تشتغلين وانتى متزوجه ...تطلبين من زوجج فلوس وله معتمده على نفسج؟؟

[Esraa.a]

رد : تشتغلين وانتى متزوجه ...تطلبين من زوجج فلوس وله معتمده على نفسج؟؟

أساسا الحكومه تنزل بمعاشه 80 دينار للزوجه .. مفروض كل زوج يسوي استقطاع على الأقل هالمبلغ اللي مال الحكومه "مو من معاشه الشخصي" حق زوجته .. أو يعطيها اياها كاش كل شهر ,, حقها تتصرف فيهم على كيف كيفها سواء صرفتهم عالبيت ولا عالعيال ولا على نفسها ولا ترد تعطيهم حق الزوج إذا مفلس .. اهي حرررررررررررررة

 

[ديانا سبنسر]

موموظفة بس احس الريال هو ملزوم بالمصروف

 

[سارووونه22]

انا ماشتغل معتمده على ريلي بس هم ما اضغط عليه وودي اشتغل عشان نتساعد والحياة تعاون

 

[om_dodo]

اب

اب

 

[Stylista_Q8]

صراحه أغراضي الشخصيه من معاشي
ملابسي مكياجي جناطي عطوراتي
مراجعاتي للطبيب
كله من معاشي


اما لبس بنتي منه
والأجار والجمعيه والخدامه كله عليه
ولادتي بالطبيب عليه.. بس استقبال الولاده مني انا

احنا متفقين اهوا عليه الأشياء الثقيله وانا اشيل مصاريفي

عشان نقدر شويه نيمع حق بيت العمر
الحياة تعاون
إذا كل شي على الريال عيل انا شبسوي بمعاشي؟؟؟
اصير حزره وأخشه لي متى؟؟ وحق شنو؟؟؟؟
صراحه ورانا بيت نبي نيمع له ولازم اساعده عشان يقدر ايمع شويه

واللي تقول انها شاطره وتخلي زوجها يصرف واهيا تخش معاشها
انا اقول هذي مو شطاره هذا بخل من الزوجه
ومافيها سنع
واتضيق على الريال وتخليه منتف ومضغوووووط

وبالمستقبل بيقعدها في بيت حكومه من التوزيع بآآآآآآآآآآآخر الدنيا
يالمطلاع ولا شوفوا وين عاد
واهيا خلتنام على معاشاتها

معاهاا

طريقتهآ عاجبتني .. و ان شالله بطبقهاا معَ حبيب الئلب :hjy5jewf:

 

[عيش و مرق]

احس ماجاوبتونى


ادرى الحياة تعاون وانا وياه واحد ,,,,,,,, بس هل تطلبين يمشيلج معاش شهرى وله لا ماكو شي

 

[برد ابو الذهب]

حرام يختج لايصير الطمع يجري بدمنا حرام بروحه زوجي كل شي عليه الاجار والعيال والخدامه والماجله وهم اجيه اطلبه بعد اخلي بوجهي شويه حيااااا عيب عالاقل اشيل نفسي

 

[لذه السكر]

رد : تشتغلين وانتى متزوجه ...تطلبين من زوجج فلوس وله معتمده على نفسج؟؟

صراحه انا ما اايد اللي تقول الحياة مشاركه اذا الشرع والقانون يكفلون حقي بان يصرف علي

عيل شماله ماخذ زوجيه وزيادات على معاشه !!! مو عشان يصرفهم عالبيت

انا شفت يدتي وامي طول عمرهم محرومين من الفلس وسالبه الرياييل مع ان امي تشتغل وحاطه معاشها كله بايد ابوي واهو يمشيلها معاش من عنده !! واذا قصرها فلوس ينشف ريجها كله يقولها انتي ما تخشين الفلس انا ايمعلج وصج ماشالله يمعلها مبلغ وقدره وحطه بايدها يعني ما قصر بس عقب شنوووو طول عمرها انحرمت من الفلوس

اذا ما صرفت بشبابي واستانست وسافرت مته بصرف والا بظل اجعس بهالفلوس ونهايتي مثل بو هباش خخخخ<<< طلعت بره الموضوع


انا للحين ما اشتغل واهو مو مقصر معطيني كرت فيه استقطاع لاني قتله ابي فلوس ما انطر اهو يعطيني
شغل البيت والجمعيه كله عليه وملابسي للحين من جهازي لاني يديده هههه بس هم اذا عجبني شي اخذه
وانشالله ناويه اذا اشتغلت هم يصرف علي لان ما عندنا بيبي ولا اجار قاعدين ببيت اهله وين يروح معاشه يعني !! وريلي نوعه ما ايمع والله بنيتي اني اخذ منه بس ايمع منهم له واردهم بعدين عليه يعني مو ماخذته على طمع ككككككككككك ,,


بس والله اول نصيحه الكل قالي اياها قبل الزواج ,,,, ( علميييييييييييه يصرف عليييييييج)


وشكرا

 

[لذه السكر]

رد : تشتغلين وانتى متزوجه ...تطلبين من زوجج فلوس وله معتمده على نفسج؟؟

احس ماجاوبتونى


ادرى الحياة تعاون وانا وياه واحد ,,,,,,,, بس هل تطلبين يمشيلج معاش شهرى وله لا ماكو شي

اممم احسها صعبه يمشيلي معاش وانا موظفه اوكي اسحب من تحت الطاوله يمكن... يعني مثلا مكالمات بانزين شي بخاطري خلصت فلوسي اقوله ابي ,, راحه معاه سوق طبعا اهو يدفع

بس معاش لي لا ,,, انا قتله مصرف البيت يعطيني كل شهر

انشالله جاوبتج وهذا رايي

 

[عيش و مرق]

رد: رد : تشتغلين وانتى متزوجه ...تطلبين من زوجج فلوس وله معتمده على نفسج؟؟

اممم احسها صعبه يمشيلي معاش وانا موظفه اوكي اسحب من تحت الطاوله يمكن... يعني مثلا مكالمات بانزين شي بخاطري خلصت فلوسي اقوله ابي ,, راحه معاه سوق طبعا اهو يدفع

بس معاش لي لا ,,, انا قتله مصرف البيت يعطيني كل شهر

انشالله جاوبتج وهذا رايي

:rerrerek:جاوبتينى ونصصصص ومبروووووك ياعروسه ياحلوه مشاله علييييييج جيييييييده معلمينج عدل ههههههههههههههه شتوره خخخخخخخ بس والله صج زين اتسوين ترا الرياييل ما ايون الا بهطريقه وله باجر اذا ماتعود بقولج وين معاشج :aha::eh_s(21):