تحرشوا في ولدها جنسيا!!!! شنو اتسوي؟؟؟؟

[الفنانه79]

السلام عليكم
اشلونكم بنات
والله ان قاعده اكتب لكم الموضوع وانا صاكه فيني الدنيا جذي وصلنا ؟؟؟؟
وقلت لازم اكتبلكم علشان ماتكونون غافلين عن اعيالكم ؟؟ وان الدنيا اتخوف
وقلت نتناقش شنو انسوي لازم انعلم اعيالنا ياخذون حذرهم من المواقف اللي مثل هذي :eh_s(14):
المهم خلني اقولكم سالفة ولد رفيجتي
ولد رفيجتي بصف سابع واتقول ان في شلة اصبيان حاطين عليه وكله يقولون له انت حلو والا؟؟؟؟؟ انتوا فاهمين طبعا ويقولون له تعال معانا الحمام واهو طبعا يخاف واحيانا يقولون حقه راح نمسكك بالهده
المهم ان اليوم شنو سوو يا واحد منهم جان يلزق ورا الولد وسواله حركه بيدهمن ورا انتوا فاهمين؟؟
الولد يا وماتكلم بس الام لاحظت ان الولد ضايق خلقه ويقولها ماابي اروح المدرسه واقعدت اتجره بالكلام لحد ماقالها كل شي:eh_s(14):
الحين شنو المفروض اتسوي؟؟
وهذا الشي والتحرش منتشر عندنا في المدارس بشكل مو طبيعي وانا اعتقد ان المفروض ان انعلم الياهل هذي الاشياء علشان انحافظ عليهم صح؟؟؟
امهات عطونا رايكم في هالموضوع وشنو الطرق الصحيحه اللي لازم الام تتبعها مع اولادها علشان اتحافظ عليهم من التحرش الجنسي اللي موجود ومنتشر عندنا وايد في المدارس والشوارع
امانه امهات شاركونا ترى الموضوع مهم
((عسى الله يحفظ اعيالنا ))

 

[ذكريات]

و الله مادري شقول

بس صج انصدمت ما توقعت هالشغلات وصلت لليهال بهالعمر !!!​

 

[الفنانه79]

هلا والله ذكريات مشكوره على المرور

والله ان لو اسولفلج عندنا بلاوي بالمدرسه بس الله يستر على اعيالنا

 

[ريفيل]

المتوسطة مرحلة خطرة بحياة المراهق لازم تعلم ولدها انه لازم يكون قوي ويدافع عن نفسة مو ضعيف يسكت .. لازم يوقفهم عند حده اهو بنفسة مو اهي او ابوه لازم تخلي شخصيته قويه وتفهمه اللي ما يحافظ على نفسة ما راح يقدر يحافظ على خواته وبيته خليها تكون معاه صريحة شوي الموضوع ما يبي يلميحات وتلطيف

 

[سبائك]

عسى الله يستر بستره

والله ما ادري شنو الحل بس الولد لازم يتعلم يدافع عن نفسه

واذا عنده اخو اكبر منه او خال او عم بس مو اكبر بوايد يكونون قريبين شوي من عمره واقويا يروحون حق هالشله بالهده ويهددونهم اذا ردوا سووا الحركه هذي مره ثانيه بيشوفون شي ما شافوه من قبل

يعني خل يكون عنده ظهر قوي بهالحاله محد يقرب منه ان شاءالله

ترى مجتمع الصبيان ما ينفع فيه يقول حق الناظر ولا الوكيل

ما ينفع معاهم الا القوه وآخذ حقي بأيدي وبسسسسسسسسس

حتى آنا أبوي كان ناظر سابق ويعرف هالامور......لما ياه أخوي يقول له طقوني الصبيان قال له الي يطقك طقه......أمي قالت ليش ما يعلم الاخصائي اوالمدرس!!!!!!! ......رد قال الي يطقك طقه!!!!!!!

بعد اذا الناظر يقول جذي فخلاص ما يبيله أكيد أهو عارف هالمجتمع شنو الي يصلح له​

 

[ياسميين]

الله يستر على عيالنا يا رب
طيب شلون اذا كان الولد طبعه هادي والعيبه ما تطلع منه
شلون يدافع عن نفسه والمصيبه انه طبعه ما يتشكى​

 

[مسك 3]

الله الحافظ
حبيبتي لازم تعلمه ان هالشي راح يأذيه ولازم تقول له انه بنفسه يوقفهم عند حدهم ،ومن ناحيه ثانيه لازم الابو أو أي ريال يروح المدرسه وينادون هالشله وينادون ولده ويتعاقبون أشكره جدامه ،واذا كانوا مدرسين مشرفين على هالموضوع لازم يشددون بالعقاب .
من ناحيه ثانيه لازم تشرح له ان بالاسلام الفاعل والمفعول به يقتل (صححوا لي اذا كنت غلطانه)
وبصراحه اذا المدرسه ما كان لها نظام عقاب واضح ما فيها شي ان أحد من الكبار يشوف هالشله منو أهلهم ويروح لهم البيت او يوصل الى معارفهم بحيث يعرفون تصرفات عيالهم ويوقفونهم عند حدهم،وبصراحه اذا ثبت انهم مسوين هالشي مع غيره من الطلبه ما فيها شي اذا ضغطوا على الاداره انهم يفشلونهم حتى بالطابور وينادون أهلهم ويحرجونهم .
استغفر الله شهالتربيه اللي بو 12 و13 قام يتحرش أشكره بالمدرسه ويهدد هذا اذا وصل الجامعه شبيصير -الله لا يبلانا ويحفظ عيالنا واخواننا
احتريت بصراحه اذا بالمدرسه ما تأمن على ولدها وين بتأمن هالفقيره .وبعد انصحها تدخله دوره كاراتيه والا جودوا عشان أي واحد يتحرش فيه يرفسه رفسه تخليه اسبوع يفتر مكانه .
أمبييه حدي انفعلت بس عور قلبي

 

[ريفيل]

(طيب شلون اذا كان الولد طبعه هادي والعيبه ما تطلع منه
شلون يدافع عن نفسه والمصيبه انه طبعه ما يتشكى)

هذا لو بنت نقول ما شاء الله بس الصبي لا لازم يكون قوي وعينه قويه

 

[الفنانه79]

مشكورين بنات على المرور
والله ان من قالتلي احتريت وماطلعت من حرتي على ولدها ليش جذي لاحول ولاقوة الا بالله جذي وصلنا في مجتمعنا انا على مايكبرون اعيالي يمكن اداوم معاهم بالمدرسه
والله التفكير ذبحني من حرتي عليها وعلى ولدها

 

[ياسميين]

والله صج يا فنانه شي يحر القلب
ريفيل يا ربي شسوي فيه صح انه مؤدب زياده عن اللزوم
​

 

[brownness]

لاحول ولا قوة الا بالله

 

[الفنانه79]

وين تفاعلكم بنات ؟؟؟؟
ترى الموضوع خطير على مستقبل اعيالنا ولازم انشوفله حل ونبي حل علمي منطقي نقدر نفهم من خلاله وانعلم اعيالنا او انركز فيهم ان يدافعون عن نفسهم وان هذا الشي خطر

 

[الفنانه79]

اها نسيت اقولكم
ان تو عندنا في المدرسه ناقلين لنا طالبه نقل تأديبي بالصف السابع لان شاكينها مع بنت خالتها في حمام المدرسه >>طبعا فاهمين شنو قاعدين يسووون
واول الاسبوع احنا شاكيين عندنا طالبتين بثامن يشمون باتكس تخيلوا هذا احنا بنات وشوفوا وين وصلنا!!!1
وغير البويات اللي منتشره في المدارس بشكل مووووطبيعي
يارب تستر على اعيالنا

 

[الغاليه نونو]

قبل كل شى خل تعالج الخلل اللي بينها وبين ولدها يعني ماعرفت السالفه الا يوم قال ماني رايح المدرسه المفروض من اول يوم الولد يصارح امه ويقول لها ترا صار لي بالمدرسه كيت وكيت....هذى مشكله بحد ذاتها العيال يخشون علي امهاتهم هالسوالف شى خطير والله لازم تكون علاقتكم بعيالكم مفتووحه عالآخروتعرفون عنهم كل كبيره وصغيره

نرجع لمشكلة رفيجتج اول شى تسويه لازم تطير المدرسه باجر وتعلم الناظر بهالمصخره اللي صايره بالمدرسه شمهنته ناظر علي الطل ولازم يسحبون هالخمه اللي يتحرشون بالولد ويعاقبونهم بالطابور جدام الكل ولازم الام تشتكي بالمخفر علي الاقل تضمن انهم مايتعرضون له يعني الشكوه تكون من باب التخويف مو التهويل وتكون هالشكوه رادع لكل طالب يفكر يتحرش بولدها وعقبها تراقب ولدها بكل كبيره وصغيره وتكون قريبه منه لابعد الحدود
شى يعور القلب ويقهر بنفس الوقت انا بعرف هالامهات مايحسون بالتغييرات اللي تصير بعيالهم؟؟؟؟؟ يعني لي هالدرجه فيهم ثواله زايده؟؟
اشوف هاليهالو بالجمعيه اربعه وعشرين ساعه عالقواري وردحه واللي يتمشون بالجمعيه الصبح حزت دوامات المدارس والا تلاقينهم بالحدايق يلعبون وياعالم شيصخمون وين اهلهم وين عنهم وين ادارة المدرسه وين التواصل بين الاهل والاداره؟
مانطق اصبع ونصارخ الا لي شفنا عيالنا يشكون من البلاوي اللي تصير لهم وتالي نقول ياريت اللي جرا ماكان
لاحول ولاقوة الاا بالله العظيم

 

[الفنانه79]

مشكوووووره الغاليه نونو على المرور والكلام الطيب

 

[honey2005]

الله يستر على عيالنا والله
انا اشكثر اوصيهم والله يحفظهم

 

[النبع الصافي]

اتا من رايي يتعلم الدفاع عن النفس بالكراتيه اوغيره وانا مفكره ادخل عيالي النادي يتعلمون الكراتيه ...
واذا على بلاوي المدارس ماتخلص الله يحمينا يارب ويحمي عيالنا ...

 

[Brounzi_girlly]

خل يشتكون على الشلة ويوصل الخبر لاهاليهم الموضوع حساس ماينسكت عنهواهوة لازم يدافع عن نفسه وصح الي يطقك طقه
مع تحياااااااااااتي..........​

 

[الفنانه79]

مشكورين يالغاليات على المرور
بس نبي حل نفسي واجتماعي نغرسه في اعيالنا علشان ياخذون احتياطهم
والناس ماتبي ان يدرسون اعيالنا ثقافه جنسيه والله انا من بعد هالسالفه صرت اقول لازم يفهمون الياهل عن الثقافه الجنسيه

 

[أم ^ علي]

الله يعين
بلاوي هالدنيا ماتخلص والله صراحه تفآجأت ماني عارفه شقول