mr000
New member
- إنضم
- 7 فبراير 2009
- المشاركات
- 8,316
- مستوى التفاعل
- 9
- النقاط
- 0
أوووووو هالموضوع احنا نصبح عليه ونمسي عليه مع بنتي أمس تكلمنا بنفس الموضوع تقولي اشفيها اذا شريتولي جيب بورش أو انفينيتي أو رينج روفر وتكلمنا عن الأشياء الثانيه اللي اذا البنت ماتشيلها جنها مو كويتيه يعني جنطه شانيل أو هرميز وعلى قولة سيدة الكويت بوت ugg هاللي خابينا فيه مع أنه حلو مافي شي بس صار جنه سالفة البلاك بيري! فآنا أقولها حمدي ربج وانت طالبه ومن أول ماسقتي شرينالج سياره يديده بعد موشرط ألا غاليه كلش! للأسف مثل ماقلتي حلومه صار اهتمام الناس والعيال بالماركات واللبس والسيارات والتلفونات أكثر من اهتمامهم بدراستهم ومستقبلهم! ولدي راح 10 أيام مؤتمر باسكتلندا يقول تغيرت مفاهيمي ونظرتي حق الحياة صج هني للأسف بعض الشباب والبنات تفكيرهم سطحي ولاعندهم أي اهتمامات علميه.. يقولي روحي شوفيهم كلهم بنفس عمري 25 أو 26 وماخذين الماستر وكله على حسابهم يشتغلون بالمطاعم والكافيهات وتشوفينهم ناس بروفيشينال مايبقى مؤتمر ولا ورشة عمل أو دوره ألا وشاركوا فيها مع أنها بفلوس يعني هذا المؤتمر ولدي دفع 400 دينار رسوم المشاركه طبعا غير التذاكر والفندق كله على حسابه وآنا شجعته قلتله حتى لو على حسابك شارك كل مره بدال ماتقط معاشك بس على ملابس وخرابيط!!بس شتقولين اذا دكتور بالجامعه هني من الشباب يمشي ويراوي الطلبه شوفوا شيارتي بنتلي وترى عندي غيرها بورش وبي أم... يعني أنت دكتور المفروض توعيهم على أهمية الدراسه والشهاده مو تتفلسف بسياراتك!!
