تسريحه اب 100 دينار حداااا اشدعوه

[البيداء_77]

انا بصراحة مستغربة من هاللي يروحون حق ليلى هرموني حرامية اشكرة ......


ما يخافون الله على هالاسعار


والله يا بنات لو تقاطعون هالاشكال جان تسنعو وتأدبوا لاكن للاسف لاقين ناس تدفعلهم


واااااااي ادفع 100 دينار واروح البيت اغسله عقب ساعتين يااااااااا دافع البلاااااااااااااا

 

[لبيه لكن!]

اذا عروس مو خسسسآره ليلة عمرهآآ خل تقط على نفسهآ > وراها تصوير فيديو وصالة وعيون النآس خل تقط ولو ان المبلغ مبالغ فيه !

اما اذا من المعازيم لا والله حرام
وااااااااااااجد يسووون تساريح تهبببببل ورخيصه

 

[درة أهل الطولات]

بالعكس عادي خوو عروس

 

[تبطي عظم!]

اذا عروس مو مشكله حتى لو ساعتين صج المبلغ مبالغ فيه

بس مالها غير هالحل شتسوي اجل تحط عند صالون بو 10 مثلاً!!!!

بس اذا من المعازيم صعبه وماله داعي في صوالين بـ 15 وبـ 20 حلوين بس مايصلح حق عروس

 

[ذكرى]

حنان دشتي وبس انا بعرسي رحتلها سوتلي تسريحه هيفاء وهبي تيينن الناس اتخبلو علي وعلى مكياجي كان شكلي رههييييييب طلعتني غييير

 

[^ دانة الزين^]

صراحه صالون ليلى هارموني لا يعلى عليه
شغلهم اينن و نفسيتهم تهبببببل
بس صج غالي بس صراحه حق عرس قريب حيييل
انا علطول عندهم واسوي مكياج عادي و تسريحه تاخذ مني 100 او 110 بس صج شغلهم عجييييب
بس اهي خذت 100 على التسريحه يمكن لانها سبشل بس و الله حرام لان حتى المكياج عندهم عادي و سبشل و انا علطول احط العادي شحلاته يهبل 45 دينار

 

[al3sooola]

امبي والله حرام على ساعتين بمية دينار
هذي ال 100 دينار تترس الثلاجة عندنا بالبيت وتضل شهر ما تخلص هههههههههههههههههه

 

[Ms.electric]

لحظة لحظة ستوب ... الحين انا حاجزة عند رشا شيك

و دافعة 450 على اساس vip ... مكياج و تسريحة صح ؟؟

 

[انا لحبيبي .]

غالي والله ،،

 

[طـير7]

هههههههههه يحليله صالون بيادر

الشعر والمكياج بـ10

وشحلاته اللي بالجابريه جم مره رحتلهم وشحلاة شغلهم

واذا شي زايد رموش ب2دينارين وتركيب اكستنشن ب5 دنانير


يحلاة الرخص*