??تـجـمـع لـجـمـيـع مـوالـيـد 2016 { تعالو نستفيد من خبرات بعض}??

[<<الأميره>>]

رد: ((((تجمع مواليد فبراير 2016))))

نعومه
والله مادري جم بالضبط يبتدون بتنزيلاتهم

وانا بنتظرهم ان شاءالله ماني مستعجله

 

[tota77]

رد: ?تجمع مواليد " مااايو " 2016 بإذن الله ?

صباح الخير بنات

عساكم بخير

من زمان عنكم لاهيه بالدوام والبيت ..


وبعد ماطلعت من الطواري الاسبوع الي طافت كتبتلي على مثبت بس الصراحه مااستمريت عليه اخذته 3 ايام ووقف الدم الحمدلله


ومراجعتي بعد اسبوعين ان شاءالله

 

[(lola)]

رد: مواليييييييد مارس 2016

مذركير عندهم الحين صيفي وشتوي اخذوا الاقطان الخفيفه لان حركة الكم بمذركير حلوه ماتخلي الياهل يشمخ نفسه

عندكم بعد تويز ار اس ب360 ركن المواليد مسوي تنزيلات وحلوه بضاعتهم

h&m هم حلو حق بدلات الاستقبال وطلعت الأربعين واايد حلو شغلهم

next تباناتهم كد ومد واايد قطنهم حلو وما ينكمش بالغسيل

انا ناقصني لفات وجيس البيبي ليلحين ما شريت وابي السلال الي ينحط فيهم المميات والمطاره مالت الماي وابي مطارات حلوين حق الماي والميلوبا حق البيبي وين احصل ؟؟

 

[سكوووون]

رد: ?تجمع مواليد " مااايو " 2016 بإذن الله ?

سلامات tota والله يتمم لج على خيير

 

[نـعـومـه]

رد: ((((تجمع مواليد فبراير 2016))))

بنات شلونكم


ماتحسون أن الأيام ماشاءالله تركض

احس جنه توني حامل وهالشي يوترني احاتي الولاده والمسؤوليه اليديده


الله يسهل علينا

 

[حبيبة قلبي]

رد: مواليييييييد مارس 2016

ذكرتيني لولا الله يذكرج بالشهاده سلة المميات واذا عالمطاره تره اللي جربته ان مطارات ستاربكس اللي تخلي الماي حار عجيبه يتم مده وبعد النفاس تستخدمينها لا بغيتي تطلعين ولها مكان بالجنطه الله يسهل هالشهر بشتري فراش البيبي وباقي لي له المهادات ان شاءالله ويكون جاهز معرسنا

 

[Moon light30]

رد: تجمع مواليد ( يونيو - 6 ) 2016 ❤

اللهم لك الحمد واخيرا سمعت نبض الجنين وشفته ،، وطمنتنى عليه الدكتوره. بس منعتنى من الحركه نهائي وع المثبتات ،، والفال لما نشوف بيبياتنا بصحه وعافيه يارب

 

[bnoota_]

رد: تجمع مواليد ( يونيو - 6 ) 2016 ❤

الحمدلله مون لايت
الله يقر عينج بشوفته بصحة وعافية
وكل بنات التجمع يارب

 

[Nono83]

رد: تجمع مواليد ( يونيو - 6 ) 2016 ❤

الف مبروووك مون حبيبتي الحمدلله يارب

 

[Nono83]

رد: تجمع مواليد ( يونيو - 6 ) 2016 ❤

بنات حلمانه اني مطلعه من كبتي قمصان نوم وقعد اتخير بين اثنين اخر شي لبست قميص ازرق جويتي يهبل عاد عندي هالقميص ههههههههه

 

[Um Ritaj]

رد: مواليييييييد مارس 2016

جزاج الله خير لولا

تقريبا لخصتيلي الاغراض الي احتاجها

انا شريت ملابس البيبي من مذركير الي تجي unisex تصلح البنات والاولاد

 

[Um Ritaj]

رد: مواليييييييد مارس 2016

وانا اسوي جرد للملابس الصيفيه عشان اشيلهم من الكبت واطلع الشتوي
حصلت فوط ولفات مالت ولدي
وبعد لقيت بطانيه وديباج سرير
غسلته وكويتهم وفضيت رف من ارف كبت عيالي وصفيت فيها اغراض البيبي

وعلى التاسع باذن الله راح احط الاغراض الضروريه بجنطة المستشفى

 

[Um Ritaj]

رد: مواليييييييد مارس 2016

وانا بحط راسي وانام يتسلط علي الحارج

 

[ballolla]

رد: ?تجمع مواليد " مااايو " 2016 بإذن الله ?

السلام عليكم كروشات
حبيت اشارككم في تجربتي
انا حامل وهذا اول حمل لي عسى الله يثبته ويحفظه
واول ما دريت طرت من الفرحة وبنفس الوقت انصدمت وماعرفت شنو اسوي وشنو اقول حق ريلي من الوناسه
واول ما فالي الدكتور مبروك جان اقعد ابجي ?????
المهم اني الحين في اول اسبوع من الشهر الرابع
وبالنسبة لي الحمل تجربة غريبة عجيبة واول شهرين اهما اصعب شهرين مروا في حياتي نساتي كانت كلها لوعة وترجيع عزكم الله واكتئاب وكرهت بيتي والاكل وكل شي بس الحين ربي لك الحمد من دخلت الرابع خفت النساة
المهم مالكم بالطويلة متى يبين جنس البيبي باي اسبوع ????

 

["*آآآنؤؤؤقهـ*"]

رد: تجمع مواليد (ديسمبر) و??(يناير)

وعلييييكم السلام

الله يسهل امورج كيوت


وينكم بنات مالكم حس


ريفال اشلونج واشلون اعيالج طمنينا

 

[OmAlkoko]

رد: تجمع مواليد ( يونيو - 6 ) 2016 ❤

نونو ان شاء الله فتره و تعدي يارب
ما ادري ما افتي بحلمج بس يمكن ولد اللي بطنج والله اعلم

مووون الف مبروووك الحمدلله ارتاحي ولا تجهدين عمرج اهم شي النونو المجكنم

بنات اليوم قعدت البلاعيم مطبقه و الخشم مسكر و صدري كله بلغم احس راسي ثقيل و دايخه
وولدي كحه و بلغم

استغفر الله من شي لشي

شنو اخذ حق البلغم ؟

 

[(lola)]

رد: مواليييييييد مارس 2016

ولكم بالمثل عمري انتوا

 

[راحيل العبدلي]

رد: ?تجمع مواليد " مااايو " 2016 بإذن الله ?

انا الحمدلله العدان حن علي وكسرت خاطرهم هههههه مابغو يسوون لي سونار بعد طلعة الروح
.
الحمدلله البيبي زين بس الدم تقول الدكتوره من 5 سم لي4 ونص سم وفي موعد عالاسبوع الجاي ..

ان شاء الله يروح ..

 

[راحيل العبدلي]

رد: ?تجمع مواليد " مااايو " 2016 بإذن الله ?

بالولااا مبروووووك الحمل
و حياج الله ويانا
خلاص اتوقع اخر الثالث يبين وع حسب خبرة الدكتور ..
اول حمل اتوقع تغير عالجسم وهرموناته يكون قوي وحامه حييل ..
والحمدلله تمشي الايام بسرعه

 

[Cookee]

رد: مواليييييييد مارس 2016

مرحبا بنات حبيت انظم معاكم من زمان مادري عن المنادي اخر دوره لي ١٢/٦