تعبت من ريلي مادري شللي غيره 180 درجه

[زوجة عزيز]

ما يرد الا الصبح !!! ليش ماوراه زوجه كلميه حبيبتي مايصير يهدج طول اليوم بروحج ومايرد الا الصبح بيروح حق ربعه خليه يروح ساعتين بالكثير ويرد لج يقعد معاج يسولف معاج وانتي بعد طلعي معا اهلج او صديقاتج وخليهم يزورنج لا تقعدين طول الوقت بروحج ويوم بالاسبوع خليه يطلعج عوديه على جذي

 

[pusy cat]

عادي كل الرجاجيل جذي له فتره يجوع وله فتره يشبع

لهي نفسج اطلعي مع اهلج مع رفيجاتج ولاتضغطين عليه

الوضع اللي انتي عايشته طبيعي 100٪ لاتستغربين ولاتحاتين اصبري عليه هالفتره شوي صعبه عليج وعليه وانشالله تعدي

الرجال غير عن المره لاتنسين هالشي الرجال يمل من بيته ويحتاج مساحه بينه وبين مرته بأوقات عقب بيردلج انشالله بس اصبري عليه وحسسيه انج تبينه يطلع ويستانس عبري عن مشاعرج ان انتي مشتاقتله لاتحسسينه انه مقصر بحقج اهو حاس انه ماقصر معاج وعطاج الحب اللي تبينه

اقري عن شخصية الرجل واشاون تتعاملين معاه

 

[pusy cat]

طبيعي انتي عروسه وصار زوجج كل حياتج لدرجه ودج تحتكرينه لج بروحج

هذا احساس كل زوجه تعشق زوجها بس لازم تفكرين بعقلج عشان مايزهق منج خليه على كيفه عشان يردلج مشتاق

لاتأذينه متى ترد وين رايح ووين جاي هذا يسمونه نكد

ادري انج تحبينه وماتقدرين على بعده ميخالف عودي نفسج ولهي نفسج عيشي حياتج اللي قبل الزواج

 

[حبيبي مالكني]

عادت حليمة لعادتها القديمة


ريلج رجع حق حياته ترى اغلب الريايل جذيه تعودجي على طبعه الي كان مغيره وقت الخطوبة

 

[الهما]

السلام عليكم
حبيبتي
في شي لازم تعرفينه انت بالاول ...ِشلون طبعه قبل الزواج
اذا كان مو راعي دوايين فهني لازم نبحث شنو اللي مطفشه...و ترا الريال اذا سويتيه يا دهينه لا تنكتين ... لا الدهينه بتنكت و تعفس الدنيا بعد.... الريال لا تقصرين بالاساسيات اللي اهي الملابس النظيفة و اللقمه الحلوة ... و فراشه نظيف لكن باجي الاشياء لا ..حسب طاقتك انت
لا تختبين لرضائه...
أما اذا كان راعي دواويين ( و انا اتوقع ان راعي دواويين ) ..فوضعك طبيعي ...
و التغيير ماراح يصير بسهوله ....
اغلب البنات جذي
الحل ان انت بعد تشغلين نفسك بشي ... لان اذا بس يطلع بتقعدين تنطرينه ...فالحاله صعبه ..طلعي اشتغلي سوي اي شي ...

والله يوفقك يارب
ارسلت لك رساله على الخاص
شوفيها بتفيدك كثير باذن الله​

 

[شطانه طفله]

الله يعينج حبيبتي والله يهديه ان شاء الله بس غلط اذا زعلتي تقعين عند اهلج لا تعودين الريال على هالشي

وحاولي تتفاهمين معاه وتذكرينه بايام الملجه والسوالف والضحك
وان شاءالله ربي يسخره لج

 

[الناس اسرار]

الله يسخره لج حبيبتي دايما رددي اللهم اصلح ذات بيننا واخرجنا من الظلمات الى النور وتفاهمي بهدوء معاه هذا طبعهم الرياييل بسرعه يملون والزواج اخذ وعطا وكل واحد فيكم عليه حقوق وواجبات الله مايرضى بهالشي الحين هو مسول عنج هالوقت يرجع
اتمنى اكون افدتج

 

[امـ خــزامـى]

انا مع الهما
كل كلمه قالتها صحححححححححححححح

وحبيت اقولك عن اول زواجي

انا كان راعي دوواووين على قولتكم وماايرجع الا الفجر ويوم تزوجني ساافرنا اسبوعين شهر عسل
وبعدين رجع لنفس حياته

انا انصدمت ماااطف فيني ابد والسهر عنده ادمااان لدرجه مادرى عن هوا دااااري

وشوي شوووي صار يرجع بالتدريج اول شي قدم ساعه وبعدين سااعتين

وحاليا لي 4 سنين وشوي وماشاءالله صار يروح لهم ساعه ااو ساعتين وحده ان طول بالسهر الى 11 ويرجع طبعا كل هذا من نفسه
اناا مااازنيت عليه وبالعكس اقوله روح انبسط ومااعمري سألته متى بترجع ولا تتاخر ويالله تعال
ابدددددددددددددددددددددددددددا
اوقات يتصليقولي طفشانه اقول لا مبسوووطه خلك سهراان مع اصدقااائك <<طبعاهنا يرجع على طوول بيشووف وش اسوي ويتحمس


عموما انت ببداية حياتك ثقفي نفسك وان شاءالله بتعرفين كيف تتصرفين


موفقه حبيبتي

بالعكس اقوله رووح انبسط

 

[بنت بطنهااا]

حزاكم الله الف خير ماقصرتووا

 

[رجفة وهم]

كلام البنات صحيح زوجي كان كذا بعدين رجع لروتينه الأولي

كل الرجال كذا لاتحاتين ولاتكبرين اليالفة وتصير مشاكل بينكم لاسمح الله

قولي الحمدلله غيرك رجالهم يصبحونهم ويمسونهم بضرب

 

[بنت بطنهااا]

الحمدالله على كل حال

اي والله

 

[غآب نورك ~]

حبيبتي انا أخوي اول زواجه كان يتأخر مو بس جذي لا كان يباات برع بعد مب متزاعلين ولا شي

تعرفين شباب مب متعودين فالبدايه

ومرت اخوي مسكينه دموع اربع اربع

بس والله الحين غير عندهم عيال لما صارت المسؤوليه تغيرت النظره هم اهي كانت فاهمه وعاقله وبس
الله لا يغير عليهم

 

[كارلوفي فاري]

كل الرياجيل جذي والله
مو بس رجلج
عيشي لذاتج وبنفس الوقت لا تقصرين بحقوقه وواجباته اذا مليتي دشي نادي انضمي مع قروب و استانسي و بايام الويك اند واعدي رفيجاتج و اطلعي استانسي معاهم وروحي اسوقه تشري اللي بخاطرج و روحي مره بالاسبوع سوي سبا رخي اعصابج وروحي صالونات كبيره وكشخه ومعروفه سوي سوالف بدكير و برافين وماسكات وعنايه دلعي نفسج شوي عشان نفسيتج من الداخل ترتاح مو شرط الرجال اهملج يعني خلاص تصيرين كئيبه وتقعدين في البيت تبجين هذا مو حل حبيبتي

:eh_s(15)::eh_s(15):

 

[Rooz Aziz]

انا زوجي يشرق باسمي

والحين طالع وبيرد الفجر



اذا زوجج راعي دواوين ونادي
انسيه


بس مو معناته طول الاسبوع ما يجابلج
ع الاقل كل اسبوعين طلعو مرا والا كل اسبوع

 

[*~|لوٰڤ لندن|~*]

'



كلااآم البنات واااااايد مقنع ، يمكن رجع لروتينه!

ماقصروا البنات والله ،

عالعموم عسى ربي يسخره لج ان شا الله ولاتنسين رقي نفسج يمكن عين فهالشئ استنتجته لما قلتي ان اهلهه يقولون انه طاير فيج

ولاتبينين لاحد انج سعيده ، وحتى لو مو عين ادعي ربج يحفظكم من الحسسد ،


لوٓڤ~

 

[%دانة%]

الله يصلح الحال

 

[ليدي بجد]

هو ما أظن تغيير. هو بس رجع لطبيعته وروتينه بعد الزواج. بعد ما خفت رهجه الزواج. والي يمر فيها اغلب الأزواج الطبيعين ببدايه. زواجهم. اول شي لازم تقنعين نفسك بشي عشان ترتاحين لانها حقيقه مر فيها قبلك ملايين الملاييين ولا انت اول وحده. الزوج لان يظل يدلع. ويرررررررراضي ولاصق ومولع بالطريقة الي كان فيها في الخطوبه وأول شهر او شهرين او ثلاث. بيخف وبعضهم يبقى طشاش وبعضهم تنعدم تماماً لانه قاعد يرجع لطبيتعته. بعضهم حتى لو يحب اي شخص ويعزه لو يموت ما اعتذر له مثل امه او أستاذه اوصديقه برغم انه يراضي عروسته على الفاضي والمليان...والسبب عرفناه وهو عريس ما يكون في كامل قواه العقليه. هههههه
بالنسبه للسهر. اهم شي تضمنين انه مع ناس مضبوطين. يعني إخوانه قرايبه فيهم ناس كبار. بيكون هذا اهم نقطه
طيب الحين بتقولين وبعدين أنا لوحدي وطفشانه. شوفي حكايه سوي سهره. وجلسه رومنسيه. ومفاجاه. أمم. هذي ما راح تنجح لان الهدف منها التغيير ومو معقول هالتغيير بيكون كل يوم والا كل كم يوم !!
لازم تسوي شي يقلل من روحته للمكان الي يروح فيه عشان يبدأ يتخلص منه جزئيا. كل اسبوع يوم سوي شي اعزميه ببيت اهلك على العشا وسهر طويله. مره ثانيه. اعزمي ببيتك مره أهله. مره. اهلك. وبرضو سهره حتى لو رجال بس. عشان يجلس.
المره الثانيه. اقترحي على اهلك يأخذون استراحه والكل يشترك فيها أزواج خواتك إخوانك المتزوجين ولو في قرايب مقربين وبعد زوجك اعرف وحده مقترحتها على اهلها. والكل مشى عليها حتى زوجها وشهريا مجتمعين
ما ادري وين تتمشون بس ممكن مره تعزمينه انت على مطعم. او تطلعون طلعه بر او بحر مع أختك وزوجها اجوك ومرته.
ليش أقولك خلي فيها ناس. عشان يحس بالوناسه الي يلقاها في سهراته. مؤ على طول بس انت وياه. وشوي شوي يتعود على عدم الروحه ويصير حتى لو مافي طلعه يقعد معاك
بس انتبهي فكره الزوج ان كل يوم معاك أنسيها ما يسويها الا شخص غير اجتماعي بطبيعته مو حبا بزوجته. وبعد كلام البنات صح اشغلي نفسك لازم يكون لك اهتمامات. وحسسيه انك مشغوله ولا تقولين ليه ما تقعد معي وانا وحيده. كذا بيهرب زياده بكره الالتزام بمسؤوليات الاسريه تربطه فيك غصب.. والله يوفقك ويسعدك وتجيبي أحلى بيبي يملى عليك حياتك
اعتذر عن الأخطاء اكتب من ايباد. الي يعرف طريقه الغاء المصحح اللغوي ينقذي. بس على الخاص. يمكن ما ارجع