تعرفت على دكتور اسنان وحبيته وطلع ؟

[نور 85]

مساء الخير




تعرفت على دكتور اسنان كنت موديه بناتي الصحه المدرسيه ومستعيله المفرووض كنت اخذ رقم



من الصبح وانا راهيه رحت العصر ,,,المهم قالي الرسبشن مايصير روووحي حق الدكتور كلميه


اذا رضى بعطيج رقم حق الدوور لان الحين صكرنا ماكوو ارقااام ,,قتله اوكى وووين الدكتور انا


اكلمه المهم ,,,رحتله واول ماشفته تنح ماادري ليش وقالي انتي تامرين أمر وانا بنفسي بسوي


حق بناتج :eh_s(10):استغربت وقتله مشكووور دكتور وااايد وماقصرت وهاذا طيب منك ,,,,


المهم قعدت شوي على الكراسي انطر الدوور جان ايلي ويقولي ليش ناطره تعالي دشي على


طوووول :eh_s(10):قتله اوكى دششت بنتي وكنت اوصيها من السياره حبيبتي انتي دشي وانا انطرج بره مو تناديني عشان الدكتور مايحب احد يوقف على راسه قالتلي اوكى




المهم طلعت شوي جان يناديني الدكتور تعالي بنتج تبيج :s141:المهم وقفت فوووق راس الدكتور


واهو يسولف ويضحك ويغشمر وانا في حاله ذهووول ,,مع العلم والله العظيم ان اهو محترم حده

وكل الموجودين يشهدون عليه


المهم خلصت بنتي قالي تعالو المكتب عشان اعطيج موعد بعد جم يوووم قتله ان شاءلله سجلي الموعد


وقالي عطيني رقمج عشان نذكرج بالموعد وهاج رقمي اذا احتجتي اى شى


قتله ماقصرت ,,,,,,,,,,,,,طلعت بعدها وانا مستغربه المهم أختصر لكم السالفه



تعرفت عليه وكان شخص غاااايه بالعقل والتكانه والاحترااام والاخلاق ماشاءلله عليه


ولد عايله واخلاق ومزيون ودكتور وصغير ,,,كلمته وقام يثني علي ومن هالكلام



المهم بس المشكله وووين ............مو مهتم فيني كلش يعني عاااادي يمر يوم اثنين مايكلمني دااااايم



مشغووول وموفاضي ..ادق مايشيله ,,,,,,قالي بصارحج بشغله انا (مالج)اخ اخ ياااقلبي




حسيت جنه وااااااااحد معطيني طراااق والله العظيم قتله ليش ماقتلي وليش كانت لابس الدبله


لما شفتك جان عرفت على الاقل



المهم ,,,,,تعلقت فيه واهو مومهتم يقولي انتي تبين واحد يهتم فيج وانا والله كل شى علي لان


اهو دوامه صعب ولويه وساعات لي 6 المغرب يرجع ماله خلق شى وينام مبجر


تعبت ويااااااااااااه هاملني بشكل مو طبيعي واذا كلمني تحسينه من كثر الشوووق بيطلع من


التليفوووون ......وارجع واقوووووول داام انت مالج ليش كلمتني ليش عطيتني رقمك


واذا مو فاضيلي ليش خليتني احبك .........بصرااااااااحه يابختها فيه زوجته

أصل وفصل وجمال وسياره ووظيفه واخلاق ودين وطول ,,,,,هاذا الشخص اللي كنت احلم


اخذه :eh_s(16):مو طليقي اللي ينني حسبي الله عليه



وقتله عن كل ظروووفي ,,,,,,وانا اكلمه مره قتله انت تحبني قالي اموت فيج قتله احلف


قالي عيب انحلف على هالسوالف تصرفاتي وشوقي لج يبين اذا احبج ولا لأ ابصرااحه


انا مو حاسه لكن مو قادره ابعد عنه ,,,,,,,,,,,,اتمنى اني ماثقلت عليكم

ولو سمحتوا ابي وجه نظر محترمه ومن غير هواش


دمتم بود​

 

[نوراء]

الله يهديج ... وانتو اي واحد يعطيكم رقمه عادي تكلمونه ترى ربكم رقيب عليكم خافوو الله

 

[صباح القهوه]

نور ياقلبي مدامه خاطب اعرفي بس يبيك تسليه لااكثر نصيحه ابعدي عنه
هذي وجهة نظري
وعسي ربي يرزقك الي تتمنينه ويسعدكي دنيا واخره ياآآآآآرب​

 

[VET-Nour]

آنتي متزوجه ؟ آشلون تكلمين ؟
يآ نهآآآر أسود و منيّل <~ ترآ نعسانه فَ آلترجمه خربآنه ,

 

[MiSs_6a7LooSHA]

تطلبين حل لهالمشكلة ؟


لو اهوا دين ع قولتج جان ماعطاج رقمه أصلا لا وفوق هذا متزوج

لا دين ولا هم يحزنون استغفر الله


بس انتي طلبتي حل

الحل انج توخرين عنه واطنشين ماتردين لأن خلاص الرجال متزوج يكفي ان خان زوجته واهيا على ذمته ما احترم زوجته تبيني يحترمه؟ صدقيني لأ ولا يحبج لو يحبج جان صارحج قالج تراني متزوج بس مادري اهوا شنو كان يفكر فيه

لا تصدقين ان يحبج ترى الكلام سهل والأفعال هم سهلة صارت بهالزمن

نصيحة وخري ولا بتتعبين فكري ببنت الناس وراح تفهمين قصدي

 

[VET-Nour]

آووووووووه سوري سوري توني آقرآ ععدل ,
آحم فشله ,
شسمه آلي يبيج يطق بآبج , لآ أحبج ولآ أحبك , ولآ أكرهك و لآ أكرهج ! , :/
آلي يحبج يجيج من آلبأب مو من آلدريشه

 

[الدر المكنون]

حبوبه معروفين اطبت الاسنان يعرفون يحجووون حبوبه خلج منه مدامه مالج لو يبيج صج جان خطبج علي الاقل

حبوبه حطي في بالج انه عندج بنات وديربالج

 

[^^ROSE^^]

ما اقول الا الحمدلله والشكر
الحمد لله الذي عفانا مما أبتلي به غيرنا وفضلنا علي كثير ممن خلق تفضيلا

يعني علاقه محرمه شنو تبين نقولج؟ تبين نواسيج على الحرام؟
الله يهديكم انتوا الاثنين
وخافي على بناتج وسمعتهم الله يستر عليج

 

[صباح القهوه]

وبعدين يانور تراه كما تدين تدان <<<<<صح المثل علي ولا لا تراه دايم الامثال تطلع معاي غلط​

 

[المرتاحة]

اشكره قاعد يلعب عليج و انتي راضيه

 

[الوردة الرقيقه]

والله العظيم أنه يلعب عليج هالأشكال تمثل عدل
ولا يحبج تعوذي من الشيطان وكثري الإستغفار وتركيه
وإن شاءالله ربي يعوذج بالزوج الصالح للي يفرح قلبج


سبحان الله وبحمده سبحان الله العظيم

 

[عبير العنزي]

حبيبتي انتي مو صغيره عشان نعطيج نصايح ونقولج اللي سويتي غلط وحرام وعيب و و والخ...

بس الزبده الحين قالج مالج يعني مايبيج؟

يعني يبي يتزوج انسانه ثانيه؟؟ يعني كان يبي يضيع وقت ويتسل فيج بأسم الحب

وانتي حبيتيه من كل قلبج وكنتي تتمنينه زوج؟؟ لكــن الاهم اهو شنو كان يشوفج

تصلحين له زوجه؟ والا انسانه للتسليه؟

فكري بعقلج مو بقلبج

ليس كل مايتمنى المرء يدركه.. تجري الرياح بما لاتشتهي السفـن

والله ابتلشنا بهالمجتمع

الدكتو والمثقف يلعب والجاهل والمراهق يلعب

منو الصادق بهالزمن؟؟

 

[جنة المأوى]

اختي داام هو ماالك و متزوج لييش تكلميينه !!!!

اختي ريحي عمرك و بلا وجع رااس و اقطعي العلااقة اللي اساسا مالها أمل لأانه خلاص الرجاال متزوج. هو اصلا ماخذك تسلية و لعب و آخرتها يتركك و يرمييك ....
​

 

[عاشقة هواك]

يمعوده وخري عنه في وايد رياااايل مو آخر ريال ومثل ما قالوا البنات

مآخذج تسليه وفوق هذا مالج المفروض من اول ما يقوولج جذي توخرين لان اصلا ما يستحي على ويها

وشنو فايده الشوق والكلام الفاضي واهو مالج ما تقولين لي خل الشوق والكلام الفاضي ينفعه

 

[جــــود]

لاحول ولاقوة الا بالله

اهتمي بسمعة بناتج

 

[معزوفة عشق&]

ياحبيبتي الرجال مملك يعني والله مايفكر فيك

حسبي الله عليه متزوج ويعلق بنات الناس فيه *_*


ابعدي عن هالططريق وربي بيعطيك ع قد نيتك صدقيني


وع نياتكم ترزقون

 

[الأميرة جوري]

نصيحه ديري بالج مثل ما عطاج عطى غيرج....

 

[ما كو اسم]

ما اظن مالج بس يبي يقطع اي امل لج .واكيد بين عليج الاعجاب فيبي يرضي غروره وبس

 

[moon-14]

يحسبونه هينا وهو عند الله عظيم​

 

[мเṣṣ яωเѕнέḍ]

أنزين دام اهوا مالج ليش قآلج اموت فيج

ليش من الاول ماصارحج قبل لا يقول اموت فيج قبلها المفروض يقولج مالج

حرآم عليه جذي