تطلقت طلقه شفهيه وحده بعد سنة ونص زواج

[فجر Q8]

عمري ما غلطت على اهله اهم اللي اغلطو علي

وما قلت ما حمدت ربي على النعمه

بس نفسيا ما كنت متقبله الوضع

اما سالفه اني غلطت عليهم واهنتهم عمري ما سويتها

 

[Pink.Barbie]

اهلو مره يقهرو بس خلاس طنشي علشان حياتك تمشي

نصحيتي لكي اياكي اياكي تطلقي بالعكس تمسكي فيه و بولدك

و قوليلو هما زعلانين علا توآم الله اخذهم عشان يسيرو عصافير بالجنه و مو زعلانين انهم يبغو يشتتو طفل و يهدمو حياتي الاسريه

وازا يدك تعبانه راح يقدرو يعطو حنان الام الي بطلاقهم راح يحرمو منو

تمسكي بزوجك و ولدك بالزات انو متعلق فيكي انتبهي تطلقي هذا اول شي

تاني شي : روحي لامو و اعتذري منها حتى لو من ورى قلبك علا الاقل تصفي النفوس شويه

وخذي معاكي وحده علاقتها قويه معاكي ومع امو وغاليه عليهم و حكيمه عشان تساعدك بتهدية الوضع

وفي حل تالت : خلي جدك يكلم جد الولد عشان يسير صلح وانو كل الي سار سوء تفاهم

وفهميهم انو مافي ام تكره ضناها ابدا حتى لو ما شافتهم وانو انتي كنتي حتموتي لمن عرفتي انهم توفو

بس الواحد يرضى بقضاء الله و قدرو


ان شالله اكون ساعدتك

الله يجبر بمصيبتك يارب و تنحل كل الامور و ترجع كلها احسن مما كانت

واللع يهدي النفوس وان شالله اهلو يصحو للي قاعدين يعملوه

يارب آمين

 

[لذة الشوق]

يؤ يؤ معقوله الزمن غير النفوس ولا النفوس غيرت الزمن لهدرجه وصلنا ننسى الاحترام يااختي بقولك نصيحه واعتبريها من اخت سواء لك ولا لاي وحده تقرأ كلامي الزمن يدور بكره مثل ماتعاملين ام زوجك يجي يوم وامك راح تتعامل نفس ماكنتي سويتي اصحو شوي يابنات ترى الرجال ملزوم بطاعة امه منهي انتي ومنهي انا عند امه امه هذي جنته وناره يااخوات لاتخلون الدنيا تعميكم عن الحق وكل شي بالحسناء يزين يعني اسمحيلي اختي ماراح اجاملك لاننا محتاجين صفعه علشان نصحى لو كنتي محترمه امه مستحيل تحطك في بالها اول حاجه راضي امه واستسمحي منها بادب وحطي في نيتك انك تبرينها مو نفاق علشان زوجك وفهميها انك بوضع نفسي صعب وبعدها استسمحي من زوجك دام الرجال حاطك بعيونه لاتشوفين فوق شوفي الي تحتك واحمدي ربك غيرك ساكت وحامد ربه وهو متغربل لكن مانسى قول الله تعالي" وإن شكرتم لاأزيدنكم" وكل شي بالهداوه يمشي وحاولي تعيدين تهيأة نفسك من جديد والله يوفق الجميع

 

[فجر Q8]

انتي ليش الحين وقفتو ضدي والله وبالله عمري ما غلطت على امه واهنتها
بس هم الظاهر ان ولدهم غاصبهم عشان ياخذني واستحملوني على شانه
بس لما شافو علي زله قامو عاد ياخذونها حجه والا ولدهم يبيني ارجع
بس الحين اهم اللي قايلين له تطلقها

 

[Moi belle]

واي مادري شقول بس قصتج كسرت خاااااااااااااااااااااااري خصوصا بحمالج واجهاضج الله يعينج شلون تحملتي كل هالعذاب

 

[Moi belle]

ماعليج من البنات حبي انتي ماغلطتي بشي اكيد النفسيه اكس خصوصا بعد الجهاض خصوصا انتي غاطه توام بشر اوادم يعني شبتكون النفسيه حلو مثلا ؟؟؟؟؟؟؟؟؟؟؟؟؟؟؟؟؟؟؟
وولدج لج حق في حياتي بعد صغيرون شلون يبعدونا عن اهلا انتي كفو حتى لو ايدج فيها شي ولايقعدون يتحججون فيها لانج صارحتيهم قبلها
بس روحي ريلج وكلمي واسي بعد الحادث وفهمي انج انسان بشر مو مكينة عيال يعني مو بس اهو يبي عيال حتى انتي تبين بس لما يكبر ياهل شوي فكرو مره 2 تحملين

 

[جديده 1]

لاتزعلين مني .. بالبدايه لما خالته قالت لج الكلام حسيت ان مالها شغل و كلامها مو صحيح بس لما كملت باجي القصه للآسف كلامها و كلام امه صحيح .. ريال عازج و راسج و مريحج عالآخر و اصلا قبل فيج اهو و اهله من دون اي تعالي بخصوص مشكله ايدج يعني كل شي اوكي حتى ماذكرتي اهله بالشينه بالقصه الا لما اجهضتي و صرتي تتدلعين على راسه و تغثينه بالحجي و كل كلمه و الثانيه طلقني و طلقني و بالاخر طلقج !! بكل عناد تصارخين تبين ورقتج الاحد !!!!!!!!!!!!!!! و يابلج مو بس خدامه الولد بعد يابلج خدامتج الثانيه مالت تنظيف البيت .. شتبين اكثر من جذي ؟؟

ترى اهو ريال و تعاندينه يعني يحط على راسج 3 حريم ماهميتيه حتى لو كان يحبج و لكن تصرفاتج تصرفات وحده مو كفو نعمه ولا تقدير صج و راح تعرفين معنى كلامي عدل بعدين انتي وحده عنده مشكله بايدج و مطلقه و عندج ولد و عندج مشاكل بالحمل و ماتولدين الا بعمليه و فوق هذا الناس كلها بتعرف عن سبب طلاقج انه عنادج .. اما اهو ريال تطلق بسبب ان مرته عنيده او مو كفو على قوله امه .. منو الخسران اللحين ؟؟

و تصرف امه تصرف اي ام تخاف على ولدها .. على العموم انتي غلطانه بكل شي و الايام اليايه كفيله بتعليمج الدرس .. تركي العناد و الغرور ولا بتندمين اشد الندم

 

[r0007]

مشكلتج انو عقلج صغير ومانضج
مافي شي اسمه عناد بالزوااااااجانتي اشلون تبين تستمرين بالزواج وانتي تعاندين
هذا اول غلط فيج

عشان الزواج يستمر لاااااااااااازم بالتنازل مع زوجج واهل زوجج
لازم تعاملينهم بالحسنا واي خطا يبذر منهم ما تخبرينه وكله تمدحينهم قبال زوجج عشان زوجج يحبج اكثر
ويقول ونعم التربيه وانو زوجتي عاقله وكبيره ولازم تعاملين اهله بالحسنى هدايا وتوجبينهم وتسالين عنهم وماترفعين الكلافه معاهم
لا يكون اسلوبج معاهم جدا راقي ومحترم

مثل ما هم تنازلوا عن سالفة يدج اليسار واليمين عشان قارب الحياه يستمر لازم يكون في تنازلات
احنا مو عايشين في حرب عشان يكون في رابح وفي خاسر

والله يهديج
بالنسبة للطلاق اعتقد انو اذا الشخص طلق وهو غضبان طلقته ماتقع وفي من العلماء قال تقع عاد انتي استشيري اهل العلم
وزوجج اعتذري منه هو واهله
وبوسيهم على روسهم وحطيهم في عيونج

 

[r0007]

انتي مو مشكلتج مع زوجج
انتي مشكلتج مع اهل زوجج

رجال شاريج تيجين تطلعين الحره فيه عشان والله اهله قالوا فيج كذا وكذا
علتج مع اهله تيجين تخربين حياتج عشان اهله

انتي مو بس عنيده الا ماتعترفين بالخطا
انتي غلطتي بحق زوجج وبحق ولدج

واهله اذا هم غلطوا عليج انتي لازم تتنازلين معاهم عشان انج شاريه زوجج
واحترامج لهم من احترامج لزوجج
كبري عقلج حبيبتي

انتي وش الي يخصك باهل زوجج دام زوجج له كلمته وما يتاثر بيهم
يقولون الي يقولونه اسمعي من صوب وطلعي الكلام من صوب ثاني

 

[r0007]

المحبه من الله ما تقدرين تخلينهم يحبونج غصب

 

[G!RLooNa]

امبيه ليش جذي
لييييش !!!

غلطاااااانه غلطااااانه غلطاااانه و الغلط راكبج من فوق لي تحت مسكين ريلج شسوالج عشان ما زارج بس تسوين كل هذا !!!

الله يهداكم و يرجع المياه لمجاريها !

 

[ام القمرالمطيري]

غلطاااانه قد شعر راااسج

بذمتج ليش طلبتي الطلاق

اصلن في سبب منطقي يستدعي الطلاق ..؟

كوونه قاطعج فترة اجهاضج يمكن انه متاثر بوفاة الجنين او حملت جزء من الذنب لانج كنتي تقولين ماابيهم فظن انج ساهمتي في وفاتهم

مفروض مثل ماتبينه يراعي نفسيتج كنتي راعيتي نفسيته لانه ابووهم ويمكن كان ميت ع شوفتهم

الام طنشيها اغلب الخالات جذي طباين للزوجه ويحبون يغثونها ويستانسون ع هواش الزوج والزووجه

الرجال حتى لو ماقالج انه متحسف ع الطلاق

انتي مفروض تقولين له ردني

اولا عشان ولدج ثانيا لان ماله ذنب الزوج والطلاق صار بسببج وماله داعي ابد

كفايه ان زوجج مو مقصر عليج

زوجج رجال ومسؤول عن نفسه وحياته

قوله ردني واهلك مو دايمين لك ولو زوجوك ثانيه بتظل حياتك الشخصيه مع زوجتك بغض النظر هي انا ولا غيري بتظل حياتك ومصيرك مرتبط بزوجتك مو معاهم

فحرام هم يحددون ظروف حياتك احنا بينا ولد ماله ذنب والطلاق مانبيه الخ

تمسكي بزوجج وتقربي منه بالكلام والغزل لاتعطين مجال لامه تقلبه عليج

ودام طلقه وحده بمجرد مايلمسج بشكل كامل تردين له

بدون مهر وبدون عقد جديد

وانتي عاد وشطارتج سحبيه لج وردو لبعض

واهله بيرضون بالامر الواقع

شنو بيسوون بيزعلون خل يزعلون مردهم بيطخون

واصلا لو تزوج ثلاث غيرج دام ملقووفين وحشريين ماراح يعجبهم العجب

فالاحسن تعطينهم طاف ومايسمع اهم زوجج

عشان مالهم حق يخربون او ياثرون ع حياة غيرهم

ووربي يوفقج ويردكم لبعض

 

[A_M_A]

حبيبتي نصيحتي لج ردي لزوجج

لآتفكرين فيه ولآ في آهله

آهم شئ ولدج

ترى صج يمكن يآخذونه منج غصب عشآن حآلتج

ردي له بس لآتردين على طول كآنج قآطه نفسج

لآ حطي شرووطج بس مو شرووط صعبه

مثلآ حطي شرط آنج مآتحملين آلآ لمن تتعدل نفسيتج ترى هذآ شرط حلو ورآح ييوآفق علييه

وحطي شرط آنج رآح ترجعيين معآه بيتج بس آن آذآ آهله ضآيقوج يحط لج شقه برووحج

وشرطج آلثآلث سآفري معآه قولي عشآن نغيير جوو وتتغير نفسيتنـآ

وفكري بولدج مرة ثآنيييه

ولآتنسين قيآم آالليل وآلله يفررجهآ علييج

..

 

[فجر Q8]

بنات كل اللوم قطيتو علي

قاعده اقول لكم انهم كانو يعاملوني من احسن ما يمكن وجني بنتهم

حتى اهما بس 3 صبيان فكانت خالتي تقول جنتي اهيا بنتي اللي ما يبتها

وما خليه علي ولا شي ويزاها الله خير حتى ولدي لما التهب عندي جرح القيصريه كانت تاخذه وتنومه عندها

بس من حملت مره ثانيه وكانت نفسيتي اكس اهما انقلبو علي واقعدو يسمعوني كلام يغث

ولان ردة فعل ريلي وموقفه مثلهم قلت له دام كلكم متفقين علي اني غلطانه ومحد راعى شعوري تعبانه من الولاده واحمل مره ثانيه

انا كان بامكاني ما اعالج المشكله اللي بالحمل واخليها جذي بس على شانه يحب اليهال قمت وتعالجت بس ما فكرت ان العلاج ما راح يطول وياي فمثل صدمه حاشتني ونفسيتي تعبت

وانا بعد ما قصرت معاه لما اطلعت له الورمات اللي برقبته ما خليت مستشفى ما دزيت له تقاريره

وشنو لازم نسوي معاه لان كان رافض يروح مستشفى وانا اللي ضغطت عليه عشان يجيك لما الحمدالله طلع شي بسيط

بس محد بين بعينه شي

والحين لما اهوا رضى علي ويبيني ارد له

اهله اوقفوا بويهه وقالو له لا ما تردها يا اهي يا احنا

 

[jnan]

لا حرام عليكم بنات والله فجووورة ما تستاهل هالكلام يعني شخليتو حق أهل ريلها اللي تكلمو عن مرضها؟؟؟ و انتو صرتو نفسهم بعد تفكيركم منو ياخذج عشان ايدج ،،، الحمدالله البنيه مو قاصرها شي جمال ودلال وشهاده وادب واخلاق بس هالشي البسيط اللي بإيدها وحكمه من ربي انها باليسار مو باليمين ،،، والله اذا حب انسان يبتليه والحمدالله الله عوضها بخوش انسان ،،، لكن هذي المشاكل الزوجيه دايما تصير بس الغلط اللي صار اهوا العناد والاستعجال من طرف فجووورة وبصراحه ما الومها كانت طالعه من الموت بعد القيصريه وتحمل مره ثانيه وغير الالتهابات اللي صارت وياها ،،، اكيد نفسيتها تتعب ،،، واهي ما قالت ما تبي عيال ،،، ما تبي بالوقت الحالي ،،، بس عالجت عشان ما تتضاعف المشكله بالحمل عليها وما فكرت ان العلاج ما يطول ،،، والله الرازق ،،،، بس مساله ان نجرحها بالكلام حيل قاسي هالشي ،،، واذا على سالفه الغلط اهيا غلطانه وندمانه والدليل ان راحت له وتسامحت منه واهوا راضي عليها ،،، بس شنو تسوي مع اهله،،، لو اهي مو زينه ما قالت له اذا بتخسر اهلك على شاني سوو اللي يبونه بس لا تاخذ مني ولدي ،،،وحدها غيرها تحرض الريال على اهله ،،، بس اهي اصيله ومحترمه نفسها وعارفه ان اهله تعبو عليه ،،،والله يهدي النفوس بينهم ان شاء الله ما لج يا فجووورة الا الدعاء صديقتج الصدوقه (جنانوووه)

 

[om-3azo-83z]

انا اقول روحي تسامحي من ريلج و ما عليج من اهله انتي بتاخذينه اهوا مو اهله و مبين عليه مشاء الله لا اله الا الله يحبج و شاريج و راضي باللي فيج و ليش تشتتين ولدج ما عليج من اهله روحيله المستشفى و تفاهمو...

 

[semaasem]

واااي بنات خفوا عالبنت شوي شفيكم الله يهداكم كليتوها!!!!

يبا قالت لكم انها اعترفت بغلطتها وراحت له المستشفى والحمدالله انها صحت على نفسها وماعليه حبيبتي هذا درس والحياة كلها

دروس وتجارب تعلمنا وكلمة طلقني ماتنقال على اي شي حبيبتي اذا كنتي بالحيض أو النفاس ترى مايقع الطلاق خلاص اللي صار

صار والله يعوضكم بالخير وماعليه كلنا مرات ننضغط وتحوشنا مشاكل..فكري بطريقة تكسبين فيها أهله وخصوصا أمه وواضح

انها خوش مرة وان الكلام اللي طلع مومن قلبها لانها كانت مدللتج قبل تذكري محاسنها وتغاضي عن عيوبها يكفي انها كانت تاخذ

ولدج عنج وتنومه عندها ولازم تتعلمين تفصلين بين زوجج واهله يعني مستقبلا اي شي مايعجبج فيهم هو ماله ذنب ما أطلع حرتي

فيه ودايما مدحي امه عنده ومدحيه عند امه والمشاكل تصير في كل بيت عادي الله يسخركم لبعض ويصفي النفوس اذا طلع من

المستشفى حاولوا تروحون العمرة والله انا حاسة فيج وبموقفج والحمدالله على كل حال هذا ابتلاء من رب العالمين

 

[ضماي انت]

والله اختي تصرفتي بيهاله وبعناد ماله داعي
المره لو شنو يسوي فيها ريلها بس ماتطلع من البيت
امي تسولف لنا ان ابوي ساعات يطردها من البيت اول ماتزوجوا ماتطلع تدخل غرفتها تسكر عليها
لحد ما يهدى وجنه ماصار شي بينهم
انتي الحين عندج عيال منو بيتحمل مسؤوليتهم وليش تفكرين بكرامتج وناسيه الياهل يبي حضن ابوه بعد
باجر بتقطينه بحضن مرت ابو تبهدله واصلا ماتدرين جان احد بيتقدم لج مره 2 تعرفين الحين عازبات محد ماخذهم فمابالج مطلقه وعندها عيال
ومرت ولد اخوي كبرت راسها وتلاسنت مع ام ريلها ووصلت للمحاكم وتبي الطلاق وابوها عنده خير وهي تشتغل بس بالاخير امها تمللت من حفيدتها ماتحب احد يكسر والا يوسخ البيت وفي النهايه رجعت وعينها مكسوره اهلها مايبونها
مادري تبين توصلين لهذي المرحله الكل ينهام من ام الريل ويتغربل معاها ويتغربل معاها وساعات الريل بكبره يتغير يمكن تعرف على وحده والا نفسيته تعبانه والا من الشغل
انتي حتى ماكلفتي على نفسج تقعدين معاه تسألينه اشفيج تاخذين اللي بخاطره ترا اهم عياله مثل ما اهم عيالج بعد يتألم
لاتصيرين انانيه وتحطين المشكله اللي بيدج شماعه لتصرفاتج الطايشه لان خطيبي مثلج يتصرف برعونه
سامحيني على قسوتي بس مابيج تهدمين بيتج بقلة عقلج بساعة الطيش وتقطين حجي ماتثمنينه وبعدين تتندمين
كلميه او دزيله مسجات او صوري ولدج وكتبي رساله حلوه معاها والا شعر ودزيها له
وربي يهديكم ان شاءالله وصبري في ناس تبهدلوا اكثر منج

 

[فجر Q8]

باجر بيطلع من المستشفى وبروح لهم البيت وبتعذر من واحد واحد وان شاء الله يرضون علي

 

[مخمليـهَ]

امبيييييييه ياشين الاهل اذا تدخلو بين الازوآج اذا هو يحبج ويبيج اهم شكو
بعدين التوام ماماتو الا بقدرة الله يمكن فيهم عيب والا شي خيره لج
لاتعاندين ترى العناد هو اللي هدم البيوت