تعرفت على دكتور اسنان وحبيته وطلع ؟

[فديت حلاتي]

انا اقول دامه خاطب ويبي خطيبته تركيه

لانك مراح تستفدين شي

 

[بنات حواء2]

انا ماشوف فيه ولا صفه زينه
وان كانت موجوده فلمجرد انه عطاج الرقم مسح كل شي زين فيه
لانه مايخاف الله وفوق هذا خاين

 

[Lo0o0lY]

الله يهديج ..خلاص تركيه مالج الريال اشتبين فيه

ولا شنو وراها هالعلاقه مثلا.. وجايه اتقولين مايسال عنى ولا يهتم

اكيد عنده مره يهتم فيها سورى على الكلام .. بس انسيه

والله يرزقج بالى يعوضج ان شاءالله

 

[اتتعبنـي غلاك]

________اختي نور_______

انتي ام المفروض همج بناتج الله يخليهم لج واله الرياجيل ذئاب لايقرج شكله واسلوبه
اوكي قولي حلو ورزه وكشه وسياره لنفسه مالج شغل فيه ولاتهمج المضاهر
يمكن من داخل ولاشيء شوفي هذا واهو دكتور بعد يسوي جذي لو شقلته عاديه شنو بيسوي اختي لاتقولين حب مافيه حب بهالطريقه ولاتسمحين له انه يجذب عليج وابعدي عن طريقه و (من ترك شيء لوجه الله عوضه الله خيرا منها) والطريق الي انتي فيه غلط وحرااام ذنب بذنب .....لاتقولين مااقدر بتقدرين وخري عنه واهتمي بعيالج وهم حياتج وسعادتج ...
***ابديء صفحه جديده مع حياتج ومسحيه نهائيا من حياتج وعلى فكره شكثر من اشكاله بالمجتمع جذابين ويسوون نفسهم ملاك اسلوب وكشخه واحترام وهو من داخل مافيه ذرت حنان لاتقرج المضاهر ولاتنخدعين فيهاااا....
*وانتي ماكتبتي الموضوع اله لانج تدرين انه غلط....حطي عقلج براسج حبيبتي صدقيني لمصلحتج مومصلحت غيرج وقولي بينج وبين نفسج شنو استفيد من هالعلاقه المحرمه ولاتنسين انه متزوج فلاتسيرين لعبه بين يدينه يتسلى فيج خليج
وموفقه حياااتي

 

[ام مبارك22]

هذا اي محترم الي انتي تقولين عنه الي رقمج من اول مره وانتي عطيتيه رقمج بحجه انه يذكرج بلموعد

هذا دكتور ولا سكرتير يذكر بلمواعيد ياحلو المرا اذا ستحت انا مااقول الا الله يستر عليج ويهديج وتهدين
هسوالف

 

[so_what]

السالفه واضحه وضوح الشمس ، ما اقول غير الله يهديج

 

[شذى2007]

لاحول ولا قوووة الا بالله



لا هم قااالج مالــــــــــــــج شكو تكلمينه !!

يابنت ادعي الله يرزقج بولد الحلال وتقربي لربج كلش مو هالطريق هذا يوصلج للزواااج

اقطعي علاقتج لاتعيشين بالاحلام

 

[فرزاشيهـ]

حبوووبه انتي مو مرااهقه انتي ام و عندج بناات !!! مو حلووه باجر وحده من بناتج تسمعج تكلمينه و تمشي و تتحجى فيج او تاخذ انطباع ان عادي تكلم شباب و صعب هالانطباع يرووح من بالها حتى لو كبرت صدقيني .،.بعدين الريال اشكره مو مهتم فييج لان مالج !! يعني عنده وه غسرج بس قاعد يقزرها عليج !!!! و انتي الله يهداج بسرعه قلتي يحبج و حبتيه !! هذا اعجااب مو حب ! نصيحتي ياقلبي انتي ابتعدي عنننننه خيير شر والله ماكثر عيادات الاشنان عالجي بناتج اب مكان ثاااني لاتقولين ماتقدرين !! كل شي ممكن بهالدنيا .،،،اللع يوفقج و يسعدج ،.~

 

[شوق الولايف]

الغلط راكبكم انتوا الاثنين:rgewrg:

امانه بالذمه ليش انتبهلك :eh_s(10):
وليش عطاج رقمه :eh_s(4): ماسالتي نفسج
شافج متنحه بعيونه وبشكله قال هذي موب مظبوطه اقزرها عليها
ليييين اشوف زوجتي عنده فراغ مسكيييين مايعرف شلون يترسه
الا بالحرام والعياذ بالله


انا اقوول خافي على بناتج واحفظيهم
الرجال ماينجذب للمراه ويطيح الميانه ويعطيها الرقم الا اذا شاف فيه قبول
وترى اهم شيء السمعه والذكر الطيب

لا قالوا فلانه قالوا والنعم فيها
لا تعطين مجال لتافه يقلبج علج في المجالس ويشهر فيج
واقولج اياها مجرد انج رديتي عليه بالتلفون
انسي انه يفكر فيج كام لعياله:eh_s(8):

 

[منو انت]

اللـه يهديج وتبعدين عنه لان اول وتالي راح يبعد عنج ليش انه متزوج

 

[ام حموود ؛)]

حبيبتي خليه لانه متزوج و مامنه فايده لو انتي مكان مرته بترضين ماعتقد

 

[حظ من عنده انا]

مااقول الا الله يعيين زوجته اذا هذي سوالفه


وانتي الله يعين بناتج عليج

 

[زهراء 24]

مدام عرفتي انه مالج ويبي خطيبته وفوق هذا مو مهتم فيج ولا يدق
شتبين في خلاص قطعي علاقتج في يعني اشكره يبي يقزر وقت ويتسلى
الله يهديج​

 

[el7ob Klah]

الصراحه من الاخر

ريال فيه كل هالمواصفات وصغير

اكيد ماراح يفكر ياخذ وحده مطلقه وعندها عيال

كان يبيج يتسلى فيج على ما يوصل وقت عرسه

ويمكن كان يبيج حق شي ثاني غير السوالف بس ماعنده وقت

واصلا اغلب الدكاتره مغرورين اذا يبي يتزوج يبي وحده من مستواه الدراسي

انتي وايد صدقتي روحج وحسبالج يحبج اي صح يحبج كـ رفيجه يتسلى فيها

مو يحبج كـ حبيبه يفكر تكون زوجته لااا يا ماما اصحي لي متى ينقص عليكم

وبعدين بدون حجج اكيد وقته اهم شي حق زوجته الي مالج عليها وانتي الوقت الضايع

 

[kuwait_queen82]

ماشالله تبارك الرحمان امقطع الديانه اذا المغرب ياذن جريب السبع و العشاء 8 اشلوون ينام من المغرب و دين؟؟؟؟
و شغله ثانيه ابي افهمها دين و مالج و يكلم وحده و طايحله غزل ؟؟؟
و انتي ماكتبتي مشكلتج الا انتي حاسه انه قاعد يلعب و قصده امبين مو شريف ياعمري

 

[*((كـارينـا))*]

البنات ما قصروا ..

قعدي ربي بناتج و الله بيرزقج ..

 

[دبه موت]

شوفي ياقلبي أذا يقول أهو يحبك ويموت فيك
يتقدم لك مثل ماملك على بنت الناس يملك عليك مافيها شي أبد ما ألومك حبيتيه وكل هالصفات فيه هذا مو غلطك
أما أذا يطول الهرج معك أحبك وأموت فيك بس لتضييعة وقت لا فديتك أهومن طريق أنتي من طريق لاتعبين نفسك أكثر
وربي أنعم علينا نعمة النسيان
تلقين اللي أفضل منه
أما يعلقك وتجلسين بحسره على عمرك وأهو يتزوج ويستانس ويتركك محلاه والله
لا ياقلبي جلسي معاه وكلميه وقولي له أنا حبيتك وأنت حبيتني أنت كذبت علي وسامحتك بس عدل غلطتك معي بحيث تتقدم لي
ولا بلاها هالحب الفاشل من أولها
والله يسعدك يارب وأن شاء الله ربي يكتب اللي فيه الخير

 

[مطيرية متواضعة]

هو يمكن يبي يمشي عليج الوقت ليما يتزوج

هطا يسمونة بدال مايتزوج ثلاثة اربعة يتزوج وحدة والباقي

عليج وعلى غيرج يغير جوو وانتي وكيفج مع كرامتج

 

[al3sooola]

الغلط منج ليش تكلمينه ؟
الريال ما يتزوج وحده كان يكلمها

 

[noo7a]

دام تعبتي مع طليقج و جربتي مراره الطلاق
ليش تخربين على بنت الناس حياتها و تكلمين ريال متزوج