تقرين كتب ؟؟ تعالي قولي راايج ...

[تفاخيه مبطوطه]

السلام عليكم .. إشلووونكم بنوتات حلوات ..

أنا فتحت موضوع حق اللي يقرون روايات .. ولاحظت في بنات قامو يقولون عن الكتب اللي قروها !!

فقلت الظاهر لازم أفتح موضوع حق الكتب لأنه عليها إقباااال

يالله شاركوني بكتبكم اللي قريتوها ..

1- شنو نوع الكتب اللي تحبين تقرينها ( دينيه - تاريخيه - علميه -طبخ - علم نفس... إلخ)؟

2-منو (الكاتب/الكاتبه) اللي تحبين تقرين له ؟

3-شنو الكتاب اللي مهما تعيدين وتزيدين فيه ماتملين (تقرينه أكثر من مره ) وليش ؟

4- إذا بخطارج نقد على كتاب سواء بناء أو هدام قوليه لنا يمكن يكون راينا من رايج..

وناطره تفاعلكم عشان أقول لكم عن الكتب اللي في مكتبتي ...

 

[HASB_83]

مشاركة: تقرين كتب ؟؟ تعالي قولي راايج ...

بعددددد عمري تفووووخه خوخه
للاسف انا ما اقرا كتب
احس ماكو وقت او مالي خلق اندمج بكتاب :////////

بس الصرااحه احب اقرا قصص

 

[تفاخيه مبطوطه]

مشاركة: تقرين كتب ؟؟ تعالي قولي راايج ...

هو عيل شمقدج بهالموضووووع !!!

عندج موضوع الروايات مالي تلقينه مثبت دشي وقولي لنا شنو القصص اللي تقرينها أهوووو بسرعه :d

 

[HASB_83]

مشاركة: تقرين كتب ؟؟ تعالي قولي راايج ...

لووووووووووول من زمااااااان هالقصص لمن كنت ياهل الحين بح


نسييييييت كل اللي قريته
بس يمكن قصقص جحا لوووووووووووول

 

[تفاخيه مبطوطه]

مشاركة: تقرين كتب ؟؟ تعالي قولي راايج ...

ويييييييييه قميضه !!

إنزين قصي لنا قصة جحا جود ننااااام ههههههههههههههههههههه

 

[شاهة]

مشاركة: تقرين كتب ؟؟ تعالي قولي راايج ...

سلام عليكم خواتي بالنسبة للكتب طبعا انصحكم بكتاب جدد حياتك للغزالي كتاب بديع وكاتب من افضل الكتاب الكتاب موضوعة مو ديني مع ان الكاتب عالم اسلامي معروف ولكن الكتاب عبارة عن نظرة اسلامية لكتاب دع القلق وابدا الحياة لدايل كار نجي ورد الكتاب لاصولة الاسلامية وفعلا انا كنت قريت كتاب دع القلق وابدا الحياة وهو الصراحة كتاب رائع يعلمنا كيفية التغلب علي القلق بس في بعض اللحظات كنت اسال نفسي هالي قاعد يقولة الكاتب صحيح من وجهة نظر الدين ولا لا بعدها شريت كتاب جدد حياتك وفعلا استنتعت فية وعرفت الالشغلات الي كانت مضايقتني في الكتاب الاول ومو متاكة هل اهي تناسب شريعتنا ولا لا

نصيحة بنات الكتاب جدا رائع وفعلا يجدد حياتكم ويعطيج دافع لحياة افضل وااحسن

سوري قرقت عليكم وايد بس اتمني تستفيدون وان شاء الله المرة الياية اتكلم عن كتب ثانية

 

[تفاخيه مبطوطه]

مشاركة: تقرين كتب ؟؟ تعالي قولي راايج ...

هلا والله شااااهه

أول شي ياليت تردين على الأسئله كلها عشان نشوف شنو عندج بمكتبة كتبج..

وجدد حياتك شاريته من زمااااان ولما الحين مابلشت فيه ! قاظب دووور مع باجي الكتب

وفعلاً سمعت عنه إنه وايد حلو ! شوقتيني جني ببلش فيه عقب الفاينل

 

[طوق البنفسج]

مشاركة: تقرين كتب ؟؟ تعالي قولي راايج ...

قوه اشلونكم انا لي الحين ماشريت بنات الرياض و لقيتها بالامارات بس ضعف السعر ماشريتها

 

[تفاخيه مبطوطه]

مشاركة: تقرين كتب ؟؟ تعالي قولي راايج ...

طواقه حياتي مضيعه ترى ههههههههههه

هذا موضوع الكتب الروايات مثبت فوووق

عاد وحده من البنات تقول إنه الروايه موجوده بالمطار !! مكوده على قولتها

ماشفتيها؟

 

[شاهة]

مشاركة: تقرين كتب ؟؟ تعالي قولي راايج ...

تسلمين تفاخية علي الترحيب اوكي راح اجاوب علي اسالتك


1- شنو نوع الكتب اللي تحبين تقرينها ( دينيه - تاريخيه - علميه -طبخ - علم نفس... إلخ)؟ احب اقرا الكتب الدينية والعلمية وكتب الادارة وتنمية الذات .

2-منو (الكاتب/الكاتبه) اللي تحبين تقرين له ؟ امحمد الغزالي , المنفلوطي , احمد امين و الطهطاوي .

3-شنو الكتاب اللي مهما تعيدين وتزيدين فيه ماتملين (تقرينه أكثر من مره ) وليش ؟جدد حياتك لمحمد الغزالي لان يساعدني لما اكون محبطة او زعلانة ورواية الشاعر لان فيها تصوير بلاغي وادبي بديع يمتعني .

4- إذا بخطارج نقد على كتاب سواء بناء أو هدام قوليه لنا يمكن يكون راينا من رايج..
تقريبا ذكرتة بالفقرة الي فوق لما تكلمت عن كتاب دع القلق وابدا الحياة لان الكتاب في شغلات احس تتعارض مع الايمان بس الله يرحمة محمد الغزالي وضح هذي الاشياء في كتاب جدد حياتك

محمد الغزالي بشكل عام كتاباتة ابداعية كتاب خلق المسلم بديع وكتاب قذائف الحق شي رائع أنا فهمت معني كلمة شجاعة ادبية لما قريت هالكتاب اسلوبة قوي وتحسين ان مو خايف وعلي فكرة دخل اسجن كذا مرة بسبت افكارة والله يرحمة توفي في منبرة علم كان يلقي كلمة في حفل توزيع جوائز الملك فيصل الاسلامية .

 

[مووونيك]

مشاركة: تقرين كتب ؟؟ تعالي قولي راايج ...

تفاخيووووو
يسلموووو عالموضوع

انا اكثر شي احب اقراه الروايات... مع ان عادي عندي اقرا اي شي حلو
ومافي كاتب معين احبه.. مع اني احب رويات اجاثا كريستي
الكتاب اللي ما امل منه "انبياء الله"
ماعندي نقد على اي كتاب... بس اشجعكم اتشوفون فيلم توم هانكس اللي راح ينزل.. لاني قارية الرواية وصج رووووعة.. مع اني ما اعتقد الفيلم راح يصير احلى من الرواية

 

[رفرف]

مشاركة: تقرين كتب ؟؟ تعالي قولي راايج ...

لي عودة لأن عندي وايد كتب احب اتكلم عنها

 

[bambena]

مشاركة: تقرين كتب ؟؟ تعالي قولي راايج ...

انا قريت لاتحزن لعائض القرني وشريتله كتاب اسعد امراه في العالم بس لي الحين ماقريته

 

[شاهة]

مشاركة: تقرين كتب ؟؟ تعالي قولي راايج ...

قوة بنات قبل فترة بديت في كتاب حلو (للحين ما خلصت منه (; )

( كتاب كيف تجذب الناس كالمغناطيس ) اكتساب الاصدقاء والاحباء والاحتفاظ بهم طوال الحياة للمؤلفة ليل لاوندس الكتاب في العموم وسائل وطرق جميل وجذابة لاكتساب المحبة واجتذاب الناس , الكاتبة خبيرة اعلام واتصال وتعطينا اسرار اجتذاب الاصدقاء في حياتنا الشخصية بالاضافة الي تقوية اتصالاتك وعلاقاتك في مجال العمل .
الكتاب حلو واسلوبة ممتع في قصص ومواقف كثيرة (احب هالنوعية من الكتب لاني احب القصص) , وفي فعلا شغلات يديدة ما مرت علي مع اني قريت اكثر من كتاب في نفس الموضوع .
اتمنا لكم قراءة ممتعة .

 

[تفاخيه مبطوطه]

مشاركة: تقرين كتب ؟؟ تعالي قولي راايج ...

شاهة

سامحيني أدري وايد تأخرت على مارديت عليج ..

سبحان الله ذوقج بالكتب نفس ذوقي .. حتى أنا أحب الكتب الدينيه والعلميه

والله يرحم الكاتب محمد الغزالي .. ولو إني لما الحين ماقريت له شي ! عندي جدد حياتك ولما الحين مابلشت فييييه

وإذا خلصتي كتابج مال المغناطيس <-- خوش إختصار هههه

ياليت تقولين لنا رايج فيه لأنج شوقتييييني أحب الكتب اللي فيها مواقف ... تكسر الملل

مونيييك

هلا والله فييييييييج

هو مونيك رديتي على موضوعي مال الروايات ولا لأ ؟؟

شكلج عندج حجي وايد عن الروايات .. أبيه فقدت الذاكره مشاركه معاي ولا لااااء؟

بس اشجعكم اتشوفون فيلم توم هانكس اللي راح ينزل

ماقلتي شسم الفلم عاد؟

رفرف

ناطرينج ...

بامبينا

يمدحون كتاباته عائض القرني .. ماتدرين شصار عليه؟ مو قال بوقف مدة شهر وبقعد مع نفسي

ولا أنا مخربطه مع واحد ثااني؟؟

 

[bambena]

مشاركة: تقرين كتب ؟؟ تعالي قولي راايج ...

امبله بس يقولون هون ورجع للكتابه

 

[تفاخيه مبطوطه]

مشاركة: تقرين كتب ؟؟ تعالي قولي راايج ...

زين أشوه هذي بشااااااااااااااااره الله يبشرج بالخير

 

[نفانيف]

مشاركة: تقرين كتب ؟؟ تعالي قولي راايج ...

انا قريت رواية بنات الرياض وايد حلوة تضحك وما ادري الناس ليش منصدمين منها

 

[LaSt WoMeN]

مشاركة: تقرين كتب ؟؟ تعالي قولي راايج ...

تفااخية صج خوش موضوع و الظاهر بيننا توارد افكار لأن على بالي يسلموو

انا احب كتب تنمية الذات و بعض الكتب الدينية و بالنسبة للكتب التاريخية يعني صارلي سنتين من حسيت انني اميل لقرائتها
توني ,,,

دع القلق و ابدأ الحيا ة " كتاب وايد حلو قريته من زمان بس فعلا أثر على حياتي ايجابيا ,,

طهارة القلوب و الخضوع لعلام الغيوب , تأليف عبدالعزيز بن احمد الديري >> كتاب رائع

المقابلة الشخصية الأولى : رون فراي >> رائع للي يبي يقدم على وظيفة

كيف تخطط لحياتك : د.صلاح الراشد >> ما كملته لي الحين !!

أقوال الفلاسفة في المرأة >> ممتع

من جواهر الأدب , أبو الطيب المتنبي , كليلة و دمنة : لإبن المقفع , النظرات : للمنفلوطي .
بالاضافة الى ..من قصص العرب , السمير المهذب ..هذيل قريتهم من زماان
و نسيت الباجي اذا تذكرت بكتبهم ان شاءالله .

و في الطريق ان شاء الله العقد الفريد , النساء من المريخ و الرجال من الزهرة

وودي اشتري كتاب " العقل أولاَ " في وحده منكم قرته ؟ اشرايج فيه اذا قريتيه ؟
و في كتابي يمدحونه اسمه " للكون إله " ودي آخذ بعد بس مشالله طبعته بسرررعه تخلص

و للأسف انا ما عدت مثل قبل اقرا صرت اطول وااايد في قراءة الكتاب لدرجة اني انساه احيانا كثيرة
قبل كنت ما اهد الكتاب الا لما اخلصه بس من دشيت الجامعه تغيرت حتى عقب التخرج و مع الدوام و النت كلش ما عندي وقت نفس قبل !!!

 

[إمرأة مثالية]

مشاركة: تقرين كتب ؟؟ تعالي قولي راايج ...

1- شنو نوع الكتب اللي تحبين تقرينها ( دينيه - تاريخيه - علميه -طبخ - علم نفس... إلخ)؟

دينيه

2-منو (الكاتب/الكاتبه) اللي تحبين تقرين له ؟

عمر عبد الكافي و عايض القرني

3-شنو الكتاب اللي مهما تعيدين وتزيدين فيه ماتملين (تقرينه أكثر من مره ) وليش ؟

المصحف ... كتاب الله تعالى جل جلاله