كل عام وانتوا بخير يقلبي
وعساكم من عواده
هالايام يا حلوها يفترون فيها اليهال عسا الله يحفظهم من بيت لي بيت ومن فريج لي فريج ويمعون بهالقرقيعان
ياحلو فرحتهم ويا حلو ايامنا اللي فاتت
بس في شغله انا لاحظتها بأنشودة او اغنية قرقيعان وايد ناس يغلطون فيها
وهي لمن يقولون ( بيت قصير ورميضان )
والتعديل اهو ( بين قصير ورميضان)
المعاني
بين قصير
قصير اهو شهر شعبان : اجدادنا قبل يسمون هالشهر بقصير
ورميضان واضحه : اهيه تصغير لرمضان
وان قرقيعان صاير ما بين شهر شعبان وما تبقى من شهر رمضان
البقعة : الموت او المرض
توازي : اتضايق او اتزعل امه
تخمه : اتحوشه او تصيبه
قرقيعان وقرقيعان
بين قصير ورميضان
عادت عليكم صيام
كل سنه وكل عام
يا لله تخلي ( حناين ) << ما عليه خل اكشخ بأسمي شوي
يالله تخلها لامها
عسا البقعه ما تخمها ولا توازي على امها
علموا عيالكم الكلمات الصحيحه
هذا تراثنا ويريت نحافظ على ما تبقى منه
:tek:
ويعطيكم العافيه .............
