تحرشوا في ولدها جنسيا!!!! شنو اتسوي؟؟؟؟

[شهدQ]

اختي نقلووووووووووووووو الولد

نصيــــــــــــــــــــــــــــــــحه

قبل لايطيح الفاس بالراس

ولازم لازم الولد يختلط بمجتمع قوي من اقرانه بالعايله

صج راح ينطق بس تالي يتعود يطق وينطق

انا ولدي الصغير خجووول وقاعد احاول اخلطه باقرانه

مجمتع الصبيان مايرحم ديربالك

والمفروض مدارس الصبيان والبنات يحطون حراس يم الباب دراء للمشاكل !!!​

 

[محبوبة الديرة]

السلام عليكم ورحمة الله وبركاته :
بصراحة شدني الموضوع لأن عيالي قرب دخولهم المدارس وأنا من كثر ما أسمع عن مشاكل المدارس أحس إنا بعدنا عن الدين الأسلامي كل البعد وين الحياء وين الخوف من الله وين النازع الديني وين العفة وين كل هذا بمجتمعنا

بصراحة أنا اخاف على عيالي من هالمواقف والله أني اموت الف موتة ولا ينحطون عيالي بالموقف وبصراحة ابي حل شنو انسوي علشان عيالنا ماينحطون بهالمواقف حل يكون شامل يعني شنقولهم شنعلمهم شسوان اللي تعرف تقول

 

[زهرة اللوتس]

حسبي الله ونعم الوكيل
اول نخاف على البنت
الحين نخاف على البنت والولد
لازم ابوه يكلمه احسن ويعلمه شلون يدافع عن نفسه

 

[الفنانه79]

مشكوررررين بنوتات على هالنصايح والكلام الحلو

 

[سلطانة]

السلام عليكم ورحمةالله وبركاتة

يعطيج العافية فعلا موضوع حساس انا ولدى فجاة كرهة المدرسة ولما سالت وباصرار انا وابوة يقول ان الصبيان يسوون حركات وسخة واصريت علية لين قال
ان الصبيان يستاذنون من الحصة علشان يشربون ماي وهم يتواعدون فى الحمام وقالولى تعال معانا ولدى الله يحفظة وحيد بين اربع بنات ما يعرف هالشغلات فلما شافهم صارت له حالة نفسية وصار قلق بالنوم والحمدلله تخطى هذى المرحلة ورحت للمدرسة ونقلته من صفة وبلغت الناظرة ممنوع الخروج من الحصص ونطرت امهاتهم بالهدة وبلغتهم لانهم حرام ثالثة ابتدائى شذية شنو هذى الاخلاق وين التربية الحمدلله انهم مالمسو ولدى بس تاثرت نفسيتة وقعدت اقرى قران علية الحمدللة ولدى يصلى ويروح مع ابوة المسجد ومايعرف السوالف الله يحفظة ويحفظ عيالكم والله يهديهم ومشكورة

 

[همس الورود]

لا حول ولا قوة الا بالله العلى العظيم
هالموضوع خطير ولازم نلقاله حل ...... ولد اختى تعرض لهالموقف
راح ابوه واشتكي علي الصبيان ولكن لا حياة لمن تنادي فنقله مدرسة ثانية قبل ما تطيح الفاس بالراااااااااس
والحمد لله نفسيته تغيرت وصار احسن

بس هذا مو حل نبى حل يوقف هالعيال عن هالسوالف الوصخة اللي يسوونها
وهو كله من تربية الاهل ..... الله المستعان
انا براي نعلمهم شلون يدافعون عن نفسهم

 

[زيـنـه]

الدور دور الابو اهني . . . يوقف مع ولده و يطمنه و يهديه و ينسيه اللي صار .. و يراجع المدرسه و ياخذون اجراء على هالصبيان الشياطين .. على الاقل ينفصلون او يعلمون اهلهم .. و صف سابع يعني كبير و يقدر يشرح لابوه .. الام ما تقدر تسوي شي كثر الابو في هالموقف .
الله يعينها .. و يعقل هالصبيان .

 

[aloyaa]

هئ هئ هئ هئ شنسوي بعيالنا ياربي ودي احطهم بصندوق واخشهم
الله يحفظ عيالنا من هالأشكال