ترضين تسوين بعيالج جذي؟؟؟ و ليش؟

[Leann]

رد : رد: ترضين تسوين بعيالج جذي؟؟؟ و ليش؟

انا اقول الحمد لله الرزق ايي من الله مو منكم
و اتمنى كل وحدة انتقدت شخصيتي من غير ما تعرفني تراجع عمرها شوي قبل ما تنتقد على غير سنع
الملافض سعد حياتي ما اعتقد ان من اللائق تسمية المسألة تفريخ محنا حيوانات
الحمد لله ما انتقدت احد على كيفي انا مجرد ابديت رايي
الدور و الباجي عليكم

حبيبتي هدي نفسج ماعتقد العضوة قصدتج شخصيا .. اهيا مجرد وجهة نظر و طرحتها
و مني بهالموضوع نتقبل جميع وجهات النظر عشان نتاقش و يصير نقاش مثري كلا الطرفين يستفيدون
و رايج و راي غيرج نتقبلهم بكل رحابة صدر و انا علقت على كلامج و اسفة اذا جرحت مشاعرج بردي مع انه مو قصدي اجرح شعور احد لكني احب الموضوع اخذ و عطا

و الاخوات ان شاء الله اعلق على ردودكم لمن ارد
بس مو ينقلب الموضوع هواش لول
​

 

[كتكوته ورديه]

الحمد الله انا اسافر فيهم ما خليهم بس الاسف بعض الحريم جذي قلبها مميت

 

[~..عـذروب خـلـي..~]

رد : ترضين تسوين بعيالج جذي؟؟؟ و ليش؟

مادري انا مع وضد ..<محايده..
اول شي طول السنه انا مجابلتهم ..شنو يعني لو خليتهم عند امي..واذا ياهل بو8 9 سنين ويفهم اكيد راح اخذه معاي..
اما الصغنونين ماراح اخذهم ...
وانا حاطتهم عند امي مو احد غريب...
وهم من الناحيه الثانيه مابي اتعب امي ام ريلي..عادي يعني ماتفرق ...فمره اخذهم ومره اخليهم ..(بس قلت لكم اذا صغار وايد ماراح اخذهم بس اذا يفهم راح اخذه)
ومادري عاد انا هذا رايي حاليا ..(ان تزوج انشالله ويبت عيال يمكن يتغير التفكير)
وثانكيو ..

 

[ScarletteO'Hara]

رد: رد : رد: ترضين تسوين بعيالج جذي؟؟؟ و ليش؟

حبيبتي هدي نفسج ماعتقد العضوة قصدتج شخصيا .. اهيا مجرد وجهة نظر و طرحتها
و مني بهالموضوع نتقبل جميع وجهات النظر عشان نتاقش و يصير نقاش مثري كلا الطرفين يستفيدون
و رايج و راي غيرج نتقبلهم بكل رحابة صدر و انا علقت على كلامج و اسفة اذا جرحت مشاعرج بردي مع انه مو قصدي اجرح شعور احد لكني احب الموضوع اخذ و عطا

و الاخوات ان شاء الله اعلق على ردودكم لمن ارد
بس مو ينقلب الموضوع هواش لول
​

لا الحمد لله شحقة هواش؟؟؟
انا ما اقصدج حياتي بالعكس اسلوبج مافيه الا كل احترام و عادي احنا مختلفين بوجهات النظر بس بيننا كل احترام
بس اقصد البنات الي الله يهداهم علقوا هلى كلامي و كتبوا كلام الله يا كافي لو عدوتهم جان ما علقوا علي جذي
يدعون المثالية بس للاسف اساليبهم ما تعكس هذا الشي
مشكورة على الموضوع حبيبتي جد بين وجهات نظر الناس المختلفة
بس اكيد المطلوب احترام وجهات النطر عشان نرتقي بحوارنا
و لازلت مصرة على رايي ما شفت رد للحين اقنعني اني غلطانة

 

[laymona]

كلامج صحيح 99% واحس يعتمد عالوضع الي اهيا فيه

يعني اذا حدها محتاجه سفره استجمام اهني تحطهم بإيد أمينة و تروح فترة صغيره

أما اذا ماكو شغل عيالها أولى

 

[UNICORNA]

حبيبتي الموضوع عادي, يعني الحين طول السنة مجابلين اليهال و صيحتهم و دراستهم, ما يستحقون الاهل بريك من كل هاللوية؟ و شنو ذنب الاهل لما يبون يسافرون و يريحون, ياخذون عيالهم معاهم, متى يريحون و انتي عارفة اليهال يبيلهم مجابل هذا غير الحنة و الرنة و روحة الحمام عزج الله, السفرة بتصيرلليهال, لازم ملاهي و دوارف هذا غير اليهال لما يعفرون بالاهل يبون العاب, منو الياهل الي بيقعد راحة بمطعم و لا كافيه؟ و غير المصاريف الزايدة الي مالها داعي, الام بتريح عمرها و لا بتركض ورا اليهال؟ بالعكس السن المناسب لسفر الياهل اهو فوق العشر سنين و انا مع ان الام تسافر بروحها و تخلي اليهال عند اهلها, الياهل بيزعل يوم يومين بس مردة بينسى, ما اعدها قاعدة لازم كل ام تلتزم فيها, بس مسألة عادية تسهل وايد امور

اوافق الراى

 

[لوازم العائلة]

رد : ترضين تسوين بعيالج جذي؟؟؟ و ليش؟

شوفي حبيبتي هالشي يعتمد كل وحده وطبيعتها وظروفها انا عندي ياهل واحد و6سنين وعندي امي وابوي وخواتي واخواني مستعدين يشيلونه ويطلعونه يعني ظروفي تسمحلي اني اسافر واخليه ومنها نجدد من الروتين ونغير جو
الياهل بهالعمر مافي حيل يمشي وكل ساعه حمام والعاب حتى المطاعم تكون على هواه يعني بنتبهدل لاوالله اقعد بديرتي واطلعه واونسه
والسفره تكون لي ولزوجي كلها جم يوم واحنا راجعين
بالنسبه لامي شكثر نحن عليها علشان تسافر ويا ابوي وللعلم اصغر واحدمن اخواني اليوم كمل18ماترضى تخلين يعني كل وحده وطبيعتها
انا اايد اودي اليهال 5ايام دبي او ديره قريبه وحلوه لكن اوربا حق هالعمر صعبه لانها فيها مشي وايد

 

[اجمل نساء 2011]

انا معاج كلامج صحيح مية بالمية شلون تنامين بمكان وولدج نايم بدولة ثانية يما انا بناتي ما ارتاح الا هم نايمين قبلي فدينهم والله كش جسمي وانا اقرا الكلام كسر خاطري الجاهل استانس واضحك وفديته ضناي وراي ما ادري هو عند جدته ولا بالشارع ولا احد قاعد يلعب مخه هذولا امانة باعناقنا حتى لو كانوا كبار

 

[كارلوفي فاري]

والله انا من وجهة نظري انه الجاهل لما يوصل لي عمر 5 سنين صعب تخليه امه فتره طويله اما بالنسبه ل8سنين حرام والله مخلينه هذا يفهم ويعرف ومن حقه السياحه انا هالسنه لما سافرت خذت ولدي الكبير وكنت محتره اني مخليه بنتي اللي عمرها 8 سنوات كان ودي تشوف مصر وتتعرف على البلدان بس ضروفي ماسمحت وهي حبيبتي سامحه لي لانها تبي تقعد عند خالتها وبنات خالها لانهم ونسوها اكثر مننا ولا قبل كنت اخذها وما اخليها لانها كبيره وتفهم حتى اخوها لما كان بعمرها كان يروح معانا

 

[pure-poison]

رد : ترضين تسوين بعيالج جذي؟؟؟ و ليش؟

الوحده اذا بغت تييب عيال لازم تكون متاكده انها قد المسئوليه وانها بتجابلهم عدل طول ما اهم جدامها مو كل ماتمت احذفتهم على اهلها وراحت جم اسبوع والا شهر!!!
ياتييب عيال وتجابلهم عدل والا لاتييب احسن
واذا على سالفة الراحه ترا يوم بالاسبوع بروحها تطلع مع ريلها يكفي وموضروري تحذفهم شهر خو شنو بتسويلهم اذا كل يوم بتكلمهم لو واحد منهم لاسمح الله استمرض او صارله شي؟

 

[White Musk]

رد: رد : ترضين تسوين بعيالج جذي؟؟؟ و ليش؟

الحمد لله اني مو من النوع الي يسافر ويهد عياله
بالعكس انا اخذهم حتى لو اهم بالاربعين ما يهمني
المهم اني وزوجي وعيالنا نكون مع بعض طو الوقت
المره الوحيدة الي سافرت بدون عيالي كانت الحج
اصلا وناستي من وناسة وفرحة عيالي
ما اقدر اتخيل نفسي وانا رايحة اوروبا سياحة وهاده عيالي
ليش مساكين
اهم شي اونسهم واستانس معاهم واعيشهم باحللا ذكرى
باجر لي كبرو راح يذكروني بالخير وبالعكس راح يكون لهم مصدر فخر ان امهم وابوهم مهتمين فيهم
حرام انا ما اضمن الدنيا فلازم اونسهم كثر ما اقدر ما كو شي يغلا على عيالي
الله يخليني لهم ويخليهم لي ويخلي لنا باباتنا يارب

 

[White Musk]

رد: رد : ترضين تسوين بعيالج جذي؟؟؟ و ليش؟

صج ان الأم عليها واااايد مسئوليات تداوم وتربي وتشرف على البيت وتدرس عيالها وتجابل زوجها
بس ممكن تاخذ من يومها لو نص ساعة تختلي فيها مع نفسها
تتنقع بالزيوت بالبانيو او تقرا مجلة وقصة
او ممكن تشترك بنادي لو ساعتين 3 مرات بالأسبوع الرياضة تريح الأعصاب وتخلص الجسم من الشحنات السلبية
واذا كلش ما قدرت تطلع
تتتيدد للصلاة وتفرش سجادتها تصلي ركعتين لربها وتقرا القران وتدعي ربها والله انها راح تشوف ان نفسيتها ارتاحت
وممكن تخلي زوجها ياخذ عيالها يطلعهم واهي تريح بالبيت او تطلع مع صديقاتها
بالعكس العيال امانة بارقابنا لو يصير لهم شي لا سمح الله واحنا بعاد عنهم راح نعاني وماراح نسامح انفسنا
سالفة اني اسافر واغير جو بعيد عنهم هذا اسميه هروب من الواقع وعدم الاحساس بالمسئولية

وهذا رايي الشخصي وقد لا يتفق مع اراء الآخرين

 

[محبوبه25]

رد : ترضين تسوين بعيالج جذي؟؟؟ و ليش؟

شوفي انا لمن سافرت وخليت اعيالي
ورديت لهم بالمطار مديت ايدي وقلت حق بنتي تعالي
بنتي قطة روحهاا قط على هذا وانا اقول فقلبي نستني
وهم ولدي قط روحه علي يااحياتي اليهال

وعيالي ليلحين مو مكملين 3 سنين بس ترا اليهال يفهمون حراام
و السفره اليايه ان شاء الله اهم راح يكونون معاي مستحيل اخليهم واسافر

واااي الياهل اللي قلتي عنه بو 8 اسنين ويبجي عوورني قلبي عليه
يعني اشدعواا عليها عالاقل اخذيه معااج ولا حرام

 

[White Musk]

رد: رد : ترضين تسوين بعيالج جذي؟؟؟ و ليش؟

والله صدقوني ترا كل شي سهالات
لا تقولون يهال وتعب وشطانة وبيبي وحليبة وممية
والله ان كل شي يتسهل من رب العالمين
بعدين خلو رياييلكم يشوفون عيالكم خل يحسون بالمسئولية خل يشوفون اشلون تتعبون معاهم
وعطوهم بالسفر فرصة انهم يتحركون شوي ويجابلون عيالهم
مومعقولة نشتغل ونتعب طول السنة ونبتعد عن عيالنا وبيوتنا وهم بالاجازات نتركهم
شوفو الاجانب ماشاء الله عيالهم معاهم بكل مكان
وترا الطفل لمن تسافرين بدون خدامة راح تحسين ان يتعود على نفسه ويتعلم امور كثيرة
تدرون ولدي بو 4 سنوات هالسنة يقول لي ماما وديني مرة ثانية معاج حق المكان الحلو الي في العاب ماما المكان وايد وايد حلو
\طبعا يقصد يورو ديزني
وبعد وديته معنا من سنتين النمسا وظل كل ما يفتح القصص يقول كان بمكان في وحدة اسما ماما ...... ركبت القطار وراحت فينا وشافت البحيرة ووكلت البط الخبز شوفو اشلون عمرة كان سنتين ولي الحين يذكر فينا وزيلامسي والبط
حرام والله حرام باجر تكبرون وتشوفون العمر اشلون بيركض بسرعة
بتقولون حسافة ما تهنينا معاهم واهم صغار ترا كل مرحلة من مراحل اعمارهم ولها نكهتها
انا قلبي يعورني لي طلعت بالليل ونامو من غير لا ابوسهم اشلون ابات بعيدة عنهم
حبايبي والله الله لا يحرمهم مني ولا يحرمني منهم ولا يحرمكم من عيالكم ولا يحرمهم منكم

 

[غــ q6r ـلا]

مادري ولا وحده من اللي حولي سافرو وخلو عيالهم

لو السفره بو 5 ايام عادي اما اكثر حرام يعورون القلب

 

[قمة^الانوووثة]

رد : ترضين تسوين بعيالج جذي؟؟؟ و ليش؟

موضوعج حلو و حساااااااس
حلو ان الزوجين يسافرون بدون عيالهم يجددون شبابهم
و العيال مو شرط 24 ساعة مع امهم و ابوهم لازم يعتمدون على نفسهم شوي بس عاد مو لدرجة الاهمال
انا ممكن اسافر مع زوجي بالكثير اسبوعين بس بشرط كل يوم اتطمن على عيالي انا ماراح اقطهم بالشارع عند امي
بنفس الوقت عيالي لهم حق انهم يسافرون و يستانسون

 

[انصاريه قمره]

انا اقول الحمد لله الرزق ايي من الله مو منكم
و اتمنى كل وحدة انتقدت شخصيتي من غير ما تعرفني تراجع عمرها شوي قبل ما تنتقد على غير سنع
الملافض سعد حياتي ما اعتقد ان من اللائق تسمية المسألة تفريخ محنا حيوانات
الحمد لله ما انتقدت احد على كيفي انا مجرد ابديت رايي
الدور و الباجي عليكم

حبيبتي انا ما قصدتج انتي شخصيااا واسفه على اسلوبي كنت حيل منفعله والانسان و معصوم من الخطأ واتمنى انج تتقبلين اسفي

 

[Leann]

رد : ترضين تسوين بعيالج جذي؟؟؟ و ليش؟

مشكورين كل البنات على ردودكم و آراءكم

white musk

حبيبتي كلامج عين العقل و انا هذا اللي كنت اقوله من البداية انه الوحدة تقدر ترفه عن روحها و تاخذ بريك بشكل دوري او يومي مو شرط انها تقطع عن العالم اسبوعين و تهد العيال و ايضا الزوج لازم يتعود انه يشارك المراة المسؤوولية لان هذولا عياله مثل ما اهمه عيالها و الله يخليلج عيالج يا رب و لا تخافين عيالج راح يذكرون فيج هالصفة .. انا اهلي عمرهم ما هدونا و احنا صغار و احنا للحين مو ناسين لهم هالجميل و كلما امي و ابوي حبوا يسافرون انا و اخواني اللي نشتري لهم التذاكر و نحجز الفندق نحاول انه نرد لهم جزء من الجميل و التعب .. ان شاء الله تعبج ما يضيع بعيون عيالج يا رب

و مشكورة اختي انصارية قمر على توضيحج للامور تسلمين حبيبني ​

 

[*سوسو ستار*]

اذا اليهال على سنه او سنتين او حتى 3 ما أيد ان الوحده تاخذهم معاها اول شي راح يكون تعب ع اليهال مشوار الطياره وتغير الجو وتغيرالاكل اللي اهم متعودين عليه وهم راح يتعب أهله معاه فأحسن شي أخليهم بأيدي أمينه والسفره حدها تكون اسبوعين وبعدين الياهل ينسى حتى ابو 7 و8 سنين انا اذكر امي لما كنت بهالعمر سافرت وخلتني عند يدتي انا واختي بجيت شوي عقبها ودتني يدتي الجمعيه و سكت

 

[مرتاحه]

انا امي متوفيه وعندي خوات اقدر اخلي اعيالي عندهم
بس لا والله ما تهنالي السفره الا معاهم
ليش اخلي غيري يبتلش فيهم
بس في ناس ما عليهم الا من وناستهم وراحتهم
والاعيال خلهم يدبرون عمرهم