تدريب الخادمة

[farawla_q80ia]

السلام عليكم خواتي
ما ادري اذا موضوعي هنية مكانة اولا
بغيت اعرف افكاركم بالنسبة للخادمة بعد ما تخلص الفحص الطبي شلون ممكن ادربها علي بعض الاكلات والمطبخ ابي منكم مقترحات مثلا انا اللي يا في بالي اول شي تتعلم شلون تقلي شلون تقص بطاط عيش المشخول غسيل الدياي بس يا ليت لو وحده عندها افكار منظمة اكثر تقترح علي جدول امشي علية مع الخدامة كبدايات قبل ما ندش بالعميق
وشاكرتلكم مروركم​

 

[شـيخة الـزين]

في ناس يسوون دوات للخدم بس انشالله البنات يفيدوونج

 

[farawla_q80ia]

مشكورة عالرد لا انا مابي دورات ابي انا ابدي معاها

 

[تـــرف]

اول شي علميهااا علي النظافه قص الاظافر لبس الاشااارب غسل الايدين قبل كل شي

وبعدين خليهااا معاااج على طووول خطوه بخطوه من تقصين لين تقلين لين تنجبين .. لايغرج عيااارتهم كل شي يعرفوون بس يستهبلون شوي

والله يعينج

 

[جـــواهر]

الله يعينج صراحه .... مشكله الجديده ... خليها تشوفج وعوديها ع طبعج ولا رحتي بيت اهلج خليه دش المطبخ تشوف الطبخ وتعلم..

 

[أم خـــدود]

عادي علميها اول شي النظافه وهذي مراح تاخذ دقيقه

وكل شي تبينها تسويه انتي سويه اول مرا معاها وهي خليها تشوفج وراح تعرف

 

[قهوة عربية]

أهم شي يكون معاها دفتر وتسجل كل شي تسوينها جدامها .....لاتخلينها تعتمد على ذاكرتها

بعدين لما تعلمينها يمرة انتي تكتين العيش ومرة هي ....عشان تتيرع وماتهاب

وخليها يوم تسوى الغدا أو العشا كله بروحها ....بس انتي على راسها

وطبعا أهم شي النظافة ....ولابد تغطي راسها قبل لاتتطبخ .....وتغسل المواعين قبل الاستعمال

كذلك كمية البهارات والزعفران ....لأنهم يكتون كت البهارات ....وكل الأكل طعمه يتغير

يعني علميها على الأساسيات أول شي وإذا شفتي منها شطارة دخليها دورات ....بس عقب 3 أو 4 أشهر من حضورها

عشان تاخذ طريقتكم بالطبخ مو طريقة الدورات ....لأن كل بيت ساعات يختلف بطريقته عن طبخ الثاني .....

وخلي الدورات حق المعجنات ....الحلو ....السلطات .......وإذا شفتي ماينفع معاها التعليم ...أو مو حابه تتعلم ...لاتقطين فلوسج عليها في الدورات ....غميضة ...لأنه يكون شكله ماتبي تتعلم

 

[قهوة عربية]

حبيت أكمل ....لأن كان نهاية الدوام فكتبت على السريع ..وفيه أغلاط املائية .....السموحة

طبعا تقعدين معاها ..تعلمينها طريقة لف ورق العنب ....السمبوسة .....السبرنق رول ....الكبب ليما تاخذ ايدها على اللف

وتخلينها تحرص على الأجهزة الكهربائية ....تستعملها بلطف بدون دفاشة ...وتردها بالكرتون .......وماتكسرها أو تضيع أجزاءها

وتعلمينها وين تحط الأكل ....( اللي بالثلاجة ...واللي بالفريزر ....واللي بالكبتات والأرفف ....)

ولابد تنظف المطبخ يوميا ...وتغسل الجولة بعد الطبخ ....وتغسل الأرضيات والجدار ....والمغاسل ...وماتخلي صابون على المغسلة بعد الانتهاء من غسل المواعين عشان لاتكون فيه ريحة زفرة

وخليها تخصص ماعون واسفنج للصحون ...وآخر للقلاصات ...وثالث للقدور ....( حرصي على هالنقطة .....)

وإذا تقلي البطاط أو أي شي ثاني ....لاتكت الدهن بالبالوعة بعد الانتهاء من القلي ....خل تحطهم في البرطمانات المستعملة مثل برطمانات ورق العنب أو زجاجة الدهن المنتهية ...وإذا برد تلفه بالكيس وتضعه بالزبالة


وتنظف الثلاجات أسبوعيا .....( تطلع كل اللي فيهم...وتعدل الأرفف ...وتقط المنتهي صلاحيته أول بأول مثل الطمام أو الفلفل أو أو الخيار أو الخضرة أو الأجبان ...)

والفريزرات بالشهر مرة ....تطفي الفريزر من الليل ...وبالصبح تطلع اللي فيهم وتنظفهم عدل .....

وعلميها تقرأ تاريخ الانتهاء وتاريخ الصلاحية ....وتذكرج بالمنتهي صلاحيته .....لاتخلينها تقطهم قبل لاتشوفينه

بالنسبة للسكاكين ....علميها اللي حق البصل غير عن الخضرة والفاكهة عموما ....غير عن اللحم والدياي .....مو تاكلون الفاكهة ريحتها بصل

حتى القطاعة اللي تقطع عليها الأكل ....3 أنواع ( عشان ماتخربط ...اشتري للبصل اللون الأبيض ...وللخضرة اللون الأخضر ...وللحم والدياي اللون الأصفر ) أنا هذه طريقتي .....

بس ماأدري انتي تبين تعلمينها على الطبخ فقط أو للبيت عموما .....لأن إذا كانت للبيت ....فهناك أمورأخرى وجدول آخر ....
والله يعينج

 

[frfr197]

اول شى تعلمينها تغسل ايدينهاوتلبس القبعه حق شعرها.....وبعدين اذا تبينها تتعلم على الطبخ لازم تكتب معاج واذا للنظافه انتى تعلمينها على طريقه تنظيفج لبيتج

 

[sad_angel]

ماشاء الله البنات كفو و وفو

 

[بيت التوت]

ومنكم نستفيد



بااااااارك الله فيكم

 

[ناتشوو]

يعطيكم العافية

قهوة عربية

كملي
اشلون نعلمها شغل البيت

 

[عهود الحب]

كملي قهوة انا متابعتج

تعلمت منج شغله ههههههههههههههههههههههههه عقب ماشاب ودوه الكتـّاب على قولتهم
انا استفدت منج سالفة الوان السكاكين
لأنه كل مرة نفس الغلططططة وانقهر
ابيها تفرق بينهم
وخلاص قررت لذلك لما اتقضى لشغل رمضان الجاي ان كانا من الحيين قولوا امين { ياملحق خير يارب

انه كل سكين لها لون يمت بصلة للشي اللي بتقطعه :dddds: هههههههههههههه
اللحم احمر الخضرة اخضر البصل ابيض

هياااااااااااااا هولي هيا هلمة

that's an aha idea
ذاتس ان اها ايديا < متأثرة بأوبرا :dddds:

حدي قرقت
شكرا :aha:

 

[عهود الحب]

للرفع ننطر الدرس رقم 2


تحمسنا للنظافة

 

[bnt_kwt]

ماشاء الله افكار قهوه بريه وايد حلوه

انا عن نفسي اول ما يبت خدامتي
فتشت كل اغراضها وعلى هالاساس رحت جهزتها من الالف الى الياء

كل شي يديد ونضيف

طبعا انا خدامتي مسلمه ومتحجبه
فحجابها ما يطيح من راسها الا وقت نومها او اذا كانت بغرفتها غير جذي مستحيل ينفصخ

تحرصين على تقرض الاضافر لانها من النظافه يعني حرصي انه اضافرها ما يطولون ابدن

لازم تحرصين انها تلبس دسوس gloves اللي يكونون نايلون
يعني من تدخل من باب المطبخ تلبس الدسوس ما تفصخهم الا لما تطلع

انا حتى غسال المواعين وكل شي اخليها واهي لابسه دسوسها انظف لها ولي بصراحه

واول شي وديتها شهر بيت اهلي
تعلمت على النظافه عدل وبعدين رديتها عندي البيت
والحين الحمدلله ماشيه الامور وياها زينه عال العال

وبالنسبه لي انا وايد دقيقه معاها من ناحيه النظافه ادقق عليها وايد

والحمدلله اهي من هالناحيه امينه اشكثر سويت عليها كبسات ومداهمات ههههههههه

وانا الحين اخليها تسوي خفايف يعني لي الحين ما طبخت طباخ عدل كله تقلي وبالفرن
عيوش لي الحين اخاف اعتمد عليها لانه ريلي ما يحب التجارب ولا ودي اجرب اخليها تسوي عيوش ومجابيس بس ما يرضى

وسلامتج ان شاء الله اكون افدتج بشي ولو بسيط

 

[أوشال]

كملووو بنات

يعطيكم العافيه على الأفكار والنصائح

 

[عيالي غناتي]

بالنسبه لي

اعلمها على للي انا ابيه اولا النظافه ثانيه طريقت ترتيبي بالبيت وكل شي اسويه اخليها تشوف بس بعدين خليها تشتغل

انا خدامتي بعد فتره خليتها تشتغل لاني شهر كنت اادربها بس

 

[@الجود@]

كفت ووفت الاخت قهوة عربية والاخوات الله يعطيهم العافيه

 

[شكليطه]

يعطيكم العافيه كل البنات اللي ردوا استفدنا منكم وايد وخصوصا قهوه بريه يزاج الله خير


طبعا انا مالي شغل بالخدم بالنسبه للمطبخ اللهم الا داخل البيت والتنظيف وهالسوالف

لكن هالمره يبنا طباخ وقلت عاد كافي امي الله يحفظها خرجت شيفات من هالمطبخ ولازم ترتاح....

والله حسيت بمعاناتها حسبي الله على هالخدم يقعدون جم سنه ومايردون وياخذون التعليم ببلاش


المهم ما اطول عليكم بقولكم تجربتي (واللي ينطبق على الطباخ ينطبق على الخادم عادي)

اول شي عقب ماخلص فحصه.. طلعت المطبخ كللللللللله عشان ارد ارتبه تحت عينه (وطبعا كان موت هلالالالالالالاك خصوصا اللي عندها مطبخ كبير انصحها وانصح نفسي قبل....تخصص يوم حق جزء معين عشان لايتكود التعب)
المهم راويته مكان البهارات البارزة واللي حق الاستخدام اليومي....وخليته يصف البهارات اللي بكميات كبيره وقلت له هذي تاخذ منها كل ماخلصت اللي عندك

بعدين رتبنا باجي الاغراض (الطحين والمعكرونه والعيش بمكان.....واغراض الكيك بمكان)

وبعدين راويته كبت المواعين والجدور وصفينا كل شي بروح

واهمممم شي حددت له الفوط والخرج اللي يستخدمهم......عطيته فوطه خاصه بس حق ايده (عطيته ثنتين) وقلت له هذول بس حق ايدك مابي اشوفك تستخدمهم بشي ثاني وعلقها داخل المريول

وطبعا المريول حطيت له علاق عند ليت المطبخ يم الباب....يعني يمد ايده يبي يفتح الليت ياخذ المريول على طول وفوق القبعه

وعلقت بعد على كبت المواعين فوطتين خاصين بس حق تنشيف المواعين وهم نفس التحذير

اما باجي الخرج حطيتهم بدرج خاص وقلت له هذي حق الاسطح والارضيات


الحين ننتقل حق تعليم الطبخ

ماشاءالله اللي عندي احسه يلقط ويفهم......بس مايعرف عربي لكن انا شوي شوي معاي

طبعا عودته قبل اي شغله يروح يغسل ايده......هههههههه وحاطه نوع صابون اللي ريحته قويه يعني اول مايوقف يمي تفوح ريحه الصابون واعرف انه مغسل عدل

وعطيته دفتر وقلم......واقوله يالله الحين بنسوي الطبق الفلاني(طبعا اكلمه بالانقليزي) واقوله اكتبه باللغه مالت
واقوم انا اكتب على الورقه نفسها اسم الطبخه

المهم ابدي معاه شوي شوي...وكل ما اقوله شي يهز راسه هههههههههه وانا معاه

ومثلا اذا الشغله راح تطول او تحتاج شغل زياده انا اسويه نصه واخليه اهو يسوي وراي


مثلا حماس البصل احمس شوي واخليه يكمل.......او مثلا لف ورق العنب وجذي

وعلمته بعد ان يغسل ايده عدلللللللللل عقب البصل والثوم ولايجيس شي قبل لايغسلها عشان لايعفس الدنيا علي

وبالنسبه لتنظيف المواعين انا حاطتله اسفنجتين.....وحدة حق التنظيف الخفيف مثل القلاصات والمواعين ملوت الاكل اللي مافيهم دسم ولاريحه زود
والاسفنجه الثانييه حق المقالي والجدور


وطبعا مثل ماقالوا الخوات....لوح تقطيع الفاكهه صغير ولونه مميز.....ولوح تقطيع اللحم والدياي .....ولوح الخضره


وانا احب اغيرهم بين فتره والثانيه ماحب اشوف لونهم متغير






وسلامتكم

 

[سلوى هانم]

الله يعين قلبج احنا متعودين اقصد امي وخواتي كله انيب خدامات يددد بغراطيسهم يعني مو مشتغلين من قبل والله يعرفون

والله شيء على قولت امي جذي احسن اتعلمينه على ايدنج وعلى شغلج بدون ما تتفلسف عليج انا توني نفسج يابه خدامه

يديده اول شيء و اهم شيء علميه على نظافته الشخصيه انا اشتريله كل شيء من الالف لي الياء واهم شيء الصدريه

والقلفز واقوله ملابسج اللي يايه فيهم حطيهم بجنطه و اخليهم باكبت وماتلبس الا اللي شريت لها اهم شيء كل يوم تسبح

واتغير اهدومه اصراحه انا شاريتله صدريه الخام موبيضه ماخذه كل الوان اقوله حق الشغل ومخصصه لها ملابس حق

الطلعه واهم شيء لبسه الدس اول ماتدخل المطبخ اصراحه انا امعلمته على القلاي بس انا اطبخ وجهز حق طباخي

بنفسي اول ماعلمته اشلون اتنظف الحمامات وان صدريه الحمام و القلفص غير عن صدريه البيت قلفص المطبخ و

حاطله برنامج اول ماتقعد من النوم شسوي نصيحه علميه على ايدج لا تعتمدين على الخدم ان يعلمونه ( انا اضحك

امسكته اورق وقلم وكل شي اقوله تكتبه طبعا باشاره او ادق على خدامه بيتنه اترجملي:dddds اهم شيء عندي

النظافه الشخصيه / ترتيب وتصفيط وضرب الملابس / اتغسل المطبخ والحمامات عدل / اتخم وبعدين اتمسح الارض

بديتول / اتمسح البيبان كل يوم /ا لطوف كل يومين / الدرايش كل اسبوع / اتمسح الطاولات و الكراسي والمكتبه كل

يوم / واتعدل دار اعيالي و انا علي الطباخ و غسيل الهدوم لاني ما احب الخدامه اتجيس الغساله وانااغسل اهدومي

الخاصه وزوجي بديني و ارتب داري ما تدخله كلش وفي نصايح قالوهه البنات ما قصروه انا امعلمته الخدامه .