??تـجـمـع لـجـمـيـع مـوالـيـد 2016 { تعالو نستفيد من خبرات بعض}??

[Nono83]

رد: تجمع مواليد ( يونيو - 6 ) 2016 ❤

انا اعيالي شاقين القاع اهلي يضربون المثل بالشطانه بعيالي عاد دزيت صوره سوناري لامي والياهل واقف اقولها مر عليج جذي من اعيالج فبطنج واقف جان تقول اسم الله علي مامر علي ههههههههه تقولي هذا نفس الميانين الي عندج هههههههههه

 

[bnoota_]

رد: تجمع مواليد ( يونيو - 6 ) 2016 ❤

ههههههههههههههههه الله يحفظهم ويخليهم لج
هذا مستعد من الحين اسم الله على قلبه
اي نونو بس اشتهي واشتهي وقت الصجية تلوع جبدج
الحمدلله يارب على كل حال

 

[Sara_cba]

رد: مواليييييييد مارس 2016

بنات متى تبدي تنزيلات الكرسمس ؟
أمس سألت مذركير وقالت لي الموظفة ماراح يسوون تنزيلات لأن توهم شهر 10 مسوين
معقولة هالسنة مافي؟

 

[ms_5ajoola]

رد: تجمع مواليد ( يونيو - 6 ) 2016 ❤

قوة بنات شلونكم

حبايبي انا عندي مشكلة

انا منفجرة ومتنانة حيل و اساسا حملت على متن و المشكلة ان عرس حماتي شهر ١ يعني بعد شهرين و لازم اضعف عشان يطلع النفنوف حلو علي و المشكلة اني چنتهم الوحيدة يعني كل من بيطالعني شسوي دبرولي ريجيم سريع و آمن حق الحامل ماعليكم أمر

 

[صيتة الحربي]

رد: ?تجمع مواليد " مااايو " 2016 بإذن الله ?

واحد يطلع الواحد من طورة

الله يحفظهمم

هذي الاجواء جميله دخول فصل الشتاء

احب شبت النار وريحتها ووالقهوة مع القشد او الحيسة

 

[(lola)]

رد: مواليييييييد مارس 2016

صح ساره ترى اهما الحين تنزيلاتهم فما يسوون بعد الا على الصيف

 

[bnoota_]

رد: تجمع مواليد ( يونيو - 6 ) 2016 ❤

مس خجوولة
أول شي قلاصين ماي ع الريج
وكثري ماي طول اليوم
الريوق عادي اكلي اللي تبين
بيض عشان يشبعج وماتكلين شي للغدا
الغدا احسن شي المشوي
دياي ولا لحم اشويه بالفرن او شواية اذا عندج
العصر خلي سناكج فواكه
والعشا تعشي مبجر حدج 7 بعدها لاتاكلين شي
كلش كلش إذا جعتي روب أو تفاح
أنا مجربته بدون رياضة ونزلت جم كيلو
أهم شي لا تحرمين نفسج من شي
بس الاكل بالعدال

 

[meme11]

رد: ?تجمع مواليد " مااايو " 2016 بإذن الله ?

حامل بواحد والثاني كيس فاضي.

بس كأنهم كانوا توأم. من البدايه لان الهرمون كان عالي وبعدين ظهروا الكيسين بنفس الحجم. لما شفت النبض شفنا نبض واحد. وبعدها بفتره نزل علي لون بني مدة 3 ايام. قالولي ان الكيس الثاني بيتلاشى خلاص. رحت وراجعت الاسبوع الماضي. تفاجأت ان الكيس ما تلاشى. بالعكس كبر ودخله ماء الجنين. وحتى الغشاء اللي يكون حول الجنين موجود وتكونت مشيمه صغيره. بس بدون طفل.
انا متوتره وخايفه

 

[صيتة الحربي]

رد: ?تجمع مواليد " مااايو " 2016 بإذن الله ?

حامل بواحد والثاني كيس فاضي.

بس كأنهم كانوا توأم. من البدايه لان الهرمون كان عالي وبعدين ظهروا الكيسين بنفس الحجم. لما شفت النبض شفنا نبض واحد. وبعدها بفتره نزل علي لون بني مدة 3 ايام. قالولي ان الكيس الثاني بيتلاشى خلاص. رحت وراجعت الاسبوع الماضي. تفاجأت ان الكيس ما تلاشى. بالعكس كبر ودخله ماء الجنين. وحتى الغشاء اللي يكون حول الجنين موجود وتكونت مشيمه صغيره. بس بدون طفل.
انا متوتره وخايفه

ياسبحان الله شي غريب

حاولي تشوفين دكتورة ثانيه عشان تطمنييين

وتشوفين تفسير للحاله والله يتمم حملك على خير ويرزقك بالطفل سليم معافى

 

[Nono83]

رد: تجمع مواليد ( يونيو - 6 ) 2016 ❤

مس خجوله انا من رايي قولي لهم الدكتور معطيني مثبتات او اي حجه عشان لاتروحين بصراحه منو حامل تروح عرس الحين شخباري ماقمت اشوف حوامل بالعروس وشهر واحد انتي بالخامس وين فيج شده المفروض يقدرونج

وافتكي من الرجيم بعواري الي طاف كنت اصوم السته من الشوال يومين ونزل دم يوم رحت للدكتوره قامت تصارخ علي تقول الجوع يموت الجاهل والله هذا كلامها مانصحج بالرجيم


سهامي سلامتج حبيبتي

بنوته ان شاءالله نرتفع ويروح الوحام والبيبي بخير يارب

 

[bnoota_]

رد: تجمع مواليد ( يونيو - 6 ) 2016 ❤

إن شاء الله نونو
الله ييسر يارب ويهون علينا

 

[Moon light30]

رد: تجمع مواليد ( يونيو - 6 ) 2016 ❤

مس خجوله انا صارلى نفسج قبل كان وزنى زايد وعرس اختى وكنت بالسادس ،، والله فصلت نفنوف حيل بسيط شيفون وايده طويله وقصه حوامل وحطيت عليه اكسسوار كبير مع تسريحه ومكياج ثقيل والله الكل سأل عنى مع ان خامتى رخيصه خذيتها من الفروانيه وشيفونات بس طلع حيل حلو واغلب الوقت كنت قاعده
انصحج حضرى العرس بس لاتسوين رجيم فصلى شي واسع وايده طويله وخليج قاعده طول الوقت اسمج حضرتى فشله

 

[سهامي]

رد: تجمع مواليد ( يونيو - 6 ) 2016 ❤

نونه الله يسلمح ياقلبي ...

الله يعين الحامل اذا سوت رجيم

انا استانس ع نفااااس
تنسد نفسي واضعف حيييل

 

[OmAlkoko]

رد: تجمع مواليد ( يونيو - 6 ) 2016 ❤

هههههههه نونو الله يقطع بليسج شرقت من الضحك
علي البتكس و البيبي واقف شلون يعجب الصراحه

على الاكل انا ودي بتشريب وزيادة بطاط و قرع وجزر و ودي بمرقوقه هههههه بس كلها خضرا ما ابي ايدام و ورق عنب شغل ايدي بس مالي خلق احوس هههههه

مس خجوله
انا من راي موون الاهم البيبي صراحه و حامل الكل بيعذرج

بنوته هانت ان شاء الله كلها شهر وتروح النسات

انا صاير ايني كل يوم بليل جني برجع و اروح الحمام و انتوا بكرامه و ما ارجع
شعور مليغ صراحه

و اليوم قمت لقيت عمري نايمه علي بطني ??

الحمدلله بنات دشينا الاغلب الثالث هانت باقي 6 شهور و نولد بصحه وسلامه ??

 

[Moon light30]

رد: تجمع مواليد ( يونيو - 6 ) 2016 ❤

ماشاء الله ام كوكو انتو دخلتو الثالث انا باقيلى اسبوع وادخل الثالث ربي يهونها علينا يارب انا على النساه كارهه بيتى كله قمت امس ع الكفرات غيرتها وعطرتها واختنقت من العطر هههه والبيت بخرته وصكر صدرى البخور شكله نساتى ع البيت مو متحمله ريحته

 

[.:lady bug :.]

رد: تجمع مواليد ( يونيو - 6 ) 2016 ❤

بنات
مالي خلق اتحجى بالاكل بس شطه كرستال واقطع ههههههه


رحت مراجعتي بالعدان وقلت للدكتور ابي فيتامينات للحمل

تخيلو عطاني مثبتات و بيبي اسبرين

لمن رديت له بقول ليش ماحصلته حصلت دكتور يقول عادي نعطيهم لاي حامل عشان ماتصير لج مشاكل



بنات ولامره اكلتهم اكلهم او لا

 

[bnoota_]

رد: تجمع مواليد ( يونيو - 6 ) 2016 ❤

ليدي حبيبتي البيبي اسبرين مايضر
اصلا اسم الله عليج يمنع التجلطات
أخذيه مافيه شي
بس ليش يعطيج مثبتات

 

[bnoota_]

رد: تجمع مواليد ( يونيو - 6 ) 2016 ❤

ام الكوكو حتى أنا ابي مرقوقه هههههههههههه
بس أبيها مع لحم ترم عظمي ههههههههه
وأنا للحين أنام على بطني ما أرتاح الا على نومة البطن

 

[الغلاm]

رد: مواليييييييد مارس 2016

شلونكم بنات
ماتدرون عن سنتر بوينت مسوي تنزيلااات ولا لا
انا حركة البيبي خفيفه حيل يالله يالله احس فيها

 

[.:lady bug :.]

رد: تجمع مواليد ( يونيو - 6 ) 2016 ❤

همن انا انام ع بطني هههههههه


انا ابي مرقوق الشيف تسنيم ذاك اليوم سوته باللحم والذنجان


شكله عجيييييب