تربيه العيال صارت صعبه شلون تربون عيالكم!!

[فيونكه حمره]

حبيت اطرح هلموضوع عشان يصير نقاش بينا

انا وحده مو متزوجه بس وايد افكر بهلموضوع احس تربيه العيال صارت صعبه مو نفس قبل بهذا الوقت

مشاكلهم زادت وهمهم زاد ساعات اقكر اذا الله كتب وتزوجت ودي اقعد فتره ماايب عيال الا اذا استعديت لهم

يبيلهم مجابل واحس لو وقتها صار عندي عيال لازم اتنازل عن الوظيفه ووايد اشياء واجابلهم

بتقولين توج لاتستعيلين بالتفكير

بس بصراحه اشوف من اهلي والي يصورلي العيال من اهما صغار يبيلهم مجابل واذا كبرو ووصلو ليه مرحله المراهقه هاذي بروحها مشكله الاهل يربون ويتعبون واخر شي لازم واحد من العايله ينحرف شوي بهلفتره

داييم اسأل امي شلون ربيتينا كلنا

شلون تقدرين تربين عيالج بانج تخلينهم يحبون بعض ولا يمدون ايدنهم على بعض ماشالله على عيال الاجانب

حتى سب او كلمه مو حلوه ماتطلع منهم طبعا انا مااعم على الكل

همن انا اشوف ناس تربي عيالها عدل وااقصد بانها تربي عيالها يعني ماشالله تشوفين عليهم الاحترام والشطاره ووايد صفات حلوه

اذكر مره كنت معه يهال قعدت اوزع عليهم حلاو كلهم خذو الا واحد وقف وقالي امي اتقولي ماتاكل حلاو بليل معه انه امه ماكانت موجوده قلت ماشالله عليه وبنفس الوقت قلت حرام نحرم اليهال من شي يحبونه


شلون تقدرون تربون عيالكم من غير ماتشدون عليهم ولا ترخون

كلمونا عن الاشياء الي عودتوها عليهم بتربيتهم ؟


الموضوع فيه كلام وايد على بعض بس تهمني مشاركتكم ورايكم ؟

 

[نيبروو]

رد : تربيه العيال صارت صعبه شلون تربون عيالكم!!

حبيبتي فيونكه موضوعج وايد حلو وشدني بصراااحه
صاااجه صعب بالزمن هذا تربيه العيااال لان مو بس انتي اتربين المدرسه بصوب وهالفضااائيات بصوب وحتي زواره الاهل وحتي الجد والجده مومثل اول الحين اليده صغيره بالسن مومثل اول
يعني الزمن اهو الي قاااعد يربي عيااالنا ترا مواحنا <<آنا مااقول الاالله يصلحهم



مثلا آنا ضد المبايل بإيد الولد الي عمره 7 سنوات بس ولدي يقول لي كل ربعي عندهم ،،،،شرد عليه ؟؟؟اذا عطيته اكون موراضيه عن هالشئ ،،واذا ماعطيته راح يحس اانه غير عنهم !!الواحد شنو يسوي بهالحاله ؟؟؟


:e3:​

 

[غلاي عزوزي]

حطيتي ايدج عالجرح


انا ولدي ماعرفت اربيه عدل دلعته علي بو انه الوحيد
الحين مايحترمني ولايرد علي وكله يعاند ويسب وماعندي الا اصرخ وازفه لاني اعصب وماتحمل هالاشياء



ياحلات قبل البيت العود مافي لانت لاالعاب بي اس بي وقيم بوي وخرابيط

كل شي بسيط
مافي يمه ابي موبايل نفس ربعي ابي الماركه الفلانيه ابي ايفون ايبود ابي ابي ابي الخ مانخلص

اتذكر انه قبل كل وحده تييب 8 او 9 يهال يربون تحتها يلعبون بالحوش ملابسهم بسيطه الاكل اكل بيت مو فاست فود الحين اندور ونحاتي اللبس والماركات ومنو الاكشخ

قبل من عيد لي عيد امي تشتريلي باربي وافرح فيها واحافظ عليها موت الحين ولدي عنده غرفه متروسه العاب حتي الزحلاقيه والديرفه فيها همن مو عاجبه ويكسرهم مايحافظ


اخر الزمن اهو الي تغير وغير هالناس والا قبل البساطه والعيشه المتواضعه ربت رياييل مو الحين يقولج الولد ليش ادرس واتعب عمري ابوي مدلعني السياره والسايق من صغره الموبايل المعاش الشهري الماركات واحث الابتوبات والخ ليش اتعب وادرس واتوضع
اصلا عيال هالوقت مايحسون بقيمة الفلوس وانها نعمه نحافظ عليها شوفيهم بالمجمعات والشوارع صايعيين ضايعيين

شقول شحجي خليها علي الله حتي الي اتعبت علي عيالها بهالوقت وربتهم اييلهم ولد ابليس يخرب اخلاقهم والمدرسه حدث بلا حرج اشكال وبيئات مختلفه

 

[نيبروو]

رد : رد: تربيه العيال صارت صعبه شلون تربون عيالكم!!

اي والله غلاي حبيبتي صاااجه بكل كلمه قلتيها
وترا حتي احنا الحين ،،ماتلاحظين ان ماعندنا وقت ؟؟؟؟كل انقول بعدين وبعدين !!!انزين لين متي ؟؟؟؟

ياااربي على مشاااغل هالدنيااا والصراحه العيااال كل واحد يبيله وقت خااااص فيه مايصير كلهم اتجمهيتهم وتخلصين مشااااغلهم ،،،وتشوفين شنو يبي وشنو نفسيته وعلى ماتقنعينه >>مع ان بالزمن اهو يقنعج ويسكتج بعد ​

 

[ms-daal3]

رد : تربيه العيال صارت صعبه شلون تربون عيالكم!!

اي والله صاجين البنات
بس الله يستر على عيالنا من بلاوي هالدنيا ويحفظهم ويصلحهم

 

[ام دودو المزيونه]

الحمدالله علي كل حال بس خواتي الزمن ما يوقف ومصيره يتغير والعيب مو من الزمن العيب منا انزين ليش اعيال الأجانب والعرب الوافدين تربيتهم غير عن اعيالنا اغلبهم اذا مو كلهم متفوقين بالدراسه هالشيئ لاحظته من زميلات بنتي بالمدرسه ثلاث ارباع الصف عرب يشرحون الدرس للأبله وبنتي مثل المسبها ترسم علي الكرسي بنت وورد لا وتحط توقيعها علي الكرسي وبالها مو مع الأبله وما اشوفهم يعفرون علي اهلهم بالسوق مثل اعيالنا يمشي يم امه بأدب وماله حس
انا يوم خذيت ولدي السوق ابروحه معاي بدون اخته علي ابو اني اقدر عليه عمره 3ونص المهم لازم يضيع مني فجأه واقعد ادوره وسط الملابس والعامل يدور معاي والله بغيت ابلغ عليه الشرطه بالأفنيوز بالأخير بعد 5 دقايق حرق اعصابي طلع من المخبأ السري مندعس وسط الهدوم ويسمعني وما يرد ويقول
انا زعلان منج وما اتكلمج ليش ما شريتي لي العاب
واحنا تونا شارين لعبه من 10 دقايق ومعطيته نصايح بالسياره وكل يقول لي ok لا ومره يقول ما ادري ليش انا اقول ok بعدين اسوي غلط
هذيل اعيالنا كل شيئ متوفر لهم وهم يزعلون مو عاجبهم

 

[استعجلت الرحيل]

رد : تربيه العيال صارت صعبه شلون تربون عيالكم!!

التربيه صعبه حيل والله يعينا على تربيتهم اسم الله عليهم 3 وذابحيني

والمشكله يفهمون اكثر مني ومنج

 

[ريوومة 1982]

اي و الله التربيه صج صارت صعبه

عشان جذي الوحده لازم ما تكثر من اليهال لان التعب كله علينا

 

[غلا فهد]

امبلة انا تعبت وا نبط راسي بس اصارخ علي عيالي اهم اسمالله عليهم ورا بعض بنات جد انا وحدة ماامسك اعصابي علي طول طق وطراقات بعيالي غير الصراخ عليهم المشكلة اشصار قعدو يردون علي بصراخ وطق انا اللحين ابي حل لمشكلتي والله مااقدرلهم تعبت نفسيتي المشكلة اكبرهم بنتي ام 5سنوات الله يعين ادعولي بنات الله يخليكم حااااااااسة بضياع ابي احد يساعدني ودي علي المصريات الكبار اللي يسمونهم داية تربي معاي بس الناس شتقووووول حق الطنازة علي

 

[فيونكه حمره]

غلا فهد حبيبتي حاولي تمسكين روحج الطق عمره مافاد بشي

 

[-الزين-]

يا ويلللللللللللللللي انا شقول ضيييييييييم ؟؟؟؟؟؟؟؟؟؟؟ظظ

 

[الرياش]

اخ بس الله يعينا والا ولدي زبوط النقعه توه عمره 7 سنين يطول صوته علي ما جني أمه , الله يستر بس ليه كبر اشبسوي فيني

 

[فيونكه حمره]

الله يخلي لكم عيالكم ويهديهم

 

[فيونكه حمره]

اب اب كلمو اكثر عن الاشياء الي عودتو عيالكم عليها بشنو تتميزين بتربيتج عن غيرج

 

[أم عبداللطيف]

خوش موضوع

شوفي حبيتبي من ناحيه انج تحكمين على الرتبيه صعبه انا معاااج صعبه صعبه يبلها طولت بال وتحمل ومسؤليية

بس شوفي حبيبتي لا تحطييين في بالج انج ماتقدريين تربين ولا تقدرييين عليهم بالعكس انتي شيلي هالافكار من راسج وكل شئ يتسهل والله سبحاااانه مايخلي عبده

شوفي مثلا انا عندي بنتي اللحين عمرها سنتييين ومهبلتني ومطلعه عيوني الله يحفظها وانا توني صغيرة عمري 24 بس ما حطيت براسي هالشي

كل اقول لنفسي واحط هذا دافع لي اني انا كفئ للتربية واعطي من وقتي لها واطول بالي لانه جيل هالوقت عناااااد ويحب يسوي اللي براسة

بس شنو نسوي هذي سنه الحياه وصج على تعبهم بس والله ماتسوى الدنيا بدونهم الله لا يحرمنا من الذريه ويرزق كل محرومة ويرزقج الزوج الصالح والله يا اختي الفاضله الحمدالله في بيت اهلنا عايشين ومعزيين واحلى عيشة وماعلينا قاصر بس مو مثل الحياة الزوجية والتربية ياحلوها والله صج تعب بس لها طعم وتعشيين حياتج وتحسييييين انج في كل يوم غير مو مثل الروتييين المملل بالعكس حياتج كلها في تغير

أسفه على الاطاله بس موضوعج حلو وهذا بالاول والاخير وجههة نظري الشخصية وشكرا

 

[& دلوعه زوجها &]

الله يصلحهم ويخليهم

والله من جد بلعيد كانم هذا نقاشنا انا وحمواتي وخواتي وبنات خلاتي

فقلتلهم طريقتي ؟؟؟؟ والكل بيجربها

انتم ارخو وشدو واذا الابو شديد خليك ريلاكس او العكس

والبنت اهم شي تتربا على سنع وبعدوهم عن الميعا والدلع الا في حدود

وخليك سيداااااااااااا

والله يستر عليهم مع كثر هتكنلوجيا ومغريات العصر

 

[3rosa]

والله هذا الي احاتيه قبل لا اولد

يسلمووووو على الموضوع رووووووووعه


الود ودي اعتمد على طريقة اول .. بس مع هالجيل ما راح ينفع

فراح استعير بالتربية القديمة واطورها للجيل الجديد

انا من النوع هادية .. بس ما احب الجذب ولا عناد ولا سوالف السب واااااي طفارتي
طبعا هذا للحين ما جفته بولدي لانه صغير
بس مع عيال اختي انا استعمل طرق اول بالتربية الخفيفة مثل اذا تشيطنوا اساليب العقاب و اتعبعت اسلوب سوبر ناني معاهم مشكت معاهم

بس السالفه وراها الجدة وام انسي تنجح السالفه ايد وحدة ما تصفق


والله يعين

 

[ريماا]

رد : تربيه العيال صارت صعبه شلون تربون عيالكم!!

ااااااااااااااخ جبتيها عالجرح
انا نوعى احب الهدوووووء ومااحب اشيل مسؤلية احد من يومى مدللة ومن تزوجت جبت عيالى ورا بعض تقريبا واسم لله عليهم صبيان ولله ولدى الصغير الحين باولى روضة وكل مايقولى زوجى طولتى ماحملتى ولدج كبر اسويلة فليم هندى عشان اكسر خااطرة ولا يرد يحن على
صج افتكيت من بجى الليل والسهر وطنااقر الطفولة وصار بيننا حواار بس تعبت حيل
الحين احس تونى ارتحت اشوى انا حييييييييييييييل عصبية يعنى اقعد ساعة هااااادية واتحملهم بس اذا عصبت ختمتها بمصيبة
ولله ماعندى طريقة تربية معينة ولالى مقااقة وملااااغة الحوار مع الطفل احااجى جنة شخص قدى كلمتى تنسمع غصب طيب
مع انى ابدى يومى معااهم بضحك وسوالف واحضن فيهم كل شوى بس اذا عصبت لله لايوريج وتدرين ماااكو لعبة بالكويت تنزل مو عندهم خواتى يقولى انتى تخربينهم بس مااااعرف اغرقهم العاب اهى قيم بوى وبلى ستيشن 2 و3 وبيبى بلى ستيشن والوى وبى اس بى وسى ديات لاتعد وتحصى واخيرا شريت لكل واحد اي بود ابل وهم ماااشفت الهدوووء بس الحمدلله اهون من اول
لله يصبرنى على مرااهقتهم ويخليهم لى

 

[نيبروو]

رد : تربيه العيال صارت صعبه شلون تربون عيالكم!!

والله زمن الشقااا بصراحه العيااال هم الي يربون روحهم مواحنا​

 

[ابتسمامه]

بصراحه عيالنا حيل مترفين وكل شي يبونه عندهم

3rosa ذكرتيني برنامج سوبر ناني كنت اتابعه حيل حلو وتتبع نوع العقاب مو الطق