ترجاني اطلع من بيتهم :(((

[dectora 7elwa]

كلامه كبير
وماينسكت عنه
بس اذا اهلج عرفوا حطي فبالج ماراح يخلونج تردين له
خصوصا ان هوبروحه يبي هالشي
الله يصلح الحال
وعمج قوليله كلشي بالتفصيل

 

[سكارلت]

شوفي بقولج تجربة اختي كانت ترضي زوجها وتطيعه بكل شي واربع عشرين ساعة كاشخة للرجال وهي كل الصفات الحلوة
فيها جمال ومال وعلم وشهادة وادب واخلاق ومع هذا مابين بعينه كل يوم يسوي هوشة بدون سبب ويقولها انقلعي لأهلج وهي ساكتة وماترد عليه وتتحمل طول لسانه ومشاكله وبس يطلع تقعد تبجي لين على يوم وصلها هي وعيالها لبيتنا وبس دخلوا البيت دق عليها وقالها خلاص لاترجعين ما ابيج وزين افتكيت منج وكان بأول 3 ايام يدز لها مسجات يحرها وانه الحين ارتاح منها ومن هم الجهال وهي مطنشة .وقعدوا على هالحال 3 اسابيع لين حس الرجال من نفسه انه غلطان وكان يدق عليها باليوم عشرين مرة وهي ماترد ويدز لها مسجات يترجاها ترجع وانه يحبها ويحب الجهال ومايبي فرقاهم اختي طنشت وكانت تطلع هي وعيالها وتستانس ولا عليها منه لين جا هو بنفسه للبيت وحب راس ابوي وطلب منه يتدخل ويقنعها ترجع!!
ورجعت وهي رافعة راسها فوووووووق وجاب لها الهدية السنعة . زبدة الهرج الرياجيل مايبين بعينهم وكل ما اهتميتي للرجال
كل ما احتقرج وكل ما طنشتيه لحقج احقري الرجال وطنشيه خل يعرف ان لج قيمة مو تسترخصين نفسج
وتبينين انج محتاجة له هذا واحد مايستحي يمد ايده عليج ويطعنج بشرفج!! نصيحة لا ترجعين
الا بشرووووط انتي تحددينها والله يوفقج ويريح بالج

 

[mysterious sea]

الله يهديهـ لج ,

 

[So MuCh PaIn]

هذا اكيد شايف له شوفه وكلٍ يرى الناس بعين طبعه لانه يكلم يتهمج بنفس الشي الله يعينج و يفرجها عليج

صج في رياييل ما عليهم حسافه

 

[لآ بيرلآ]

دخلي رياييل بالسالفه !!!!!!!!!!!!!!!! @@
شناااااااااااااااطره ؟؟؟؟؟؟؟؟؟

قولي حق اخوانج !!!
اي شي شالسالفه يتهم شرفج ويمد ايده
ولا بعد ياريت على سنع
اهوو الغلطان
وهم فوق هدا طاردج من بيتج بـــيتج !!!! @@
مو من صجه :/

استغفر الله ياربي يهالناس
مابي احط بذمتي
بس يمكن شايفله شوفه؟
او انه مسحور
مادري لان مستحيل يتغير فجأه جذي!!
اوكي تصير هوشات بين المتزوجين بس هاذي المرحله خطيره اللي قاعدين تمرون فيها

اسمحيلي بس تطلعين صج صج صج غــــــــبـــــــيــــــــه اذا
ما قلتي حق اهلج واخوانج
قوليلهم كل شي
انتي صج مراه
بس عندج اهل و سند
وهاذي فايدتهم وقت حاجتهم !!


الله يعينج صراحه شي يغث

معاها بكل كلمة :eh_s(4):
لو يقولج روحي بيت اهلج و بس! جان بلعناها و قلنالج تحملي اخرته بيحس

بس !!!!
يمد ايده ! و يطعنج بشرفج !!!!! سوري هذي ما ينسكت عنها !!!!
خوفج باجر لمن اهلج يدرون انج ياية عشان اهوا ما يبيج منو عاد بيفهمهم انه طاعنج بشرفج و طاقج و حالتج حالة ؟ و خوفج اذا كلش ماكو ضمير يقول جذابة و تألف اهيا اللي طالعة و اهيا شايفتلها شوفة !!! عادي جدا اتوقع ريلج ممكن توصل فيه المواصيل لهالدرجة لان الريال ما يطرد مرته من بيتها !!!! :rgewrg: الله يعينج و يصبر قلبج بس فكري صح و هدي نفسج حبيبتي جد الله يعينج :yaaaaaarb:

 

[ليدي اكتوبر]

لاتصير الهوشات بينكم ع شان فلوس عشان لايصير له عذر
وترى ماتسوى
اما ع طاري ذلفي فيه سر بالموضووع والله
ولاتردين الا من تطلع عيووووووووووووووووووووووووووووووووووووووووووونه

 

[أم@الحلوين]

اكيييييييييييد عنده شي ووحده فاره مخه عليييج
لا تردليله وخلي اهلج يوقفونه عند حده والله يهديه يارب

 

[ابدا يالغالي مانساك]

الزم ماعلي الانسااااااان
كررررررررامته والا الرررجال
كلياااااااتهم مثل مثل
ليه اتهينين نفسج اكثر من كذا عززي حاااااااالج
شوي
خليه يحس بمقدارج وعزة نفسج وكرااااااامتج

 

[كويتية بروما]

قولي لاخوانج
كلامه جايد
قطيعه كلامهم الراييل يغث

 

[مزاجي حب]

قولي لاهلج شتنطرين ...دام وصلت لشرفج لاتسامحينه وتمي عند اهلج ليما يخيس وقولي لامج عن كل شي واهلج اكيد مابيرضون

 

[ناتشوو]

شوفي امج
قولي لها كل شي
ابوج واخوانج
مو الحين خاصة سالفة تصرفين على واحد( مع اني اتوقع قالها من باب الوقاحة مو قصده انج فعلا تسوينها)
وبليزلا تدزين مسجات لا عتب ولا اشفيك
صمت تام
شوفي شنو بيسوي
وعلى اساسه تتصرفين بس
ضروري تطلعين كلامه من عيونه
الله يهديه ويسخره لج

 

[تعبت اداري...~]

الله يكون بعونج ويصبرج ويهديه

 

[هذا مزاجي]

لاحولـ ولا قوة الا بالله
اول شيـ زوججـ واضحـ انه شايفـ غيرجـ
تلقينـ وحدهـ منـ بناتـ ابليسـ لافهـ عليهـ
عسى الله لايوفقها قولو اميييينـ
ثانيـ شيـ حبيبتيـ هذا قاعد يهينجـ وينـ كرامتجـ ياقلبيـ
تكفينـ لازمـ الرجالـ يتدخلونـ بالسالفه انتيـ مو لعبه
حسبنا الله ونعمـ الوكيلـ

 

[هيبة ملك]

خليج ببيت اهلج أحسن وخبري امج بالموضوع كله

وسكرب جهازج ولاتردين عليه أو على حد من صوبه

يبيج يدل بيتكم

 

[جوري 2007]

اخر شي قاللي اكيد اتعرفين واحد و ماسك عليج ممسك و يهددج و تدفعينله !!!!!!!!!

هالجمله بروحها داهيه

 

[العز انا]

زوجك يعرف احد غيررررك واضحه السالفه والله يهديه الا الشرف ما يتهم فيه$$

 

[رواضي قطر]

يعني انسااان مايستااهل يتهمك بشررفك وويثولك لفي بيت اهلك
يعني لازم ادخلين اهلك بالموووضوع ويقفوونه عند حده

 

[رواضي قطر]

احين كثررري استغفار وقياام الليل ودعاااء والله يهدي بالك ويصلح حالك

 

[غلاي 89]

يقولج مابيج عفتج وتبين تردين ؟!!؟!؟!؟!؟
لااااااااااااااازم تدخلين ريايل فالموضوع خل يكلمونه ما تشتغلين عنده انتي !!

الله يحفظ عيالج
والله شكله اهوه اللي شايف له شوفه ومو عارف شلون يوصل لج السالفة

 

[جروح ودموع]

حسبي الله ونعم الوكيل وصلت للشرف ؟؟؟؟؟؟؟؟؟؟ الله يهديه ويسخره لج امين بس انتي عزي نفسج ولا ترخصينها عشان يتادب ويعرف قدرج وكلمي الوالد واخوانج احسن خلهم يتفاهمون معاه يشوفون اشسالفته اشفيه مستخف جذي والله يفرج همج يارب