تعالو شوفو اشبتسوى فيكم نوريه الصبيح السنه الجايه

[رمانه كويتيه]

خلوها تتكلم على كيفها
مالكم شغل فيها

ههههههههههههههههه قسما عظما احلى رد عطتنا اياها على البراد

 

[هب هب]

السلام عليكم بنات
بصراحه أنا قرات الآراء المختلفه للبنات الحلوات بس أنا أيد وحده فيكم خلوها تتكلم ومالكم شغل فيها
وإذا نوريه بغير شئ إحنا ننطر ونشوف بس أنا أحب أقول إنها لو تنتبه للمناهج التعليميه أبرك من الكلام والهذره الي تقولها أنا صار لي عشر سنين أدرس صف أول
ترى يا بنات مو مناسب لنا وياريت تغير فيهبالنسبه للحروف نعطيها للعيال مو مرتبه
وليش لازم تركيب الحروف من الدرس الثالث خلوه من الدرس السابع أو الثامن خلو العيال يكون عندهم حصيله لغويه على الأقل أناأعتذر على الكلام بس من الحره يابنات
وبصراحه يا حلوأيام (( مع حمد قلم))

 

[مشغوله و محتاسه]

هب هب ..

ملاحظه ... ترى من ايام "مع حمد قلم" كان تعليم الاحرف مو بالترتيب ...
والدليل "مع حمد قلم" ... لان التركيز كان على موقع حرف الميم ... اول و نص و اخر الكلمه ..

و بعدين الخلل بمجال ... ما يمنع التركيز على مجال ثاني ..
يعني خلل المناهج المناهج مو عذر انها تتغاضى عن الغياب اللي ماله مثيل بالعالم كله !!
فشله يبا احنا اقل سنه دراسيه ...
ما نبي نكون مثل اوروبا و اليابان .. خلونا مثل الخليج عالاقل !

 

[البارونه]

اتوقع الخلل من الفراش اللي في الوزاره الي حتي الوزير
يعني يبي لنا تغير جذري

 

[ساره ستايل]

ابصراحه زين اتسوي
احنا اشكثر اتضيع مننا حصص والسبه العطل اللي يسوونها الطالبات حق نفسهم
وآخرتها انتحاسب على تأخيرنا بالمنهج ابسبة هالغياب
ومالنا في هالحاله الا ناخذ حصص اضافيه عشان نشرح الدروس اللي ضاعت
ابسبة عطلة الطالبات الللي اهمه قرروها لنفسهم

 

[PearL]

خل اتعدل من مستوى المدارس الحكوميه

وافكارها زينه ... خو احنا لو بيدنا ناخذ معاشات وانا ببيوتنا نايمين

بعدين تدرون انه اقصر عام دراسي بالعالم ... العام الدراسي بالكويت

غير العطل والاعيااد الرسميه ... وبالنسبه للغيابات

الديوان حد من هالشغله هذى ... اخر فتره قامو يحطون العطله اول الاسبوع او اخر الاسبوع .. عشان يلتزمون الناس

 

[ضحـاوي]

والله احنا مدلعين

شنو يعني راده على هالاسبوعين احنا بعد محاسبين عليه

وفي بعض المواد ما خلصت دروسها بس عشان الامتحان خلص عطلوا اليهال

نوريه الصبيح وايد تحب الكويت وتحرص على قول الحق حتى لو هاجمها الكل ما تتنازل ,,,,

 

[الفرحه السجينه]

بالجريده اهي قالت انها راح تدرس زيادة المعلمين

اتوقع الحين بتطبلون لها و تدعون لها بطولة العمر

 

[الرهف]

والله كل الكلام المكتوب منكم حلو سواء كان مع او ضد كلام نورية .
يعني صراحة ما ادري ليش الحزم بس على وزارة التربية ترا والله في مدرسين ومدرسات يشتغلون بضمير بس ما يبين بعين الاعلى منهم بس الله يخلي الواسطة لا تقولون ما كو واسطة .
يعني شوفوا الواسطة شنو سوت الواسطة واحكموا:::
مدرسة خريجة آداب مو تربية صارت وهي ما كملت سنتين قائمة باعمال المدرسة الاولى...
ولا تقولون نورية ما تعرف الواسطة لانها صاحبة واسطة ::: وهذا من كلام وحدة جتنا نقل لمدرساتنا ولنفس قسمي وشفت ورقة النقل فيه توقيع نورية نقلها من مدرستها بالمنطقة العاشرة لمنطقتنا ولما بقد ترجع لنفس مدرستها قالت لنا بالحرف لا تخافون ترا مكاني محفوظ وراح اجيكم بعد سنتين .
ترا المدرسات والله فيهم خير بس ترا التوجيهة الفني مو عارف اشلون يبسط المنهج للطالب يعني تلقى المنهج بمرحلة فيه حشو وبمرحلة ثانية فاضي . يعني صراحة حنا توجيهنا ما يعرف وين الله حاطه . شهر يقول حطوا امتحانات وشهر لا ماكو امتحانات شهر يغيروا نظام توزيع الدرجات وشهر لا ردوا على القديم .
والله اني زهقت من توجيهنا.
آسفه على الاطاله

 

[coffee]

وعليكم السلام

هههه لما قريت عنوان الموضوع قلت بتسوي جريمه !! اي بعد اللي بتسويه عين العقل كل يوم دراسي محسوب وفي مدرسات يشيشون الطلبه على الغياب مادري شلون يحللون معاش هالايام!!

واستغرب طريقة المدرسات اللي مشتغلين حش وافتراء وقذف لوزيره محترمه ومجهودها ملحوظ من بد كل هالوزراء! بدال لا يساهمون.. خايفين احد يوقف تسيبهم والله عيب على هالمدرسات هالامور واللي المفروض يكونون قدوه بالاخلاق والالتزام

واتتركم مع تصريح اخير لها علشان البعض اللي حش فيها يوعى ويطالع مجهوداتها بدال لا يكتفي بشخصها ويسوي ان كل شي منها بيكون سلبي!! للاسف.. ركزو على الانجازات والا جذي الديره ماراح تتطور

______________________________________________
الصبيح أطلقت لاءاتها الثلاث ل القبس:
'لا' تدوير للوكلاء.. 'لا' إطالة لليوم الدراسي.. 'لا' للنيل من هيبة المعلم
أكدت وزيرة التربية وزيرة التعليم العالي نورية الصبيح ان عملية تطوير شاملة لمناهج التعليم ستتم بمساعدة خبرات دولية ومتخصصة لمواكبة الطفرة العلمية والتكنولوجية. ونفت وجود اي نية لإطالة اليوم الدراسي لعدم وجود مدارس مؤهلة لهذا الغرض، كما نفت اجراء عملية تدوير بين الوكلاء المساعدين وقالت 'لا يزال الوقت مبكرا للحديث عن اي تدوير في الوقت الحالي'.
وكشفت الوزيرة ل 'القبس' عن دراسة تعدها الوزارة لرفع رواتب المعلمين الوافدين، ووعدت السكرتارية العاملين في الوزارة والادارات التعليمية بالاستفادة من الكادر الخاص بسكرتارية المدارس في حال اقراره، وهنا التفاصيل.
وأكدت ان الوزارة تراقب مدى التزام الجامعات الخاصة بتنفيذ قانون منع الاختلاط بين الجنسين، موضحة ان القانون لا ينص على بناء جامعات منفصلة، ولكن على ان تكون الفصول والمباني غير مختلطة، مؤكدة حرص الوزارة على الالتزام بالقانون والزام الجامعات الخاصة به.
كادر السكرتارية
وحول اقرار كادر لسكرتارية المدارس قالت الصبيح ان الوزارة لم تقرر بعد صرف الكادر، وفي حال جرى النظر فيه سنأخذ بعين الاعتبار كل العاملين في هذه المهنة، سواء في المدارس او الوزارة او المناطق التعليمية.
واضافت 'ان الوزارة تنظر الى الوظيفة الادارية على انها مهنة مهمة، وتستحق كل التقدير، وانا اعدهم بالحصول على الكادر في حال اقراره'.
وردت الصبيح على دعوة احد الحضور بتكرار الزيارة في العام المقبل بقولها 'اذا قعدنا في الوزارة للعام القادم'.
حزم
واشارت الوزيرة الى ان الوزارة تقف بكل حزم لمنع اي اعتداء من قبل اولياء الامور على معلميها، مؤكدة سعيها الدائم الى اقرار قانون حماية المعلم.
واعلنت عن تشكيل لجنة برئاسة الوكيل المساعد للتخطيط والمعلومات علي البراك لمعرفة اراء الخبراء في جوانب قصور العملية التربوية تمهيدا لعرضها على مجلس الوكلاء.
واكدت ان الوزارة لن تشكل اي لجان تنفيذية لأي مشروع تربوي دون اخذ رأي مديري المدارس.
أكاديمي وتقني
وتحدثت عن مسارين للنظام الثانوي الموحد، الاول اكاديمي وجرى تطبيقه بالفعل، ويجري الآن دراسة نتائجه والآخر تقني ونأمل في تطبيقه بعد تجهيز البنية التحتية اللازمة.
زيادة النصاب
واوضحت ان هناك خطة لتخفيض الكثافة الطلابية في الفصول، حيث لا يزيد عدد الطلبة على 25 طالبا في كل فصل في المرحلة الابتدائية كمرحلة اولى يليها المرحلة المتوسطة، مؤكدة ان هذا لا يعني زيادة النصاب في عدد الحصص على المعلمين.

عناية مركزة
قالت الوزيرة ان الهدف من وضع المتعثرين في فصل واحد هو الاهتمام بهم بشكل اكبر، وهو اشبه بوضع بعض المرضى في غرف العناية المركزة، ودعت لعلاج جميع المشاكل التي يعاني منها الطلبة بدءا من المرحلة الابتدائية.

زراعة الملاعب
قال الوكيل المساعد لقطاع المنشآت محمد الصايغ لدينا عقد بقيمة (مليون ونصف المليون دينار) لزراعة الملاعب والاهتمام بها من مدارس منطقة الاحمدي التعليمية.
واضاف ان هناك ستة عقود ستوقع في القريب العاجل لانشاء 36 صالة تربية بدنية.

ممنوع الضرب
أكدت الوزيرة ان مدارس التربية هدفها تربوي وليس عقابيا ودعت المعلمين الى عدم استخدام اسلوب الضرب كعقاب، ولكن بالنصح والارشاد والتقرب من الطلبة واشعارهم بالمسؤولية.

أم عادل
قالت الوزيرة للحضور
'ترى أنا أم عادل التي خرجت من الوزارة ولم أتغير'.

لمتابعة المباريات
قالت الوزيرة ان الوزارة بصدد وضع شاشات عرض كبيرة في الساحات للمرحلة الثانوية ليتابع الطلبة من خلالها مباريات كرة القدم لمانشستر يونايتد وغيرها من الفرق التي يحبونها، بالنسبة للطالبات سنعرض البرامج التي تستهويهم.

'وينك' يا العليم؟!
حدث انقطاع للتيار الكهربائي اثناء حديث الوزيرة الصبيح مع القيادات ومديري المدارس، لكنه عاد عندما تحدث وكيل الوزارة جاسم العمر.

مسلمون ومسيحيون
قال الوكيل المساعد لقطاع التخطيط علي البراك: الغالبية العظمى من سكان الكويت مسلمون ولكن هناك بعض المسيحيين، فهل يجوز لنا طردهم من مقاعد الدراسة؟! مشددا على ضرورة الوقوف بحزم في وجه كل من يحاول بث الفتنة!

تحديث المختبرات
اعلنت الوزيرة عن تخصيص مبلغ 250 الف دينار لتحديث مختبرات العلوم والمعامل في المدارس وتجهيزها بالمتطلبات الضرورية، نظرا لاهمية حصة المعمل في طرق التدريس الحديثة.

هموم ومشاكل المعلمين على مائدة الوزيرة
أبدى عدد من المعلمين خلال لقائهم الوزيرة في منطقة الاحمدي التعليمية، عدة مطالب، وشرحوا ما يعانونه من مشاكل في المجال التربوي.
وكانت البداية مع المعلم علي العوضي الذي تحدث عن النسبة العالية للرسوب، مؤكدا انها مسؤولية وزارة التربية.
واشار الى ضعف المستوى العلمي والتربوي للمعلمين مقارنة ببعض دول الجوار العربية. وتطرق العوضي الى مبدأ الثواب والعقاب وضرورة اعطاء المعلم القليل من الصلاحية في معاقبة الطالب المخطئ، والى ضرورة الاستفادة من التجربة اليابانية ومحاولة اخذ ما ينفعنا منها.
تأثير سيئ
واكدت احدى رئيسات قسم العلوم ان الحصص المساندة كان لها دور ايجابي مطالبة بعدم المساس بالفترة الزمنية لليوم الدراسي والعطلة المدرسية لما لها من تأثير سيئ على الوضع التربوي.
ومن جانبها، قالت احدى المعلمات ان طلاب الصف العاشر يعانون من كبر حجم المنهج ولا يوجد توحيد في اجابات الاطلاع، مما يؤدي الى اختلاف في وجهات النظر في التصحيح.
لا صلاحيات
وتحدث المعلم نادر العوضي، عن عدم الاهتمام بالمعلم، فلا يوجد حفل تخرج للمعلمين، ولا احد يفخر بان ولده اصبح معلما، ولا توجد صلاحيات للمعلم في اتخاذ عقوبات رادعة للطلاب. واضاف يجب تفعيل دور الاعلام، فالاعلام يقوم بالتقليل من شأن المعلم من خلال بعض المسرحيات التي تسخر من دوره وتستهزئ به. وقال مدرس العلوم احمد حسين 'يجب ان يكون هناك تحديد للمهارات التي يقيسها السؤال في الكتاب واقترح بعض الالعاب التربوية التي يكون بها تشويق للطالب'.

متزوجات
وتحدثت احدى المدرسات عن وجود طالبات متزوجات في المرحلة الثانوية، وطالبت بالتنسيق مع وزارة العدل لمعرفتهن ونقلهن الى الدراسة المسائية، لما لهن من اثر سلبي على باقي الطالبات، وطالبت كذلك باماكن اكثر رقيا في لجان الامتحانات وصرف بدلات لتصحيح الامتحانات.
واضافت 'لابد من وجود اختبارات قبول للمعلمين حتى لا يدخل المهنة من هو غير صالح لها'.
وقال المعلم ابراهيم الرشيدي 'نقترح وضع المناهج في سي دي وان يتعامل الطالب مع الحاسوب في المرحلة الثانوية'.

تفوق مدرسة الشايع
حققت مدرسة الشايع بنين التابعة لمنطقة العاصمة التعليمية العديد من الانجازات التربوية في الاونة الاخيرة حيث حصلت على المركز الاول في مادة العلوم للطالب الموسوعة على المستويين الابتدائي والمتوسط.
والمركز الثاني في مادة التربية الاسلامية على المستويين الابتدائي والمتوسط. والمركز الرابع في مادة الاجتماعيات على المستويين الابتدائي والمتوسط.
23/05/2007

تستاهل ام عادل واحنا معاها قلبا وقالبا لما فيه مستقبل ابناءنا وخير لديرتنا

 

[احلا السمر]

زيييييييييين تسوي..
ذبحنا التسيب والاهمال والاستهتار

الابلات مداومين فيهم وبلاهم... البنات يغيبون وخطتنا تنعفس.. والايام تروح


لا تعصبون علي.. بس التعليم يبيله حزم

ومشكورة يا اثير

 

[ضحـاوي]

والله كل الكلام المكتوب منكم حلو سواء كان مع او ضد كلام نورية .
يعني صراحة ما ادري ليش الحزم بس على وزارة التربية ترا والله في مدرسين ومدرسات يشتغلون بضمير بس ما يبين بعين الاعلى منهم بس الله يخلي الواسطة لا تقولون ما كو واسطة .
يعني شوفوا الواسطة شنو سوت الواسطة واحكموا:::
مدرسة خريجة آداب مو تربية صارت وهي ما كملت سنتين قائمة باعمال المدرسة الاولى...
ولا تقولون نورية ما تعرف الواسطة لانها صاحبة واسطة ::: وهذا من كلام وحدة جتنا نقل لمدرساتنا ولنفس قسمي وشفت ورقة النقل فيه توقيع نورية نقلها من مدرستها بالمنطقة العاشرة لمنطقتنا ولما بقد ترجع لنفس مدرستها قالت لنا بالحرف لا تخافون ترا مكاني محفوظ وراح اجيكم بعد سنتين .
ترا المدرسات والله فيهم خير بس ترا التوجيهة الفني مو عارف اشلون يبسط المنهج للطالب يعني تلقى المنهج بمرحلة فيه حشو وبمرحلة ثانية فاضي . يعني صراحة حنا توجيهنا ما يعرف وين الله حاطه . شهر يقول حطوا امتحانات وشهر لا ماكو امتحانات شهر يغيروا نظام توزيع الدرجات وشهر لا ردوا على القديم .
والله اني زهقت من توجيهنا.
آسفه على الاطاله

اختي الرهف :

طبعا الواسطه بكل مكان و الواسطه الي تكلمتي عنها هذي مو واسطه شي عادي شنو يعني وحده انتقلت من منطقه لمنطقه

يعني حتى لو نوريه الصبيح موقعه اكيد وقعت على شي مقبول النقل اي احد يقدر ينقل

والمعلمه الي صارت قائمه بالاعمال وصار لها سنتين شي عادي اكيد انها

معلمه منتظمه وما تغيب وايد ولا تلف وتدور وشاطره وشخصيتها حلوه

بغض النظر عن انها خريجة او اداب او تربيه لانها بالخر معلمه وحتى شروط

الترشيح للوظائف الاشرافيه ما تسال عن اداب او تربيه لان كلهم بكالوريوس

واختيار القيام باعمال رئاسة القسم مسؤلية مديرة المدرسه اوالتوجيه مو الوزيره

واحب افيدج ان نظام توزيع الدرجات اييي من الوزاره مو من التوجيه

وادعي انشالله كل شي يتضبط و الاخطاء كلها يحلونها باسرع وقت

 

[ضحـاوي]

اقصد ان تقسيم الدرجات مو من توجيه المنطقه من الوزاره

يعني توجيه الوزاره ( التوجيه العام )

 

[رفرف]

بنات لا تقارنون يومنا الدراسي ومدة العام الدراسي بباقي الدول ...

أول شي مناهجنا مو شي بيطولون السنة على شنو ؟؟
لو شي هادف ماقلنا لا .. بس يطولون الدوام والمناهج اهيه اهيه ؟؟!!

ثاني شي جونا يطببببببخ حرام هاليهال يداومون بهالحر والخيسة ينطبخووون

 

[هب هب]

إلى مشغوله ومحتاحسه
أشكرك على الرد ولكن أنا منقهره
تدرين ليش لأن أحنا طول السنه نحاول نعلم التلاميذ وندرسهم من مناهجنا ولما يجي اليوم الثاني تبين تراجعين معاه ناسيييييي وهم يركزون على الغياب ونسبة الغياب وكم مدة العطله ليش طويله خلوها قصيره زين إنتوا ركزوا على المعلمه ثم المنهج ثم التلميذ لأن شئ يجر شئ بس لاتنفرون المعلمه من المهنه حاولوا تكسبونها
سلالالالالام

 

[مشغوله و محتاسه]

لا تنقهرين حبيبتي و لا شي ...
خلينا نناقش الموضوع بهدوء ..
ليش الطالب اللي علمتيه و بذلتي المجهود و تقطعت بلاعيمج وانتي تعيدين و تزيدين ينسى ثاني يوم ؟؟؟ انا اقولج ...
اولا .. لان تلاميذ الابتدائي عندهم الذاكره تكون قصيره المدى
ثانيا لان البيت اهمل يراجع له و يثبت له المعلومه ..
ثالثا لان احيانا مناهجنا مو مترابطه.. بس حشو معلومات ما يمديه يتستوعب
و رابعا .. لان ما في جديه و الغياب اهو الهدف الاول ... الطفل صار بس يحسب احنا باي حصه .. متى السابعه... و متى الويك اند ؟؟



عزيزتي لازم يركزون بالوزاره على الغياب
الطالب اللي يغيب ما يفهم الدرس .. و اللي ما يفهم الدرس ما ينجح ... الا بالدز ..او بلانجازي اللي يخليه يمشي غصب !!

ركزوا على المعلمه ثم المنهج ثم التلميذ

التركيز الاول على التلميذ ... اوفر له لازم بيئه جاذبه ... و منهج مترابط و حديث ... و معلم مرتاح و مستعد للمهنه ..



انا عن نفسي ... احاول افكر بتلاميذي على انهم عيالي ... و احط دائما ان راتبي لازم يكون حلال .. و علشان يكون حلال .. لازم اسوي كل اللي اقدر عليه بضمير قدر الامكان ... و الالتزام بالدوام و تقليل الغياب اهو البدايه


والله يعين الجميع .. :eh_s(8):

 

[ii DareeN ii]

ممممممممممممممممممم اول شي عبالي مطلعه قرار يخرع يوم قريت لقيت المره ماقالت شي قالت العطله عطله واليوم الدراسي دراسي انا مادري ليش بالكويت بس الاوادم تغيب قبل وبعد العطله بعد العطله عطله والدوام دوام المره ماقالت شي غلط بخصوص الي قالته والاخت صاحبه الموضوع ذاكرته لاوالله المره ماقالت شي انا ضد التشدد الي ماله معنى ولا له هدف وضد التسيب الي ماله معنى وضد ان المدرسه والاداره يختلفون على حساب الطالب قبل جم يوم مدرستين متكافخين عشان وحده قالت غيبو والثانيه قالت لا تغيبون وجدام الطلبه وسب بايخ والناظره تقول لاتغيبون والمدرسات يقولون غيبو شهالسوالف بعد يا يدامون يايغيبون اختلاف الاداره ويا المدرسات ايي على راس الطلبه الظاهر صج يبيله نوريه عشان تضبط المسائل السايبه

 

[malak_alroo7]

ترى ما قالت شي غلط شفيكم بنوتات

المره تقصد تحد من التسيب والفوضى وبس والله كله لصالح عيالنا

والله الله على الجد والجد الله الله عليه ,,,,,,,,,,,,,,,,,,,

**************************

هذا اللي كنت بقوله

 

[الشقردية]

لوووول

والله حاله

انا لا مدرسه و لا شي

و ماعندي عيال بالمدراس

بس كاسرين خاطري المدرسات

 

[noty]

هلا اختي

شنو يعني انصدمت من الموضوع !!

الحين لما الواحد يبي يعدل من الوضع المايل .. تسيب بكل مكان

حتى على مستقبل هاليهال ... استغرب من اللي مو عاجبهم !!

والله الله اعافي هالمرة الفقيرة الكل مو امخليها تتنفس

عطوها فجه هالوزيرة اللي توها ما مر على توليها الوزارة سنة

و الخوات اللي صج يبون مصلحة البلد قبل مصالحهم الخاصة لهم كل الاحترام