تزيين و تنظيم السبورة .. أحلا نقاش للمعلمات حياكم ..

[المـــــها]

الكل يعرف أهمية تنظيم السبورة و تزيينها ،، كل معلمة لها أسلوبها في تنظيم و تقسيم سبورتها ،، و كل مادة لها أسلوب معين في ااستخدام السبورة ،، و نظرا لأهمية وصول المعلومات للطلبة و نظرا لتركيز الرؤساء على سبورة المعلم ،، فتحت هالموضوع لنتناقش في كل ما يخص السبورة :ggdw:طبعا لازم نفنتق و نتفنتق بالسبورة و البطاقات عشان نرضي المقيمين من رؤساء و مديرة و موجهين ،، رغم إن قبل الأبلات يشرحون بقلم و لونين عشان نفهم:krkrkr: ،، المهم ،، مااااعلينا نرجع لموضوع حديثنا






:ggdw:مثلا أنا كمعلمة إبتدائي لمادة الرياضيات أستخدم زخارف لتزيين أطراف السبورة
و تلقونهم بمكتبة السنافر


و احط العنوان على بطاقة بنص السبورة من فوق
و عاليسار التاريخ و تحته بطاقات المفردات الجديدة
و فوق عاليمين أحط بطاقة قيمة الأسبوع
و احنا مطلوب منا نكثر بطاقات و مانكتب ع السبورة كلا بطاقات الا للحل بس
فيالله شدوا حيلكم و بادروا بالمناقشة خلونا نتبادل الأفكار و الخبرات و الآراء



و يا ريت تكون مصحوبة بالصور و أنا راح أنزل صور شغلي لعيوووونكم
بليز نبي مشاركة
:eh_s(17):





​

 

[¤§ زيتونة §¤]

هلا وغلا بالغاليه المها

اهلين بطلتج الحلوة اللي افتقدناها والله


انا سبق وحطيت صور سبورتي اذا تذكرون ووريتكم العرس اللي فيها ههههههههههههههههههه


وان شاءالله لي عودة للموضوع واتكلم فيه عن سبورتي اليومية


الله يوفق الجميع يارب ويجعله في موازين حسناتكم

 

[سينامون]

ماشالله عليج بس مشاركتج تفتح النفس
مبين عليج شطورة و سنعة و مبدعة
شوقتينا نشوف صورة سبورتج
انا بالنسبه لي ادرس انجليزي
و نوعنا و سائلنا وايد
وايد صور و وايد بطاقات
و هم في كتابة
فالوحده فينا تشيل و تحط و تمسح طول الحصه
و بالفتره الاخيره قمت استخدم داتا شو
مع الاسف ماكنت اهتم بالديكور. بس اللهم صور كرتونيه حق كل مجموعه
عشان احطلهم نجوم
اتمنى البنات يفيدونا و يعطونا افكار

 

[المـــــها]

هلا و غلا فيكم
زيتووونه فيتج حبيبتي منوووورة الموضوع حسااافه ماشفت الصور و دشيت عالموضوع مو طالعين الصور
سينامون أنا إن شاء الله بشتري داتاشوو شرايج أريح؟




يالله وينكم يامعلمات تعالوا معانا

 

[متفائله بالحياة]

هلاااا وغلاااا فيج يالمها والله فقدناج كنت متابعه لمواضيعج اللي أكثر من رائعه واستفدت منج بالميداني
الله يعطيج العافيه ياقلبي
بالنسبه لي ادرس علوم وأحب السبوره تكون منظمه ومشوقه بنفس الوقت
انا مثلج أزين اطراف السبوره بستيكرات مختلفة الاشكال والالوان تلقينها بالسنافر والاسره روووعه بصرااحه
وأسوي البسمله وعنوان الدرس وعنوان الوحده والمفردات الجديده والمفاهيم والتاريخ وعنوان الانشطه كلها تغليف حراري
هذا كله سهل علي الوقت في الكتابه بس مجرد الصقها واشيلها اذا خلصت , طبعا ولاأنسى أحط شخصيات كرتونيه من اللي يحبونها الاطفال شخصيتين ع الاكثر عشان ماتزدحم السبوره , وبهالشكل تكون سبورتي حلوه ومرتبه بدون كثرة الزينه اللي
مالها داعي .
طبعا احنا تعلمنا من الميداني ان السبوره لازم تكون جاذبه للطفل وماتكون فاضيه وهذا اللي مشيت عليه لحد ماطحت بموجهه تقول عكس هالكلام , تخيلوا تبي السبوره من غير زينه تقول مانبي نشتت انتباه الاطفال عن الدرس , باعتقادي الزينه الزايده عن اللزوم هي اللي تشتتهم , لكن اللي احنا نسويه زينه بسيطه مافيها تكلفه حيل , للأسف انا مضطره امشي على كلامها لانها تنتقد المعلمات اللي يسوون هالشي .
انتوا شرايكم ؟؟؟

 

[متفائله بالحياة]

ونسيت أقولكم أنا شريت داتا شو بصراااحه حيييييل ارتحت
طبعا مدرستنا موفره واحد بس حق كل المدرسه !!! ومستحيل تحصلينه بأي وقت, وانا لما شريته استفدت أكثر
بحيث اخذه معي بكل حصصي أعرض عليه بوربوينت وأفلام تعليميه وماأكون مجبوره أنطر أحد اخذه منه مثل مال المدرسه
انصحكم تشترون لكم حيييييل بترتاحون
وسلااااامتكم

 

[#الخشف#]

ماشاء الله فكرة الموضوع مميزه يلا نبي افكاركم ابلاتنا عشان الكل يستفيد..

والصور ان شاء الله بنزل لكم قريب

 

[المـــــها]

هلاااا وغلاااا فيج يالمها والله فقدناج كنت متابعه لمواضيعج اللي أكثر من رائعه واستفدت منج بالميداني
الله يعطيج العافيه ياقلبي
بالنسبه لي ادرس علوم وأحب السبوره تكون منظمه ومشوقه بنفس الوقت
انا مثلج أزين اطراف السبوره بستيكرات مختلفة الاشكال والالوان تلقينها بالسنافر والاسره روووعه بصرااحه
وأسوي البسمله وعنوان الدرس وعنوان الوحده والمفردات الجديده والمفاهيم والتاريخ وعنوان الانشطه كلها تغليف حراري
هذا كله سهل علي الوقت في الكتابه بس مجرد الصقها واشيلها اذا خلصت , طبعا ولاأنسى أحط شخصيات كرتونيه من اللي يحبونها الاطفال شخصيتين ع الاكثر عشان ماتزدحم السبوره , وبهالشكل تكون سبورتي حلوه ومرتبه بدون كثرة الزينه اللي
مالها داعي .
طبعا احنا تعلمنا من الميداني ان السبوره لازم تكون جاذبه للطفل وماتكون فاضيه وهذا اللي مشيت عليه لحد ماطحت بموجهه تقول عكس هالكلام , تخيلوا تبي السبوره من غير زينه تقول مانبي نشتت انتباه الاطفال عن الدرس , باعتقادي الزينه الزايده عن اللزوم هي اللي تشتتهم , لكن اللي احنا نسويه زينه بسيطه مافيها تكلفه حيل , للأسف انا مضطره امشي على كلامها لانها تنتقد المعلمات اللي يسوون هالشي .
انتوا شرايكم ؟؟؟

جزاج الله خير ع المشاركة
اي كثرة الزينه تشتت الانتباه
بصراحه أنا احب تكون السبورة مرتبة لا غير
بس شروط اللي تجي من الرؤساء و الموجهين و المدراء جذي
يعني كل واحد يقولج شي

 

[$$لامار$$]

علموني عطوني افكار مو عارفه

 

[سينامون]

هلا و غلا فيكم
زيتووونه فيتج حبيبتي منوووورة الموضوع حسااافه ماشفت الصور و دشيت عالموضوع مو طالعين الصور
سينامون أنا إن شاء الله بشتري داتاشوو شرايج أريح؟




يالله وينكم يامعلمات تعالوا معانا

والله الدات شو حلو و مريح

بس على كلام مديرتي مايصير تعتمدين عليه بروحه لازم تنويع بالوسائل


فلازم تظبطين امورج وتستعدين عدل قبل الحصه بترتيب وسائلج و تحضيرر الداتا شو لان تركيبه ياخذ وقت

و شلعته و شقلته بعد تاخذ وقت

انتي بس اول اسبوع راح اتاذين بعدين اتعلمين عالوضع


و كان في موضوع بالمنتدى وحدة من المعلمات حاطه صور جنطتها اللي تحط فيها الداتا شو

يايبه جنطة سحب وسط و مركبة الداتا شو + الموزع + السماعات مزهبتهم بحيث انها تطلع الواير مال الموزع و تركبه

و تركب اللابتوب بالوصله و تبدي عرض على طول
انا جربت طريقتها اختصرت من وقت الحصة 10 دقايق تقريبا

اذا ماني غلطانه اسمها معلمة مبدعة صج صج استفدت منها يزاها الله خير

بالنسبة لي اتوقع ان المعلمه ممكن تعتمد بس عالداتا شو مع تنويع الانشطة

 

[fri2010]

انا ادرس ثانوي اجتماعيات

لازم نقسم السبورة قسمين

قسم ثابت وقسم متحرك

بس وايد اذيه احس ما يكفي

لان ما يصير امسح القسم الثابت

احط بطاقات فيها التاريخ الملادي وعنوان الدرس والمفاهيم والانشطة واغلفهم حراري

احط بالنص حق التقسيمه فاصل على ورد

البنات عندنا على بو كبار ما يحبون شي مزخرف وحلو بس يبونا نرص المادة عالسبورة

بس عندي سؤال لسينامون ممكن تعطيني رابط تركيب الداتا شو

العام شريته ولاني وايد تأذيت في تركيبه ووقت الحصة قاعد يروح فما استعملته الا مرتين!

 

[RowTow]

و عليكم السلام و الرحمه

آنا مثلج مدرسة رياضيات للابتدائي.
آنا ما أحط زينه و لا زخارف, سواء حضر لي أحد أو ما حضر لي.
اللي أحطه بطاقات البسمله و التاريخ و المفردات و و و . أكون مصممتها بتصميم عاجبني على ورق آ فور و مغلفتها.

قبل كنت أحط صور و خرابيط عالبطاقات و لا زلت. بس حاليا قاعده أحاول أخفف مع إني للأسف أحب أحط صور.
بس هاذي وسيله تعليميه و خطأ إن تكون فيها ألوان ملفته و صور. قاعده أحاول أحط صوره صورتين بالكثير. و البطاقه أخليها لون واحد موحد مو ملونه.
و أحيانا أستعمل مثلا لون أحمر حق كل بطاقات كتاب التلميذ, و بطاقات لونها أزرق حق أسئلة التمارين.

و على فكره آنا أول سنه 3 أشهر كنت أستعمل الداتا شو بكل شغلي و رئيستي تحضرلي و عادي. حضرت الموجهه قالت تبي بطاقات مع الداتا شو. رحت بعت الداتا شو مالي و شريت طابعه و جهاز تغليف و قمت أسوي بطاقات فقط.
إرضاء الناس غايه لا تدرك, و كل ما الواحد عرف هالشي مبجر كل ما ارتاح أسرع.

على مقولتهم يبون تنويع. طيب آنا معاي الداتا و البنت تكتب و معاي الأغراض المحسوسه هاذي 3 أشياء على الأقل.
الأبلات الثانين بطاقات و البنت تكتب و الأغراض المحسوسه هم 3 أشياء.
بس سبحان الله عقول قاصره. فآنا وفرت على نفسي و نوعت حدي مثل ما اهم يبون ههه يعني شفرقت البطاقات عن الداتا. لا و شكلهم يعلمون التعليقات حق بعض لأن نفس التعليق قريته بالرد اللي فوق.

 

[PuPa^^SWeeT]

صراحة


بطاقاتي اهي زينتي


ان نفسيتي حلوة حطيت عليها نجوم و قلوب حب


ان نفسيتي تعبانة


صارت بس مسال عادية




و بالنسبة للوحة

اعتقد انه الارقام اهيا الزينة


ههههه

 

[PuPa^^SWeeT]

ما اقسم لوحتي



بس انا عارفة انه مثلا بعرض 5 تمارين



اذا اضبط خطي و ترتيب الحل بصوورة اتساعدني اني اعرض تمارين مراجعة خفيفة لها عمود واحد فقط



و بعدين كل تمرين احل فيه و احط وراه لااين متموج احلى و ارق للنظر من الخط العادي




و هكذا

لين اخلص اللوحة



و يكون يم العنوان ( و لو اني ما اطول عدل ) احط ارقام التمارين اللي بكراس التمارين

 

[omaseel]

تقدرين تحطي لوحات تشجعية للطلبة

 

[سينامون]

هذا الرابط
http://www.q8yat.com/t673041.html

ورفعت الموضوع بعد

 

[سينامون]

و عليكم السلام و الرحمه

آنا مثلج مدرسة رياضيات للابتدائي.
آنا ما أحط زينه و لا زخارف, سواء حضر لي أحد أو ما حضر لي.
اللي أحطه بطاقات البسمله و التاريخ و المفردات و و و . أكون مصممتها بتصميم عاجبني على ورق آ فور و مغلفتها.

قبل كنت أحط صور و خرابيط عالبطاقات و لا زلت. بس حاليا قاعده أحاول أخفف مع إني للأسف أحب أحط صور.
بس هاذي وسيله تعليميه و خطأ إن تكون فيها ألوان ملفته و صور. قاعده أحاول أحط صوره صورتين بالكثير. و البطاقه أخليها لون واحد موحد مو ملونه.
و أحيانا أستعمل مثلا لون أحمر حق كل بطاقات كتاب التلميذ, و بطاقات لونها أزرق حق أسئلة التمارين.

و على فكره آنا أول سنه 3 أشهر كنت أستعمل الداتا شو بكل شغلي و رئيستي تحضرلي و عادي. حضرت الموجهه قالت تبي بطاقات مع الداتا شو. رحت بعت الداتا شو مالي و شريت طابعه و جهاز تغليف و قمت أسوي بطاقات فقط.
إرضاء الناس غايه لا تدرك, و كل ما الواحد عرف هالشي مبجر كل ما ارتاح أسرع.

على مقولتهم يبون تنويع. طيب آنا معاي الداتا و البنت تكتب و معاي الأغراض المحسوسه هاذي 3 أشياء على الأقل.
الأبلات الثانين بطاقات و البنت تكتب و الأغراض المحسوسه هم 3 أشياء.
بس سبحان الله عقول قاصره. فآنا وفرت على نفسي و نوعت حدي مثل ما اهم يبون ههه يعني شفرقت البطاقات عن الداتا. لا و شكلهم يعلمون التعليقات حق بعض لأن نفس التعليق قريته بالرد اللي فوق.

وييييي قميظه ليش بعتيه
سمحيلي ماعندج سالفه
بالعس الحين صار ضرورة نصيحتي اشتري واحد ثاني و ميخالف سوي بطايق مو لشي بس عشان تترسين عينهم و مايصير عليج نقد

 

[متفائله بالحياة]

هذا الرابط
http://www.q8yat.com/t673041.html

ورفعت الموضوع بعد

يعطيج العافيه اختي , ماشاءالله عليها مرتبه
أحسن من الحوسه اللي احنا فيها كل يوم وبكل حصه

 

[ميس الورد والشوق]

ازين السبورة

ببطاقات من الواضح للعنوان الفصل والوحده والدرس والتاريخ

واحط على اطراف السبورة فراشات واحيانا ورود كلها من المكتبه للتزيين

 

[RowTow]

وييييي قميظه ليش بعتيه
سمحيلي ماعندج سالفه
بالعس الحين صار ضرورة نصيحتي اشتري واحد ثاني و ميخالف سوي بطايق مو لشي بس عشان تترسين عينهم و مايصير عليج نقد

لا حبيبتي ماكو إمكانيه. آنا عندي 3 حصص باليوم و كنت أشيل الداتا و اللاب و الموزع و دفتر التحضير اللي انتي عارفه شمتنه و الأغراض المحسوسه و جنطة الأقلام. كنت أحس إني المرأه الخارقه ههه
ما فيني حيل و لا عندي رغبه أشيل بعد بطاقات.
و غير هذا وقتج كله بالبيت تضبطين البرزنتيشن حق منهجين, مو معقوله بعد بتقعدين تضبطين بطاقات و تطبعينهم و تقصصينهم و تغلفينهم

شريت راحتي بصراحه, حيل ارتحت لما هديت الداتا :eh_s(8):