تعبت منة وربي تعبت لا هي العاشرة ولا العشرين ؟؟؟

[nutella22]

الله يعينك ماادري وش اقول لك بس بدعي لك بظهر الغيب

 

[الزورق222]

الله يعينج ويعين كل فتاة وامراه على سخافة بعض الرجال ..
مايخافون من ربي .
ليش ماتتركينه مافيه فايده من البقاء معاه مادام سكران ..

 

[!الجادل الصعب!]

يعني قالج لا تدخلين احد ي ويلج وسمعتي الكلام ؟

يطردكم ويردكم وعشام قال بكيفي رحتي تركضين له وسجبتي عيالج معاج ؟

صايده مسج وعادي مطوفه الموضوع


حبيبتي سكران يعني مو مسؤول عن تصرفاته
يعني ممكن هو بالدويلنيه سكران ربعه سكارا يدشون عليج
او يمسكون احد من عيالج هذول م ينوثق فيهم شفيج انتي بارده !!
يسافر يجيب لج امراض وايدز وتروحين من بين عيالج عشان هو رايح يستانس مع لنات منحلات

رايي تبينه .. شني حرب عليه
علمي اهلج واهله وروحي لاهلج اخذي موقف جاد
لا تردين او م يقولج اسف بتعدل
وقفي قدام الكل وقولي يوعدني قدامكم يتسنع

 

[عسل سل]

الي تقووولها ديري بالج انتي عندج عيال منه
انا اقووول قعدت العيااال ونفسيتهم وابووهم رايح فيهم مو خووش قعده راح تصير عنده ولا خوووش تربيه ف بعدهم عنه احسن !عشان مايتأثرووون فيه
وانتي يازوووجته انتي معيشه نفسج بدوور الضحيه تحملي ليش ما اخذتي قراار من الاوول الحين وقت تتخذين قرااار قووووي ماتخذتيه من قبل !! شوفي اذا قادر تستمرين العمر كله وياه !!ماظنتيي ممكن تكوونين ضيعتي فرصه ثانيه مع واحد الله بيعوضج فيه وانتي صابره على هذااا ووووووع منه واشكااله ووريه يوتيوب اسرار الموت نبيل العوضي خلي يخق هههه

 

[Um Tuki]

في حريم حاطين في بالهم انهم لما ما يشكون لاهاليهم من الزوج راح تكبر بعينه

ترى هذا ما يبين بعينه شي


ترضين انه يمد ايده على عيالج ؟

ترضين يرقد معاج عقب ماجامع له بنات شوارع ؟

ماتخافين على نفسج و على عيالج من المرض ؟
ددلازم اهلج يتدخلون قوليلهز يشرب و يزني و انا اخاف على نفسي


عيشي اللي بقى من حياتج ترى العمر مره


ليش اتضيعين نفسج عشان واحد منتهي


عيشي انتي و عيالج و كأنه مو موجود


طلعوا تعشوا برع وديهم ألعاب سوي لكم برامج و شيلي زوجج التافة من بالج


ترى المرة اللي تقطنفسها على زوجها جذي يضمنها و بدوس على راسها


حرام يتعقدون اليهال

 

[كارلوفي فاري]

شيلي من تفكيرج وعيشي حياتج كانه مو موجود ولا تعطينه اهتمام. خليه يعرف قيمتج. الروحه لبيت الاهل اللحين ماتنفع لانه يدري اول وتالي بترجعين وحتى اهلج ماراح يوقفون معاج حيييل لانج تكلمتي بالوقت الضايع. وراح يفكرون انه مالج الا بيت زوجج زين ولا شين. علشان جذي لا تدخلين نفسج بمتاهات يمكن ماتطلعين منها ويمكن تكون بالاخير نتيجه عكسيه ماترضيج وتكون من صالحه اهو
اللي عليج ازعلي وانتي في بيتج. صدي عنه والتهي بنفسج وفي بيتج وحتى لو يكلمج مو تحقرينه لاااااا ترا يعصب وتنقلب السالفه كلها. كلميه بس لا تبينين انج مركزه معاه واذا صيح او هاوش واو غلط لا تقدين تجين وتتضايقين لااا اعتبري ماكان احد قدامج. حتى الاكل لا تاكلين معاه
لما يسافر لا تدقين عليه وحتى لو يدق خلي عياله بس اللي يكلمونه. يعني بالعربي ربييييه مو مخليج تحت اباطه. لما راح يحس انه خسر مصدر الحنان الاول له رااح يخااف.
بعدها اذا ناقشجج وسال عن تغيرج صوبه بطي الجربه لكن خليج حاميه معاه بس بدون ماتغلطييين لكن عطيه كلاام بتصمييييم بس اختصري واطلعي عنه ولا تناقشينه وبعدها ازعلي ولا تكلمينه لييين يقول انتي شنو طلباتج وترا السالفه تطووول ويبيلها صبر وطبخه على نار هااديه.
والله يسخره لج

 

[عتيبيه و كويتيه]

يا بعد قلبي الله يحبج عشان جذي ابتلاج
اكثري الاستغفار (يفرج الهم ويرزقج من حيث لا تحتسبين )
وقيام الليل واستخيري

 

[NSYAN]

حبيبتي حقريه جنه طوفه بالبيت ودخلي ريال من أهاج ومن أهله فضحيه خليه يستحي على ويه وينتخي

 

[مظلومة حيل]

انا ما سكت الا من حر ما فيني اهلة من طقة ما يحبون مرت الولد
واهلي مالهم شغل
بس ماكو الا انني اشيل اغراضي واروح لاهلي بس بنتظرة يكون سكران واهو كل ما كان سكران امسك تيلفون القا السوالف باحتفظ فيهم لي و باستشير محامي والله كريم
والله احس انني انهرت انهرت

 

[88فواصل]

حبيبتي انتي تقولين اذا دخل البيت يتغير يعني البيت فيه شي مالك الا سورة البقره مع رش البيت بالماء والملح
سمعت قصه من داعيه يقول ان فيه وحده تقول زوجي اذا دخل البيت يتغير بس يضربني ويطلع نصحتها وحدها من صديقاتها بسوره البقرة بعد فترة من القراءه سمعت شي انفجر عند باب الشقه لما شافته لقت البلاطه اللي عند الباب متكسره وتحتها سحر ومن بعدها تقول اموري تغيرت ورجعت احلى مايكون طبعن مع الاستغفار والدعاء
والله يفرج همك ويسر امرك

 

[مظلومة حيل]

انا من يوم زواجي اشغل سورة البقرة و الرقية الشرعية بصراحة اهو راااعي خرابيط رااعي بنات راعي خمر وانا انهرت منة و راعي سفرات فساد و ينكر دايم جذاب و على كل مرة اصيدة يقول انااا إذا بتشكين فيني مقدر اعيش معاج روحي لاهلج و اجيب ورقة طلاقج و مصروف العيال
لما يقعدون العيال بحضنة يبون ابوهم يصرخ ويقول بتجيبون السكري بتجيبون لي الضغط هذي حاله و مع الناس تقولين ماشاله تبارك الرحمن ؟؟؟

 

[RowTow]

آنا أستغرب لما الرجل يكون خربان و البنات يقولون عيشي حياتج بس إنه رجلج شكليا و عامليه كأنه مو موجود!
عفوا انتوا من صجكم؟
شنو يعني تعامله جنه مو موجود؟
محسوب عليها رجل و مبتلشه فيه و تتجاهله؟
و شلون أصلا بتتجاهله؟ رجال طول بعرض لا و بعد يسكر يعني حيله حيل ثور!
ما يقدر يعطيها طراقين يشوهها؟
ما يقدر يكرهها عالجماع؟
و أصلا مجرد إنها قاعده عنده غصبن عنها مضطره تنام معاه.

حبيبتي, الرجال اللي يسكر مافيه خير.
توه جدي الله يحفظه قاعد يسولف لنا. يقول على أيام شبابه أب رايح حق الشيخ يقول له تكفى اذبح ولدي و أنا متنازل عن دمه, و الا اسجنه لين يخيس.
مأذي أبوه بسكره و خرابه. هذا و اهو أبوه مو مرته.

مادري آنا شلون الناس تفكر.
خالتي اللي اهي خالتي قعدت مع رجلها 15 سنه و هو سكير ليما عطاها بوكس بعينها بغت تنعمي, شالت عيالها الثلاث و شرشحته و تطلقت.