تعبت منة وربي تعبت لا هي العاشرة ولا العشرين ؟؟؟

[مظلومة حيل]

[font=.helvetica neueui]

انا مشكلتي مع زوجي دائما مشاكل و في كل مرة يهددني على اسباب تافه و يقول ((والله البيت الي اخذتج منة لاردج له)) يعني يهدد بطلاق ‏وكذلك يقول انتي مو مرأة ما تفهمين و مرات يلعني و يسبني و يصرخ اعصابة بس لما يدخل تجي فية النار و يضرب ابناءة ما يبيهم يقعدون يمة يصرخ علينا


‏انا خلوقة ما عمري سبيتة او شديت علية اكثر من مرة اكتشف انة يكلم بنات و اهو ينكر بكذا طريقة ويطلعون بنات صاحب سفرات و خرابيط و الدليل لما يجي له حركات جنسية و يروح مع ناس فاسدين يروح
تايلند و دول معروفة بالفساد يروح لهدول اقوله لا تروح و ارفض يروح غصب علي مو بكيفي


وانصدم ‏و اكثر من مرة احس انة سكران و ينكر لما مسكت مسج رفيج مكتوب انت سكران وانا سكران ،،
‏انا تعبت معه حاليا 9سنوات و عندي ابناء ولاعمري رحت لاهلي زعلانة ‏مع العلم مرت يطردنا من البيت يومين لاهلنا نروح غصب عليناو يردنا نفس الماي ولما اعترض بنقعد يزفني يالله انا جاي مو بكفيفج بكيفي فاهمة
‏كذلك ما يحب اعياله يحب اعيال ربعة اكثر ولا يحن عليهم ولا يحط لي اي حساب بنفسة كاني طووفة انا البس له وحياتي ماشية عدل بس معاة لما يدخل نتعب انا واعيالي شالحل؟؟مع هالاشكال​

[/font]

 

[mannawy]

بعد روحي الله يفرجها عليج وعلي.

 

[حياتي مختلفه]

شتبين فيه فاسد الله يفرجها عليج صلي استخاره شوفي الله شنو يختار لج

 

[ام الشقى]

الله يهديه يارب ويعينج
الزمي لاستغفار وقيام اليل ودعا له ولج
واقري البقره والله يفرج كربتج

 

[كنوشة 2009]

الله يعينج عليه ليش ما تكلمين احد كبير من اهله وكذلك اهلك
لان الوضع ما ينسكت عليه نهائيا
وعسى الله يهديه

 

[لمى الهاجري]

دام انه سكران علمي عليه الشرطة هو وربعه خله يكلبوجنهم ينسجن كم يوم يتادب صدقيني بيرد لج وهو ندمان وما بيعودها وعقب خليه يدخل مصحه علاج ادمان الخمر وبجذي بترتاحين

 

[am faisal]

عسى ربى يهدية لج
الصبر محمود العقايب

 

[الشهد كله]

حبيبتي ريلج راعي سفر وبنات وسكر وخرابيط وانتي ساكتة على عيوبه كلها

طيب لي متى بتسكتين ؟؟؟؟؟؟؟؟

ولي متى بتسترين عليه ؟؟؟؟؟

لازم أحد من أهلج وأي أحد من أهله يتدخل بالموضوع !!!!!!!

ما يصير تسكتين وهو زايد مو ناقص

وبكل وقاحة تشوفين عيوبه ولا يهمه

لازم تقولين حق أبوج أو أخوج الكبير يتدخل بينكم ولا باجر

يتمادى ويزيد أكثر من جذيه

ادعي له بالهداية والصلاح

الله يعينج عليه​

 

[Gifts&Occaions]

الله يعينج

 

[JANAA]

الله يعينك يا قلبي

حبيبتي اول شي الجاي الي الله سبحانه وتعالي واكثري بالدعاء له بالصلاح في قيام الليل والتهجد واكثري من قو اللهم اجرني في مصيبتي واخلفني خيرا منها

ثانيا : هو تمادي لأنك ولا مره شكيتي حق اهلك هالمره لازم تجمعين الريايل عندك بالبيت وتقولين لهم كل الي يصير علشان يتفاهمون معاه لأنك لو ضليتي ساكته بيتمادي اكثر واكثر ولازم مصرف حقك وعياله شلون يحن على اعيال ربعه وناسي عياله حسبي الله ونعم الوكيل الي مثله ما ينبكي عليه

ثالثا : تخلين اخوانج ابوج يتصل باهله ويجتمعون ويحطون حد للمسخره الي قاعده تصير يا يلتزم ببيته واهله واعياله يا بطقاق الي يطقه بس يعرف في قانون بلبلد واعياله وانتي لهم حق واذا ما رضي بالطيب القانون يرغمه لازم يعرف ان عندك ارجال توقف بوجهه

ربي يفرج همك ويهدي زوجك ويبعد عنه الحرام واصدقاء السوء

 

[shak!shoka]

صعب تبين الحل الحين عقب ٩ سنوات !!


كان بامكانج من اول غلط تاخذين موقف جاد و تعلمينه شلون يصونج



ليش سكتي كل هالمده

وليش الحين تكلمتي !!


صعبه تزعلين و تشيلين قشج و تروحين لاهلج لانه ما تفرق معاااااه يمكن يطلق او يتزوج او يخربط و ببيتج !!

و صعبه تقعدين وكل هالقذاره و الوضع الغلط كل ماله و يزيد



ما ادري شقولج والله


يا ليتج تحجيتي من زمان و سنعتيه




كلمي ابوج وانتي ف بيتج و عنده لا تطلعين من البيت

حقريه لا تكلمينه اهم شي يصرف عليكم و شغلكم اوكي و طلباتكم موجوده

خلي يولي ولا ترضخين له و كل شي حاضر حاضر

اهتمي بنفسج و بعياااالج

مساكين اذا هذا ابوهم يبون منج مجهود مضاعف


اجتسبي الاجر و ادعيله بصلاة الليل و خلي يشوفج وانتي تصلين و تدعين يمكن يحن قلبه والله يهديه

 

[هواك عنواني]

يا الله زي خطيبي كل شويا يهددني بالطلاق واسكت واخاف واحاول اصرف الموضوع
اخر مره غلط عليا وهددني بالطلاق ويتوعد فيا ويقولي بروح لابوك
وقولتله تعال يستناك صار يقولي ليه تدخلينه بيننا انا بتزوجك ولا بتزوج ابوك
اوف اوف شايله هم وخايفه
الله يفرج عليكي وعليا

 

[رنيم الروح]

الله يعينك حبيبتي بس ياليت ماتسكتين لازم احد يعرف من اهلك ومع الايام راح تزيد مشاكلك معاه لانه انتي ساكته وضامن مراح تتكلمين
وعليك بكثر الاستغفار والدعاء

 

[Tom ♥ Jerry]

,


اي ريال يشرب مآ آنصح المره تقعد وياه دقيقه وحده
و يخون و يروح تايلند :/ بعد شتبين اكثر

المنه عليه انه انتي قاعده عنده اصلا !!!

 

[مظلومة حيل]

اهو يقول من يوم زواجنا المشاكل ملح الحياة بس اي شي يصير بيننا تدخلين اي احد والله ليصير يوم فراقنا يبي الناس تشوفة كاامل والكامل الله
تعبت كل يوم اقول بيتسنع وكل يوم امووت
والله من صدماتي فية احس بقلبي عمري صغيرر و متزوجتة وانا صغيرة انا بمنتصف بالعشرينات وشعري شاب مدري اروح عيادة نفسية او محامية نفسيا كرهت كل شي بنفجر ما صارت سوالف

 

[Perfume]

حبيبتي شعليج منه !!
يخربط وبعد يهدد لا تدخلين احد بينا !!
دخلي ابوج واخوانج خل يسنعونه ويكلمونه واذا مايبي يتعدل فرقاه عيد
يطردج انتي وعيالج ويخربط خافي على نفسج ينقلج مرض اسم الله عليج

 

[مستحيل اخونك]

​

اسمعي حبيبتي استغفر اللله عيشه مع واحد زي هذا وش تنتظرين منه ينقلك مرض والعياذ بالله

انا اشوف انك تلحقين على عمرك حبيبتي والله يوفق الدوله ماتخليكي تحتاجين انتي وعيالك حد

 

[ROSE AL Q8T]

الله يفرج لج همج

 

[جـــواهر]

الله يكون بعونج حبيبتي
كفا بالله حسيبا

 

[modern]

ليش تلومونها لانها مستورة و تفكر بعيالها؟؟؟
الصبر الي صابرتيه معاه انشالل جزائك عند رب العالمين بالجنة
و بالنسبة لزوجك الله يسخر لك و يهديه....
امامك طريقين:تغضي البصر عن تصرفاته و تعيشي حياتك مع عيالك بالطريقة الطبيعية عشانك و عشانهم
او تطلقين منه و هذي بداية لمشكلة جديدة ما لا نهاية ابدا