واااااااي الياهل هذا دعله 8 سنوات يبجي يبي امه
عيارته بس تلقين احد مزعله و يدلعه
لا والله انا اشوف الام و الاب لازم ياخذون بريك من اليهال و يعيشون حياتهم على الاقل اسبوع مو ضروري لوية اليهال وين ما روحو معاهم يعني مرا و ريال محتاجين راحه و فترة نقاهه يجددون فيها حياتهم .. بالعكس اذا تعدلت علاقه الام بالاب بينعكس هذا على اليهال
و اهيا مو قاطتهم بالشارع ترى حاطتهم عند يدتهم يعني ماعليه شر و الي كاتبه الله بيصير
لا بالعكس انا معاها و عفيه عليها تجدد زواجها و حياتها و ترتاح نفسيتها و نفسيه ريالها
-----------------------------------------------------------------------------------------------
لا يا حبيبتي لا تظلمين الياهل
ما تعرفينه عدل
الياهل يشوف باجي اليهال ويا امهاتهم يسولفون عن سفراتهم و اهو قاعد بروحه !! ترا مو سهلة الياهل يقعد بدون ام و ابو فترة طويل
و اللي تبي تهد عيالها و تسافر لازم تفكر بثلاث نقاط اساسية
اول نقطة : نفسية الياهل ؟ لا تقولون اليهال ما يفهمون او ما يحسون ترا الياهل يتذكر و يخزن عنه شعور السعادة .. يمكن لا كبر ما يتذكر كل الاحداث بس راح يتذكر انه عاش طفولة سعيدة ويا امه و ابوه
النقطة الثانية : الاهل اللي بتهدين عندهم العيال !! ياختي الواحد بهالزمن يدوبك يشيل روحه و شلايله هالدور عيال غيره .. مو حلوة نطلف على غيرنها حتى لو اقرب الناس يعني امج و اختج ما قصروا كل وحدة عندها عيال و جابتلهم مو حلوة تكلفين عليهم
النقطة الثالثة : ما تبين تخلقين ذكريات حلوة ويا عيالج ؟ عشان لا كبروا تتذكرين و تستانسين ؟ ترا محد له خلق علة يهال .. بس سبحان الله مع العسر يسرا
و يمكن بالنهاية يستفيدون اليهال من السفرة و نفسيتج تتحسن
انا مع انه المراة تاخذ بريك ويا زوجها بس قبل كل شي لازم تحسب حساب عيالها .. و الا شحقة يايبين عيال اذا ما يهتمون فيهم .. و العشر سنين الاوائل في حياة الياهل وايد مهمة .. تتكون شخصيته بهالفترة .. لازم الام تكون قريبة منه
اشكرج على مرورج حبيبتي
