تعرفت على دكتور اسنان وحبيته وطلع ؟

[last-moon]

امممممممممم الله يعينج على بلواججججججججججج

محد يبي يحاسبج على اللي سويتية

بس حبيت اقولج شغلة انتي عندة تقزيرة وسامحيني على هذي الكلمة

مدام كلمج وقالج ان ملج يعني متزوج عيني ياحبيبتي فهمي ان الريال يكلمج تقزيرة وانتي غرتج المضاهر للاسف

ولو صج يحبج جان ما قالج مشغول ولا يحقرج ولا مايرد عليج ولا مادري شنو

فهمي الريال مالج يعني يطلع مع زوجتة وانتي ولالالالالالالالالالالالالالالالالالالالالا شي عندة
​

 

[الزين 85]

حلوه يقولج عطيني رقمج بذكرج ؟؟ دكتور ولا سكرتير

اختي انتي غلطانه من الأول مفروض تحطين حدود وانتي مطلقه يعني اسمحيلي سمعتج وسمعت بناتج وحده
شنو تسوا عليج لو شهر فيج باجر وتحجى تضمنين اخلاقه؟؟؟ شنو تسوى شعور بناتج وقتهاا؟؟؟

فكري عدل ونصيبج راح اييييلج وهالاشكال مامنه فايده لانه رقله وراعي حريم اشتبين فيه

اهم شي فكري بتربية بناتج والله يوفقج يارب

 

[~خطر~]

كان مفروض من البدايه ماتاخذين الرقم ..
بس دام صار جي

الله يرزقج بالزوج الصالح الي يعوضج ..

بس انتي عقليا : واحد مالج .. خان مرته .. ويقوللج احبج .. ومو مهتم فيج (( شهالتناقض ؟؟؟؟؟

لو صج يحبج مايصبر عنج لو شنو لو عنده مليون شركه ..

وبعدين ع قولة البنات يبيج لعب وتسليه .. ترضينها ع نفسج ؟؟

وبالعكس مو يابخت مرته عليه .. الا الله يعينها عليه دامه من اولها جي

(( وخري عن هالسوالف وفكري بعقلج مو بقلبج .. اشهد ان القلب يضييييييييييع >> :$ ))

 

[*الشيـــهـانـة*]

يبا تركيه هذا يبي يلعب عليج

 

[ابي قطوة ميوووو]

استغفر الله

أصل وفصل وجمال وسياره ووظيفه واخلاق ودين وطول

ديين هااا!!

ما ادري شقوولج ديربالج على بنتج والله يهدييج

 

[AL-7Oo0b]

امممممم الله يهيدج ،، وبعدين ما في ريال محترم يكلم بنات ولا بعد مالج وبعدين طبيعة علاقتكم شو فرندز استغفر الله والا لفررز
فكري عدل انتي عندج بنت ومب زين تسوين هالسوالف

 

[أم توتو]

انتي حبيتيه لانج مريتي بتجربه زواج فاشله ومثل ماقالج انتي محتاجه حنان واهتمام وهو صاج نصيحه الريال قاعد يلمح لج وانتي لاصقه فيه الله يهديج بس روحي جابلي بناتج اهم اهم شي بهالدنيا شدراج هالانسان لو تزوجتيه بيصير ابو سنع حق بناتج ؟؟؟الله يهديج بس

 

[classicyah]

اختيه ابتعديْ عنه ،

أولاً يمكن هو مب مآلج ،

بس يبـآ يوصل لج انـه هـو مب نآوي يآخذجْ ،

انتي حآلياً مجردْ لعبه في ايده . . .

و بعدينْ انتي عندج بنآت ،

خآفي على سمعتهمْ ،

انتي مب بروحج ْ، عندج بنآت اسم الله عليهمْ . .

انشغلي بتربيتهم ،

و ابتعديْ عن هالدكتورْ، لأنه أكبر جذآبْ . .

.

آلله يرزقجْ باللي أحسنْ عن طليقجْ . .

 

[خـورآفيــه]

أشكرآ يتسلى

الله يعوضج ويحفظج .. *

 

[LuLiTa]

الله يهديج ... دام انه مالج ليش لازقه فيه ؟ ... غيري رقمج و ودي بناتج حق دكتور ثاني ....احنا انعيب عـ المراهقات لي سوو هـ الحركات و انتي ام عيال اتسوين جذي ؟؟

 

[gmar al-kuwait]

الله يهديج وكثري من اللهم اغنني بحلالك عن حرامك واكفني بفضلك عمن سواك
وابتعدي عنه نهائيا هذي علاقه محرمه يرفضها المجتمع والدين

 

[الغاليه ام احمد]

حبيبتي ولد اصل وفصل وصغير ومزيون يمكن

لكم مؤدب ودين لا والف لا

المؤدب والدين ما يلعب ببنات الناس حتى لو انه مو متزوج

وبعدين انتي مطلقه وعندج بنات يعني مو صغار بالمدارس

وهو توه صغير يعني عمره ما راح يتعدى ال25

وانتي اذا بناتج مدراس عمرج مو اقل من ال25 يعني انتي اكبر منه

وبعدين تصدقين ان الواحد اذا عطى الوحده الرقم واتصلت عليه يحبها لا حبيبتي

انتي ماخذج تسليه وعشان يتدرب عليج ويعرف شلون معاملة الحريم

وانتي حسافه ارخصتي بنفسج حيل ما فكرتي انج مطلقه وعندج بنات

وينخاف عليهم من اي كلمه تمس شرفج

وهو طبعا عارف انج مطلقه وقال هذي ما ينخاف منها ولا هي قاصر

يعني اقدر اخذ اللي ابيه منها وشوي شوي راح يسحبج للاسوء

زين حبيبتي ما تخافين ان هالدكتور لما قرأ اسامي بناتج عرفهم

ويعرف ابوهم ويمكن اخذ رقمج وبلغ ريلج وقاعدين يسوون

خطه عشان يسحب ريلج بناتج منج

فانتبهي على نفسج واتقي الله في بناتج

وهذا نهائيا لا ولد اصل وفصل ولاهو دين ولا يعرف طريج الدين

هذا مستغل شغلته بصيد البنات والسهله اللي تطيح بيده يلعب عليها

والله تلاقينه لا مالج ولا شي

بس يقول هالكلام عشان ما تبلشينه بعدين لانه راح يقولج انتي من الاساس تدرين اني مالج

وان انتي للعب فقط

فانتبهي واستغفري ربج

 

[Pelala rose]

كل البنات نفس الراي وانا وياهم ، بس اكيد اناي اتشوفين انه يحبج لان الوحدة الي تحب اتصير عمية وصمخة وكل شي اتشوف الي اهيا تبيه بس , حبيبتي صدقيني هذا مايحبج ولا شاريج بعد هذا شافج مطلقة وقال هاا خل استانس وياها ، صدقيني وخري عنه وديري بالج على عيالج وخليه اهوا يروح حق زوجته مو تقولين توه مالج ، شلون يخون زوجته واهوا توه بلبداية هلنوعية ما منهم امان ، عسى الله يرزقج بولد الحلال الي يعوضج عن كل شي .

 

[كتكات احمر]

شالمسخرة الي احنا فيها

 

[ماريا ابنة الحي]

واضح يتسلى

اهم شي مانحلف بهسوالف < العب غيرها


لي متى البنات ساذجات؟!
انتي من نفسج ولوشغلتي حدسج وسمعتي له راخ تعرفين انه انسان مو جاد

واضح يتسلى ولا زهق بعد من التسليه
لو كان بيكمل تسليته جان ماقالج مالج
او يمكن مايبي يعشمج بالزواج

بس مخليج شي يتسلى فيه
مثل الكره او البليستيشن الي يتسلون فيه الشباب
وكل مازهق راح حق غيرج

دربالج على سمعة بناتج
حسافه والله ماتمنيت انه يغلبج ويصيدج بالساهل
وتصيرين صيد سهل

الرجل لو شاف وحده لو ملكة جمال بس استسلمت لاهوائه وكانت صيد سهل راح تطيح من عينه ويشوفها ولاشي


من ترك شيئاً لله عوضه

اتركيه قبل لايتركج
والله راح يعوضج بلي احسن منه وبالحلال

الله يستر على بنات خلق الله*

 

[مسك حياتي]

الرجال مالج خلاص اقطعي علاقتج فيه ولا تظلمين نفسج ...

 

[داعيه إلى الله]

ما اقول الا الحمدلله والشكر
الحمد لله الذي عفانا مما أبتلي به غيرنا وفضلنا علي كثير ممن خلق تفضيلا

يعني علاقه محرمه شنو تبين نقولج؟ تبين نواسيج على الحرام؟
الله يهديكم انتوا الاثنين
وخافي على بناتج وسمعتهم الله يستر عليج

الله يجزاج خير عين العقل .

لاحول ولاقوة إلا بالله حتى الحرام صار يشاورون بعض فيه الله يهديج ويستر على بناتج
ومن ترك شيء لله عوظه الله بأحسن منه

 

[Pearl Qatar]

لاحول ولاقوة الا بالله العلي العظيم

آنتي من صجج تتكلمين ولا مخترعه قصه من خيالج :eh_s(16):

آنصدم الصراحه من بعض النـاس ..

أنتي مطلقه وعندج بنات شتبين تكلمينه ,, المفروض من البدايه اصلا ماتكلمينه وتوقفينه عند حده لان هالشي غلط وحرام

اهتمي في بناتج وربيهم أحسن تربيه ,, ومن كلامج واضح انج مهتمه في شكله وسيارته وطوله على قولتج ,, ترا هالماديات ماراح تفيدج بشي ,, مجرد ماده وبتزول ,, الاهم بناتج وتربيتج لهم ,, وكل شي بالحلال حلو


الله يهديج ​

 

[Miss_Soso]

خلي الريال بحاله تبين تبوقين الريال من زوجته حرام علييييج و هذا عندج بناااااات بعد ؟
​

 

[**فراولة**]

علاقة محرمة لا تجوز شرعا..
فبالتالي انتهى الموضوع..


>>>لا تجعل الله اهون الناظرين اليك<<<


وانتي كبيرة ومتعلمة وتعرفين الحلال والحرام..
لا تكابرين بالمعصية..مصيبة اذا المسلم يعرف ان الفعل حرام ويتعمد فعله..
نهايتج قبر وتراب واللي يبقى عملج الصالح..


هذي نصيحتي لج..
"وذكر فان الذكرى تنفع المؤمنين"

اسأل الله لك الهداية على الطريق المستقيم..