@@ تشــات الأمهات : أكاديمية الابداع الأمريكية @@

[حلم الطفولة]

وي !!!!! عندي الورقه اليوم خذتها بس خفت أجمع الرقم لا يضيق خلقي .. أشوه اني ادفعهم على مراحل .. يخفف أثر وقع الصدمه ..

 

[حضاره]

حلومه00بالعقل جذي 00كل سنه بيزيدون علينا؟؟؟؟ 00ليش؟؟

حق شنو عاد؟؟ والوزاره ليش ساكته عنهم؟؟

يعني ممكن بعد سنه ولا سنتين اتصير رسوم السنه هذيج القيمه ؟؟؟؟؟

موحجي00مومنطق00

 

[mr000]

ان شاءالله حلومه انتي بس زهبي جنطتج!عاد تدرين مرت حما أختي انجليزيه لما توفى زوجها وعيالها 5 مابين المتوسط والثانوي بالنيو انجلش سكول ودتهم لندن وقعدت معاهم كملوا المدارس هناك وكانت درجاتهم أحسن من الكويت ويابوا نسب عاليه كملوا الجامعه هناك!!حضاره الله يعوضنا و يارب بس يوفقهم ولايضيع تعبنا وهالفلوس اللي قاعد نقطها عليهم كل سنه ويطلعون بنتيجه زينه!! بس صج مصخوها هالمدارس! بعدين على فكره يقولون المدارس الأمريكيه أغلى من البريطانيه مادري ليش؟ يعني الكتب أغلى وألا شنو؟

 

[حلم الطفولة]

صح المفروض الوزاره يحطون لهم حد .. مايزيدون عنه.. يعني بنتي اللي بلروضه ,, بعد ثمن سنوات كم بتصير رسومها للصف السابع ؟؟ .. التاسع ؟؟ .. العاشر .... ؟؟؟؟
حرام وايد قاعدين يزيدون المدارس الخاصه.. هل هالشي على أسس عالميه مثلا ؟؟ مو فاهمه !

 

[mr000]

آنا ماأحب أخلى المبلغ كله لي سنه اليايه يعني ألحين حق حجز المقعد حق سنه اليايه دفعت 500 بدال ال350 ولما بيعطل شهر 6 راح أعطيهم 1500 فيبقى شي بسيط ألف وشوي بدفعهم أول مايداوم وأخلص!بس صج الله يعينكم اللي تدفعون حق أكثر من واحد صج ميزانيه!!

 

[mr000]

شكلي داشه عرض بينكم... يالله باي بس لاتنامون وانتوا محترين من سالفة الرسوم ترى موزين عليكم

 

[حضاره]

والله لاتقولين كتب ولاتقولين ملابس 00اشدعوه الملابس عاد (اخاف ملبسين عيالنا بربري ولابولو)!!!

السالفه ان محد موقفهم عند حدهم00

على قولتج00الله يوفق عيالنا ولايخسر هالتعب وهالفلوس00

تدرين اخذتلي فره الحين بالنت00البي اس بي 00غاليه اتخرع والكالندر مالهم ماله شغل بالكويت 00ابروحهم!!؟

ودسمان --مادري شلون صايره00شكلي بقعد على مجنوني00لايجي اجن منه!!

حلومه00انا عادة ادفع على دفعتين00عشان جذي احس بالفرق على طول00

 

[حلم الطفولة]

الله المستعااان .. سبحانه ..
شنسوي ,, هذي المدارس الخاصه كلها نفس الشي .. بس صج ودي أكو حل .. وحابه أعرف هو يعني لازم الزياده هذي كل سنه ؟؟
فأمانة الله مروو ,, عادي خليج معانا ,, آنا موجوده نص ساعه بعد
راح أشوف رسايلي وأجيك عالشات كل شوي .. وان شالله قبل 12 ونص نووووم

 

[حضاره]

لا ان شاءالله مومحترين00الدنيا ماتسوى00

انا دايما اقول00طالما اقدر ادفع 00بدفع!

ومتى ماعرفت ان الشغله فوق طاقتي00ماراح اكمل!

عسى ربي يجمل الحال00

وبعدين انتي راعية بيت يامرووو00

انا بعد بنام00ابونا مسافر وانا اللي بوصل العيال المدارس الصبح00

مروو 00حلومه
تصبحون على خير00

 

[حلم الطفولة]

وانتي من اهل الخير حبيبتي ,,
تصبحون على خير يا جماعه

 

[اي اسم]

ترى المجلس نايمين
دزيت ايميل بخصوص الsecurity كل اعضاء المجلس كل على حدة
محد عبرني ولا رد علي صار لي اكثر من 10 ايام
بس الناظرة جيرترود ردت وقالت انها بتابع الموضوع
وبحط لكم نسخة من الايميل
I'm a mother of two boys attending ACA this year for the first time . I'm very worried about the security of school entrances and exits during morning before school starts and at the end of school day. I drop my boys daily in the morning on the southern school's gate ,the one overlooking the fourth ring road and I rarely saw a security guy in that area . I remember seeing him one time during the last three months helping some students to cross the street. I think that the number of security men working in school is inadequate. I remember on last october when i used to walk with my kids until the elementry playground and we used to enter from the eastern gate overlooking papa jhones ...I remember that I saw two handy men entering the school with their dangerous tools and just looking around and no body stopped them .I think they were just curious to see how the school looks like . however their entrance is terrifying because they may harm our kids . I think that the ideal situation will be to have two security men on every gate; one to help students cross the road and the other to stand on the gate and watch who gets in the school. I wish that you deal with this issue ASAP.

Thanks alot ,

 

[اي اسم]

هذا رد مس جترود على الايميل الاول وبعدين انا رديت عليها وردت علي بس صراحة للحين مدخل المدرسة الصبح ما يمه حارس والمخرج نفس الشي صبيان صغار الله يحفظهم يطلعون ركض وسط هالزحمة للبقالة ولا احد يمنعهم
غير العمال اللي مرات يدشون يطمشون بالمدرسة وبعدين يطلعون
الرد Thank you for your comments and expressing your concerns. It is my understanding that we have security guards at each gate and staff who supervise the students as they enter the premises, however I will double check on the matter with the head of security and the principals to ensure that we are handling the matter appropriately. I will be in touch.

Regards,
Gertrude
بعدين ردي
Thanks Ms Gertrude for your reply. I wish that you solve this serious issue of security as well as saftey of our kids before and after school day. Today when I picked my boys after the end of school I saw three little boys running out of the school to the grocery shop crossing the crowded street then running back inside the school with their groceries(through the eastren gate overlooking papa jhones). Then I heard them saying let's hurry to the bus . According to their height they can't be older than grade 3 students . This incident scared me alot as I see the saftey of kids in school is compromised during that period of the day.The bad thing was that no body (i.e: security man) stopped them from leaving the school without adult accompanying them . Please increase the number of your security staff .

thanks alot for your understanding & follow up
بعدين ردها ...صارت قصة الف ليلة وليلة
Thank you for your concern. I have discussed the matter with Mr. Christer (Elementary Principal) and Mr. Craig (MHS Principal) and we are looking at different options to monitor the situation.

Insha'Allah we will be able to resolve the situation and ensure our students' safety and well-being.

 

[اي اسم]

وبالنسبة للاسعار
مادري لي وين بيوصلونها ....
اول كنت اقول بخلي عيالي يكملون للثانوية بس الحين الله اعلم
ما كو الا ان احنا نرجع عيالنا للحكومة ونخسر المدارس الخاصة عناد فيهم
اقول قولي هذا واتذكر نكتة ال....اللي راح لطبيب الاسنان ضرسه يعوره وقال للطبيب اشلع كل ضروسي وخلي هذا اللي يعورني عناد فيه

مادري شعلاقة هالنكته بالموضوع
اقول جني بديت اخرف
خل اروح انام احسن
بس تصدقون ما ني مصدقة ان اخيرا المنتدى فتح معاي
مليت كله نت ورك ارور
عموما المنتدى ما ينمل واتمنى ان مشكلته تنحل
تصبحون على خير

نسيت اقول شغله باجر جريد 2 رايحين فلكس الله يحفظهم
والاسبوع الجاي سبيريت ويك وسبورت دي

باي

 

[حلم الطفولة]

صباح الخير ,, اي اسم زين سويتي .. جيرترود أحسها بارده ..
الله يكتب اللي فيه الخير لعيالنا ويكفيهم الشر ..

 

[حلم الطفولة]

اليوم تونز داي بمبنى البنات

 

[حلم الطفولة]

وبالنسبة للاسعار
مادري لي وين بيوصلونها ....
اول كنت اقول بخلي عيالي يكملون للثانوية بس الحين الله اعلم
ما كو الا ان احنا نرجع عيالنا للحكومة ونخسر المدارس الخاصة عناد فيهم
اقول قولي هذا واتذكر نكتة ال....اللي راح لطبيب الاسنان ضرسه يعوره وقال للطبيب اشلع كل ضروسي وخلي هذا اللي يعورني عناد فيه

مادري شعلاقة هالنكته بالموضوع
اقول جني بديت اخرف
خل اروح انام احسن

:

ههه .. آنا أقولج العلاقه وثيقه جدا وخوش مثال على اللي خطيته بالأسود .. إذا سويناها الألم بيبقى والمدارس ماراح تتضرر واحنا اللي بنخسر هههه .. عجبني المثال ... تخيلته حيل :dddds:

 

[mr000]

السلام عليكم أمهات! أي أسم والله كلنا (آنا ولدي مو في مدرستكم بس رسومنا أخس بعد) شكلنا بنخليهم يكملون وندفع وأحنا نضحك حتى لو زادوا الرسوم...لأني بصراحه كلما أسمع عن اللي طلعوهم بوقت متأخر يعني نهاية المتوسط والثانوي ولاقوا صعوبه بالحكومه وسقطوا ببعض المواد لا والله أقولج الصج أخاف ومابي أخسبقه.. مع أن ولدي مستواه الحين متوسط ماأقولج متفوق بس بخليه والله يعينا...بس أكيد اللي بيدفع حق واحد مو مثل اللي بيدفع حق 3 و4 عيال علشان جذي آنا دايما أنبه ولدي وعيال أخواني أنه يحسبونها عدل قبل لايدخلون عيالهم مدارس خاصه وتالي يضطرون يطلعونهم!!

 

[حلم الطفولة]

وعليكم السلام مرووو شلونج

 

[حلم الطفولة]

بنات آنا ضايق خلقي على أشياء وايد ,, بالمجتمع عموما مو عن المدرسه ..
مادري صارت حضارة الماركات شي لازم وضروري وفي كل مره وكل طلعه ومناسبه وحتى بدون مناسبه
لازم يكون عند الواحد عقليه تقول : آنا بعقلي وفكري وثقافتي ورقي أخلاقي: وإن وجدت الماركه فهي << اسمي وعايلتي عالأقل هذي ممكن نقبلها ماركه.. >> .. ..
الحين صارو يوزنون الواحد بالجنطه اللي شايلها أو بالسياره اللي راكبها .
الكل يحب الماركات والتكشخ حتى الزاهد,, النفس تشتهي ,,والكشخه وناسه وسعاده وشعور نفسي حلو علينا بالعافيه كلنا ,, بس إن يكون مثل الهوس لدرجة يدخل الكبر في النفس .. هذي أصاحبها لأن كشيخه وماركيه وهذي لأ .. عيل ماتناسبني !!
حسافه قاعده أشوف ناس تربي عيالها على هالمبدأ ... والطامه الكبرى : بعضهم عيالهم أولاد مو بنات ..
شرايكم ؟؟؟

 

[سيدة الكويت]

بنات آنا ضايق خلقي على أشياء وايد ,, بالمجتمع عموما مو عن المدرسه ..
مادري صارت حضارة الماركات شي لازم وضروري وفي كل مره وكل طلعه ومناسبه وحتى بدون مناسبه
لازم يكون عند الواحد عقليه تقول : آنا بعقلي وفكري وثقافتي ورقي أخلاقي: وإن وجدت الماركه فهي << اسمي وعايلتي عالأقل هذي ممكن نقبلها ماركه.. >> .. ..
الحين صارو يوزنون الواحد بالجنطه اللي شايلها أو بالسياره اللي راكبها .
الكل يحب الماركات والتكشخ حتى الزاهد,, النفس تشتهي ,,والكشخه وناسه وسعاده وشعور نفسي حلو علينا بالعافيه كلنا ,, بس إن يكون مثل الهوس لدرجة يدخل الكبر في النفس .. هذي أصاحبها لأن كشيخه وماركيه وهذي لأ .. عيل ماتناسبني !!
حسافه قاعده أشوف ناس تربي عيالها على هالمبدأ ... والطامه الكبرى : بعضهم عيالهم أولاد مو بنات ..
شرايكم ؟؟؟

السلام عليكم بنات _شلونج حلم الطفوله ...تدرين ضربتى على الوتر الحساس ...سالفة الماركات والبلاك بيرى والأق البوت الى هابين فيه........صراحه هالشئ منتشر بصوره مو طبيعيه .......والبنت او الولد الى ما عنده يعنى مو كشخه او فقير وجكن ناقتز كخخخخخخخخخخخخخخ عسا الله يهديهم يارب