تربيه العيال صارت صعبه شلون تربون عيالكم!!

[انوار المحبه]

-

اي والله صاجين البنات
بس الله يستر على عيالنا من بلاوي هالدنيا ويحفظهم ويصلحهم

 

[برونزية رشيقة]

موضوع حلووووووووو


أنا أنصح الأمهات وأنح نفسي بعد ....


بالدعاء



الدعاء الدعاء الدعااااااااااااااااااااااااااااااااااااء له مفعول مثل السحر


لازم نعي لهم بكل وقت أن الله يحفظهم من إعيال السوء وأصدقاء السوء ..


وإن ربي يهديهم


ويصلحهم إنشاءالله ..


وما يجعلهم عاقين ولا فاسدين ..



ملاحظة : مرة شفت دعاء للأبناء في منتدى ثاني .. بحاول أدوره و أنزله في هذا القسم .

 

[3rosa]

ابتسامه خوووش برنامج حسافه ما قامو يحطونه وايد تعلمت منه ..


برونزيه على ايدج يا قلبي

 

[مروووم]

والله هذا الي احاتيه قبل لا اولد



بس السالفه وراها الجدة وام انسي تنجح السالفه ايد وحدة ما تصفق


والله يعين

انا معاها 100 % لاني ساكنه بشقة ببيت اهلي يعني عيالي دايما ينزلون عند امي و لان اخوي بعد ساكن بشقة معانا بنفس البيت وماشالله حتى اهو عنده عيال وهم ينزلون تحت وعاااااااد شوفي البلاوي الي يسووونها واحد يعلم الثاني امبييييييه مو صج تخيلوا بنت اخوي تعلم بنتي الكلام الوصخ وانا ازفها ماكو فايدة وما اقدر احكر العيالي وما انزلهم والله يفضحووووووووني بجي لي الصبح لانهم تعودوا ينزلون عند امي فا امدلعتهم حيل اي شي يبون عطتهم
الله يعيييييييييييييينااااااا :0bee2e8d89:

 

[فيونكه حمره]

شكرا بنات كلامكم مفيد وحلو

 

[مي الحلوة]

رد : تربيه العيال صارت صعبه شلون تربون عيالكم!!

فعلا التربية هالايام صعبة ومتعبة..انا الحمد الله عندي ولدي الكبير اسم الله عليه هادي ..بس مرات يعانند..
وبنتى الله يحفظهاااا كله تحن على راسي ومسوية ازعاج بالبيت هي واخوهاااا الصغير..دايم اعاقبهم اذا سوو شيء غلط..
وما احبهم يغلطون على اي احد..ويحترمون الناس الكبار..واكثر شي علمتهم عليه انهم ما يجذبون لو شنوووو..
وما احبهم يطالعون باللى بايد غيرهم..وهم احب اربيهم على ان يراعون ان مو كل شيء لازم يكون عندهم..يعنى القناعة..
بصراحة انا ما احب الدلع الزايد لانه هو اللى يخرب الجهال..ويخليهم يتمردون عليج..
والله يحفظهم من كل مكروووه..

 

[بيبي بدر]

الله يعين عليهم
ومنكم نستفيد
مشكورة اختي صاحبة الموضوع

 

[فيونكه حمره]

مي الله يخليلج عيالج ان شاءالله

 

[سراب ملموس]

والله انا ما عندي شي اقوله زيادة على اللي قالو البنات

بس انا عندي شغلة هي:

انه التعامل بين الام و الابو يأثر تأثير مباشر على لاطفال

يعني اذا الام و الاب دايم يتخانقون قدام اليهال رح يتعقدون لان يكون كلام الام مخالف لكلام الاب فمايعرفون الصح من الغلط
و من البداية يحسون انه في طريقين

اما اذا كان الحوار هادي و متوازن و بالعقل رح يثق الطفل بنفسه حتى انه رح يتعامل مع الناس بهدوء و يكون عارف للتصرف بمواقف عديدة

 

[ام خمس بنات]

الله يعيني انا
بناتي خمسه اسم الله عليهم

3 تووووم مو مطلعيني من طوري
لاتقولون لا تطقين والله اني اتكلم اطق اهاوش اساير نفس الشي
لا حياته لمن تنادي

تعبت حيل وحرمت مااحمل لما بناتي ازوجهم خلاص لانه فعلا التربيه حييييل صعبيه

خصوووووصا البناااااااااات

 

[فيونكه حمره]

الله يعينج ام خمس بنات

 

["~FOoFOo~"]

حطيتي ايدج عالجرح


انا ولدي ماعرفت اربيه عدل دلعته علي بو انه الوحيد
الحين مايحترمني ولايرد علي وكله يعاند ويسب وماعندي الا اصرخ وازفه لاني اعصب وماتحمل هالاشياء



ياحلات قبل البيت العود مافي لانت لاالعاب بي اس بي وقيم بوي وخرابيط

كل شي بسيط
مافي يمه ابي موبايل نفس ربعي ابي الماركه الفلانيه ابي ايفون ايبود ابي ابي ابي الخ مانخلص

اتذكر انه قبل كل وحده تييب 8 او 9 يهال يربون تحتها يلعبون بالحوش ملابسهم بسيطه الاكل اكل بيت مو فاست فود الحين اندور ونحاتي اللبس والماركات ومنو الاكشخ

قبل من عيد لي عيد امي تشتريلي باربي وافرح فيها واحافظ عليها موت الحين ولدي عنده غرفه متروسه العاب حتي الزحلاقيه والديرفه فيها همن مو عاجبه ويكسرهم مايحافظ


اخر الزمن اهو الي تغير وغير هالناس والا قبل البساطه والعيشه المتواضعه ربت رياييل مو الحين يقولج الولد ليش ادرس واتعب عمري ابوي مدلعني السياره والسايق من صغره الموبايل المعاش الشهري الماركات واحث الابتوبات والخ ليش اتعب وادرس واتوضع
اصلا عيال هالوقت مايحسون بقيمة الفلوس وانها نعمه نحافظ عليها شوفيهم بالمجمعات والشوارع صايعيين ضايعيين

شقول شحجي خليها علي الله حتي الي اتعبت علي عيالها بهالوقت وربتهم اييلهم ولد ابليس يخرب اخلاقهم والمدرسه حدث بلا حرج اشكال وبيئات مختلفه

والله نفس الحاله مادري شلون اتعامل معاه؟؟؟