تقرين كتب ؟؟ تعالي قولي راايج ...

[تفاخيه مبطوطه]

مشاركة: تقرين كتب ؟؟ تعالي قولي راايج ...

نفانيف

ترى البنات متكلمين عن بنات الرياض بشكل مووووسع بموضوعي الثاني مالي الروايات

طلي عليه وشوفي شنو قايلين بعضهم مثلج يقولون عاديه وبعضهم لا ! وأنا الصراحه أمس بلشت

بأول صفحه بس ماكلمتها

فلانه

من سبق لبق ههههههههه

و في كتابي يمدحونه اسمه " للكون إله "

دوووووووورته بالكويت بكل المكتبات لين عيزت مالقيته !!

بس يوم صار معرض الكتاب شريته متيييييييييين وشكبره .. بس شكله حيل ممتع

و بعدي مابلشت فيه

لأني نفس حالتج أطول بالكتاب وااااااااايد جم كتاب عندي الحين قاريه من كل واحد نصه ! يعني ماخلصت كتاب

مادري متى بتفرغ لهم! تصدقين متى تقدرين تقرين!! بالسفـــــــر خصوصاً لما تكونين بطريج سياره ..

إمرأه تمثاليه ( على قولة عمتي هههه)

المصحف ... كتاب الله تعالى جل جلاله

صدقتي والله

 

[شاهة]

مشاركة: تقرين كتب ؟؟ تعالي قولي راايج ...

شلونكم بنات , تفاخية انا بلشت في الكتاب مال المغناطيس علي قولتج ههههههه (كيف تجذب الناس كالمغناطيس ) الكتاب وايد حلو وفي مواقف حلوة من حياة الكاتب والناس الي يعرفهم في شغلة حلوة في الكتاب يحطلج مربع في نصايح مختصرة للموجود في الفصل يعني لو حبيتي تراجعين الي مكتوب بس تقرين المربع الصغير هذا تعرفين الزبدة من الفصل .
في العموم الكتاب حلو ويعلمنا شلون نتعامل مع الناس بطريقة تحببهم فينا .

فلانة : معاج حق كتاب دع القلق وابدا الحياة كتاب روعة صج ساعدني وايد اتمني الكل يقراه حتي الي ماعنده قلق

كتاب كيف تخطط لحياتك صلاح الراشد ياريت تعطيني رايج فية او اي وحدة قرات الكتاب لان حاطتة في بالي ابي اشترية وابي رايكم

 

[LaSt WoMeN]

مشاركة: تقرين كتب ؟؟ تعالي قولي راايج ...

مادري متى بتفرغ لهم! تصدقين متى تقدرين تقرين!! بالسفـــــــر خصوصاً لما تكونين بطريج سياره ..

ويييييييي تختوخة ! اذا بطريج السفر بالسياره بس اقدر اقراهم .. عزة الله اني قريتهم كلهم >>> ما احب السفر بالسياارة شكلهم بيتنقعون عندي !!

بنات منو يشتري كتب متنوعة و شيقة بالجملة ؟ بسعر مناسب

فلانة : معاج حق كتاب دع القلق وابدا الحياة كتاب روعة صج ساعدني وايد اتمني الكل يقراه حتي الي ماعنده قلق

كتاب كيف تخطط لحياتك صلاح الراشد ياريت تعطيني رايج فية او اي وحدة قرات الكتاب لان حاطتة في بالي ابي اشترية وابي رايكم

عاد تصدقين كتاب دع القلق قريته لما كنت بالثانوية ,, و كنت ما اقدر انام اذا وراي امتحان لين اخلص اخر ورقة من المقرر بس من قريت هالكتاب صرت انام حتى لو باقي لي نص الكتاب و آكل المخدة ههههههههه ما انصح فيه حق اللي يدرسون ,, بس يصلح حق اللي على ويه زواج

اما بالنسبه لكتاب " كيف تخطط لحياتك " والله الكتاب وايد حلو يساعدج تحددين اللي تبينه من خلال تمارين عمليه سعره 3د.ك ينباع بمركز الراشد اللي بحولي ,, بس انا ما خلصته في نقطه وقفت عندها نسيت شنو اهي !!يبيله انسان جاد في التخطيط لحياته .. بس وايد مفيد لازم اكمله انشالله >> اي بالعيد السعيد
والله ودي بس ما عنديش وقت >> اكبر دليل اني محتاجه اقرا هالكتاب المركون في زاوية غرفتي المظلمة هههه>> استلموا ترى حدي دايخة

 

[شاهة]

مشاركة: تقرين كتب ؟؟ تعالي قولي راايج ...

هههههههههههه شكرا انا بستلم عنج

مشكورة فلانة علي المعلومة وان شاءالله راح اشترية وراح اقراه باذن الله ولا بشرحلج الي مافهمتية بعد شتامرين علية

 

[LaSt WoMeN]

مشاركة: تقرين كتب ؟؟ تعالي قولي راايج ...

حياج الله انشالله تستفيدين منه و تحططين لمستقبل باهر >> اشرايج تخططين لحياتي وياج ؟ هههههههه

اخذيه و ادعيلي ما راح تتحسفين انشالله ,,

سهرانه ؟؟ )

 

[شاهة]

مشاركة: تقرين كتب ؟؟ تعالي قولي راايج ...

يحلا السهر معاكم

 

[LaSt WoMeN]

مشاركة: تقرين كتب ؟؟ تعالي قولي راايج ...

ويييييييي عيل طافتني السهرة معاج امس ,,
ماماتي بعد عمري كانت تعبانه ف رحت لها ,,
ها ما خذتي" كيف تخطط لحياتك " ؟

 

[^^ jory^^]

مشاركة: تقرين كتب ؟؟ تعالي قولي راايج ...

1- شنو نوع الكتب اللي تحبين تقرينها ( دينيه - تاريخيه - علميه -طبخ - علم نفس... إلخ)؟
والله احب اقرا في كل المواضيع وخاصة الدينيه والسيرة النبوية والسيير الذاتية والقصص

2-منو (الكاتب/الكاتبه) اللي تحبين تقرين له ؟ كثير وعموما يجذبني اسم الكتاب اكثر والحين قاعدة اقرألعايض القرني وايد

3-شنو الكتاب اللي مهما تعيدين وتزيدين فيه ماتملين (تقرينه أكثر من مره ) وليش ؟
اكيد كتاب الله لاني احس نفسي مقصرة واحاو ل احفظ وبرضوا كتاب علو الهمة ولاتحزن

4- إذا بخطارج نقد على كتاب سواء بناء أو هدام قوليه لنا يمكن يكون راينا من رايج..
يمكن على الكتاب اللي قاعدة اقرأ فية لانة مرجع غثيث وطويل بس مضطرة اقراه لان عندي مقابلة الاسبوع الجاي ادعولي

ومشكورة اختي تفاخية لاني احب القرأة ومن زمان ماقريت شي جديد ياليت البنات يحطون اسماء الكتب اللي يحبونها وعن ايش تتكلم وبالذات السسير الشخصية لاني احبها مرة

 

[LaSt WoMeN]

مشاركة: تقرين كتب ؟؟ تعالي قولي راايج ...


مرحبا بنات ,, اليوم اخترت لكم مقتطفات من كتاب " روائع أقوال الفلاسفة في المرأة " .. أتمنى تعجبكم :


* عندما يرد الرجل بإجابة صحيحة يقال عنه : مـصـيـب , أما المرأة فيقال عنها : مـصيــبة

* عندما تدب الحياة في الرجل يقال عنه : حــي , أما المرأة فيقال عنها : حــيــة !

* عندما يقضي ( يحاكم ) الرجل يقال عنه : قــاضــي , أما المرأة فيقال عنها : قــاضــية

* حين يرتكب الرجل بلاهة يقولون : مـأ أشـد بلاهتـه , أما حين ترتكبها المرأة فيقولون : مـا أشد بـلاهة النساء ! >> هذا الظلم بعينه و علمه

* ليس أصعب من أن تجد بطيخة طيبة و إمرأة طيبة >> ليش صعب ؟ احم احم


* لم تخلق المرأة من رأس الرجل لئلا تتعالى عليه ,, و لا من رجله لئلا يحتقرها ,,, بل استلت من ضلعه لتكون تحت جناحه فيحميها و قريبة الى قلبه فيحبها و لتكون مساوية له

* اذا كانت المرأة الجميلة جوهرة , فالمرأة الفاضلة كــنــز >> كلمات عميقة ,, فعلاً

*إذا كانت امرأة تكره رجلا الى درجة الموت ,, فاعلموا انها كانت تحبه الى درجة الموت

* حب الرجال كالكتابة على الماء و اخلاصهم كالكتابة على الرمال >> وييي يا حسرتنا مهي بشارة

* إذا أحبت المرأة الرجل لم تذل رجولته أبدا

*سلاح المرأة لسانها فكيف تدعه يصدأ بعد الاستعمال >>

إمرأة بلا حياء كطعام بلا ملح >> صح لسانك

*عندما تسمع المرأة عبارات الغزل تغمض عينيها لتستمتع بمعناها .. فإذا سمعت بعض النصائح أغمضت عينيها ..لتنام >> كيفها


* تصغي المرأة لزوجها عندما يتحدث أثناء النوم فقط >> لأنها متأكده انه ما راح يجذب وهو نايم


* أروع ما في الرجل ان يراعي في المرأة كبريائها مهما تواضعت بين ذراعيه >> صج أحلى شي


* الفتاة الغبية هي التي لم تكتشف بعد ............ أن سر قوتها في ضعفها >> مو تروحون تسوون ريجيم علشان تضعفون هههههه ضعفها يعني استسلامها ؛)


*بعض النساء قنوعات .. لا يطلبن في الزوج المثالي غير صدر حنون و قلب طيب و ... ثروة كبيرة >> طبعا .. مو قالوا القناعة كـــنـــز

* المرأة التي تترامى على قدمي الرجل ...... لن تفوز بحبه أبدا >> قلعتها

* المرأة النائمة لا تؤذي أحدا >> ههههههه عيل روحوا ناموا يا بنات


اتمنى يكون الموضوع عجبكم و سامحوني اذا ما عجبكم .. حضرات العضوات المثقفات ,, اشرايكم اذا قريتوا فقرة اعجبتكم ابكتاب تحطونها هني علشان نتشجع على القراءة ؟؟ قولولي اشرايكم ,,و فتتكم بعافيه

 

[مووونيك]

مشاركة: تقرين كتب ؟؟ تعالي قولي راايج ...

يسلمووووو فلانة

تفاخية الفيلم اسمه "شيفرة دافنشي"
واكيييد راح يسوي ضجة لان الرواية سووت ضجة مووو طبيعية!
منزلين نسخة مترجمة للرواية شفتها بالمكتبة

 

[مووونيك]

مشاركة: تقرين كتب ؟؟ تعالي قولي راايج ...

يااااااربي... انا اقول في موضوع عن الروايات انا مشاركة فيه... سويت سيرج ولقيته... طلع موضوع للغشيمة الله يذكرها بالخير كاتبته من زماان.... هذا كوبي لردي>>>>> وحدة مالها خلق تكتب خخخخخخخخخخخ


اكثر شي احب اقراه الروايات....
في رواية اسمها "السجينة" وهي قصة حقيقية عن حياة مليكة اوفقير بنت الجنرال المغربي ومعاناتها اهي واهلها بالسجون المغربية وحياتها بقصر الملك.... رواية مؤثرة مع ان فيها مبالغات شوي.

رواية معقدة وزاااااااااخرة جدا جدا جدا اسمها "مئة عام من العزلة" للمؤلف غابرييل غارسيا ماركيز وهو حائز على جائزة نوبل... الرواية تتكلم جيل كامل من احد الاسر وشلون حياة كل جيل مع عرض جوانب التغيرات السياسية والاجتماعية اللي تمر فيهم..... القصة خيالية وصعبة للمبتدئين بالقراءة... بس جد يا بنات انصحكم فيها ومرة اوبرا اتكلمت عنها في برنامجها... والنقاد يقولون لازم تقروونها بعد the bible!

في كتاب روووووووووعة قريته يمكن اكثر 7 مرات اسمه "انبياء الله" بس مايحضرني اسم الكاتب.... اللي ماعندها هل الكتاب المفروض تشتريه اللحين وعلى طوووول!
هالكتاب يتكلم عن الانبياء وخلق الله سبحانه للارض والملائكة والشياطين والجن... كتاب روووعة!

اخر كتاب قريته كان رواية "the da vinci code" للكاتب دان براون.... رواية تشدج من اول صفحة لاخر صفحة.... جنج قاعدة اتطالعين فلم اكشن امريكي... وهالرواية اهي best selling novel.... عجيييييييبة!
وهالرواية سوت ضجة كبييييرة لانها تتكلم عن الكنيسة ومعتقداتها... ومسوين منها فيلم من بطولة توم هانكس راح ينزل انشاءالله الصيف الجاي... يعني اللي فوتت الرواية لا تفوت الفلم

والله قريت وااااجد كتب حلوة بس هذا اللي اذكره اللحين.... واكثر كتب بعد قريتهم وحبيتهم مغامرات باردليان ومغامرات بوريدان.... جد مو طبيعيين من احلى ما قريت... بس للاسف النسخ الاصلية من هالسلسة اللي عندي مو كاملة ومالقيت تكملتها لان تصدر من دار الروائع في بيروت وهالدار احترقت بالكتب اللي فيها بالحرب اللبنانية!

وبس

 

[مووونيك]

مشاركة: تقرين كتب ؟؟ تعالي قولي راايج ...

اللحين قاعدة اقرا رواية لدان براون "angels and demons"
ماشدتني حيل...!

 

[تفاخيه مبطوطه]

مشاركة: تقرين كتب ؟؟ تعالي قولي راايج ...

مشكلتي إني دودهتكم الموضوعين نفس العنوان تقريباً

مونيك مشكوره وايد على المشاااركه بس هذا موضوع الكتب موضوع الروايات تلقينه مثبت

أبيه أحس يننتكم هههههههههههههههههههه

والفلم كان شادني أحسب في خيال وعن رسومات دافنشي في من وراها سر أثاريه ديني ! وعن الديانات !

ضاق خلقي الصراحه يليت والله يكون الفلم حلو على وصفج تقولين الروايه حلوه!!!

رواية السجينه مره دخل علينا الدكتور وبيده هالروايه يمدحهااااااااا

يقول لازم تقرونها

عاد رحنا أنا وسنابل معرض الكتاب وشرتها إهي وناطرتها تخلص منها وباخذها أقراها .. شوقنا الدكتور الصراحه ..

 

[LaSt WoMeN]

مشاركة: تقرين كتب ؟؟ تعالي قولي راايج ...

شكرا " مونيك "
ها " تختوخة " اشوف قمتي تسولفين عن الروايات هني !!
ههههه ,, ماكو فايده ها ؟
بنات لو سمحتوا منين شريتوا رواية " السجينة " ؟؟ شوقتوني عليها !

 

[تفاخيه مبطوطه]

مشاركة: تقرين كتب ؟؟ تعالي قولي راايج ...

شسوي فلانه ماقدر أدقر البنات

عادي روايات كتب كله واحد ههههههههههه

رواية السجينه شايفتها بجرير تلقينها إن شاء الله متوفره أظن بكل المكتبات

بس للأمانه لما الحين ماقريتها مو تقوليــــــــــــــــــــــــن!!!!

 

[bambena]

مشاركة: تقرين كتب ؟؟ تعالي قولي راايج ...

عاد مونيك انا يوم قريت دافنشي كود قلت باروح اشتري انجلز اند ديمنز شكلها حلوه

 

[LaSt WoMeN]

مشاركة: تقرين كتب ؟؟ تعالي قولي راايج ...

ميرسي تختوخة ,, عُلِم

 

[LaSt WoMeN]

مشاركة: تقرين كتب ؟؟ تعالي قولي راايج ...

شاهة اشلونج صارلج فترة ما تبينين !! شكلج غايصة بين الكتب

 

[مووونيك]

مشاركة: تقرين كتب ؟؟ تعالي قولي راايج ...

هلااااااا سوري عالتأخير


تفاخيووووو.... رواية دافنشي حييييييل حلوة.... فيها اسرار وغموض عن لوحات فنية واللي امحليها انها تتناول جانب عقائدي... وهذا اللي خلا الرواية تنتشر وتسوي ضجة!
واللحين في قضية مرفوعة عالكاتب>>>>> ماتهنى خخخخخخخخخخخخخخخخ

هلا حبيبتي فلانة
انشاءالله اكون شجعتج وتقرين السجينة
انا شاريتها من برا

حبيبتي بامبينا
اتصدقين للحين ماخلصت "angels and demons"..... ماشدتني ماني قادرة اكملها!
لان احس فيها من شيفرة دافنشي بس على موحلوة!
بس يمكن اتعجبج
رفيجتي تمدح رواية لدان اسمها ديجتال ما ادري شنو.... ماني ذاكرة اسمها حيييل تمدحها

 

[تفاخيه مبطوطه]

مشاركة: تقرين كتب ؟؟ تعالي قولي راايج ...

فلانه

حياااااج

مونييك

زين أشوه يعني فيها أسرااااااااااااار وغموووووض

أنا هذا اللي أحبـــــــــه وهذا المطــــــــــلوب

واللي محلي الفلم إنه البطل توم هانكس معروف أفلامه حلوه

عاد يااارب يطلع هالفلم حلووو أحب سوالف ألغاز وغموض وتفكيييييييير

مشكوره يا عمري