ترجاني اطلع من بيتهم :(((

[دلــــــــــع!]

والله اني انغثيت ع سااالفتج
وربي قهر وشي يبط الجبد
اهم شي كرررامتج ديري بالج
ترا الرجال مايحب المرأه الضعيفه
اللي اي احد يغلط عليها ويتهمها
خصوصاً بشرفها وتسكت وتصير مسكيينه
لو انا منج ادخل ابوي وخواني بالسالفه
هذا مو بس اهانج هذا أهان ابوج واهلج
انهم ما عرفوا يربون صج وقح ومتخلف

الله يفرج كربتج ياارب ويحل مشكلتج
ويأخذلج حقج من كل ظاللم اللهم أمييين

 

[NODA 2]

خل اقولج شي وهذي تجربتي مو تجربت احد
تدرين ساعات يصير خلاف بين الريال والمره ونفس الشي صار بيني وبين ريلي اختلفنا علي شغله عصب علي وقالي روحي بيت اهلج انا بريح اعصابي في البيت طبعا خذيت عيالي ورحت بس طبعا مو اسابيع لاء كنت اطلع الصبح وارد بليل والثاني يوم اطنش عادي
وصار هم خلاف مره الثانيه سويت نفس المره الاولي وطنشت بعدها و هم صار خلاف سويت نفس الشي بس لما رحت بيت اهلي ما كنت ابي اقول حق امي وكنت يومتها حدي متضايقه دقيت علي اخوي العود قتله السالفه من الالف لي اليائ
قتله قوله اذا قالها المره اليايه قوله اني راح اطلع من البيت وانا معاي ورقتي يعني ينسي يشوف ويهي ولا يشوف عياله
من يومتها ولا كرر هاالكلمه الملقيه فا نصيحه الحجي الي قاله ريلج يبيله رياييل لا تنزلين من نفسج اكثر من جذي

 

[غنوة ستايل]

اسلوبه حقير اخاف يطفشج يبي منج فلوس ؟؟

 

[..~Goolz]

حسبي الله عليه ونعم الوكيل
ريلج ما فيه لا مروه ولا رجوله اسمحي لي

انت غلطانه ليه تسكتين
ردي عليه خليه يصحى من نومته >ريلج نايم بالعسل ويشوف الغلاطه فيج ويتهمج بشرفج

ماادري بشنو انصحج فيه بس قولي لامج كل شي خليها توجهج لصح

ربي ييسر لج

 

[ام ميميتو]

شنو مل لعب يهال هو هذا زواج و لعبه اذا اهله سألو قوليلهم الصج انتي مو غلطانه هو غلطان و الغلط راكبه من ساسه لي راسه الله يعينج و يكون بعونج حبيبتي

 

[بقــآيآ جـروح]

مآآعـــــــــــــــــــــليه حسوفه
هجي بعمــــــــــــــرج آي آحسآآس بتحسينه
لا رديتي لوآآحد يقولج سنه
وآنآ آطردج وآقول لج مآآبيج لو شنو مآآ آرد له
لقى له سآآلفه عشآآن المشآآكل قال آتهمهآآ بشرفهآآآ
عشآآن تروح لهلهآآآ ​

 

[كلي فرح]

لاحول ولا قوة الا بالله
شنو أقولك ياقلبي
الله يعيننا ويعينك
صاجين البنات مشكلة الرجال لما مايحسون بالنعمة
ولما نتمسك بيتنا وحياتنا ونتغاضى يشوفونها ضعف
بالعكس هذي قمة القوة لاننا نتحمل اللي مايتحملونه هم
انتي جتك الحين فرصة استغليها
وطلعي كل اللي عندك
بس اهمس لك لا تتوقعين تغيرات كثيرة
لان نوعية زوجي وزوجك
قلووووووبهم قاسية للاسف
ومايعرفون للمحبة طريق

 

[ملح الدنيآ.]

كلشي ولا الشرف قولي حق اهلج ..

 

[منو انت]

اللـه يعينج بس صدقيني قعدتج في بيت اهلج فتره راح تكون حل منها ترتاحيين ومنها يشتاق حق العيال ويعرف قيمتج بس طبعا لاتردين قبل ماتخلينه يندم على انه تكلم بشرفج لان شي مو بسيط مرته وام عياله وبينكم عشره 7 سنين وبااالاخير يقول هالكلام الله يكتب لج الخيره ان شاءالله

 

[ميااااار]

زوووجك اسسمحيلي حقييير

شنووو تعرفين واحد وتعطينه فلوووس !!!!!!!!!!! مووصاحي

يتهمك بشرفك وعااادي عندك كلمي ابوك او اخوك او اححد عااقل يعرف يتصرف بحكممه

انا لو مكانك اكلم امه او ابوه واعلمهم بسوالفه قسسم مايستاهل دقيقه من حياتك

 

[استغفر الله1]

حبيبتي اقري سورة البقرة واستغفري ةاجد ان شء الله ربج بيحلها يمكن عين ولا نفس الله يهدي لج

 

[زايد حلاها500]

انا من رايي انتي شوفي نفسك شنو تبين اذا ودك تردين بيتك بعد ماتعطينه درس قاسي قولي حق ابوه وطنشي اتصالاته ولاتدخلين اهلك بالسالفه اختاري واحد بس من اخوانك وخبريه عشان يكون عنده علم بالموضوع لان امك وابوك ابد ماراح ينسونها له طول عمره وراح يكرهون حتى عيالك بسبته وسبة فعايله ومابتخلصين من الشرهات والانتقادات والنغزات وبتصيرين بين ناره ونارهم وبتنضغطين طول عمرك
وذا خلاص ماتقدرين تردين له وهو مايبي يردك ومضبط وضعه وشايف له شوفه وقرارك مابتردين عنه خبري اهلك يوقفون معك وخذي حقك وحق عيالك من عيونه ومادام بايع يتحمل اختياره وعيشي حياتك مثل ماتبين
بس وانتي تفكرين احسبي حساب عيالك بالقرار مو بس نفسك وهل بتتحملين تشوفينهم ينقصهم وجود ابو معهم ولا لا ...واخذي وقتك هو فكر وقرر وجلس سنه كامله ينفذ وانتي لاتستعجلين والله يوجهك للخير محل ماتكوننين.

 

[توتو_الحلوة]

حبيبتي الصراحة المفروض ما تطلعي من البيت المفروض تحكيلوا هاد بيتي انت اللي تطلع برة مو انا المرة ما تطلع من بيتها هو الرجال هو اللي يطلع


وبعدين لاحظي على زوجك قال انا مو طايقك صارلي سنة ليش ؟ ماحاولتي تسألي نفسك هالسؤال اكيد صاير شي او متغيره عليه وزوجك مو عاجلة لازم تعرفي السبب وتصلحيه والله يعينك



ونصيحة لا ترجعي هلأ على بيتك خلي الأمور تهدى وابعدوا عن بعض شوي الحياة الزوجية بدها ااستراااااااااحة

 

[اميره1980]

هذا شكلة يبي يعرس عليج بس مو عارف شلون و يبي يجيبها نفس البيت بعد لان ما عنده فلوس يسكنها بره و يبيج تطلعين و يحطها مكانج واااااضحة السالفة
و فوق هذا قاعد يتهمج بشرفج
ما يبيلها كلام
دخلي رجال بالسالفة اخوانج و ابوج و لازم اهله يدرون
هذا ما يجي و يتسنع الا بالفضايح

 

[نـعـومـه]

اذا عمج قال قوليله ولدك مايبيني وقوليله اللي يسويه

 

[عيش و مرق]

موضوعج لازم اهلج يدرون عنه ومو فى كل حال المره ماتطلع من بيتها ماتطلع اذا شايفه شي على زوجها وبتسامحه من كيفها مو اهو اشكره يقولها طلعى مو بالعج لاوالله مانى ملزومه انشب ابحلجه واهو مايبينى

الى مايبينى مابيه مالت على علمى اهلج وخل يتفاعمون معاه ويشوفون شيبيى بالضبط وخلى النفوس تهدى بعد

 

[ثلجه]

مشكوريين اللي ردو ماقصرتو

امس وانا في الدوام دزلي مسجات قلوب حب وويوه تبجي و ردي البيت البيت مايسوى بدونكم

طبعا انا حاقرته و اهو حاط صور الشيطان ان الله يلعنه يبي يخرب بينه و هم حقرت تم قتره يدزز و يدزز و انا حااااااااقره

اخر شي دق علي و شلته من خامس رنه قاللي ليلحين زعلانه ؟؟ انا ابيكم ترجعون البيت تعالو عالغدا و انا الكلام اللي قلته مو

قاصده و انا عندي ضغوطات عشان جذي قمت اقط حجي مو مثمنه !! و انتي نرفزتيني باسلوبج عشان جذي رديت عليج كلشي اي

اي ,, بس انا مارضيت ارد قتله انت طردتني و اتهمتني بشرفي مابينا كلام بالتلفون تعال بيت اهلي و تفاهم بس مارضى ايي

وسألني اهلج يدرون قتله لا بس قريب يعرفون ..

بنات انا ريلي مريض فيه القلب و فيه سكر و ضغط و عنده ظروف حيييييييييييل قويه .. امي تقوللي عذريه انا قتلها بس ماقتلها

اتهامه خفت صراحه , و على سالفة مدة الايد اهو ما مد ايده على هالسالفه قبل جم يوم تهاوشنا و انا طولت لساني عليه و مده

علي مابي ادخل اهلي لانه متحسف واذا رديت بتم بغرفة اليهال

 

[Pippa]

يقولج ذلفي بيت اهلج و كل ما ارد القاج مليت !! لا هذي تهون هذا قاعد يتهمج بشرفج !!!!! و مد ايده عليج

شناطره ليش ما تقولين حق اهلج !!

باجر بعد يقولج هذول مو عيالي شوفي من منو يايبتهم !!!!

’

اي والله ..,,!!

حسبي الله ونعم الوكيل .,!​

 

[* بنت المطر *]

حبيبتي انا نفسج ويمكن اجود منج بس ترا انتي بالسنه السابعه !! وهذي سنه كبيسه اغلب الدراسات قالت ان اغلب

الطلاق يصير بالسنه السابعه يعني مثل الحفره ان عديتيها نجيتي حاولي تصبرين عليه هالسنه وان ماتعدل بعد شتسوين

ولي متى تصبرين ! والله يعينج ويعينا