تعالو شوفو اشبتسوى فيكم نوريه الصبيح السنه الجايه

[أوركيد]

على العموم سالها المذيع قالها ليش المدارس الخاصه مايغيبون قبل العطله الا الحكومه بس قالتله لانه المدارس الخاصه المدرسات بعقود يشتغلون واى زله او غلط منهم مع السلامه فيخافون مو مثل مدرسات الحكومه يختى جلم قلبها

نسيبة ..هذي طامة أكبر :eh_s(14):

ميخالف ..يمكن كلامي يزعل بعض الأبلات ..

لكن ..مو مطيح حظ عيالنا ومفسد مخرجات التعليم ..إلا بعض المعلمات الله يهداهم اللي ما تعطي من عمرها ولا تشتغل بذمة وضمير ..وعندها انه يعطيني العافية مداومة وفازعة من الصبح ..غير جذي لا تطلبون مني شي !!!

وما يهمها توصل المعلومة ..يفهمون الطلاب ..ولا لا !!!

وحجتها ودليلها ...

شنو..بيفنشوني !!!

يبااااا ما يقطع الراس الا اللي ركبه !!!

للأسف هذي فلسفة بعض المدرسين والمدرسات ..

حتى لو ثبت انه هالأبلة فاشلة في التعليم ..بتتم أبلة ..

غير طبعاً ..اللي مو حابه المهنة من الأساس ..ومجبرة عليها ..

شلوون نتوقع آدائها

ولا لو مثل حالة المدارس الخاصة ..وعقد عملج يحدده آدائج >>>جان تغير الوضع ..

 

[الاسطورية]

ضحكوني اي واحد ياخذ منصب باي مكان في دراسه بس يفكر بالغياب
تخلف

 

[سيد-الغنادير]

لاخير في قوم ولتهم إمرأة

 

[QUMAR]

تسويه وتطبقه وجنه العيد
ليش مو الحين دزت لنا نشرات أن دوام اليهال بالروضه مستوي أول لين 30 \5
أبيييه اي شئ
أذا آخر خبره خلصت بتاريخ 9\5
يداومون بهالغبار والحر شحقه
والا اهي أشغال شاقه علينا يا المدرسات وبس
الله يكون بعوني وعونج وعون الجميع يارب

 

[حقانيه]

أنا برأيي ان نوريه الصبيح ما قالت هالكلام إلا لما شافت إن الغياب كثر و زاد عن اللزوم و انتشر التسيب و اللا مبالاه سواء من بعض الهيئه التدريسيه او من الطلبه . ياريت في فترة رئاستها للوزاره تعيد الإنضباط للدوام المدرسي.

 

[lolo77]

لازم تبين نفسها
وبعدين اعيال الكويت ماحد يقدر عليهم
بيظلون يغيبون حتى لو كان امتحان
ههههههههههه

 

[حليمة بولند]

الله يعين بناتنا شلون بيمشون مع النظام الزفت ؟؟

 

[رمانه كويتيه]

انا اقول جابلى وزارتج احسن لج الكرسى مو دايملج انا من اول ضد النساء اللى يترئسون الرجال فى الوزاراة يحيف على الشوارب بس

 

[ضحـاوي]

نوريه الصبيح انسانه قديره ,,,,,,,,,,,,,,,,,,

يعني الحين لما قالت الصج الناس زعلوا ؟؟؟؟؟؟؟

ما في نشره تقول ان العطله بدت للابتدائي

و في بعض مدارس الابتدائي خالفت القانون واختبروا اليهال

قبل حتى ما تخلص الماده العلميه

وفي ناس غابوا وما خلصت بعض الدروس هذا يجوز ؟؟؟؟؟؟؟؟؟

والله التربيه بالذات ما يبيلها غير نوريه الصبيح عشان تعدلها والا الفوضى تصير مالها وااااالي

اشوه مديرة مدرستي راعية ضمير والماده العلميه عندها اهم حتى من الاختبارات

 

[معلمة العاصمة]

مقاريد هل المعلمات كله على راسهم الله ياجرنا

 

[عرموطة حلوة]

الله يعين عيالنا يعني الله يسامحها ما تشوف جونا شلون صايرمساكين الطلبة ماكلينها في الحر

عيالنا ضحية حق وزارة التربية صايرين حقل تجارب حقهم كل يوم قرار وحكم القوي على الضعيف احنا ما نقدر نسوي شي

انا ما ادري ليش وزارة التربية ما تقلد الاجانب في طريقة التدريس والله احسن لنا
بس فالحين يتعلمون الحلاقة على رؤوس القرعان >>>>>>>>>>القرعان اللي هم عيالنا

عل العموم يعطيج العافية على موضوعج وما قصرتي

 

[ضحـاوي]

ترى ما قالت شي غلط شفيكم بنوتات

المره تقصد تحد من التسيب والفوضى وبس والله كله لصالح عيالنا

والله الله على الجد والجد الله الله عليه ,,,,,,,,,,,,,,,,,,,

 

[ورده البنفسج]

حبيباتي انا لما قلت نحتج ماقلت عشان سالفه العطله الامتحانات انا اللي اقصده قراراتها الثانيه اللي مالها معني ولا تقدم بالمسيره التربويه نهائيا
واللي قهرني انها والوزاره بكبرها يقطون الغلط علي المعلمات بغياب الطلبه
غابو الطلبه قالو من المعلمه سقط الطالب قالو من المعلمه المدرسه صار فيها ازعاج قالو من المعلمه وين حقوقنا كمعلمات نتعب ونجتهد ونكرف وحالنا حال المعلمات اللي مايشتغلون بس مضبطين امورهم من فوق والامتيازات توصل لهم بارده مبرده

 

[مشغوله و محتاسه]

بنات خلوكم منطقيين شوي ... و خلو تعليقاتكم على حسب الموضوع ..


شفيها اذا داومو الطلبه و التزمو ؟؟ بيرتحون من دمج الدروس و الركضه و الحشو اي كلام ...



حطو مصلحة الطالب اول ...
بس همنا نفتك منهم ؟؟؟

 

[هدوي]

انا ودي شي واحد يصير بالمدارس
انصاف المجتهدين ومعاقبة المتسييبن



الواقع:
معاقبة وتحبيط المجتهد وتدليل ومكافأة المتسيب


وعلى الدنيا السلام !

 

[om-3abood]

أحنا شنو نبي غير ان عيالنا يداومون مثل ما كنا نداوم في الثمانينات..
شنو يعني الجو مو عاجبكم ..قبل كنا بدون مكيفات ..كنا نداوم عادي...
تسيب المدارس الحين شئ غير معقول..وقرارات الصبيح محد سامعها...
مدارس الأبتدائي عطلو بكيف المدرسات (اولى+ثانيه+ثالثه)..من أسبوع
.....وربي يعين أولياء الأمور..

 

[ضحـاوي]

بنات خلوكم منطقيين شوي ... و خلو تعليقاتكم على حسب الموضوع ..


شفيها اذا داومو الطلبه و التزمو ؟؟ بيرتحون من دمج الدروس و الركضه و الحشو اي كلام ...



حطو مصلحة الطالب اول ...
بس همنا نفتك منهم ؟؟؟

اتفق معاج محتاسه وهذا المقصوووووووووووووود

 

[ريفيل]

لو كل وحدة فينا تفكر بالكويت قبل الراحة جان حالنا افضل نوريه الصبيح لما تقول ما تبي غياب ايه صج كلامها صحيح كلنا لازم تشتغل مع بعض لمصلحة الكويت .. اللي بتقول شعلاقة الكويت بالموضوع اقول لها اي قرار اصلاحي يعني مصلحة الكويت ودفعها للافضل عيالنا يعني المستقبل اذا نتعب معاهم (وطبعا احنا ما تشتغل ببلاش ) نبني مستقبلهم ومستقبل الكويت اللي حاسه انها مو قد هالمسؤليه تنسحب بكرامتها .. موتحرض على الخراب والاعتراض اللي اشوفه ان المره تبي الاصلاح وكلنا نعرف هالشي خلنساعدها ونشوف شراح تسوي .. والله حالنا يكسر الخاطر تعليم تدمر والسبب الكسل اللي فينا والا مبالاة الوحدة همها بس تروح الدوام عشان المعاش واذا مالها خلق كبرت الوسادة ونامت والطبيات شغاله .. خو المعاش ماشي مرييييضة نست ان الله يراقبها ويدري عن الخافي
تمر ايام بالمدرسه والله يوم كامل كله احتاط او مواد فنية شنو ذنب المكين اللي جاي المدرسه يتعلم يروح ضحية مدرسه ما تخاف رب العالمين بعملها وشنو ذنب دولة تعطيج معاش وانت مبسطة ببيتج ضميرج ميت
مع كل احترامي لزميلاتي المعلمات المخلصات اللي تفكر بالكويت وبالامانه اللي برقبتها قبل ما تاخذ اي قرار من هالنوع ..
ترى اللي مفروض يسوي اعتصام واعتراض اهو ولي الامر اللي قاعد يسلب ابسط حقوق ولده المسكين وهو تعليم صحيح
نصيحة لا وحدة تبي تكتب بهالخصوص تراعي رب العالمين وتحكم ضميرها وعقلها كلمتج راح تكونين مسؤلة فيها جدام رب العالمين
اللهم بلغت اللهم فاشهد

 

[أوركيد]

لو كل وحدة فينا تفكر بالكويت قبل الراحة جان حالنا افضل نوريه الصبيح لما تقول ما تبي غياب ايه صج كلامها صحيح كلنا لازم تشتغل مع بعض لمصلحة الكويت .. اللي بتقول شعلاقة الكويت بالموضوع اقول لها اي قرار اصلاحي يعني مصلحة الكويت ودفعها للافضل عيالنا يعني المستقبل اذا نتعب معاهم (وطبعا احنا ما تشتغل ببلاش ) نبني مستقبلهم ومستقبل الكويت اللي حاسه انها مو قد هالمسؤليه تنسحب بكرامتها .. موتحرض على الخراب والاعتراض اللي اشوفه ان المره تبي الاصلاح وكلنا نعرف هالشي خلنساعدها ونشوف شراح تسوي .. والله حالنا يكسر الخاطر تعليم تدمر والسبب الكسل اللي فينا والا مبالاة الوحدة همها بس تروح الدوام عشان المعاش واذا مالها خلق كبرت الوسادة ونامت والطبيات شغاله .. خو المعاش ماشي مرييييضة نست ان الله يراقبها ويدري عن الخافي
تمر ايام بالمدرسه والله يوم كامل كله احتاط او مواد فنية شنو ذنب المكين اللي جاي المدرسه يتعلم يروح ضحية مدرسه ما تخاف رب العالمين بعملها وشنو ذنب دولة تعطيج معاش وانت مبسطة ببيتج ضميرج ميت
مع كل احترامي لزميلاتي المعلمات المخلصات اللي تفكر بالكويت وبالامانه اللي برقبتها قبل ما تاخذ اي قرار من هالنوع ..
ترى اللي مفروض يسوي اعتصام واعتراض اهو ولي الامر اللي قاعد يسلب ابسط حقوق ولده المسكين وهو تعليم صحيح
نصيحة لا وحدة تبي تكتب بهالخصوص تراعي رب العالمين وتحكم ضميرها وعقلها كلمتج راح تكونين مسؤلة فيها جدام رب العالمين
اللهم بلغت اللهم فاشهد

:eh_s(17): :eh_s(17): :eh_s(17):

كلامج عين العقل ريفيل ..

 

[@أمواج@]

خلوها تتكلم على كيفها
مالكم شغل فيها