تشتغلين وانتى متزوجه ...تطلبين من زوجج فلوس وله معتمده على نفسج؟؟

[عيش و مرق]

انا أنا أصرف على عمري من ملابس وعطورات ومجوهرات من معاشي وهو ما يقط علي لأني مو محتاجة فالفايض شسوي فيه خل يجمعه حق المستقبل احسن دامني موفي عازته
وهو متكفل بالعيال والخدامة واغراض البيت
بس اذا كنت في السوق وشفت شي حلو لعيالي اشتريه انا عادي ترى سهالات ماتسوى اروح مشوار ثاني معاه عشان هو اللي يدفع بالعكس هذا استغلال للزوج وبخل من الزوجة مو ذكاء
يعني هي مو مكلوفة تقط بس اذا قطت من طيب خاطر مرة أو كم مرة فهي قاطة على بيتها وعيالها مو على الناس ! وبعدين تساعد هازوج المسكين اللي كل شي على ظهره

اى والله ليمونه انا انصدمت لمن قالت لى جذى لا وبعين قويه ماستحت منى ومره الغبيه قالت حق زوجها ان شافت الهدوم وتبى تشتريهم معاه بفلوسه يعنى حق عيالها تقول عصب عليها وقال لها شدعواااااا هذوله مو عيالج ومادرى شنو يعنى شخطها :krkrkr:

بس كاهى ماضرها حبيبتى مشاله البيت والسفرات مشاله كله على زوجها واهى مهمتها الرسميه بس اتجمع وتروح تشترى طقم الماس وله ساعه ماركه قويه :dddds: عليها بالعافيه بس شلون يمعت من بخلها استغرب منطقها ساعات اقول مادرى انا صح وله غلط واهى الصح انا ترا جذى اساعد زوجى ماتهمنى لفلوس وعيالى امشي واشرى ولهم ما انطر ماكو شغل :ada:

 

[أحـلام * ورديـة]

رد : تشتغلين وانتى متزوجه ...تطلبين من زوجج فلوس وله معتمده على نفسج؟؟

انا زوجي عليه كل شي وانا بس علي من نفسي ومرات اساعده اذا احتاج

ما اقصر فديتني

 

[عيش و مرق]

كفووووووووو عليج احلام ورديه

 

[الدانة]

رد : رد: تشتغلين وانتى متزوجه ...تطلبين من زوجج فلوس وله معتمده على نفسج؟؟

اى والله ليمونه انا انصدمت لمن قالت لى جذى لا وبعين قويه ماستحت منى ومره الغبيه قالت حق زوجها ان شافت الهدوم وتبى تشتريهم معاه بفلوسه يعنى حق عيالها تقول عصب عليها وقال لها شدعواااااا هذوله مو عيالج ومادرى شنو يعنى شخطها :krkrkr:

بس كاهى ماضرها حبيبتى مشاله البيت والسفرات مشاله كله على زوجها واهى مهمتها الرسميه بس اتجمع وتروح تشترى طقم الماس وله ساعه ماركه قويه :dddds: عليها بالعافيه بس شلون يمعت من بخلها استغرب منطقها ساعات اقول مادرى انا صح وله غلط واهى الصح انا ترا جذى اساعد زوجى ماتهمنى لفلوس وعيالى امشي واشرى ولهم ما انطر ماكو شغل :ada:

حبيبتى ليش تقولين عنها غبية ؟؟؟؟

انا ما اتفق معاج !!! بالعكس هي ذكيه جدا جدا

ياقلبي القوامة في الاسلام للرجل ,, يعني يصرف عليج وعلى عيالج ويجيبلج خدامة تخدمج حتى لو كنتي ثرية وماتحتاجين احد يصرف عليج , شفتي شلون الاسلام اكرمنا وحنا نبي نحط روسنا بروس الرياجيل ونفتح بيوت ونصرف عليها

بالعكس هي مو بخيله هي كريمة على نفسها مدلعه نفسها تشتري الالماااس والساعات عليها بالعافيه

 

[الدلال]

انا شايله نفسي فقط ومع جذي مرات اخذ منه علشان احس ان يصرف علي لوووووووووووول

الريال ملزووووم يشيل مصاريف بيته

واذا المرا تبي تشارك كيفها واذا ماتبي ماعليها عتب

الشرع قال الريال يصرف وعيييب المرا تصرف على البيت والريال حاط معاشه بجيبه!

الا اذا عنده ظروف تمنعه ممكن تساعده بس اذا كان يفكر بنفسه وحاط عينه على معاشها , لا والله المرا مو مكلفه تصرف عليه وعلى البيت

 

[رحيل المرافيء]

رد : تشتغلين وانتى متزوجه ...تطلبين من زوجج فلوس وله معتمده على نفسج؟؟

الريال ملزوم بكل شي
ماعدا لبس الدوام وهداياها لاهلها وهالاموور مو ملزوم وموبايلات كل شهر ولاب تووب كل شهر هذا من معاشها
هو مو ملزوم
والماركات والالماسات وذهب هم مو ملزوم هووو
ملزوم باللبس اللي هي تلبسه له وبس
واللي تقول الحياة مشاركة هذا شرع الله الريال هو اللي يصرف
الحياة مشاركة ولاطلقوووكم جرجرتووهم بالمحاكم على 150 دينار و100 دينار نفقة!!!!!!!!!!!!!

 

[ثلج مجروش]

الحمد لله كل يعرف الي له و الي عليه

انا مدرسة و معاشي ما شاء الله
و زوجي عليه اقساط و ديون

فبالنسبة للمصرف يشتري الماجله , يدفع معاش خدامة و سايق , اذا نقص شي بالبيت يجيبه , اذا طلبته شي ما يقصر بس بحدود المعقوول يعني لي 3 اشهر احن على الاي باد يقول خير ما شفنا شي هههه
بالنسبة لي : ادفع معاش خادمة لان عندي 2 هو يدفع وحدة و انا وحدة , اشتري ملابس عيالي كلللها , ملابسي و اغراضي علي , فاتورة تلفوني , الانترنت عليه ترى , و اذا نقص شي بالبيت ما اطلب منه اجيبه على طول ,,,

و الحمد لله المعاش عز للمرة يغنيها عن رجلها و الناس
اعطي امي كل شهر .. و اساعد اخواني الي ما توظفوا للحين

و الحين معاش واحد ما يكفي ... اعرف لي مدرسات معاشاتهم الف وشوي و يعطون تقوية ببيوتهم و ازواجهم بعد معاشات قوية و هم بعد ما يكفيهم

 

[كويتيه مذهله 87]

انا موظفه واصرف علي نفسي بس طبعا ماجله البيت والمطاعم ومعاش الخدامه ووووو كله عليه


,,,

 

[أم زنوبة]

انا للحين طالبه واعانتي ماله شغل فيها
ويعطيني فوقها 200 كل شهر ومالي شغل لا بفواتير تلفوني ولا بانزين السياره لي طلعت
يعني 300 ليي حق اللعب
ومن الحين اقوله لي اشتغلت مالك شغل ف معاشي نخليه حق السفرات والهدايا والماسبات اما المصروف والطلعات عليه

 

[أحـلام * ورديـة]

رد : رد: تشتغلين وانتى متزوجه ...تطلبين من زوجج فلوس وله معتمده على نفسج؟؟

كفووووووووو عليج احلام ورديه

عشووون عيل اعجبج :wqedqw:

 

[بحر الذكريات]

انا ادبر نفسي بنفسي لووووووووووول

 

[أنفاسي دخون]

والله انا لبسي والتزاماتي وعواني العروس والولادات من معاشي استحي اطلب منه اما العيال والبيت والماجله وبانزين سيارتي وفواتير موبايلي والنت هو ملتزم فيهم واذا نقصني شي اخذ منه وما يقصر

كلي حلاله وكله حلااااااااااالي >> حطي تحت كله مليون خط خخخخخخخخخخ

 

[عيش و مرق]

رد: رد : رد: تشتغلين وانتى متزوجه ...تطلبين من زوجج فلوس وله معتمده على نفسج؟؟

حبيبتى ليش تقولين عنها غبية ؟؟؟؟

انا ما اتفق معاج !!! بالعكس هي ذكيه جدا جدا

ياقلبي القوامة في الاسلام للرجل ,, يعني يصرف عليج وعلى عيالج ويجيبلج خدامة تخدمج حتى لو كنتي ثرية وماتحتاجين احد يصرف عليج , شفتي شلون الاسلام اكرمنا وحنا نبي نحط روسنا بروس الرياجيل ونفتح بيوت ونصرف عليها

بالعكس هي مو بخيله هي كريمة على نفسها مدلعه نفسها تشتري الالماااس والساعات عليها بالعافيه

انا قلت غبيه مو ان مخليه زوجها يصرف عليها لابلعكس هذه شطاره بس الغباء ان اتبينين حق زوجج انج جارته من البيت عشان يشترى شي انتى شفتيه وقادره تشترينه هذه الطريقه مو حلوه بدليل ان عصب عليها وطلعت جدامه كانها مستبخله على عيالها لان قالها يايبتنى من البيت لى السوق عشان اشترى وانتى شايفته وماشريتى ويبتينى حس روحه غبى وزوجته مستقلته مو حلوه هلحركه لو موديته وساكته موقايله احسن هذه الى قصدته :icon30:

وصح مو بخيله على نفسها بس بخيله على عيالها وعلى بيتها :nbptr:

 

[BiiShOoO]

انا بالنسبة لي معاشي لي و اهوا عليه الماجلة و الاجار و يعطيني مصرف شهري

واذا البيت نقصه شي ما اقصر و لا اهوا يقصر معاي و نتساعد

 

[عيش و مرق]

رد: رد : تشتغلين وانتى متزوجه ...تطلبين من زوجج فلوس وله معتمده على نفسج؟؟

الريال ملزوم بكل شي
ماعدا لبس الدوام وهداياها لاهلها وهالاموور مو ملزوم وموبايلات كل شهر ولاب تووب كل شهر هذا من معاشها
هو مو ملزوم
والماركات والالماسات وذهب هم مو ملزوم هووو
ملزوم باللبس اللي هي تلبسه له وبس
واللي تقول الحياة مشاركة هذا شرع الله الريال هو اللي يصرف
الحياة مشاركة ولاطلقوووكم جرجرتووهم بالمحاكم على 150 دينار و100 دينار نفقة!!!!!!!!!!!!!

لوووووووووووووووووووووووول اى والله صاجه :23_asmilies-com:

 

[تبطي عظم!]

انا للحين ملجه

بسس هو قايلي انا اشيل مصاريف البيت وانتي مصرووفج عليج ~

وانا مووافقه عادي الحياه مشااركه بعد حرام احمله مصرووفي وانا عندي معااش ~

 

[ذهب ابيض]

لاتخلون فرق بين الزوجين والجيب واحد
واشوف انها تخلي كل شي عليه ظلم للزوج
وان الزوجه تصرف علي كل شي هم ظلم
الاعتدال والمشاركه احسن شي

نفس الراي

 

[shoshowoo]

الحمدلله ماكو فرق مع بعض بمعاشاتنا نتساعد طبعا الاساسيات عليه
الخدامه ملابس بنتي طبعا ان شفت شي عجبني اخذه اذا معاه اهو يدفع اذا بروحي عادي ادفع
ولادتي طبعا عليه بس الاستقبال يساعدني بالي يقدر عليه مكالماتي على حسب ميزانيته
الكماليات ملابسي ومكياجي علي
السفر عليه بس انا من نفسي اساعده هناك مو بالتذاكر

 

[قلبي كويتي 22]

الحمدلله معاشي ومعاشه مكفينا ونساعد بعض فيه يعني ماقصر لبغيت شيء لللبيت انا ولا حسيت ناقصه شيء اروح واجيبه انا مو شرط انتظر اقوله لان بالاخير بيتي نفش ماهو بيته ولازم اساعده عشان اكبر بعينه اكثر
هو عليه كل شيء بس لحسيت انه محتاج ولا معاشه طار ولا يبي شيء اعطيه من نفسي سح احيانا يرفض بس اقنعه ماكو فرق لان ادري محتاج مو بس جذي

 

[Q8tya_GirL]

رد : تشتغلين وانتى متزوجه ...تطلبين من زوجج فلوس وله معتمده على نفسج؟؟

انا ريلي عليه شغل البيت من خدامه واغراض جمعيه
واذا طلعت معاه ورحت السوق وتسوقت سواء حقي او حق اعياله ما يقصر يدفع
وانا هم ما اقصر اساعده بعض المرات و الحمدالله متعاونين معا بعض فلوسي وفلوسه وحده