و عادات و تقاليد.

 

[كاكاوة سايحة]

رد: مشاركة: تقرين كتب ؟؟ تعالي قولي راايج ...

اخر كتاب قريته كتاب فوزية الدريع (الرجل الحيوان) خخخخ عنوانه يبرد القلب بس من داخل حلوووو تتكلم عن شخصية الرياييل وافضل اسلوب للتعامل مع كل شخصية ...
لا تطوفونه خاصة المتزوجات انا ليلحين ماكملته كله بس وايد حلو

قريته بس ما عجبني أحس ما فيه نظرية علمية انطلقت منها لما اكتبت هالكتاب...حتى لما أكتب عن أنواع الرجال مثل الرجل الحمامة الرجل الأسد ...إلخ ما حطت أمثله على كل الأنواع علشان الواحد يفهم.بس العنوان يابته صح:eh_s(15):