- إنضم
- 20 فبراير 2010
- المشاركات
- 516
- مستوى التفاعل
- 0
- النقاط
- 0
السلام عليكم :eh_s(17):
اول شي حبيت أقول لكم قصتي من البداية
كنت طالبة جامعية بسنة ثانية وريلي نفس الشي بس كان آخر كورس له بالجامعه وتصادف ان خذينا مادة مشتركة بهالكورس الاخير اللي له ، وعقبها .......
دارت الايام وتخرج واشتغل وانا صرت بسنة رابعه ، فجأة ياني بالجامعة وقال لي انا بتقدم لج وباخطبج :eh_s(1): اخترعت بصراحه وانصدمت حتى اني قعدت مدة على ما رديت عليه لما قال هااا شقلتي جان ارد واقول :eh_s(22): الشور والراي حق اهلي ومشيت
وبعد جم يوم اتفاجئ بـــ ( يدي) ياي لنا البيت وقايل حق اهلي في ريال فلان الفلاني يبي يخطب بنتكم اهلي طالعوني بنص عين على بالهم اني اكلمه ومن هذا القبيل
عاد يدي ما قصر وقال لهم اهوا كان معاها بالكليه ويده رفيجي واعرفه زين والريال خلوق مؤدب محترم يروح المسجد ويشتغل وهكذا
انا ترددت وقلت ليش انا من بد البنات اللي اختارني وخاصه في اللي احسن مني صحيا -للعلم ان اعاني من مشكله صحية في ايدي اليسار
عاد قلت حق امي بس مابيكم تخدعون الريال تفهمونه على كل شي
ويو اهله واعرفوا بالسالفه واهوا بعد درا وراضين ما عندهم اي اعتراض وتزوجنا
حملت من اول ليله:eh_s(22): ويبت ولدي حبيبي وما كملت شهور الحمل كنت بالسابع وقيصريه
وعانيت بالولاده من النزيف قعدت بالعنايه 5 ايام وصارت لي مضاعفات الدكتورة اشكرا قالت لي اذا فكرتي تحملين مره ثانيه لازم تتعالجين
خوفتني هالكلمه وقمت افكر فيها ليل نهار لما طلع ولدي من الحضانه قمت اتعالج عشان بالمستقبل اقدر احمل طبيعي
بهالفتره ريلي قامت تطلع له ورمات برقبته ماندري من شنو واهوا خاف يجيك ويقولون له فيك المرض اللي تعرفونه فأكتفي بتحاليل الدم
لما كلنا وقفنا ضده وخليناه غصب يجيك على نفسه والحمدالله طلع التهاب بالغدد اللمفاويه بسبب خمول حاد بالغده الدرقيه واخذ علاج الغده
ومع هالعلاج اللي اخذه وانا قاعده اعالج نفسي من مضاعفات الولاده حملت بهالفتره وولدي عمره 5 شهور
نفسيتي صار اكس كرهت كل شي وقمت اقول ما ابي الحين ولدي بعده صغير وتوني طالعه من عمليه بس بعدين تقبلت الامر الواقع وحاولت اكيف نفسي
وريلي ما قصر ياب لي بدال الخادمه ثنتين وحده حق ولدي وحده حق شغل الشقه بس عشان يريحني
بس هم مع هالراحه كنت اعاني من النساة والنغزات بمكان العمليه ببطني وما قمت اروح مراجعات الا مره كل شهر من كثر ان مالي خلق
بعد شهرين رحت وقالت لي الدكتورة انتي حامل بتوأم !!!!
حالتي النفسيه صارت صفر بس شسوي هذا امر الله وحكمته
وبعد شهرين رحت ابي اعرف نوعهم والا تقول لي الدكتورة للاسف نبض الجنين وقف متوفين صار لهم يوم كامل
طبعا الاثنين مع بعض مع ان كل واحد فيهم مشيمه بروح
مت من البجي وتعذبت مع الطلق الصناعي
وريلي ما سأل عني بس كان يزوني 10 دقايق ويمشي من غير ما يقول شي
حسيت انه يحملني ذنب الاجهاض اللي صار معاي واني السبب وكأنه يقول لي انا تزوجتج بس عشان العيال
لما طلعت قلت بقعد عند اهلي وكان ما يزورني بس يتصل ولما شفته جذي ما قمت ارد عليه
لما يه وقال حق اهلي ان ما ترد عليها اشفيها ؟ فدخل اهلي بالسالفه
وتحول هالموقف الى مشكله بيني وبينه
ومو بس دخل اهلي حتى اهله خالته تتصل فيني تقول لي انتي مو كفو نعمه ما حمدتي ربج والله عاقبج وموتهم اثنينهم عشان تحرمين تقولين مره ثانيه ما ابيهم
ما رديت عليها بس قلت حق ريلي دام انا غلطانه طلقني
رد علي وقال طلاق ما راح اطلقج لو شنو
وبعدها بأسبوع تتصل فيني امه وتقول لي انتي على شنو شايفه نفسج ما تحمدين ربج انج لقيتي احد ياخذج ؟ بشنو ولدي مقصر معاج بدل الخادمه ثنتين ولدج قاطته علي ما تدرين عنه انتي مو كفو تكونين لا ام ولا زوجه
اهني عاندت اكثر واصريت على الطلاق
واهوا قام ايي كل يوم يتعذر ويحاول معاي بس كل مره اسمعه كلام يغثه مثل ما اهله غثوني وقلت له ما ابيك اكرهك روح اخذ وحده تناسبك تييب لك عيال
عقبها ما مسك نفسه وقال انتي طالق ومشى واهوا ماشي قلت له ابي ورقتي يوم الاحد هذا وولدي بحضانتي
ما صار بليل الا ويابه لي مع الخادمتين
وتتصل فيني امه بنص الليل وتهدد وتقول ان صار في ولدي او ولد ولدي شي ما تلومين الا نفسج ولدي سوا حادث بسبتج وما يندرا يقوم منها او لا
سكرت على نفسي الغرفه وما كلمت احد ومسكره كل التيلفونات حتى اكل ثاني يوم ما اكلت ورافضه نقاش اي تدخل من اهلي معاي
وما ادري شنو اسوي
رفيجاتي يقولون لي ما عليج من اهله عليج من اهوا اهوا عمره ما اهانج وطقج ولا سمعج كلام مو زين واذا على اهله طلبي بيت بروحج وروحي له المستشفى وتفاهمي معاه وريلج يحبج وشاريج ومن هالكلام
والله ما ادري الحين شسوي
شورو علي
واسفه على الطواله بس من القهر والحرة اللي فيني حبيت اني افضفض
اول شي حبيت أقول لكم قصتي من البداية
كنت طالبة جامعية بسنة ثانية وريلي نفس الشي بس كان آخر كورس له بالجامعه وتصادف ان خذينا مادة مشتركة بهالكورس الاخير اللي له ، وعقبها .......
دارت الايام وتخرج واشتغل وانا صرت بسنة رابعه ، فجأة ياني بالجامعة وقال لي انا بتقدم لج وباخطبج :eh_s(1): اخترعت بصراحه وانصدمت حتى اني قعدت مدة على ما رديت عليه لما قال هااا شقلتي جان ارد واقول :eh_s(22): الشور والراي حق اهلي ومشيت
وبعد جم يوم اتفاجئ بـــ ( يدي) ياي لنا البيت وقايل حق اهلي في ريال فلان الفلاني يبي يخطب بنتكم اهلي طالعوني بنص عين على بالهم اني اكلمه ومن هذا القبيل
عاد يدي ما قصر وقال لهم اهوا كان معاها بالكليه ويده رفيجي واعرفه زين والريال خلوق مؤدب محترم يروح المسجد ويشتغل وهكذا
انا ترددت وقلت ليش انا من بد البنات اللي اختارني وخاصه في اللي احسن مني صحيا -للعلم ان اعاني من مشكله صحية في ايدي اليسار
عاد قلت حق امي بس مابيكم تخدعون الريال تفهمونه على كل شي
ويو اهله واعرفوا بالسالفه واهوا بعد درا وراضين ما عندهم اي اعتراض وتزوجنا
حملت من اول ليله:eh_s(22): ويبت ولدي حبيبي وما كملت شهور الحمل كنت بالسابع وقيصريه
وعانيت بالولاده من النزيف قعدت بالعنايه 5 ايام وصارت لي مضاعفات الدكتورة اشكرا قالت لي اذا فكرتي تحملين مره ثانيه لازم تتعالجين
خوفتني هالكلمه وقمت افكر فيها ليل نهار لما طلع ولدي من الحضانه قمت اتعالج عشان بالمستقبل اقدر احمل طبيعي
بهالفتره ريلي قامت تطلع له ورمات برقبته ماندري من شنو واهوا خاف يجيك ويقولون له فيك المرض اللي تعرفونه فأكتفي بتحاليل الدم
لما كلنا وقفنا ضده وخليناه غصب يجيك على نفسه والحمدالله طلع التهاب بالغدد اللمفاويه بسبب خمول حاد بالغده الدرقيه واخذ علاج الغده
ومع هالعلاج اللي اخذه وانا قاعده اعالج نفسي من مضاعفات الولاده حملت بهالفتره وولدي عمره 5 شهور
نفسيتي صار اكس كرهت كل شي وقمت اقول ما ابي الحين ولدي بعده صغير وتوني طالعه من عمليه بس بعدين تقبلت الامر الواقع وحاولت اكيف نفسي
وريلي ما قصر ياب لي بدال الخادمه ثنتين وحده حق ولدي وحده حق شغل الشقه بس عشان يريحني
بس هم مع هالراحه كنت اعاني من النساة والنغزات بمكان العمليه ببطني وما قمت اروح مراجعات الا مره كل شهر من كثر ان مالي خلق
بعد شهرين رحت وقالت لي الدكتورة انتي حامل بتوأم !!!!
حالتي النفسيه صارت صفر بس شسوي هذا امر الله وحكمته
وبعد شهرين رحت ابي اعرف نوعهم والا تقول لي الدكتورة للاسف نبض الجنين وقف متوفين صار لهم يوم كامل
طبعا الاثنين مع بعض مع ان كل واحد فيهم مشيمه بروح
مت من البجي وتعذبت مع الطلق الصناعي
وريلي ما سأل عني بس كان يزوني 10 دقايق ويمشي من غير ما يقول شي
حسيت انه يحملني ذنب الاجهاض اللي صار معاي واني السبب وكأنه يقول لي انا تزوجتج بس عشان العيال
لما طلعت قلت بقعد عند اهلي وكان ما يزورني بس يتصل ولما شفته جذي ما قمت ارد عليه
لما يه وقال حق اهلي ان ما ترد عليها اشفيها ؟ فدخل اهلي بالسالفه
وتحول هالموقف الى مشكله بيني وبينه
ومو بس دخل اهلي حتى اهله خالته تتصل فيني تقول لي انتي مو كفو نعمه ما حمدتي ربج والله عاقبج وموتهم اثنينهم عشان تحرمين تقولين مره ثانيه ما ابيهم
ما رديت عليها بس قلت حق ريلي دام انا غلطانه طلقني
رد علي وقال طلاق ما راح اطلقج لو شنو
وبعدها بأسبوع تتصل فيني امه وتقول لي انتي على شنو شايفه نفسج ما تحمدين ربج انج لقيتي احد ياخذج ؟ بشنو ولدي مقصر معاج بدل الخادمه ثنتين ولدج قاطته علي ما تدرين عنه انتي مو كفو تكونين لا ام ولا زوجه
اهني عاندت اكثر واصريت على الطلاق
واهوا قام ايي كل يوم يتعذر ويحاول معاي بس كل مره اسمعه كلام يغثه مثل ما اهله غثوني وقلت له ما ابيك اكرهك روح اخذ وحده تناسبك تييب لك عيال
عقبها ما مسك نفسه وقال انتي طالق ومشى واهوا ماشي قلت له ابي ورقتي يوم الاحد هذا وولدي بحضانتي
ما صار بليل الا ويابه لي مع الخادمتين
وتتصل فيني امه بنص الليل وتهدد وتقول ان صار في ولدي او ولد ولدي شي ما تلومين الا نفسج ولدي سوا حادث بسبتج وما يندرا يقوم منها او لا
سكرت على نفسي الغرفه وما كلمت احد ومسكره كل التيلفونات حتى اكل ثاني يوم ما اكلت ورافضه نقاش اي تدخل من اهلي معاي
وما ادري شنو اسوي
رفيجاتي يقولون لي ما عليج من اهله عليج من اهوا اهوا عمره ما اهانج وطقج ولا سمعج كلام مو زين واذا على اهله طلبي بيت بروحج وروحي له المستشفى وتفاهمي معاه وريلج يحبج وشاريج ومن هالكلام
والله ما ادري الحين شسوي
شورو علي
واسفه على الطواله بس من القهر والحرة اللي فيني حبيت اني افضفض
