تزيين و تنظيم السبورة .. أحلا نقاش للمعلمات حياكم ..

[المشااعر]

ونسيت أقولكم أنا شريت داتا شو بصراااحه حيييييل ارتحت
طبعا مدرستنا موفره واحد بس حق كل المدرسه !!! ومستحيل تحصلينه بأي وقت, وانا لما شريته استفدت أكثر
بحيث اخذه معي بكل حصصي أعرض عليه بوربوينت وأفلام تعليميه وماأكون مجبوره أنطر أحد اخذه منه مثل مال المدرسه
انصحكم تشترون لكم حيييييل بترتاحون
وسلااااامتكم

اي نوع

وشنو ماركته مالج ؟

وبكم خذيتيه ؟؟؟



وشلون وضوحه ؟ وسهل الاستخدام او لا


؟؟

 

[ملامح بريئة]

وويه عاد انا السبورة كلها من الطالبات يضبطونلي العنوان والتاريخ والقيمة ههههه والحقائق احيانا يكتبونها لان اجتماعيات او انا ومخطط سهمي بس للاسف خطي موحلو فدايما اعتمد عالداتا شو واخلي السبورة فيها كم حقيقة واهم شي لما تدش الناظرة ماتبي اتشوف الا للقيمة التربوية والعنوان والتواريخ والخريطة لازم معلقة علشان انك اجتماعيات بغض النظر الدرس محتاجها اولا

 

[المـــــها]

عندنا بالرياضيات بكتاب التلميذ تعلم\لاحظ\استكشف\تمرن\تعبير شفهي هذيل عندي منهم بطاقات كشكل بس البنات مايدرون شفايدتهم

و إن شاء الله بسوي تغليف حراري باسم المادة:رياضيات\التاريخين\العنوان\قيمة الأسبوع\المفردات الجديدة
و زخارف ناعمه ماتشتت الانتباه

 

[هيبة ملك]

والله. انا. احب. سبورتي. حيييل..ازينها. بطاقات. البسمله. والتواريخ. والعنوان..واحط لوحه القيمه. بشكل مميز مع. صورة واحط. كل. يوم. عبارة مختلفه. او شعر او ايه قرانيه. علي. زاويه. السبورة.وازينها. بورد. او نجوم صغيره ،،انا ادرس عربي. وشغله. كثير ويبي. له. ترتيب

 

[RowTow]

عندنا بالرياضيات بكتاب التلميذ تعلم\لاحظ\استكشف\تمرن\تعبير شفهي هذيل عندي منهم بطاقات كشكل بس البنات مايدرون شفايدتهم

و إن شاء الله بسوي تغليف حراري باسم المادة:رياضيات\التاريخين\العنوان\قيمة الأسبوع\المفردات الجديدة
و زخارف ناعمه ماتشتت الانتباه

البنات ما يدرون شنو أهميتها لأنها أصلا مو موجهه لهم.
كل الخرابيط على السبوره مو حق الطالب حق الزائر اللي يدخل لج؟

 

[لوزين]

مرحبا يا ابلات


هالسبوره اللي تتكلمون عنها السبوره البيضا اللي تشرحون عليها الدرس؟
نبي صور عشان نستوعبها


التعليم تغير عن قبل!

 

[المـــــها]

مرحبا يا ابلات


هالسبوره اللي تتكلمون عنها السبوره البيضا اللي تشرحون عليها الدرس؟
نبي صور عشان نستوعبها


التعليم تغير عن قبل!

اي حبيبتي
هاذي صورتها

 

[المـــــها]

البنات ما يدرون شنو أهميتها لأنها أصلا مو موجهه لهم.
كل الخرابيط على السبوره مو حق الطالب حق الزائر اللي يدخل لج؟

اي و الله
ولا البنات شعرفهم بالتعبير الشفهي
هاذي الأساسيات لنا احنا بس للتحضير
لكن هالتفلسف على غير فايده

انا اشوف البطاقات للبسملة و العنوان و المادة و التواريخ و الأسئلة و قيمة الاسبوع و بس

 

[لوزين]

مشكور المها عالصوره



جد الله يعينكم
وجزاكم الله كل خير

 

[ablah_mariam]

العآم كنت آول سنه ويومي آشتغل ويومي بالمكتبة عشآن البطآقآت وكآن شي متعب حيل بس لمآ آشوف شكل سبورتي وقت التطبيق آو وآنآ آشرح وآرجع ورآ آستآنس فمآ بآلكم الطفل اللي ندرسه

وآنآ نوعي كل شي طبآعه بطآقآتي آطبعهم بنفسي مآ آشتري جآهز كلش حتى تعبير شفهي ولآحظ آو عبآرآت الجمع والطرح لآن آحب آكون غير عن بآقي المدرسآت كلهم نفس البطآقآت الجآهزة

آستخدم مع البطآقآت الفوآصل اللي بالجوخ مآدري شيسمونه على فرآشآت حتى العنآصر مآ آلزقهم سيدة ع اللوح لآ آشتري ورق على زري وآلزقهم بالشمع مرة سيآرآت ومرة فوآكه ... الخ وآعرضهم آسرع بدآل لآ نقعد نلزق وحده وحده ورقه جآهزه ومعلق عليهم العناصر

وشكلهآ يطلع حيل حلو ويشد البنآت خصوصآ الآبتدآئي الآبله تتعآمل مع آطفآل يتشتت آنتبآهم فلازم آجذبهم بهالسوآلف

والدآتآ شو مو يومي آستخدمه بس يعني مرتين آو 3 بالشهر وبدون بوربوينت لان عندي سي دي جآهز فيه شرح للدرس والتمآرين وذكي يتكلم فيه آنآ آكتم صوته وآشرح

 

[كارلوفي فاري]

والله يابنات ماعندي شي اضيفه على ابداعاتكم. انا عندي السبوره اول عامل لجذب الطالب واحب استغل كل شبر فيها اقسمها ثلاث اقسام. القسم الاول ببداية مراجعة اسئله مصطلح او اكملي للدرس السابق بعده تحته يكون اسئله على مدخل الدرس والقسم الثاني يكون ايضا اسئله كتقويم صفي لموضوع الحصه والجزء الاخير اكمل بعض الاسئله لتقويم الصف. وطبعا السبوره ماتخلو من الرسم والزينه وكنت احط نجمه باعلى السبوره اكتب فيها الطالبة الشاطره بحصة اليوم واكتب اسمها واقول هذي نجمة اليوم تصدقون حتى بنات ثامن يستانسون عليها
وعلى فكره البنات اخليهم يطلعون على السبوره. انا مثل ماقلت احط اسئله تقويميه خلال الدرس والاجابه الطالبة تطلع تكتب الاجابه

 

[بنت الصعران]

ماشاء الله عليكم
وينكم ابلات الاسلامية متوسط نبي همتكم
انا حيل مبتلشه بنات المتوسطه ما ادري شحط لهم واشجعهم ع السبوره ما اقدر احط شخصيات زلا فواكه بس حاطه حيلي بالورود مليت
ساعدوني

 

[{بسكوتهــ~}]

أب أب​

 

[المـــــها]

العآم كنت آول سنه ويومي آشتغل ويومي بالمكتبة عشآن البطآقآت وكآن شي متعب حيل بس لمآ آشوف شكل سبورتي وقت التطبيق آو وآنآ آشرح وآرجع ورآ آستآنس فمآ بآلكم الطفل اللي ندرسه

وآنآ نوعي كل شي طبآعه بطآقآتي آطبعهم بنفسي مآ آشتري جآهز كلش حتى تعبير شفهي ولآحظ آو عبآرآت الجمع والطرح لآن آحب آكون غير عن بآقي المدرسآت كلهم نفس البطآقآت الجآهزة

آستخدم مع البطآقآت الفوآصل اللي بالجوخ مآدري شيسمونه على فرآشآت حتى العنآصر مآ آلزقهم سيدة ع اللوح لآ آشتري ورق على زري وآلزقهم بالشمع مرة سيآرآت ومرة فوآكه ... الخ وآعرضهم آسرع بدآل لآ نقعد نلزق وحده وحده ورقه جآهزه ومعلق عليهم العناصر

وشكلهآ يطلع حيل حلو ويشد البنآت خصوصآ الآبتدآئي الآبله تتعآمل مع آطفآل يتشتت آنتبآهم فلازم آجذبهم بهالسوآلف

والدآتآ شو مو يومي آستخدمه بس يعني مرتين آو 3 بالشهر وبدون بوربوينت لان عندي سي دي جآهز فيه شرح للدرس والتمآرين وذكي يتكلم فيه آنآ آكتم صوته وآشرح

ما شاء الله عليج
من وين القى هالسي دي؟؟

 

[المـــــها]

إن شاء الله قررت بسوي تغليف حراري ل: مادة الرياضيات\البسمله\العنوان\التاريخيند\قيمة الأسبوع\المفردات الجديدة\التمارين


و ودي أصممه بنفسي بس الطباعه و التغليف بالمكتبة

و إن شاء الله بشتري زخارف ناعمه لون واحد ودي بأحمر أو برتقالي أو أخضر فاتح أو وردي يعني ألوان فرايحيه بس ساده
و بقسم السبورة 3 أقسام الاول للمراجعه و درس اليوم و الثاني للشفافيات و الثالث للمفردات الجديدة بس يكون عمود صغير
طبعا في صفوف فيها لوحه خاصة للشفافيات و هذا احسن شي

 

[¤§ زيتونة §¤]

افكار حلوة

و

مشاركات احلى




بارك الله فيكم حبايبي وعساكم عالقوة

 

[بنات حواء2]

صاجه انا بالنسبه لي احب تكون سبورتي شي حلو و ملفت للنظر و مشد للانتباه مو عشان نفسية الطالبات بس حتى نفسيت المعلمه خصوصا ان طول اليوم مجابلين هسبوره فيفضل ان احنه نهتم فيها و هي عباره عن سبورة بيضه و قابله للصق عبر المغناطيس فما يمنع ان احنه انوع في الالوان و الحركات و كل وحده و شطارتها
انا عن نفسي استقل الموضوع الي بتكلم فيه مثل اذا درسي عن الادخار اييب برينت على دنانير و ارباع و احط وراهم مغناطيس و اوزعهم على جنب السبوره
و مرات اعتمد على الفصل الي انا فيه
يعني فصل تصميم الازياء تلقيني اطبع المقصات و الابر و البكرات الملونه و ازين فيهم السبوره و اخليهم زينة سبورتي لين نخلص الفصل
لمن ندخل بفصل الغذاء و التغذيه اعلق صور الفواكه و البيض و الحركات هذي و يطلع شكل السبوره حلو
عادة استخدم السبورة كتقويم مبدئي او مايسمى بتمهيد حق درسي خصوصا لمن يكون الفصل يديد اعتمد على السبوره و زينتها كتمهيد مع طرح الاسئله
مرات اكون مجهزه فواصل الورد الي شارحه طريقة عملهم بالبيت في موضوعي المثبت و الي موجود رابطه بتوقيعي تقدرون تدشون و تستفيدون من الفكره
و سويت نفس الفكره بالضبط على شكل الكب كيك وايد صار حلو و استخدمته حق فصل الغذاء و التغذيه شكله وايد نايس و غلفتهم بتغليف الحراري عشان احافظ عليهم

انا افضل انكم تخصصون بطاقات ملونه من حجم كبير و تغلفونهم تغليف حراري و تكتبون عليهم العنوان و التاريخ و الجزئيات المهمه الي بالسبوره مثل الجزئيات او القيم او الاهداف السلوكية على حسب اختلاف الماده
بنسبه للجزئيات الثابته الي ما تتغير مثل كلمة العنوان او وحدة تدريسية مثلا او القيم و الاتاهات او الاهداف السلوكية هذي كلمات ثابته ما تحتاج تغيير مثل العنوان و التاريخ فممكن نطبعها طباعه على البطاقه و نغلفها حراري و نحطها عسبوره اما العنوان نجهزله بطاقه فاظيه و تكون حجمها كبير عشان نكتب عليها بخطنه و التاريخ نكون طابعين الفواصل مالت التاريخ و تكون هذي البطاقات جاهزه للاستخدام و بنفس الوقت توفر وقت بدال ما نكتب مجرد نلزق و نكونن كاتبين العنوان بشكل مسبق فينحط و انتهى الموضوع
و يعطيكم الف عافيه حبايبي قلبي
و شاكرتلج حبي صاحبة الموضوع موضوعج يه بوقته لفتح باب الافكار

 

[بنات حواء2]

و احب اضيف شي نسيته دايمن اسوي حق البنات لصغار خصوصا سادس مسابقه بسيطه و حلوه باستخدام السبوره و بصراحه تخلي الصف شعله
احط ورده او فراشه او تاج على جنب السبوره و اطلع منه 3 اسهم و اكتب فوقه وردة الصف او فراشة الصف او اميرة الصف و اشوف اكثر طالبه تتفاعل معاي و تشارك و منظمه اكتب اسمها يم السهم هلحركه و الله تخلي الصف شعله و بنفس الوقت تحلي السبوره و عادة احطها على الجنب اليسار فوق جربوها و قوولو ماقالت ام زنوب

 

[fri2010]

خوش فكرة ام زنوب بس اتوقعين تنفع حق بنات بالثانويه اللي ما يعجبهم العجب !

 

[طموحه بزياده]

المووضووع روووعه



انا ان شاء الله علوم ابتدائي

واول ما تبدي الدوامات راح اصور لكم سبورتي


وانا ماحب البهرجة بالسبورة والهليييييله والزحمه

سبورتي بالميداني كلمة (الوحدة-الفصل- عنوان الدرس-التاريخ- القيمة التربوية-المفردات) كلهم على بطاقات مغلفه تغليف حراري والتكملة بخط ايدي.

يمين السبورة
فوق القيمة التربويه
تحته المفردات

وسط السبورة
فوق العناوين
تحت اعرض الصور يعني مساحه اختياريه لدرسي

يسار السبورة
فوق التاريخ
تحت اسوي 5 مجموعات تشجيعية للصف مصفوفين طوليا وتحت كل مجموعه شاطره وتشارك احط نجمه ( طبعا هو فلين على شكل نجمه ملزقته بمغناطيس) وكل ما زادت عدد النجوم زاد حماس المجموعات.



حسافه ماطرا على بالي اصور سبورتي بما كنت ميداني


============


بالنسبه للداتا شوو كل الابلات يوم كنت بالميداني عندهم داتا شوو وكل وحده مرتاحه ولا منة احد صج راحه

وخصوصا احنا ابلات علوم اكثر جهاز يفيدنا هو الداتا شوو نعرض عليه صور ومقاطع فيديو صج روووعه





لي رجعه من جديد