تعبت من هالرقم مادري شنو يبي ؟؟؟

[RoWaIsHeDyA]

رد : تعبت من هالرقم مادري شنو يبي ؟؟؟

قولي حق اخوانج ولا ابوج وسالفه من غير بيانات اذا رفعتي قضيه عليه حتى لو من غير بيانات يتتبعون الرقم على منو يتصل وايد غيرج ويتصلون على الرقم الثاني او يجيبونه المخفر ويقولون له هالرقم يتصل عليك منو اهوا يا يقول ياياخذون خطه ويتصلون على الرقم ويعرفون منو المهم يطلعونه يطلعونه لان صارت وايد سوالف على خطوط من غير بيانات لانها تزعج ولد خالتي يشتغل مع امن دوله يقول يتصلون ياذون الوزير مثلا عاد نقوم نتبع منو اكثر رقم يتصل عليه ونجرهم المخفر وانطلع الشخص علشان جذي صار ممنوع حاليا تنباع ارقام من غير بيانات شقاموا سوو الشباب الحلوين الي عندنا اي عامل اجنبي يسافر بره الكويت يقومون يسجلون على اسمه خط ويسمونه من غير بيانات اذا اتصلي على الشركه وايد تسالين عن خدماتهم واكتشفوا ان هالشخص مسافر يصكرونه لج او يقولون لج حوليه باسمج
والله يعينج ادري قرقرت راسج بس حبيت اوصل فكره

 

[لؤلؤية]

رد : تعبت من هالرقم مادري شنو يبي ؟؟؟

الله يعينج
لو رقمج عادي غيرييييييه..وريحي راسج

 

[تمنيته]

رد: رد : تعبت من هالرقم مادري شنو يبي ؟؟؟

قولي حق اخوانج ولا ابوج وسالفه من غير بيانات اذا رفعتي قضيه عليه حتى لو من غير بيانات يتتبعون الرقم على منو يتصل وايد غيرج ويتصلون على الرقم الثاني او يجيبونه المخفر ويقولون له هالرقم يتصل عليك منو اهوا يا يقول ياياخذون خطه ويتصلون على الرقم ويعرفون منو المهم يطلعونه يطلعونه لان صارت وايد سوالف على خطوط من غير بيانات لانها تزعج ولد خالتي يشتغل مع امن دوله يقول يتصلون ياذون الوزير مثلا عاد نقوم نتبع منو اكثر رقم يتصل عليه ونجرهم المخفر وانطلع الشخص علشان جذي صار ممنوع حاليا تنباع ارقام من غير بيانات شقاموا سوو الشباب الحلوين الي عندنا اي عامل اجنبي يسافر بره الكويت يقومون يسجلون على اسمه خط ويسمونه من غير بيانات اذا اتصلي على الشركه وايد تسالين عن خدماتهم واكتشفوا ان هالشخص مسافر يصكرونه لج او يقولون لج حوليه باسمج
والله يعينج ادري قرقرت راسج بس حبيت اوصل فكره

مشكوووره حبيبتي ماقصرتي

 

[::كسرة عود::]

رد : تعبت من هالرقم مادري شنو يبي ؟؟؟

هذي السوالف لازم في كل بيت
المفروووض أحد من خوانج يدق عالررقم واذا طلع رجاال راح يسمع صوت أخووج ويخاف واذا بنت نفس الشششي ~

والله يعيينج ..

 

[& شرطان الذهب &]

رد : تعبت من هالرقم مادري شنو يبي ؟؟؟

انا والله اذاني واحد كل مااقوله غلطان يدق ليييييييييين زوجي لعن خير خيره و لا فاد
بعديييييييييييييين غير رقمي
ترى في ناس مايفتهمون
عادي عندهم يدقون ميه مره

 

[منيرة خالد]

طنش تعش تنتعش وبس

 

[بنوت كيوت 77]

رد : تعبت من هالرقم مادري شنو يبي ؟؟؟

الله يعينك
والله ذكرتني بسالفتي من سنتين وانا على هاذا الحال يدق علي بس رنة ويفصل وكل بعد شهر يدق من رقم ثاني
واخر شي اتصل على رقم البيت والله يابنات مادري كيف جابه وطبعا انا رديت ويبي يطيح الميانة معي وبعدين اخذت رقمه واعطيته اخوي تعرفون وش صلح عطاه القروب حقه وكل واحد يدق عليه جننوه كل شوي واحد يدق عليه ويتطنز عليه اخر شي تاب ماعاد يتصل الحمدالله هاذا 3شهر مايدق والله الفكه

 

[كويتيه مذهله 87]

أكيد فيه خلل او شي

 

[دلوعة روحي]

حبيبتي انا قبل سنتين كان واحد جذي يدق علي

مرة دقيت عليه

قتله و رب الكعبة اليوم رقمكم يكون بالمخفر

تدرين شنو يرد

مو مني .. تلفوني يدق عليج بروحه

المهم ابوي كلماه

ماكو فايدة

اخوي مسح في الارض ماكو فايدة

قمت و غيرت رقمي و الحمدلله ارتحت

لا و اللي يضحك انا لما اخوي يقوله نعم أمر ؟

يقول : هذا مو بنشرجي

لخوي سمعه كلام و الله انه قوي

بس الاخ ماكو كرامه







الحين صارلي من قبل رمضان ارقام دولية تتصل بس انا حاقرتهم

ورا بعض تخيلي

و قبل اسبوع هابين هبة يديدة

رنة و يسدونه

و هم حاقرتهم

 

[تمنيته]

بنات اخاف جذي اللي يبوقون من رصيدنا بس @@

 

[جروح خالده]

رد : تعبت من هالرقم مادري شنو يبي ؟؟؟

دقي من رقم غررريب

 

[تمنيته]

دقيت من رقم غريب نفس الشي

 

[أوكسجين]

باليوم اللي يدق روحي اشتكي او سويها قضيه بالمخفر يقدرون يطلعونه حتى لو ياخذ رقم ثاني اكيد عندهم معلومات

قولي حق واحد من اخوانج يدزله مسج يصرقعه قبل لا تحذفين رقمج حسافه متعوده عليه

احذي خط جديد ووزعيه على صديقاتج واهلج وقفلي الخط المزعج وفي شغله لما يدق عليج سيفي رقمه وحطي بالجهاز في شغله ما دري

شسمها اذا دق عليج رقم محدد يطلعله مغلق جربيها

واذا بتاخذين رقم جديد خليه باسم احد غيرج يمكن يعرف اسمج واذا رجع يتصل للخط الجديد اللي مو باسمج عرفي ان من الناس اللي وزعتي رقمج لهم

ولا تقولين لحد ان الحط مو بسمج

الله يعينج

معاها

 

[L.H.LADY]

رد : تعبت من هالرقم مادري شنو يبي ؟؟؟

لو انا اب مكانج اعطييهم طااااااااااااااااااااااااااف ولا يهمني .....التعب عليهم حبيتي والموضوع لا تعطينه اكبر
من حجمه خليه يرنع التلفووون لين اهوو يموت والله ياخذه ولا ياخذها اذا اهي بنت كاااااااك صج حركات مريضه الحمدالله والشكر

 

[zain-alq8]

واي نفس سالفتي بالضبط ولا تطور وقام يدق من ارقام خارجيه ينني لدرجه زوجي كلمه وسبه سب وقام يعاند ويدق اكثر ولا طلع مصري بعد بس يسمع صوتي ويسكر قمت اطنش كل شوي رقم ودق دقه ويسكر ....ومره مطرشلي مسج انا ماقدرش ماسمعش صوت الكناري زوجي ين لووووووووووووول قالي غيري رقمج

 

[Un-6be3iya]

أمبيييه وربي انصدمت نفس حالتي بالظبط @@
انا صارلي سنة وشهرين !!!
تخيلي يدق علي اول مرة دق يستعبط يسوي روحه هندي و يوم زفيته صار كل جم يوم يدق الحين كل شهر يدق مرة ! وكله احقره واصلا حاطتله رفض تلقائي بـ فوني و اهو فيفآ تخيلي مرآات يدق من الخدمة يعني على رصيدي !
واوقاته خايسة كله يدق الفير @@

اخاف اهو نفسه !
و مرة دق من خط زيــن !!

 

[Un-6be3iya]

اي ودزيتله مسج تهديد جم مرة ان راح ابلغ عنه وسفلت فيه واخر شي قلتله
يا زباااالة

( حشاكم :$ )

 

[جروح خالده]

رد : تعبت من هالرقم مادري شنو يبي ؟؟؟

بسهووووله عطيه حظر مايوصلج منه لامسج ولايقدر يتصل وان اتصل يطلع مغلق

 

[بطة رشيقة]

الله يكون بعوونج

 

[الزين 85]

واي انتي نفسي مااحب اشوف رقم غريب بتلفوني انزعج من هالشي
وياقلبي مبين مطرش عليج يعني يبي ينرفزج هالرقم
الحل غيري رقمج او بلاااااااااااااااااااااك لست
ومثل ماقلتي لو عنده الشجاعه الادبية جان رد وقال اهوا منو ومنو مطرشه جان رد على الرياييل