تعبت من هالرقم مادري شنو يبي ؟؟؟

[كوشيه فوشيه]

رد : تعبت من هالرقم مادري شنو يبي ؟؟؟





الله يعينج

 

[مهاوىى]

رد : تعبت من هالرقم مادري شنو يبي ؟؟؟

صار لى هالموقف اول شى خط زىن وكانت هنديه تدق وتسكر واحيانا تسبنا قلنا يمكن غلطانه دقيت عليها وتاسفت منى وقالت خلاص ماراح تدق وابد ساعه وترجع تزعجنى ونظام رنه وسكر وباى وقت حتى الفجر طلعنا برنت ومابينت اتصلاتها حسب كلام الشركه المكالمات لم يرد عليها ماتطلع بالبرنت شهر وعقب صار يدق على خط وطنيه ونفس الحاله واسبوعين واستلمنى خط فيفا وفتره وصارت اخطوط تدق وتسكر وعقب اشتكينا وطلعت الخطوط بدون بيانات بس عرفنا اسم المحل اللى باع واحد من الخطوط والحين بالتحقيق .. حسبي الله عليهم اللى يبيعون اخطوط بدون بيانات حق ازعاج الناس

 

[summer's day]

رد : تعبت من هالرقم مادري شنو يبي ؟؟؟

أبسط شي تغيرين خطج

 

[تمنيته]

مشكووورين حبايبي عالردود
عجبتني فكرة البلاك ليست باذن الله اسويها

بس بنات اللي تقول عطيه اخوج اهو مايتكلم وياي بيتكلم ويا اخوي؟؟

وان اشتكي بالمخفر واجد افكر اسويها بس احس السالفه بايخه اخب اهلي على شي تافه

واللي قالولي طنشيه وربي مطنشته انا قبل مارد عليه طاااف بس مصر انه يدق ويسكر على قولة الاخت مايبي يثبت رقمه بالمكالمات شكله شاطر


جتني فتره شكيت ان احد من اهلنا يجس نبض .. بس حتى ماتوقعها .. ولو هو واحد يبي يكلمني جان كلمني مايسكت

والله لو انتو مكاني تستخفووون اسم الله عليكم

وبشوف نهايته شنو .. اهو اللي يخليني ماشتكي انه يدق يوم ولا يومين ورا بعض بعدين يقطع فتره لما انساه وفجأه يرد .. يعين الله

 

[so_what]

انا اشوف احسن حل مثل ما قالت وحده من الخوات برنامج البلاك لست ، والله يعينج

 

[انوار87]

اعتقد احسن حل تغيرين خطج

 

[عاشقه رويشد]

البلاك لست زين بس يمكن يدق من رقم ثاني غيري خطج افضل

 

[متفائلة2010]

يمكن بيشوف عندج انتظار ولا لأ

 

[تمنيته]

مشكورين عالردود اي انا اتوقع يجيك في انتظار ولالا

 

[مشتاقه لك يبا]

رد : تعبت من هالرقم مادري شنو يبي ؟؟؟

الحل واظح ... غيري خطج علىشنو صابره سنتين مغثه ؟؟
لو اني منج اغيره وافتك من عواار الراااس

 

[البخت ضايع]

اشسالفتهم ذولي نفس اللي يسير لامي بالضبط يدق دقه ويسكت لادقيتي عليه مايرد لو تموتين لو من الف رقم غريب مايرد !!!!!!!!!

نفسج ماندري شنو نسوي قطيعه تقطع هالاشكال

 

[مندوبة ام بندر]

اانا صارت فيني من ارقام برا الكويت \
فتره وانقطع هالموضوع دام تقريبا ثلاث اسابيع وافتكيت
بس انتي سنتيين لو منج انا اغير الرقم وارتاح
بس انا وضعي غير رقمي رقم تاجره وما اقدر اغيره
الله يكون بعوني وبعونج

 

[بدويـــة مودرن]

لاتغيرينه ولاشي جمعي الارقام اللي وصلت لج وعطيها اخوج يتصرف فيهم حرام تغيرين خطج عشان سخآفآت

 

[تمنيته]

الظاهر اخر شي بيصير روتين واتعود عليه
انا اللي يخليني صابره انه موباستمرار .. يستلمني شهر ويقطع 4 شهور ولا اكثر ساعات
وبعد رقمي قديم احبه ماودي اغيره رفيجاتي من الثنوي والجامعه يبيلي عشر سنين عشان يعرفون رقمي الجديد لو غيرته
وكل مااحد ازعجني اغير خطي موحاله بعد
يالله الحمدلله على كل حال ..

 

[غمزه وإبتسامه]

انا بعد صار معااي نفسج بس انا غير ريال يتحرررش سنتين طنشته سوويت كل شي بعدين غيرت خطي مااصاارت تعبت قلة ادب

 

[بنت النجف]

أنا نفسج رقم سعودي يدق فترة وبعدين يهدا وبعدين يرد يدق..ومايدق إلا ساعة 1 بليل..لاويدق رنة أو نص رنة..بس طنش تعش تنتعش :016:..

 

[هواجيس الفجر]

رد : تعبت من هالرقم مادري شنو يبي ؟؟؟

لا تغيرينه ولا شي

وكل من دق علينا وازعجنا غيرنا ارقامنا لا يباآآآ

طاااااااااااااااااااااااااااف

يعني لا تردين ولا المسجات امسحيهم اول باول وبسسسسسسسسس

 

[تمنيته]

ياليت يدز مسجات جان اعرف افهم شيبي
مايدز شي
بس مره قبل اسبوع دزلي (( انا بحبك )) هههههه الحمدلله والشكر
ورديت عليه بدعوه من قلب قويه .. طبعا دعوة هلاك
وبس ومارد علي ولا حتى انا ماطرشله شي مطنشته صج

 

[modern]

غيري رقمج

 

[toofy]

رد: رد : تعبت من هالرقم مادري شنو يبي ؟؟؟

حبيبتـي عندي لج حـل حلو من غير ماتغيرين رقمج

روحـي محـل تلفونـات و قوليلهمـ ابي برنامج بلاك لست

واذا حطولج البرنامج تقدرين تحطين هلرقم بالبلاك لست و ماراح يقدر يزعجج مره ثانيه لأنه كل ما يدق راح يطلعله مغلق

احــــــــــــــــلى حل كنت بقول جذي بعد :eh_s(15):