تعبت من ريلي مادري شللي غيره 180 درجه

[بنت بطنهااا]

السلااام عليكم

السالفه ومافيها الله يسلمكم اني متزوجه من فتره (زواج اهل تقليدي)

و من ملجنا و احنا سمنه على عسل و الكل يقول انه طاير فيني حتى اهله

بفترة الملجه

و يمووووت فيني ومغرقني هدايا و اذا زعلت يستخف و يحاول يراضيني بكل الطرق و هدايااا

يعني وايد متعلق فيني و 24 ساعه يبيني اكلمه بالتلفون ويقولي كل تفاصيل يومه حتى ادق التفاصيل ادري عنها

مااااايخش عني شي حتى السوالف اللي بين اهله يقولها

المهم اللي صااار انه بعد العرس باول شهر كان 24 ساعه عندي مااايطلع من البيت الا اذا انا معااه


بعد شهر الرياااال انقلب 180 درجه يقعد من النوم ياكل اي شي عالسريع و يلبس ويطلع جنه مقروص مثلا يطلع المغرب يروح الدوانيه و يرد الصبح

اول مايرد يجابل التلفزيون ساعه ساعتين و طبعا سااااااايلنت لايسولف لاشي عاد لمن يدوخ ويناام

و هذي حالته من اول مايقعد يطلع ليما ينعس تييله النومه يرد البيت ينااااام بس

وانا اقعد بين 4 اطووف بروحي

للعلم ماعندي عيال

تعبت ماكوووو شي ماسويته جم مره اقوله فلان خنطلع خنروح سينما ولامطعم يتعذر لا بروح الدوانيه

حاااولت احببه بقعدة البيت اطبخله اسويله عشى و جو رومنسي و اسويله ليالي رومانسيه مووووو معبرني الريال
خلاص تعبت وصلت لحد اذا قالي بطلع اقعد ابجي يعني منو يتحمل من يبطل عيونه لما ينام قاعد بالبيت بروحه لاشغل ولا مشغله

يشوفني ابجي اقوله انا زهقت طقت جبدي 24 ساعه بروحي وانت طالع زهققت لي متى

يلف علي يقولي هذا سبب تبجين عليه ويقوم يلبس ويطلع و نفس الحاله مايرد الا الصبح

واذا زعلت يعطيني طااااااااااف متى مارضيت رضيت عاااادي

اروح بيت اهلي ازعل يسحب علي يخليني تععععببت مادري شسوووي معااااه

 

[ديزاينر الكويت]

عادي كل الريايل جذي
ليكون تبينه يجابلج ٢٤ ساعه نفس الملجه
لا يا حبيبتي كان زمان

و ليش تروحين بيت أهلج
ماكو سبب أو هوشه عشان تروحين و تخلين بيتج
تعودي علي هل وضع
تري الريايل ما يحبون قعدة البيت نفس الحريم

قوليله حطلي يوم بالأسبوع
تطلعني فيه سواء سوق أو عشا أو سينما

و الله يهديه

 

[بنت الاحلام]

عادي حبوبه كلهم جذي بالاول بعدين يرجع حق روتينه القديم

 

[قـــمـــرهم]

من كلامج

واضح انه عشان توه معرس ومستانس تغير عشانج

وبعد فتره رد لطبيعته ...

يعني انتي تبينه يجابلج ٢٤ ساعه !!!

ترا الرجال عنده مشاغل عنده اهله الديوانيه دوامه ربعه و و و

ماراح يقعد يجابلج !!

وانتي اذا طلع ليش ماتروحين تقعدين عند اهلج ؟!!!!

روحي لاهلج غيري جو .. شالمشكله !!!

انا ملاحظه اغلب البنات الحين لاتزوجت ماتروح لاهلنا الا مره بالاسبوع

يعنني متزوجه خلاص ما اروحلهم الا زواره واقعد منطقققه بروحها بالشقه

بين اربع طوف لايعه جبدها على بونه متزوجه خلاص..

اذا زوجج كان مانعج عن اهلج هذا شي ثاني

اما اذا كان سامحلج لا حبيبتي روحي واستانسي مع اهلج ..


لا تخلين حياتج زوجج وبسسسس

سوي اللي عليج من حقوق زوجج وانتي بعد لج حق تطلعين وتغيرين جو
وتقعدين مع اهلج سوالف ووناسه ..


بس غلطانه اللي اتزوج وعبالها زوجها بيجابلها طول اليوم !!

والله يسخررركم لبعض يااارب

 

[سلاسل ذهبيه]

الله يصلح حاله ويهديه لمافيه خير له ولج *

 

[فوولي]

الله يهديه
صج حددي وقت لج ويووووم يطلعج فيه

 

[طيبة83]

حقريه

عيشي حياتج

طلعي معا خواتج أو رفيجاتج

شغلي روحج بشي

بتشوفينه يشتاق لج

 

[Mjnont '3lay]

كل الرياجيل جذي والله
مو بس رجلج
عيشي لذاتج وبنفس الوقت لا تقصرين بحقوقه وواجباته اذا مليتي دشي نادي انضمي مع قروب و استانسي و بايام الويك اند واعدي رفيجاتج و اطلعي استانسي معاهم وروحي اسوقه تشري اللي بخاطرج و روحي مره بالاسبوع سوي سبا رخي اعصابج وروحي صالونات كبيره وكشخه ومعروفه سوي سوالف بدكير و برافين وماسكات وعنايه دلعي نفسج شوي عشان نفسيتج من الداخل ترتاح مو شرط الرجال اهملج يعني خلاص تصيرين كئيبه وتقعدين في البيت تبجين هذا مو حل حبيبتي

 

[Patcholli]

لا مو كل الرياييل جذي ..!!
ريلها اتغير 180 درجه
شنو ريال يرد البيت الفير ..!!
هاذي عيشة واحد متزوج ولا واحد عزوبي ؟
مدامه مايقدر يغير روتين حياته شحقه يتزوج ويبلش بنت الناس ..!!
حبيبتي لازم تقعدين معاه وتكلمينه بكل هدوء وتفهمينه ان انتي مو عاجبج هالوضع بس بدون بجي وزعل ونجره لان بتلوع جبده وبينحاش
وشوفي انتي شنو الي مخليه جذي ينحاش من البيت
اوكي قلنا الريال فتره الملجه يلزق بمرته وبعدين يرد عادي
بس مو بالصوره الي وضفتيها ان ينحاش من البيت هالشي مو طبيعي
واخاف احد صاككم عين بالملجه لما كان يدلعج انتي متكلمه حق احد ؟؟مسولف عن ريلج شيسويلج وشنو ايبلج ؟؟

 

[Perfume]

^^^
مع باتشوو
مو كل الرياييل جذي
الريال حاله انقلب مرة وحدة
من كان يموت فيها صار مايقعد معاها كلش !
لازم تتفاهمين معاه
احسن شي التفاهم

 

[al-musk]

انا فعلا شايفه انه تغير من واحد انتي محور حياته وكل شغله يقولها لي واحد بعيد ومايتحمل يقعد بالبيت .. أنا بقولج انتي سالتيه والي عليج سويتيه .. الحين انتبهي لنفسج وحياتج وخلج مشغوله فل تايم وخل يشوفج ان عايشه ومستانسه .. لاتهملينه ولا تهملين البيت بس لاتقصرين بعمرج وبوانستج .. وخل يحس انه جزء من حياتج مو المحور وتتحطمين لي غاب .. وطبعا يمكن تكونين معيونه والعين حق كل يوم اقري البقرة وارقي بيتج ونفسج انتي وياه .. وهم شغلي صورة البقرة كل يوم .. واذا فيه عين تروح ..

 

[المقتصرة]

لازم تتجلمى معاه وتحاولى تفهمى بهدوء ليش صار جذى ايش اللى جج عليه الله يصلح حالج

 

[ريتاج_90]

الله يعينج .. والله يهديه

ماقصروا البناااااات

 

[مناير ...!]

كل شباب الديره هذا حالهم

 

[Vous jamais]

شيء طبيعي ببداية الزوج يكون متعلق فيج

اغلب الرياييل جذي ,

و بعدين مسألة يطلع و يرد متأخر سمعت فيه فترة ينسحب الريال

من حياته الزوجية عقب يرد

انتي اللي عليج انه ما تخلينه محور حياتج طلعي و روحي لاهلج و صديقاتج

و لا تناقشينه اتركيه و شوفي شلون يرد لج

 

[صعبه]

كلهـــــــم ججججذي حبيبتي لا تخافيين

خصوصا اذا كنتي توج عرووس بتحسين انه بعييد وكله يرد متاخرر

طبيعي


النصيحه اللي بقدمها لج

لا تركضين وررراها شوفي انتي لماصحتي اهو شرد علييج ؟

شاف السبب تافهه

خلاص انتي الحين طنشيه وخليه يسوي اللي يبي اكخشي والبسي وتعدلي ودلعي نفسج لنفسج طلعي عند هلج ربعج

اهم شي لا تخلينه محورج وتركضين ورااه

اذا شافج تركضين وراه بيزييييييييييييييد لانه مو حاس في شي يديد


واقولج لا تقعدين تناقشين معاه انت وانت وتعورين راسسج انتي بروحج بينحرق قلبببج عالفاااضي وبتقعدين تصيحين وبطنشج

سوي اللي قلنا لج وبتشوفين ان ماتغير :d < ياعيني عالثقه

 

[سمرقنديه]

مثل قول الشاعر

كل ما اقفيت ناداني تعال ** وكل ما اقبلت عزم بالرحيل

يعني انتي ديري له ظهرك بدلع يناديك تعالي لكن لا تخليه ليااقبلتي عليه يعزم بالرحيل






























زز

 

[الدلال]

شي طبيعي يتغير

بس تغيير ريلج مو طبيعي!!

 

[بنت بطنهااا]

ثااااانكس حق كل اللي ردوا

بخصوص اللي يقولون كل الرياييل جذي

مافي ريال توا متزوج بيطلع 10 ولا 12 ساعه اول مايقوم سيدا يطلع

مخلي البيت للنوم وبس

اول مايرد ينام و إذا قعد من النوم يطلع ومايرد االا إذا داخ يرد عشان ينام بس !!!!

وانا طول اليوم بروحي لا يسأل ولا شيء حتى ريوقي و غداي و عشاي بروحي

طول يومي قاعده بررررروحي

 

[english muffin]

لا طبعا ماعليج من البنات
مب كل الرياييل جذيي اصلا انا يطيح من عيني الريال الي يهد زوجته ويسهر للفير

وانتي تقولين اهوا تغير مرة وحدة فحبيبتي احسن حل انج تقعدين معاه تفهمينه ان الحين انتي بذمته مايصير هاملج 24 ساعة ووالحين عليه مسؤليات مب مثل قبل

الله يهديه يارب و يسعدكم