تعـــــالي قولي لنا شنو أغرب وأغبى هدية وصلتج بالنفاس :)

[سحابة صيف12]

الموضوع وايد حلو

انا الحمدلله محد يابلي هدية غبية

ماقصروا اللي زاروني

 

[*مطبخ الذواقة*]

احنا طريقتنه بالعايله نحط حطيه ووحده من خالاتي ولا بناتهم

تمسكها وتغلفها فلما ولدت صارت حطتي 800 دينار وامسكتها

خالتي الي انا معاها ربع ويابتها لي للاسف بطريقه خايسه جنه

معطيه معاش خدامتها بجيس صغير وفيها ورقه صفره مالت المكاتيب

ومشخبطه ومكتوب فيها الاسامي فانصدمت بالطريقه واي بعد يايبتها

بعز القايله فصج غريبه الطريقه مو من عوايدنا

وتذكرت هديه زواجي خالتي ام ريلي اهدتني نقاااااب

الظاهر انت ما تلبسين نقاب فحبت توصلها لج بهالطريقة ...هههههههههههه

ومعاج حق على القطيه صج حركة غريبة

لاتضحكووون ع ال 5 وحده تعرعفهم قالتلي حمدي ربح 5 لانج جايبه ولد


ترااا لو جايبه بنت عطتج دينارين ونص


@@

نعم !!!



عجااااايب

عييل حمدي ربج انج يبتي ولد وحصلتي ال 5 هههههههههه



مرات نقول الناس قلوبها بيضااااااااااااااء جدا ونيتهم صااافيه ..

بس لما تشوفين هالحركات تستمر من نفس الاشخاص تحسين الموضوع في شي غلط ...


اذكر خالتي اخت امي مرة عطتني عيديه ملفوفه " بكلينكس !!!!


ولما فتحتها ولا فيها ربع ديناااااااااار ههههههههههههههه

بس ربع هههههههه

بالوقت اللى عيادي امي حق بناتها 50 دينار وفووووق ههههههههههه


صج السالفة من زمان بس ليماالحين اذكرها .....
:eh_s(22):

 

[كميليا]

انا ليلحين ماولدت على وشك بس اغرب هديه بعرسي من رفيجة خالتي ام ريلي قميص مقاس xxxxxxl مال عجاااااااايز ولله امي ماتلبسه بس يلا ماقصرت قدرتني

 

[ملاك ^ الحب]

انا اغرب هديه في ولادتي

من بنت جارنا

علبه عاديه وفيها ارباع دينار كل ربع دينار ملفوف مثل المهفه ومربوط بشريطه

ولمن طلعتهم وعديتهم والا خمس دنانيييير


لاتشوفوني وياخواتي ضحكنا لمن قلنا بس

السالفه قديمه بس لي الحين اذكرها

 

[دلوعه ناعمه]

هههههههههههههههإآإي ~..ღ



مووووصج وكلش ولا سالفه الارباع ؏ِـلٰى شكل مهفه يعني متفننه الاخت .@.لــوٍ.وٍ.وٍ.وٍِ.وٍِ.وٍ.وٍ.وٍ.وٍ.وٍ.وٍ.وٍ.وٍ.وٍ.وٍ.وٍ.وٍ.وٍ.وٍ.وٍ.وٍ.وٍ.وٍل.@. !!!!

 

[*مطبخ الذواقة*]

هههههههههههههههه صج حلوووة


بس شوفي اخرها شنو ضحكتكم انت خواتج ...

 

[q8helwa]

ماكو غريب فلوس وبس

 

[(حكاية قلب )]

هههههههه استغفر الله 5 دينانير يعني اقل من 100 ريال عندنا بقطر @@
لو شارين فيهم عطر احسن

مممممم أنا ولآ مره حد عطاني شي مو اوكيه الحمدلله
بس رفيجتي توها متخرجة من الثانوية صديقة امها عطتها ساعة تلوووع الجبد صغيييييييييييييييييييره يبين عليها جيييييب وعطتها فستان يحوم الكبد استغفر الله
لو عطتها 100 ريال احسن

بنات انا لو مكانكم اقطه بوجهم اقول لهم زيارتكم تكفى
​

 

[ملكة الفرس]

عيل خلني اقولكم عن الهديه الغريبة الي وصلتي من مرت حماي لمن كنت بالنفاس مفرش طاوله ولا كنت في بيت أهلي و الله الكل استغرب من الهديه

 

[بنت الاحلام]

للحين ماولدت

 

[بنت الثانوية]

انا بالنفاس ما اهدي هدايا اهدي فلوس وحتى الحريم يهدوني فلوس ماعندنا هدايا بس الصدمه من الفلوس رفيجتي عطيتها 60 لما ولدت وردتهم بولادتي 20

بصراحه المهم الييه ,,كافي انها متعنيه ,,

وانتي مو معطتها لفلوس سلف انتي معطتها هديه ,,

يعني تبينها تشيلج الستين لي ولادتج علشان تعطي اياهم ,, والله احيانا تصير ظرووف ,,

انا ما شوف فيها شي ,, بصراححه هدايا بو عشرع ولا عشرين ولا 50 واحد

بس سالفة ان الوحده تحط خمسه احس صج فشله ,,

لو تشتري فيها بدله من ماكس اسمها هديه احسن ,,

بالنسبه لي ما محد عطاني هديه تفشل ,,

 

[بنت الثانوية]

أول موقف أتذكره رفيجتي تجهز لمولودها بالسوق

نقصت عليها الفلوس 20 دينار تقريبا خذتها من رفيجتها اللي كانت معاها

وانشغلت رفيجتي بالولادة بعد الولادة زارتها رفيجتها وحطت بمهاد البيبي ظرف

فتحتها رفيجتي والا تلاقي...





















ورقة مكتوب عليها

(العشرين اللي سلفتج اياها بالسوق ) !!!
















الموقف الثاني مع نفس البنت

مرت أخوها تحط لها ورقة بمهاد البيبي وتقول فيها

(أخوج الجعص ما عطاني شي أجاملج فيه ))

مع العلم انها موظفة ومعاشها لها!!


عجاااااايب

هههههههههههههههههه هذي فصله هههههههههه

 

[بنت الثانوية]

بس هدية ام نص دينار لا تعليق ,,خخخخخ

 

[pink_girl]

الحمد لله كل الهدايا اللي جاتني حلوه بس يمكن يوم كنت جايبه بنت جاتني صديقة أمي جابت تشوكليت لونه ازرق مغلطه تحسبني جبت ولد

 

[-فلانة-]

هدية غبية مافيه الحمدلله..
هدايا غريبة اي..وحدة يابتلي قلب ألماس و وحدة ثانية تراجي ألماس و وحدة ثالثة يابت حق بنتي مضاعد ذهب بألماس..
الغريب في الموضوع مو الألماس..الغريب إن هالحريم بعمري ما شفتهم إلا بيوم استقبالي وكانوا من طرف أهل زوجي..
بصراحة أحرجوني بكرمهم و هم ما يعرفوني..​

 

[((غلاي))]

وااااااايد حلو الموضوع
انا اكثر شي فلوس
او كرسي و دراجه للبيبي

 

[*kim*]

هههههههههه عجيب الموضوع

 

[راقيه وجذابه]

هههههههههههههههههههههههههههههههه


استغفر الله توني اقرا بدليتي (( دلـوكه = دولكـه )) ههههههههههههه

بس عجيبه قصصكم

 

[Foofaa_92]

للحين ماجربت هدايا النفاس الله يستر لاتصير فيني سالفة ال 5 دنانير ههههههه


هدايا زواجي كانت الحمدلله حلوه

بس كان في هديه حتى مو حاطين عليها كرت
قميص نوم رييييش والله بطلت الكرتون طار الريش ههههههه
جنه يايبينها استعباط والله لو تشوفونه تموتون ضحك على شكله محد يفكر ياخذه



ناس عجييبه

 

[فديت سالم]

والله يابناات يكفي العنوه ومااندري عن ظرووفهم تلتمس لهم العذر