تسريحه اب 100 دينار حداااا اشدعوه

[cadbury]

هاي بنات
بلييييز الي رايحين ليلى هارموني من قبل التسريحه السبشل بجم؟؟؟؟
اختي سوت تسريحه عند زينب بس ما قالتلهم انها عروس لما راحت تدفع جان تقولها 100 دينار بس التسريحه غير المكياج اشدعوه انا فجيت عيوني و اختي حدها انصدمت



انتو شرايكم ؟؟ شغلها حلو صح بس اشدعوه 100 دينار واااااي حدا مو صج لا ونفسها خايسه بعد

 

[Xal_mohrahX]

^^^^


اشدعووووووووووووووووه 100

استغفر الله الله لا يغضب علينا نقط 100 على بس التسريحه ولا بعد كلها ساعتين بالكثير

&&&
&&
&

 

[amoona89]

شدعووه مااتوصل 100 ديناار
مولهدرجه ممكن المكياج مع التسريحه 100

 

[law love]

اوووووله ما عندي خبره بهالامور بس واايد اوفر 100

 

[أبله كويتيه]

اي اي حبيبتي حراميه الحين

هالصالونات 100 زين اصلا مراعينها

لو انها قايلها عروس جان صكتها 250 اقل شي

طمع الله لايراويج

 

[مشتطـه]

واي استتغفر الله ينو وقعدو والله

اي ليلى وايد غاليه


والتسريحه
حيل غاليه ماتسوى كلش مهما كانت التسريحه حلوه

 

[cadbury]

والله العظيم ان التسريحه ب 100 و هالسالفه صارلها 4 ايام
بس امبي حرااااااااااام قلبي قام يعورني لما اختي دفعت على الاقل لو شاريه شي مستفيده منه احسن
بس ج جد ما هقيت جذي معاملة ليلى هارموني

 

[cadbury]

على فكره التسريحه من غير اكستانشن
و قالتلي مع الاكستنشن تصير ب 130 @@

 

[ضحكة العمر]

صااااااجه اعرف وحده سوت عندهم وتقول اقط ع تسريحتي ولا اقعد ع مكياجي لو مكياج ب 10

ههههههههههههههههههههه انا العكس اطبقه اي بس شدعوه كلها تسريحه شراح تسوي

بس يمدحوووووون الاكستنشن يقولون طبيعي 100%



اتمنى اني قدرت افيدج بشي

 

[blue diamond]

تساريحهم غاليه معروفين
حطي مكياجج اهناك وسوي تسريحتج بمكان ثاني >> انا اسوي جذي

 

[pink-bunny]

الله يعين صراحه التسريحه100 والمكياج وصل 400 عند بردجيت ..!!
مو مسألة بخل لكن كلها تسريحه .؟؟ وجم شخبوطه عالويه ساعتين وامسحها
ليش جذي؟؟

 

[يـونـيـك الغـلا]

اى اولله حرام .. 100 شدعواا

ولو قايلا عروس مع المكياج 200 250 وفووق

الله يعين العرووس هالايام ...

تقط فلوووسها على النفنووف اللى وصل ايجارا بـ 2000 ولا مكياج ولا تجهز...

الله يعينها بس

 

[الـــدفـــشـــة]

100 تسريحه بس؟؟؟

حرااااااااااااااام والله

 

[مشاعل الشمري]

ايحبيبتي لا تعليق على هالصالونات اللي على اساس مراكز تجميل
امس بعد رشا شيك اقولها الشعر بكم؟ تقولي البف مع الزوي يبدي من 20 الى 25
والتسريحه رفع الشعر من 45 وعليج الحساب
والله حرام شنو شلون ما يصير حر علينا والكهربا تطفي
عسى الله يرحمنا برحمته ولا يجعلنا من المبذرين

 

[حجيه هيونه]

مادري احس وايد

هذا مو قايله عروس لو قايله كان شنو طلبت منها يمكن الف لوول

 

[pretty sarona]

مو من صجهم ,, لو مركبتلي راس ثاني ما خذت هالسعر ,,, استغلال ,, و بعدين اختج المفروض تتفق وياها على السعر قبل لا تقعد على الكرسي

 

[أنفاسي دخون]

الله لا يغضب علينا 100 دينار بس عشان تسريحه

 

[MiSs_6a7LooSHA]

دام الكل مستسلم وماعنده مانع يدفع ماتبون يرفعون أسعارهم ؟ شافوا العالم كلها تدفع وماعندها أي مانع ولا حتى تجادلونهم بالأسعار

صدقوني لو كلنا امتنعنا ومادفعنا هالأسعار ربي بيباركلنا والله مايجوز يابنات مو سالفة بخل لكن مايجوز أدفع كل هالسعر عشان ليلة ؟ في صالونات أسعارهم من أحسن مايكون ورحنا لعروس وياربي لك الحمد واستانسنا

خلونا نستانس ونوفر بنفس الوقت وخلونا نقولهم لأ

كلنا خلونا نقولهم لأ ونجادلهم بالأسعار لو شافوا محد قاعد يسوي عندهم بيردون ينزلونها لسعرها الحقيقي !!

والله المستعان ..

 

[bride 2010]

أنا عروس وبسوي مكياجي عند رشا شيك وتسريحتي بليلى هارموني بس التسريحه قالت لي ٢٥٠
بس أنا قلت عادي لان هم برشا شيك بصط نفس القيمه
الله يعينه

 

[عالمي المجنون]

اوووله واايد والله

عاد كنت ناوية اروح لهم

بس جني بهون خرعتيني

مشكورة غلاتي