تصدق قد ما حنيت اشوفك في زوايه البيت .. روايه بقلم قلب^الوله

[قلب^الوله]

ناطرتج حبيبتي

اووك ان شاء الله الفيير

باارت طووووويل في احدااث وايد

 

[UNiQe^PRiNceSs]

ثانكس على البارت حبيبتي

كملي ناطريين:sfg:​

 

[قلب^الوله]

العفووو حبيبتي

ان شاء الله ينزل البااارت اليووم

 

[قلب^الوله]

البارت السابع

طبعا بالمطار ما راح اشرح شصار لانه وانتوا عارفين وقت الوداع صعب
وخاصة مع هبه
بتودع اغلي شي بدنيتها
بتودع قطعه من روحها
بتودع ميس يمكن شهرين او ثلاثه ماراح تشوفها
يمكن اكثر ويمكن اقل


هبه : ( عيونها تغورق ) وليد اوعدني كل عطله تردون الكويت
وليد : اكيد اصلا بتملين منا بتقولين جنهم ماسافروا
روان : لا تحاتيين كل شهرين برد انا وبنتي حتي لو اسبوع
نور : احنا بعد كل عطله بنزوركم

كان احمد ياي المطار بيشووف نور حبيبته لانه يومها ماكاانت مداومه بالكليه وكاان الوقت الصبح ماعنده محاضرات ..
فجأه ...

وليد : احمدوووو احمدوووو يالقووطي ( يروح صووبه )
نور تجمدت بمكانها ماتدري شنو قاعد يصير وماتسمع الكلام اللى بينهم لانه وليد راح بعييد يم احمد

نور : روان منو هذا ؟
روان : والله مادري
هبه : واي لقافتج كل شي بتعرفين

نور مااردت على هبه لانها موو بوعيها مستغربه الوضع حيل

لما ردلهم وليد بسرعه وبدون مقدمات سألته نور
نور : وليد منو هذا
وليد : اخو واحد من ربعي ليش عاجبج
ضحكوا كلهم بس نور وقفت محتاره
يالها شعور غريب
خاافت بس استانست .. شعورين بوقت واحد !!
خافت انه يدري وليد عن حبهم او انه رفيجه يقوله
واستانست لانه وليد يعرفهم وراح يسهل عليهم وايد اشياء وقت الخطبه .. فكرت انه ماراح يذم ربعه ..
شعور غرريب لما الواحد يكون بموقف صعب نفس هذا
ودعوا بعض ودشت روان ووليد وميس الطياره ونور وهبه ردوا البيت
البييت .. الساعه 10 الصبح
هبه : شكلهم كلهم داوموا بس غريبه فرح ماعندها دوام
نور :: هاا اي قالت بتروح درس ديني
هبه : عيل انا ببدل وبروح الكليه
نور : وي يالخبله ليش تبدلين روحي جذي
هبه : تهقين مو جنه اوفر
نور : لا اوفر ولا شي ماتشووفين العرض الازياء اللى بكليتكم كشخي نفسهم شناقصج
هبه : ايي والله على رايج اصلا مالي خلق ابدل مايمدي بقى ساعه علي المحاضره
نور : اي روحيي جذي عاادي
هبه : قومي خنروح مع بعض اقطج
نور : لا هبون انا تعبانه وماعندي محاضره الا الساعه وحده
هبوون : اوكي عيل قوود باي
نور : باي
نور صعدت دارها فووق ودقت علي ..
نور : احمدوووووو
احمد : هلا قلبي
نور : انت تعرف وليد ؟؟
احمد : اي اعرفه من ربع اخوي
نور : وليش ماقلتيلي
احمد : ماادري انه وليد ال ... يصير ريل روان اختج
نور : ههه اي صح
احمد : نوروو حياتي صايره تشوقين اليوم
نور : صج :$ استحي
وتمواا يسولفوون لين نوور راحت الكليه

شركة ابو عبدالرحمن ..
عبدالرحمن : اي قلتلهم راضين محد عارض
هيا : قلت اني اشتغل عندكم بالشركه وقلت منو انا جدام ابوك .. ؟؟
عبدالرحمن : ياحياتي شغلج عندنا بالشركه ماينقص من قدرج وبعدين هذا اختياري محد له شغل وبالعكس ابوي دوم يمدح فييج ويقول انج خووش وحده وتشتغلين بضمير
هيا : والله ماادري
عبدالرحمن : عطيني اسبوع اضبط الامور وبعدين كلمي امج
هيا : اوك


في هاليوم الكل ردوا متأخر من دوامااتهم وقررت فرح تفتح موضوع نور
دشت على نور دارها لقتها قاعده
فرح : ممكن اكلمج شوي
نور : تفضلي
فرح : نور حبيبتي انتي قاعده تسوين شي غلط
نور : شنو فرح شسويت
فرح : انتي فاهمه قصدي
نور : لا مو فاهمه قولي شتقصدين
فرح : اللى تكلمينه بالتلفون
نور انصدمت ماتوقعت فرح تحاجيها بالموضوع توقعتها تطنش ونزلت راسها
فرح : تدرين انه هذا الشي حرام ومايجوز وانه اللى تسوينه راح تتحاسبين فيه عند ربج
نور : ( تبجي ) فرح انا ادري انه غلط وانا غلطت بس احبه مااقدر اهده حاولت
قامت فرح لمت نور وهدتها
فرح : حبيبتي انا ماراح احاجيج من ناحيه دينيه لانه انتي تدرين اللى تسوينه حرام ومايرضي ربج
انا بحاجيج من ناحية دنيويه انتي فاهمه وعاجله وتدرين شباب هاليومين يقصون على البنات
نور : بس احمد غير ,, !!
فرح : ليش غير .. يا حياتي ماكو احد غير ,, !!
نور : والله يافرح احمد صج يحبني وعمره ماطلب مني اني اواعده او اقعد معاه وحيل يحترمني ويقدرني ومايخربط معاي وقالي اول مايخلص دراسته بيخطبني
فرح : شوفي انا اختج اكبر منج وافهم اكثر منج بهالامور .. وماراح ارضي باللى قاعد يصير وقوليله ايي يخطبج بأسرع وقت على الاقل بس كلام عشان نشوف نيته ومن الحيين ليين وقت الخطبه اذا سمعتج تكلمينه او شفت شي عليج والله ماراح اسكت هذا شرف العايله وشرفنا كلنا مايصير تتصرفين فيه بروحج انا مايرضيني ولا يرضي لا امي ولا ابوي ولا خواتي ولا عبدالرحمن
فرح ( تبجي) ان شاء الله


بنات لاحد يقول قصيير

 

[قلب^الوله]

بناات الله يخليكم اعذروني هالاسبووووووع

والله جد مشغوله باجر عرس وحده تصيرلنا
والثلاثه عرس رفيجتي الروح بالروح يعني بكون لاهيه واوعدكم الاربعا ينزل بااااااارت حيييل طويل
او انه الاثنين بنزل بارت قصيير

تصبحوون على خيير حبايبي :>

 

[قلب^الوله]

up up
بلييييييييييز اللى الجمهوور الصامت يتحرر من صمته :$

باجر في بارت يديد نطروني :$

 

[UNiQe^PRiNceSs]

ثانكس حياتي ناطريين البارت الياي ​

 

[أميرة العود]

ناطرينج

 

[♥ الــزيــن ♥]

ناطرينج حياتي

 

[UNiQe^PRiNceSs]

it's oK
waiting​

 

[lulu_q8]

yalla na6rench kmli

 

[قلب^الوله]

البارت الثامن

بعد سالفة نور مع فرح
نور قالت حق احمد كل شي واحمد وعدها يكلم اهله وقال انه يبي جم يوم وراح يدقون على اهلها
واتفقت معاه انه مايكلمها لين بعد الخطبه
وبالوقت نفسه عبدالرحمن كلم هبه عن هيا وقالها الموضوع لانه يثق فيها بس لو روان موجوده جان كلم روان ..

بعد هالسالفه بأسبووع

الام قاعده يم التلفون جان يرد التلفون

ام عبدالرحمن : الوو
----------- : ............
ام عبدالرحمن : وعليكم السلام .. منوو معاي ماعرفتج
--------- : .............
ام عبدالرحمن : هلا والله والنعم فييج
--------- : .................................................................................................................................................................... ( قالت كلام وايد يعني )
ام عبدالرحمن : والله يااختي الله يقدم اللى فيه الخيير .. وان شاء الله اشاور ابوها واشاور البنت واعطييكم خبر
---------- : ....................
ام عبدالرحمن : ولا يهمج ان شاء الله

ام عبدالرحمن مااحبت تفاتح بناتها بالموضوع بس اول شي بتاخذ راي ابو عبدالرحمن

ورا العشى بليل ام عبدالرحمن وابو عبدالرحمن قاعديين بروحهم
ام عبدالرحمن : فهد بغيتك بموضوع مهم
ابو عبدالرحمن ( فهد ) : امري قولي شنو الموضوع
ام عبدالرحمن : دقت علي ام عبدالعزيز ال ... تبي تخطب فرح !!!!!!!!!!!!!!!!!!!!!!
ابوو عبدالرحمن : والله والنعم فيهم حق منو من عيالها عبدالعزيز متزوج على مااعتقد
ام عبدالرحمن : لا تبيها حق طلال توه متوظف وقاعد يدوروله واختارت فرح لانه يبي وحده دينه
ابو عبدالرحمن : والله والنعم فيه انا شخصيا موافق وقولي حق عبدالرحمن وشاوري فرح اذا واقفت رديلهم خبر
ام عبدالرحمن : الله يقدم اللي فيه الخيير باجر بقولها

اليوم الثاني
تجمعوا كل البنات ورا الغدا
ام عبدالرحمن : يايين خطاب حق وحده منكم وشاورت ابوكم وعبدالرحمن وافقوا
فرح طالعت نور وغمزتلها واستانست
هبه : يما حق منوو
ام عبدالرحمن : والله ودي افرح فيكم كلكم ان شاءالله الخطاب حق فرح
فرح انصدمت
فرح : انااااااا !!
ام عبدالرحمن : اي يابنيتي ليش انصدمتي انتي اكبر وحده عندي الحيين
فرح : اطلبوني بالاسم ..
ام عبدالرحمن : هو شفيكم تحجوا شنو بالاسم ما بالاسم .. ام عبدالعزيز ال .. خطبتج حق ولدها طلال
نور : وين شافتها ..
ام عبدالرحمن : والله يابنتي مادري بس انا كله اسمع يبون حق طلال وحده ملتزمه


قامت نور وفرح وهبه كل وحده راحت دارها
شوي دشت فرح على نور ..
فرح : لو هالموضوع يعطل خطبتج وعرسج انا ماراح اوافق
قامت لمتها جان تقول : لا حبيبتي منو قال ما يعطل شي وانا لما كلمت احمد مادري انهم بيخطبونج
فرح : بس انا ماراح ارد عليها الا لما يخطبج احمد
نور : شوفي فرح ماراح يغير من الموضوع شي وبالعكس اذا انتي شايفه انه اهوا خوش واحد ردي عليه وانا اكلم احمد يصير الموضوع بعد شهر ماوراي شي انطر واحمد صج يبيني يعني ماراح يتحسف
فرح : والله ماادري حدي انصدمت مااقدر افكر
نور : لا تفكرين روحي حق حمني قوليله الموضوع واهوا اييبلج كل شي تبين تعرفينه
فرح : لا استحي
نور : خلاص انا اقوله ولا يهمج

بنفس الوقت .. ام عبدالرحمن قاعده بالصاله

يرن التلفون
ام عبدالرحمن : الووو
------- : .........................
ام عبدالرحمن : هلا وعليكم السلام .. منو معاي
--------- : ..................
ام عبدالرحمن : سامحيني مااعرفتج والله
ام احمد : والله انا ناويه اخطب بنتكم نور حق ولدي احمد اهوا معاها بالكليه وشافها وقالي يبيها ويعلم الله انه وده فيها من زماان بالحلال بس تونا قدرنا نطلع رقمكم ( طبعا جذب قايلها احمد هالسالفه )
ام عبدالرحمن : والله يا ام احمد الشور شور ابوها واحنا ماانقول كلمه وراا كلمته
ام احمد : اسم ولدي احمد ال ... يدرس بالحقوق اخر سنه .. و بيتنا بمشرف ولكم حق تسألوون عنه وعن كل شي تبوونه هذا مو عيب .. واذا تبوون تعرفون شي ثاني انا حاضره
ام عبدالرحمن : انا اقول حق ابوها واردلج خبر
ام احمد : ان شاء الله وبدق عليج بعد اسبوع .. مع السلامه
ام عبدالرحمن : مع السلامه


ام عبدالرحمن قعدت تفكر بالصدفه يومين ورا بعض ينخطبون بناتها وراحت تصلي صلاة شكر حق ربها .. وقررت انه تفاتح ابو عبدالرحمن بعد جم يوم قبل لا احد يعرف نفس اللى كانت تسويه بكل الخطاب اللى ايوون حق بناتها

في البارت القادم راح تعرفوون اشيااء وايد

ادري البارت وايد صغيير بس اسفه وايد تعبانه وعلي ضغط اعوضكم ان شاء الله وكتبته عشاانكم والله

 

[قلب^الوله]

مشكووريين كلكم عشاان عطيتوني دافع اني اكتب :** واستمريتوا معااي

وجودكم يشرفني :**

 

[♥ الــزيــن ♥]

ناطرينج حياتي

لا تطولين علينا

 

[قلب^الوله]

ان شاء الله حبيبتي ماراح اطول عليكم

 

[UNiQe^PRiNceSs]

ثانكس على البارت حبيبتي

ناطرييين البارت الياي ​

 

[قلب^الوله]

البارت التاسع ..

مطعم لونوتر البحر

قاعدين على الطاوله .. عبدالرحمن ، هبه ، هيا

هبه : يا حي الله مرت اخوي
هيا : الله يحيج ليلحيين ماصرت مرت اخوج
هبه : كلها جم يوم وتصيرين رسمي
عبدالرحمن : بس طلعتلنا خطبه فرووح مادري بيصير كل شي متأخر
هيا : ان شاء الله لا نستعيل
هبه : شوفي هيا انا يايه مو عشاان شي او عشان اشوفج او اللى يسونه الحموات او شي انا ادري انه اخوي يبيج وان شاء الله بتكونين من نصيبه بس انا بعرفج عشان اذا لا سمح الله احد قال شي او بينهم علاقه او حجي بقول لا هذي رفيجتي ومعاه بالدوام وانا مدحتها له
هيا : اي والله زين تسوين مانبي الناس تتكلم
هبه : اي وبهالفتره اللى اهيا خطبة فرح راح يتأجل الموضوع انا بقوول حق امي وابوي انه هيا ال .. رفيجتي تشتغل عندكم بالشركه وبعزمج على بيتنا عشان تشوفج امي وان شاء الله انا متأكده انها بتحبج
هيا : ان شاء الله
هبه : اهوا صج اخووي العود ( عبدالرحمن قاعده تتطنز ) فضحج وقال في وحده في بالي بس بنرقع الموضوع
عبدالرحمن : ايي ايي طلعت الفضييحه انا
هيا : هههه لاا بس كلام هبه زيين عن النااس
وقعدوا يسولفوون واتفقوا على اشياء وايد وعلى الملجه والسكن وكل شي هبه تدخلت فييه ويوم طلعواا وكل واحد راح بييته

يرن تلفون عبدالرحمن
عبدالرحمن : الووووووووو اهليين
فهد ( ولد عمه اخو امواج ) : يا ناسينا يا ناسينا
عبدالرحمن : وشلي اللى ذكرك فينا
فهد : ترانا ما نسينا
عبدالرحمن : ويييييعه فهوود انت ويينك قااط عني صارلك اسبوع
فهد : احم احم مااكوو اول شي باركلي
عبدالرحمن : مااتوقع في حياتك انجازاات اباركلك على شنو
فهد : اي انت كله ادقرني عشان جذي صرت فاشل من تدقيرك
عبدالرحمن : لا خلااص مبرووك والف مبرووك على شنو
فهد : بعد التفكير والتدقيق والتقحييص قررت اكمل نص ديني
عبدالرحمن : احلــــــــــــــــف
فهد : ليش جذي متفاجأه واايد ههههههههه
عبدالرحمن : الموضوع ماينفع على التلفون مرني الحيين وخنقعد ونتشااور
فهد : بتتشاور بشنو انا اللى بتزوج والا انت
عبدالرحمن : اقوول اخلص تعال
فهد : اوك يلا ياي بالطريج
وسكر التلفون

فهد وصل حق عبدالرحمن وعبدالرحمن قاله عن هيا وقال انه بيخطبها بس ماقال انه له علاقه لانه محد يدري الا هبه .. وفهد كاان بيخطب وحده من اهلهم شايفها ويعرف اسلوبها ويدري انه خوش وحده وراحوا بالتفكيير لابعد حد ..
فهد : حمنييييييي حمنيي
عبدالرحمن : هاا شتبي
فهد : ابي شهر العسل بجزر المالديف
عبدالرحمن : ويي لاا انا مابي
فهد : هاااااا عيل ويين تبيي
عبدالرحمن : بما اني حمني ولد فهد ال ... وماخذ هيا ال ... فلازم يبلنا جوله حول العالم ( يقولها بتطنز )
فهد : اقوووول خييي بلا ضرااط هاا
عبدالرحمن : ههههههههههههه انت اللى قاعد تضرط ترى ماخطبت ليلحين تخطط حق شهر العسل
فهد : ايي واللله وخططت شنوو بسمي ولدي بعد خلااص بتزوج لي متي
عبدالرحمن : اكيييييد ولدك على اسمي فدييته
فهد : لا على اسم ابوي عبدالرحمن ( ابو فهد اسمه عبدالرحمن )
عبدالرحمن : ايي يعني علي اسمي
وقعدوا يسولفوون يمكن 3 ساعات ويخططون حق العرس وكل شي سوله حساب

حالتة البنات بهالوقت

روان صارلها اسبوع بلندن يومها كله من الصبح لين الليل مع ميس تغسلها وتوكلها وتلبسها ولين يصير الساعه 6 يرد ريلها ومرات يطلعون ومرات يقعدون بالبيت تطبخله وكل يوم نفس اليوم اللى قبله ماتعرفت على احد هناك بس حياتها بالنسبه لاول اسبوع كانت حلوه ..

فرح قاعده تفكر بالخطيب المنتظر وليش يبي وحده دينه يمكن اهوا دين وقاعده تفكر بدراستها وماتدري ماعطتهم الموافقه المبدئيه متردده

نور قاعده تفكر بأحمد وحست انه مشتاقتله بس ماادقت عليه وعشان تكون قد الثقه اللى عطتها فرح وحست انها تضايقت انه في ناس يو خطبوا فرح وهالشي راح يتأجل بس هم مستانسه ماتدري شنو شعورها ..

هبه مستانسه حق عبدالرحمن وانه طلعت هيا خوش وحده واذا يت بييتهم اكيد بتصير رفيجتها بدال هالجذبه .. وحييل فاقده ميس وكل شوي تكلم روان بالتلفون وتدزلها صور ميس على المسنجر بس مع الاياام راح تتعود

صار الوقت اللى لازم ام عبدالرحمن تفاتح ابو عبدالرحمن بموضوع نور لانه اسكتت جم يووم لانه ماكانت تعرف عنهم اي شي واول مره تسمع بعايلتهم

ام عبدالرحمن : ابو عبدالرحمن ترى يايين حق نور خطاب
ابو عبدالرحمن : ما شاء الله يومين ورا بعض يخطبون بناتي
ام عبدالرحمن : اي والله هذا اللى صاير
ابو عبدالرحمن : قوليلي من بييته
ام عبدالرحمن : اسمه احمد ال .. يدرس بالحقوق اخر سنه .. وساكنين بمشرف
ابو عبدالرحمن : ال ... اللى بمشرف !!
ام عبدالرحمن : اي والله
ابو عبدالرحمن : عطيني جم يوم اسأل واقولج بس لا تقولين حق نور الموضوع
ام عبدالرحمن : ان شاء الله
ابو عبدالرحمن : وشوفي فرح اذا موافقه او لا على خطبتها صارلها جم يوم تفكر
ام عبدالرحمن : اوك انا بصعد اكلمها الحين ..

بدار فرح
يطق الباب
فرح : منوووو
ام عبدالرحمن واهيا تبطل الباب :انا
فرح : حياج يما تفضلي
ام عبدالرحمن : الله يحيج انا مااطول عليج لانج قاعده تدرسين بس بسألج فكرتي ولا ليلحين
فرح : والله يما فكرت بس لازم اشوفه اول ومبدئيا انا موافقه
ام عبدالرحمن : عيل الله يقدم اللى فيه الخيير بدق عليهم بعد جم يوم واشوفهم متي ايون واقولج
فرح واهيا مستحيه : ان شاء الله يما

 

[UNiQe^PRiNceSs]

ثانكس على الباارت حبيبتي

ناطرييينج​

 

[كويتية و النعم]

رواايتج وايد حلووة
مشكووورة قلــــــبي
ناطريينج ..~

 

[قلب^الوله]

مشكورين حبايبي على التشجييع المتسمر