تطلقت طلقه شفهيه وحده بعد سنة ونص زواج

[Laidy n3ooma]

ماعليج من هله

وقوليله انت ريااااااال وكلمتك اللي تمشي واذا انت تبيني محد له شغل

 

[جذابه بنت ذيابه]

حبيبتي


قولي لزوجج يفهم اهله



وعسى ربي يكتب اللي فيه الخير لكم

 

[dandrma]

انا اقول اذا تحبين ريلج رديييييييله وحطيه بعيونج مبين عليه يحبج ويبيج من كلامج

لا تخلين مجال حق الهواش بينكم ومثل ما يدللج دلليه وقوي علاقتج معاااااااه

 

[GaLbI t7aWaL]

والله حرام عليج

ريلج مسكين ماله ذنب

البلا من خالتج السوسه

والله ريلج م كلامج يحبج

كسبيه و شوفي الفرق

بعدين ليش ما اخذتي مانع من البدايه ؟؟

كلش كلش واقي !!

 

[الزيـــــ^^ـــــن]

حبيبتي لاتزعلين مني انتي غلطاااااااااانه
ريلج باين عليه طيب والمرأه موكل يوم لها ريال ،، راضيييه ابو بنتج اذا موعلشانه علشان بنتج
لاتتشتت بينكم ،،، واذا الله سبجانه يغفر ويسامح احنا البشر مانساااامح ،،،،؟!! صيري احسن منهم
وروحي تسامحي من خالتج علشان بنتج وزووجج

 

[nanoo2]

الله يصلح حالكم ... ارجعي لزوجك وتقربي من اهله هم حاليا متضايقين من تصرفاتك اصبري

 

[الحرير]

الله يكون بعونج ياخيتي

والله يرده لج رداً كريما

 

[روح مغليها]

رفيجاتي يقولون لي ما عليج من اهله عليج من اهوا اهوا عمره ما اهانج وطقج ولا سمعج كلام مو زين واذا على اهله طلبي بيت بروحج وروحي له المستشفى وتفاهمي معاه وريلج يحبج وشاريج ومن هالكلام

 

[انثى عاشقة]

البنات ماقصرو
حاولي تصالحين زوجك واهله
والله يوفق مابينكم ​

 

[أم ميميتو]

تصرفاتج كلها غلط وكل شي خربتيه لازم تصلحينه الحين مدام انتي حسيتي بغلطتج اعتذري منه و من امه بعد امه ما قلبت عليج لانج اجهضتي على قولتج بس اهي كانت شايفتج معترضه على حكمة الله وعلى حملج الثاني حتى مراجعاتج اهملتيها لانج مو حابه الي فبطنج يمكن ام زوجج من حقها تضايق لانها من كثر ما تحب زوجج حبة ولدج حتى الي فبطنج حبتهم من غير ما تشوفهم و اجهاضج ضايقها و خلاها تحملج المسؤوليه لانه اعتبرته عقاب من الله على اعتراضج لازم تقدرين هالشي و يمكن اهي غلطت معاج بس مو لانها كانت تمثل عليج او انها خذتج بس عشان اليهال بس تضايقت من الي صار والي ضايقها اكثر انج اهنتي زوجج الي اهو ولدها *

 

[*صَبا*]

اختي كل اللي صار ماله داعي
اظاهر الشيطان دخل بينكم

الحين لازم تعتذرين من امه ومنه عشان ترجع المياه لمجاريها

ونصيحه لكل متزوجه اذا حملت وهي ماكانت راضيه بهالحمل لاتقول لحد
تكتم الموضوع بقلبها لان لو صار اي شي للجنين اللوم كله بيطيح عليها
صج ان هذي كتبة الله بس الناس ماتفهم

وانتي لاتعاندين كبري عقلج
دام ريلج ماضرج ولا هانج وحاطج على راسه
تحملي كل اللي يجيج من امه
وروحي له المستشفى كل يوم
قوليله ماكنت اعرف قدرك
وكم دمعه من هني وهناك

الله يهدي نفوسكم
ويسخر زوجج لج

 

[ام خدود ورديه]

اول شي عظم الله اجرج والله يرزقج ان شاءالله والحمدالله على سلامتج
انا قريت سالفتج تنرفزت شلون امه انتي حيل غلطانه صج رفستي النعمه وتكبرتي عليه مو عشان فيج اعاقه ومتزوجه لا حبيبتي هالشي مايعيبيج ولا جان ما خذاج
انتي رفستي النعمه لانج بنفسج قلتي انه مدللج مايستاهل منج هالمعامله اهوا يمكن اهملج ماينلام لانج تحلطمتي عالحمال جدامه وربج اخذ امانته فاكيد بيعصب عليج لانج ماقلتي الحمدالله من البدايه
انا اقول صلحي علاقتج مع ريلج واهله

 

[نونه المنكوشه]

الله يبرد ع قلبج ويصلح امورج

 

[Beyoncee]

حبيبتي عطى تنازلات شوي لا تكبرين الموضوع
لا تلومين أمه تشوف ولدها بالمستشفى ومسوي حادث
ماتعيبج إذا طحتى على راسها وراضيتيها
اذا انتى تبين الرجعه صفي النيه
البيوت ما تقوم بالساهل لازم تتنازلين شوي وتطنشين شوي لا توقفين عند كل موقف
دام اهو شاريج لا تبيعين سامحي وغضي عن بعض التصرفات

 

[ابدا يالغالي مانساك]

الله يهديج شفتي يوووم عطااااااج ربي نعمة الحماااااااال
وماحمدتي الله
وزياده يوم ديرتي انهم توااءم تقولي تعبت نفسيتي
هذا ابن اداااااام مايملي عينه شي
تداركي الوضع وصلحي علاقتج بزوجج وضعطتي علي زوجج وخليته وصريتي انه يطلقج
وطلع وسواء حادث يكافينااا ويخليه لج
مالج شغل باهله لج شغل فيه اهو وتعذري منه
بينكم ولد وربي بيعوضج ان شالله اهم شي دايمن خلج حامده لله وشاكره له موفقه

 

[Kensington]

السلام عليكم :eh_s(17):

اول شي حبيت أقول لكم قصتي من البداية

كنت طالبة جامعية بسنة ثانية وريلي نفس الشي بس كان آخر كورس له بالجامعه وتصادف ان خذينا مادة مشتركة بهالكورس الاخير اللي له ، وعقبها .......

دارت الايام وتخرج واشتغل وانا صرت بسنة رابعه ، فجأة ياني بالجامعة وقال لي انا بتقدم لج وباخطبج :eh_s(1): اخترعت بصراحه وانصدمت حتى اني قعدت مدة على ما رديت عليه لما قال هااا شقلتي جان ارد واقول :eh_s(22): الشور والراي حق اهلي ومشيت

وبعد جم يوم اتفاجئ بـــ ( يدي) ياي لنا البيت وقايل حق اهلي في ريال فلان الفلاني يبي يخطب بنتكم اهلي طالعوني بنص عين على بالهم اني اكلمه ومن هذا القبيل

عاد يدي ما قصر وقال لهم اهوا كان معاها بالكليه ويده رفيجي واعرفه زين والريال خلوق مؤدب محترم يروح المسجد ويشتغل وهكذا

انا ترددت وقلت ليش انا من بد البنات اللي اختارني وخاصه في اللي احسن مني صحيا -للعلم ان اعاني من مشكله صحية في ايدي اليسار

عاد قلت حق امي بس مابيكم تخدعون الريال تفهمونه على كل شي

ويو اهله واعرفوا بالسالفه واهوا بعد درا وراضين ما عندهم اي اعتراض وتزوجنا

حملت من اول ليله:eh_s(22): ويبت ولدي حبيبي وما كملت شهور الحمل كنت بالسابع وقيصريه

وعانيت بالولاده من النزيف قعدت بالعنايه 5 ايام وصارت لي مضاعفات الدكتورة اشكرا قالت لي اذا فكرتي تحملين مره ثانيه لازم تتعالجين

خوفتني هالكلمه وقمت افكر فيها ليل نهار لما طلع ولدي من الحضانه قمت اتعالج عشان بالمستقبل اقدر احمل طبيعي

بهالفتره ريلي قامت تطلع له ورمات برقبته ماندري من شنو واهوا خاف يجيك ويقولون له فيك المرض اللي تعرفونه فأكتفي بتحاليل الدم

لما كلنا وقفنا ضده وخليناه غصب يجيك على نفسه والحمدالله طلع التهاب بالغدد اللمفاويه بسبب خمول حاد بالغده الدرقيه واخذ علاج الغده

ومع هالعلاج اللي اخذه وانا قاعده اعالج نفسي من مضاعفات الولاده حملت بهالفتره وولدي عمره 5 شهور

نفسيتي صار اكس كرهت كل شي وقمت اقول ما ابي الحين ولدي بعده صغير وتوني طالعه من عمليه بس بعدين تقبلت الامر الواقع وحاولت اكيف نفسي

وريلي ما قصر ياب لي بدال الخادمه ثنتين وحده حق ولدي وحده حق شغل الشقه بس عشان يريحني

بس هم مع هالراحه كنت اعاني من النساة والنغزات بمكان العمليه ببطني وما قمت اروح مراجعات الا مره كل شهر من كثر ان مالي خلق

بعد شهرين رحت وقالت لي الدكتورة انتي حامل بتوأم !!!!

حالتي النفسيه صارت صفر بس شسوي هذا امر الله وحكمته

وبعد شهرين رحت ابي اعرف نوعهم والا تقول لي الدكتورة للاسف نبض الجنين وقف متوفين صار لهم يوم كامل

طبعا الاثنين مع بعض مع ان كل واحد فيهم مشيمه بروح

مت من البجي وتعذبت مع الطلق الصناعي

وريلي ما سأل عني بس كان يزوني 10 دقايق ويمشي من غير ما يقول شي



حسيت انه يحملني ذنب الاجهاض اللي صار معاي واني السبب وكأنه يقول لي انا تزوجتج بس عشان العيال
اكيد بيحملك الذنب لانك اهملتي مراجعاتك وطبيعي يحس بالذنب مثل مانتي حسيتي فيه هاذا شعور طبيعي المفروض قدرتيه واكيد هو ماتزوجك عشان تجيبين له عيال كل الحريم يجيبون عيال بس اهو اختارك انتي

لما طلعت قلت بقعد عند اهلي وكان ما يزورني بس يتصل ولما شفته جذي ما قمت ارد عليه

هنا المفروض رديتي عليه وعاتبتيه باسلوب حلو واكيد راح يزورك يمكن كان محرج وانتي نفاس ومو عارف ايش يتصرف
لما يه وقال حق اهلي ان ما ترد عليها اشفيها ؟ فدخل اهلي بالسالفه

وتحول هالموقف الى مشكله بيني وبينه
شلون تبينه يوصلك اكيد بيككلم اهلك يسالهم
ومو بس دخل اهلي حتى اهله خالته تتصل فيني تقول لي انتي مو كفو نعمه ما حمدتي ربج والله عاقبج وموتهم اثنينهم عشان تحرمين تقولين مره ثانيه ما ابيهم
كان طتشتي كلام خالته لاتزر وازرة وزر اخري هو وش دخله بكلام خالته

ما رديت عليها بس قلت حق ريلي دام انا غلطانه طلقني
انتي شفتي زوجك مدللك قمتي تتغلين انتي ماغلطتي هاذا قضاء وقدر المفروض بينتي لزوجك وش كثر انتي تعبت نفسيك من هالاشسلء اللي صارت معك هو ايش عرفه ترا الشباب ماعندهم خبره بالمعاناه اللي تعانينها

رد علي وقال طلاق ما راح اطلقج لو شنو
الرجال شاريك واصلن مافيه مشكله من الاساس يطلقك عليها
اذا كل وحده اجهضت بتطلق مابقي احد كل العالم بتطلق

وبعدها بأسبوع تتصل فيني امه وتقول لي انتي على شنو شايفه نفسج ما تحمدين ربج انج لقيتي احد ياخذج ؟ بشنو ولدي مقصر معاج بدل الخادمه ثنتين ولدج قاطته علي ما تدرين عنه انتي مو كفو تكونين لا ام ولا زوجه

ماعليه امه ماهان عليها اللي سويتيه ولدك وقايمه فيه وحملتي وقمتي تتشكين منهم واهملتي بالموضوع وصار اللي صار ودللوك مافاد فيك قمتي تقولين طلقني اكيد بتنقهر علي حاله ولدها ومره كبيره ماتواخذينها بكلامها

اهني عاندت اكثر واصريت على الطلاق

ليه تطلبين الطلاق عشان فلانه وعلانه
واهوا قام ايي كل يوم يتعذر ويحاول معاي بس كل مره اسمعه كلام يغثه مثل ما اهله غثوني وقلت له ما ابيك اكرهك روح اخذ وحده تناسبك تييب لك عيال
اسمحيلي ماعندك سالفه علي ايش تغثين زوجك وهو قاعد يتعذرلك المفروض سامحتيه ومشيتي حياتك

عقبها ما مسك نفسه وقال انتي طالق ومشى واهوا ماشي قلت له ابي ورقتي يوم الاحد هذا وولدي بحضانتي
زين منه صبر كل الوقت تهينينه

ما صار بليل الا ويابه لي مع الخادمتين
لوغيره قط الولد بوجهك ورجع الخدامات المكتب

وتتصل فيني امه بنص الليل وتهدد وتقول ان صار في ولدي او ولد ولدي شي ما تلومين الا نفسج ولدي سوا حادث بسبتج وما يندرا يقوم منها او لا
مسكين وصلت حالته النفسيه انه يسوي حادث

سكرت على نفسي الغرفه وما كلمت احد ومسكره كل التيلفونات حتى اكل ثاني يوم ما اكلت ورافضه نقاش اي تدخل من اهلي معاي
المفروض خليتيهم يوجهونك ليه مايتدخلون
وما ادري شنو اسوي

رفيجاتي يقولون لي ما عليج من اهله عليج من اهوا اهوا عمره ما اهانج وطقج ولا سمعج كلام مو زين واذا على اهله طلبي بيت بروحج وروحي له المستشفى وتفاهمي معاه وريلج يحبج وشاريج ومن هالكلام

والله ما ادري الحين شسوي

شورو علي

واسفه على الطواله بس من القهر والحرة اللي فيني حبيت اني افضفض

حبيبتي المطلوب منك الحين تروحين لزوجك المستشفي وتقابلينه كل يوم وتعتذرين منه وقولي له مابي ولدنا يتشتت بيني وبينك وان شالله احنا تونا شباب والعمر قدامنا يرزقنا بدال ال2 عشر
وانت ماكنت تعرف حالتي النفسيه بعد الاجهاض وكذا وانا موقصدي بس هاذي حالة نفسيه تمر فيها كل مره باوقات صعبه والهرمونات تلعب دورها
وماتتخيل وش صار فيني لمادريت عن حادثك ومن هالكلام
امه بوسي راسها واعتذري منها قولي لها اللي صار معي موبيدي غصب عني وانا اللي عانيت فيه ومنهالكلام
الله يسخره لك دام زوجك كويس ليه تخسرينه
بكرا يتزوجك واحد يعذبك ويعذب ولدك
وغير هاذا نفسيه ولدك وتربيته بتكون صعبه
احمدي ربك حبيبتي علي نعمه الاطفال غيرك يقعدون سنين ويصبرون سنين ويتمنون ريحة البيبي
لاترفسين نعمة البيت المستقر والاطفال
والله يوفقك لاتنسين تعلمينا وش صار معك :eh_s(7):

 

[Kensington]

انا بعد بحاله نفسيه وعصبيه ومصدومه الحين اهله كل هالدلال طلع جذب بس عشان ولدهم لا يزعل ودام معترضين على ايدي وهم يدرون ليش رضو والحين اقعدو يعيبون على خلقت ربهم

اهله يبون يادبونك ويربونك عالي سويتيه
انتي لاتبعدين عنه تمسكي فيه دامه يبيك
وذكريه كل شوي بالولد اللي بينكم
قولي مابيه يتربي بين مرت ابو وزوج ام
:eh_s(7):

 

[فجر Q8]

بنات اهم سوا حادث لان كان دايس 180 عشان مهمه عمل يستقبل ضيوف بالمطار مو على شان حالته النفسيه

انتو قطيتو كل اللوم علي

وشايفين اشلون خالته تدخلت بالموضوع وقطت كلام مثل السم بس عشان تغثني

انا كل يوم اروح له المستشفى واراضيه واهوا راضي

بس اهله كل ما شايفيني يايه له يسمعوني بهالكلام اللي يغث جدامه

 

[غربه الروح]

هذي اكبر مشكله لما الريال يسولف كل مشاكله عند اهله
تلقين المرا والريال خلاص تراضوو
والاهل للحين شايلين وزعلانين وحاقدين
الله يهديهم ويسخرهم لج

 

[موت وميلاد]

الصراحه انا اشوفج وايد غلطانه

اول شي ماحمدتي ربج لما حملتي وغيرج مو حاصله ولما طاح الياهل الي ماتبينه هم ماحمدتي ربج

والريال قمتي تطلعين فيه عيوب وتغلطين عليه وعلى اهله وطلقني طلقني

ولما طلقج هم زعلتي !!!!

شنووووو تبييييييييييييين بالضبط ؟؟؟؟؟؟؟؟