ترضين تسوين بعيالج جذي؟؟؟ و ليش؟

[Leann]

رد : رد: ترضين تسوين بعيالج جذي؟؟؟ و ليش؟

سوري يعني بس اللي ما تبي عيال ومصاريف ومسؤوليه ليش تفرخ ؟؟
وما قالواا الجنه تحت اقدام الامهات عبث ومو كل ام تستاهل هالكلمه مادري شلوون يهوون عليهم يستانسون بالعطله ويخلون عيالهم بالديره عفيهاا قلب انا ريلي يحن عالعمره امشي ونخلي البنيه عند امي امشي قلت له ابد ما اروحح بدوونها

اي بالظبط اللي مالها خلق مسؤولية المفروض ما تشيلها
منورة حبيبتي و لا تحرميني من طلتج
​

 

[Leann]

رد : ترضين تسوين بعيالج جذي؟؟؟ و ليش؟

والله الي تهد عيالها اكثر من اسبوع ماعندها سالفه


يااسافر معاهم يااقعد معاهم

ومايمنع اروح جم يوم بس بشرط مايتعدى 5 او 6 ايام


واذا كبرو مايشوفون شر وقتها يحقلي >>> عاد اذا فيني حيل لوووووووووول

ان شاء الله يكون فيج حيل حبيبتي
تدرين عاد انا امي عمرها ما هدتنا و احنا صغار و يوم سافرت اول مرة بروحها اهي و ابوي كان اصغر واحد فينا عمره ١٨ سنة و الحين كلما تبي تسافر انا و اخواني اللي نحجزلها التذاكر من فلوسنا و معاشاتنا و احنا اللي نحط لهم الفندق و نسوي لهم كللل شي
لان عرفنا شكثر ضحت يوم كبرنا و الحمدلله ما قصرت ويانا ودتنا و سفرتنا كل مكان و بكل مكان كانت تفضل وناستنا على وناستها و الحين قاعدين نرد لها اهي و ابوي جزء من المعروف

منورة بمرورج

​

 

[حوريه عسل]

رد : ترضين تسوين بعيالج جذي؟؟؟ و ليش؟

والله يكسرون الخاطر اليهال حرام ..
صج انهم يحنون و متعبين ..
بس لو تلاحظين في بنات ردت على اساس ان الام تبي فتره ترتاح فيها وتستانس
اما الصبي اللي يبجي كان هم يبي يستانس ويشوف الدنيا برا
ماكان كل تفكيره ليش امي خلتنا..
اعتقد كان في باله ليش امي تستانس بروحها ماتاخنا عشان نستانس كلنا مع بعض
والله العالم بس هم يكسرون الخاطر..

 

[كرز حالي.]

رد : ترضين تسوين بعيالج جذي؟؟؟ و ليش؟

اي عادي اخليهم عند امي واروح اجدد واغير شويه مع ريلي وارجعلهم
بعد قاعدين عند يدتهم واخوالهم اكيد بيقومون فيهم خوش قومه

 

[شهدQ]

رد : ترضين تسوين بعيالج جذي؟؟؟ و ليش؟

ان شاء الله يكون فيج حيل حبيبتي
تدرين عاد انا امي عمرها ما هدتنا و احنا صغار و يوم سافرت اول مرة بروحها اهي و ابوي كان اصغر واحد فينا عمره ١٨ سنة و الحين كلما تبي تسافر انا و اخواني اللي نحجزلها التذاكر من فلوسنا و معاشاتنا و احنا اللي نحط لهم الفندق و نسوي لهم كللل شي
لان عرفنا شكثر ضحت يوم كبرنا و الحمدلله ما قصرت ويانا ودتنا و سفرتنا كل مكان و بكل مكان كانت تفضل وناستنا على وناستها و الحين قاعدين نرد لها اهي و ابوي جزء من المعروف

منورة بمرورج

​

جزا الوالدين الجنه الله يخليها لكم يارب زين تسوي

 

[مرمووور]

رد : ترضين تسوين بعيالج جذي؟؟؟ و ليش؟

بصرااحه حراام عليهم
الجهاال يحسوون أكثر من الكباار
خآصـة الي بعمر من عشر سنيين وتحت
الله يهديهم

 

[سرقت النوم]

ماكو احد احن من الام على عيالها و ما خلتهم و راحت الا متطمنه على عيالها و بناتها ابيت امها و عند خواتها ما فيها شي اصلا
و يكفي انها مجابلتهم طول السنه و ما فيها منه عليهم لكن هم اهي تحتاج ترتاح و ريلها يحتاج يجدد الاهتمام فيها و بنفسه
مافيها شي كلش و اليهال لاحقين عالسفر و الحين امراض و خوف و التزام يعني ما تسوى ياخذون عيالهم و الخدم و يتحملون تكاليف زياده و اليهال يبيلهم ميزانيه و تعالي طلعي فيزا للخدم و حالتهم حاله

لا و الله الام و الابو ادرى بعيالهم و يامالهم من الخير بيكبرون و يسافرون كل مكان و لا شرايكم بنات ؟

 

[غَـنْـجَـى و دَلـوعْ]

لو شنووو ما أهد عيالي واااي فديتهم حياتي
جتني البجية ==> توني ما تزوجت ترى p;

بس صراحة عالم غريبة فيه ناس تعالج تبي الضنا سنيييين
و تقط كل فلوسها عشان الله يرزقهم بالعيال ..

و ناس الله يرزقهم بالعيال و مو حاسين بهالنعمة ..!!

لو بهد عيالي عشان نفسي هذي قمة الأنانية
أقدر أسافر و آخذهم معاي أستانس و أونّسهم فديتهم

و الناس يالله تحمل عيالها شكو أقط عيالي عليهم ..؟

 

[الجــادل]

رد : ترضين تسوين بعيالج جذي؟؟؟ و ليش؟

الله يعطي امي وابوي الصحه والعافيه

من يوم حنا صغار كل ما طقو ديره بعيده والا قريبه الا وحنا معاهم

ما عمرهم خلونا عند احد

جزا الوالدين على الله

 

[Spoildish]

شخصيا ماجربت اني اهد عيالي واسافر مع ريلي او مع ايا كان
وانا اشوف انه الوحده تحتاج بريك و راحه من الحنه والتعب من الصبح لي بليل بس اسبوعين وااااايد قلبي ما يطاوعني على هالمده اسبوع ممكن

 

[بسكوتة82]

انا جربت السفر بروحي ومع عيالي الله يحفظهم
وقررت ان بتكون لي سفره صغيرونه بروحي مع زوجي وسفرة طويله عقب معاهم جذي ما اظلمهم بشي صج اني افقدهم وااايد بالسفر واتبجبج على ريلي ابيييييييهم حياتي الله يخليهم لي.........
بس صراحه زوجي كله يتحلطم ويقول ابي نسافر بروحنا ومابي اليهال وكله يتهاوش ويبي يطلع من الفندق يعني على حسب نوعية الزوج اذا باله طويل اخذوا عيالكم وخدامه عشان ماتتعبين واذا مايتحمل ترا عادي تاخذون بريك وشهر عسل بروحكم وتكونين مأمنه على عيالج مثلا مشركتهم نادي او حاجزتلهم شاليه او زايده المصروف عليهم او شاريتلهم سوني المهم عندهم تعويض هذا من واقع تجربة بنات صدقوني الرياييل مو نفس رياييل قبل يعني يبون وحده رومانسية ويبون بروحهم وقت خاااص من مرته عاد انتي روحي بسرعه وردي جاك بوووم وانتي بالكويت يعني مايمدي اليهال يفقدونج الا وانتي راده والله يسخرلكل وحده زوجها يارب
وسلامتكم احس قرقت وايد لوووول

 

[خاشووقه]

اممممممممم
هالشي يعتمد على الام وثاني شي على الزوج
والياهل تتعبين عليها اصغير ترتاحين واهو كبير

 

[كسرة عود]

رد : ترضين تسوين بعيالج جذي؟؟؟ و ليش؟

انا معااااااااج

إذا بتسافر الوحده بروحها لاتتجاوز الأسبووووووووع

وتكون مأمنه عليهم حييييييييل

 

[¨(أميرة مطير)¨]

امبيه بنات شفيكم اهيا اذا سافرت بتخليهم عند اهلها عند امها وخواتها وكلكم تعرفون مكانة الخالة عند الصغار

انا اشوف مافيها شي من حق الابو والام ياخذون راحة واستجمام ويكسرون روتينهم

وعلى فكرة العيال سينما ولا الالعاب او يشتري لعبة تنسى طوايفه

وانا اخالفج بموضوع العمر اللي يصلح للسفر انا اشوف من 6 سنين وفوق اهو اللي يفهم للسفرة اصغر من جذي يستريح

هذا وجهة نظري

 

[قمر2009]

عدل كلامج

 

[ألماسهABM]

عادي حبيبتي مافيها شي إذا الوحده سافرت وخلت عيالها عند أمها

عالأقل نقاهه برا الديره مع الزوج والعيال عند يدتهم وأهلهم برا مسافرين ---،

اللي مو عادي إن الأم إذا رجعت من الدوام نااامت واليهال عند الخدم طبعا بعدين

تقعد وتروح : الصالون / عرس / زوارة والده / ملجه /

السوق / مطعم مع الزوج أو الصديقات / .... إلخ ،

وعقب ترد تلقى العيال نايمين تبوسهم وتنام ، ويتكرر هالروتين القاتل بالنسبه للعيال ،،،

حبيبتي الإهمال اهو اللي يعور القلب مو السفر يوم أو اسبوعين ،

عاد بالعكس الياهل بهالفتره يفج شوي عن أمه ويعتمد على نفسه شوي ويكون شخصيته بعدين قاعد عند يدته يعني أمه الثانيه ،

واسم الله على عيال الكل ترا لازم الأم تسافر مع زوجها بدون اليهال تغيير جو شوي

يعني كل 3سنين مره ، مو كل سنه مره مرتين !!!!

------------

تقبلي رايي ومروري .

*****

 

[jojowa]

واي يا حلات حنتهم بالسفر و اهواشهم مع بعض و بجيهم على كل شي ولازم نسويلهم الي يبونه او يقلبون السفرة على راسنا ,,,وكل شوي حمام لا ولمن تكونين يم الحمام ما يبون يروحون بس نبعد عنه تييلهم الحصرة ,,,,و تحلطمهم بالسوق ما يحبون يتسوقون و لازم بس نوديهم اماكن الالعاب يوميا و هم ما يشبعون ,,,,كل هذا وهم لازم آخذهم معاي لو شنو ما نسافر انا وي زوجي بروحنا مايرضى نخليهم سواء اوروبا او دول قريبه معانا معانا ,,, من اهم صغار بالاشهر آخذهم معاي بس الي صج يقهر انهم ما يتذكرون كل بس يشوفون الصور و يقولون احنا متى رحنا و سافرنا ,,,بس الحين اسم الله عليهم كبروا شوي و قاموا يعرفون و يفهمون وهذا اهم عمر لازم ما نخليهم فيه الي يكونون تحت ال 10 سنوات لانهم يكونون وايد محتاجين امهم و ابوهم و ماراح يحسون بالامان الا معاهم ,,,حتى لو عند امج و ابوج مهما يحبونهم ولا يجابلونهم ماراح يعوضون غيابج انتي و ابوهم ,,,

 

[ScarletteO'Hara]

سوري يعني بس اللي ما تبي عيال ومصاريف ومسؤوليه ليش تفرخ ؟؟
وما قالواا الجنه تحت اقدام الامهات عبث ومو كل ام تستاهل هالكلمه مادري شلوون يهوون عليهم يستانسون بالعطله ويخلون عيالهم بالديره عفيهاا قلب انا ريلي يحن عالعمره امشي ونخلي البنيه عند امي امشي قلت له ابد ما اروحح بدوونها

انا اقول الحمد لله الرزق ايي من الله مو منكم
و اتمنى كل وحدة انتقدت شخصيتي من غير ما تعرفني تراجع عمرها شوي قبل ما تنتقد على غير سنع
الملافض سعد حياتي ما اعتقد ان من اللائق تسمية المسألة تفريخ محنا حيوانات
الحمد لله ما انتقدت احد على كيفي انا مجرد ابديت رايي
الدور و الباجي عليكم

 

[الدلال]

لو شنو ما اهد عيالي

عيالي طبعهم حنااانييين من قلب وودج تقطين نفسج من الطياره من كثر حنتهم بس لو شنو ما اخليهم واسافر

احس وناستي من وناستهم حتى لو طفرووني

شنو تسوى علي اهد عيالي وباجر من كثر قهرهم ولا حرتهم يصير فيهم شي

وحده تصير لنا هدت بنتها وسافرت مع الابو والبنت من كثر ماهي قامته حرتها وحاطتها بقلبها صار معاها سكري اطفال

والام للحين تعاتب نفسها لان البنت من وصلت الام حتى كلمه ماكلمتها وضعفانه وويها اصفر ومن ودتها الام سوت لها فحوصات قالها الطبيب معاها سكر اطفال

 

[الدلال]

ونسيت اقول اني اذا كلش كلش بسافر بروحي مع الابو اروح الصبح وارجع بالليل مثل البحرين ولا دبي ولا الخبر بس ابداا ما اخليهم ينامون الا وانا عندهم مع ان امي شكثر تحن علي اخليهم عندها وحييل يحبوونها وعيالي الله يحفظهم كبار 11 سنه و7 سنوات بس من يوم كانوا بالاشهر ما اهدهم واخذهم معاي , شعاري بالحياة وناستي ما تكمل الا بوجود عيالي